کراچی: یاسین آباد میں دفتری لباس میں ملبوس مسلح ملزمان 20 سیکنڈ میں گلی سے گزرتی خاتون کے گلے سے سونے کی چین چھین کر فرار ہوگئے۔
تفصیلات کے مطابق کراچی کے علاقے یاسین آبادبلاک 9 کے قریب 20 سیکنڈ میں ڈکیتی کی واردات ہوئی، جس میں مسلح ملزمان نے خاتون کے گلے سے سونے کی چین اتروالی اور فرار ہوگئے۔
21 اکتوبر کو ہونے والی واردات کی فوٹیج سامنے آگئی ہے، گلی میں پہلے موٹرسائیکل سوار ملزمان کو گزرتے دیکھا جا سکتا ہے۔
فوٹیج میں دیکھا گیا کہ ملزمان کے بعد ایک خاتون گلی سے گزرتی ہیں اور وہی ملزمان گلی سے واپس گھوم کرآئےاورخاتون کوروکا، پیچھے بیٹھےملزم نےخاتون سے کہا چین اتارو، جس پر خاتون ہچکچانے لگی تو ملزم موٹرسائیکل سے نیچے اترا، ملزم نے اپنے اور ساتھی کے بیچ میں پستول چھپا رکھا تھا۔
فوٹیج میں دیکھا جاسکتا ہے کہ خاتون کی چین اتارتے ہی ملزم نے جھپٹا مارا اور واردات کے بعد باآسانی فرار ہوگئے۔
قریب کھڑا نوجوان پوری واردات ہوتے دیکھتا رہا تاہم دفتری لباس میں ملبوس ملزم بظاہر لنگڑا کر چل رہا تھا۔
