Tag: کراچی فیکٹری

کراچی : فائر بریگیڈ حکام نے سائٹ سپر ہائی وے پر فیکٹری میں لگنی والی آگ کو تیسرے درجے کی قرار دے دیا ، جس کے بعد کراچی کے تمام واٹر ہائیڈرنٹس پر ایمرجنسی نافذ کردی گئی۔

تفصیلات کے مطابق کراچی کے علاقے سائٹ سپر ہائی وے پر فیکٹری میں لگنے والی آگ تاحال بے قابو ہے، فائر بریگیڈ حکام نے فیکٹری کی آگ تیسرے درجے کی قرار دے دیا ہے۔

کراچی کے تمام واٹر ہائیڈرنٹس پر ایمرجنسی نافذ کردی گئی ہے ، فائر بریگیڈحکام نے بتایا کہ شہر بھر سے فائر ٹینڈرز کو طلب کرلیا گیا، گراؤنڈ فلور اور میز نائن فلور کو آگ نے لپیٹ میں لے رکھا ہے۔

حکام کا کہنا تھا کہ آگ بجھانے کے لئے فوم کا استعمال بھی کیا جارہا ہے، متاثرہ فیکٹری کی عمارت 1500 سے 2000 گز کے رقبے پر محیط ہے جبکہ عینی شاہد نے بتایا کہ فیکٹری کے اندر سے دھماکوں کی آوازیں بھی آرہی ہیں۔

سائٹ سپرہائی وے پرآگ لگنے والی فیکٹری کے مالک کا کہنا ہے کہ فیکٹری میں موٹرسائیکل پارٹس بنائے جاتے تھے، آگ صبح ساڑھے دس بجے لگی، جسے بجھانے کیلئے فائر بریگیڈ کا عملہ بروقت پہنچ گیا تھا۔

کراچی : سائٹ سپر ہائی وے پر موٹر سائیکل پارٹس بنانے والی فیکٹری میں لگی آگ پر کئی گھنٹوں بعد بھی قابو نہیں پایا جا سکا، آگ بجھانےکے دوران 2 فائرفائٹر بیہوش ہوگئے۔

تفصیلات کے مطابق کراچی کے علاقے سائٹ سپرہائی وے میں فیکٹری میں اچانک آگ لگ گئی، اطلاع ملتے ہی فائربریگیڈ کی گاڑیاں پہنچی اور لگنے والی آگ پر قابو پانے کی کوششیں کررہی ہے تاہم اب تک آگ پر قابو نہ پایا جاسکا۔

فائر بریگیڈ کی 4 گاڑیاں آگ بجھانے میں مصروف ہے جبکہ مزید گاڑیاں بھی طلب کرلی گئیں ہیں، فیکٹری میں لگی آگ بجھانے کے دوران 2 فائر فائٹر بیہوش ہوگئے ہیں۔

پولیس اور ریسکیو ٹیمیں بھی پہنچ گئیں اور امدادی سرگرمیاں جاری ہے، عینی شاہد نے بتایا کہ فیکٹری میں6سے 7دھماکوں کی آوازیں بھی سنی گئیں۔

سائٹ سپرہائی وے پرآگ لگنے والی فیکٹری کے مالک کا کہنا ہے کہ فیکٹری میں موٹرسائیکل پارٹس بنائے جاتے تھے، آگ صبح ساڑھے دس بجے لگی، جسے بجھانے کیلئے فائر بریگیڈ کا عملہ بروقت پہنچ گیا تھا۔