Tag: کراچی موسم

کراچی : شہر قائد شدید گرمی کی لپیٹ میں ہے، شہر میں 4 سے 5روز درجہ حرارت میں ایک سے دو ڈگری اضافے کا امکان ہے۔

تفصیلات کے مطابق کراچی میں سمندری ہوائیں جزوی طور پر معطل ہونے کے باعث حبس کی کیفیت ہے، شہر میں آج درجہ حرارت 40 ڈگری تک رہنے کا امکان ہے۔

محکمہ موسمیات کا کہنا ہے کہ شہر میں4 سے5 روز درجہ حرارت ایک سےدوڈگری اضافے کا امکان ہے جبکہ اکتوبر میں درجہ حرارت 35 سے 40 ڈگری تک رہے گا۔

موسم کا حال بتانے والوں نے کہا کہ دن میں زیادہ ترشمال مغرب سمت سےہوائیں چلیں گی ، صبح کےاوقات میں ہوامیں نمی کاتناسب  60سے70 فیصد جبکہ دن اورشام کےاوقات میں نمی کاتناسب 25سے35فیصد رہے گا۔

دوسری جانب محکمہ موسمیات کے مطابق گلگت بلتستان اور کشمیر میں موسم خشک اور مطلع جزوی طور پر ابر آلود رہنے کی توقع ہے، اسلام آباد، لاہور، پشاور میں موسم خشک رہنے کا ا مکان ہے۔

کراچی : محکمہ موسمیات نے کراچی والوں کو خبردار کردیا، آج درجہ حرارت 39 ڈگری سینٹی گریڈ تک جانے کا امکان ہے۔

تفصیلات کے مطابق ملک کے مختلف جگہوں پر بادل برس رہے ہیں، کوئٹہ، مستونگ اور بلوچستان کے دیگر علاقوں میں بارش سے موسم خوشگوار ہوگیا ہے۔

کراچی میں معاملہ کچھ الگ ہی دکھائی دے رہا ہے، سورج اپنے پورے آب وتاب سے آنکھیں دکھا رہا ہے، اکتوبر میں بھی گرمی جوبن پر ہے۔

شہر میں درجہ حرارت مزید بڑھنے کا امکان ہے، آج اور کل پارہ 39 ڈگری تک جانے کا امکان ہے، گرمی کی جزوی لہر کے دوران درجہ حرارت اوسط سے تین ڈگری تک بڑھ سکتا ہے تاہم ہیٹ ویو کا کوئی امکان نہیں ہے۔

محکمہ موسمیات کا کہنا ہے لکہ شہرمیں سمندری ہوائیں جزوی معطل ہیں جبکہ بلوچستان کی گرم شمال مغربی ریگستانی ہوائیں اثرانداز ہیں ، ہوا میں نمی کا تناسب اضافی رہنے کے نتیجے میں گرمی کی شدت اصل درجہ حرارت سے زائد محسوس کی جاسکتی ہے۔

دوسری جانب شہر کا فضائی معیار مضرصحت ہے، دنیا کے آلودہ ترین شہروں میں کراچی پانچویں نمبرپر ہے، ہوا میں آلودہ ذرات کی مقدار 154 پرٹیکیولیٹ میٹرز ریکارڈ کی گئی۔

ایئرکوالٹی انڈیکس کا کہنا ہے کہ سو سے دو سو پرٹیکیولیٹ میٹرزانسانی صحت کیلئےمضرہے، دو سو سے 3سو پرٹیکیولیٹ میٹرز انسانی صحت کے لیے خطرناک ہے۔

کراچی : محکمہ موسمیات نے آئندہ دنوں میں کراچی کا موسم گرم رہنے کی پیش گوئی کرتے ہوئے کہا کہ بارش کا کوئی امکان نہیں ہے۔

تفصیلات کے مطابق محکمہ موسمیات نے کراچی کے موسم کی صورتحال کے حوالے سے کہا ہے :بارش برسانےوالاہواکےکم دباؤکاسسٹم کمزورہوگیا، شہر میں آج بارش کا کوئی امکان نہیں.

شہر مطلع جزوی ابرآلود،موسم مرطوب رہنےکاامکان ہے، شہرکاموجودہ درجہ حرارت 26 ڈگری سینٹی گریڈریکارڈ کیا گیا جبکہ 18 کلومیٹر فی گھنٹہ کی رفتارسےہوائیں چل رہی ہیں اور زیادہ سےزیادہ درجہ حرارت 32 سے 34 ڈگری سینٹی گریڈتک رہنے کا امکان ہے۔

محکمہ موسمیات نے آئندہ دنوں میں شہر کا موسم گرم رہنے کا امکان ظاہر کردیا۔

دوسری جانب ملک کے بیشتر علاقوں میں موسم گرم اور خشک رہے گا، بالائی خیبر پختونخوا ،جنوب مشرقی سندھ، کشمیر اور ملحقہ پہاڑی علاقوں میں چند مقا مات پر تیز ہواؤں اور گرج چمک کے ساتھ بارش ہو سکتی ہے۔

محکمہ موسمیات کے مطابق اسلام آباد اور گر دو نواح میں موسم گرم اور خشک جبکہ مطلع جزوی ابر آلود رہنے کا امکان ہے جبکہ سندھ کے بیشتر اضلاع میں موسم گرم اور خشک رہے گا۔

میر پورخاص، عمر کوٹ، مٹھی اورتھر پارکر میں چند مقا مات پر تیز ہواؤں اورگرج چمک کے ساتھ بارش ہو سکتی ہے۔

پنجاب کے بیشتر اضلاع میں موسم گرم اور خشک رہنے کا امکان ہے۔ مری، گلیات اور گردونواح میں تیز ہواؤں اورگرج چمک کے ساتھ بارش ہو سکتی ہے۔

کراچی: شہر قائد میں مطلع ابر آلود ہونے سے موسم خوشگوار ہو گیا جبکہ کل سے گرج چمک سے بارش کا امکان ہے۔

تفصیلات کے مطابق محکمہ موسمیاتکا بتانا ہے کہ کل سے کراچی میں مون سون ہوائیں داخل ہونے کا امکان ہے، 29 جولائی کی دوپہر یا رات سے کراچی میں گرج چمک سے بارش کا امکان ہے۔

محکمہ موسمیات کا کہنا ہے کہ مون سون کا تیسرا اسپیل تیز بارش برسائے گا، بارشوں کا یہ سلسلہ 31 جولائی تک جاری رہے گا، 3 اگست کے بعد ایک اور سسٹم شہر میں بارشوں کا سبب بنے گا۔

محکمہ موسمیات کا کہنا ہے کہ کراچی کا مطلع ابر آلود ہونے سے موسم خوشگوار ہوگیا آج شہر کا کم سے کم درجہ حرارت 30 ڈگری ریکارڈ کیاگیا، آج زیادہ سے زیادہ درجہ حرارت 34 سے 36 ڈگری سینٹی گریڈ تک جانے کا امکان ہے۔

محکمہ موسمیات کے مطابق کراچی میں آج بھی صبح یا رات میں بوندا باندی کا امکان ہے، جبکہ ہوا میں نمی کا تناسب 74 فیصد ہے اور جنوب مغربی سمت سے 15 کلو میٹر فی گھنٹہ کی رفتار سے ہوائیں چل رہی ہیں۔

کراچی: چیف میٹرولوجسٹ سردار سرفراز نے کراچی میں اگلے 10 روز تک موسم کے حوالے سے اہم پیش گوئی کردی۔

تفصیلات کے مطابق کراچی میں قیامت خیز گرمی نے شہریوں کو جینا محال کردیا ہے ، چیف میٹرولوجسٹ سردار سرفراز نے کراچی میں موسم کی صورتحال کے حوالے سے بتایا ہے کہ شہر میں گرمی تو ہے لیکن فی الحال ہیٹ ویو کا کوئی امکان نہیں۔

سردار سرفراز نے کہا کہ ہیٹ ویو اس وقت آتی ہے جب کسی مقام کا درجہ حرارت مسلسل تین سے چاردن اوسط سے پانچ ڈگری زائد رہے لیکن کراچی میں موسم کی صورتحال ایسی نہیں ہے۔

چیف میٹرولوجسٹ کا کہنا تھا کہ اگلے 10روز تک کراچی کا موسم گرم اور مرطوب رہے گا، شہر میں سمندری ہوائیں بھی بحال ہیں اور شہر کا درجہ حرارت 36 سے 38 ڈگری سینٹی گریڈ تک جاسکتا ہے۔

انھوں نے بتایا کہ ہوا میں نمی کا تناسب زائد ہونے سے گرمی کی شدت زیادہ محسوس کی جارہی ہے، درجہ حرارت 42 ڈگری تک محسوس کئے جانے کا امکان ہے۔

دوسری جانب سندھ اور پنجاب جھلسا دینے والی گرمی کی لپیٹ میں آگئے۔جیکب آباد،بہاولپور،رحیم یارخان اورڈیرہ غازی خان اس وقت گرم ترین شہرہیں ، جہاں درجہ حرارت چھیالیس ڈگری تک پہنچ چکا ہے۔

نوابشاہ ،ملتان ساہیوال اور پتوکی میں درجہ حرارت پینتالیس ڈگری کو چھو گیا جبکہ جھنگ ،فیصل آباد اورسکھر میں چوالیس ڈگری پر پہنچ گیا۔

لاہور میں بھی شدید گرمی ہے جہاں درجہ حرارت تینتالیس ڈگری ریکارڈ کیا گیا ہے لیکن محسوس چھیالیس ڈگری کیا جارہا ہے۔