کراچی: صوبہ سندھ میں میئرز کو مزید با اختیار بنانے کے لیے ترمیمی بل صوبائی اسمبلی سے منظور ہو گیا۔
تفصیلات کے مطابق سندھ حکومت کی جانب سے میئرز کو مزید با اختیار بنانے کے لیے بلدیاتی ایکٹ 2023 میں ترمیم کا بل سندھ اسمبلی نے منظور کر لیا۔
ایم کیو ایم رکن سندھ اسمبلی محمد حسین نے ٹوکن واک آؤٹ کیا، محمد حسین نے نکتہ اعتراض اٹھایا کہ بل پرکوئی بحث نہیں ہوئی آج ہی پیش کیا اور آج ہی منظور کر لیا گیا، حکومتی بینچز سے مکیش چاؤلہ نے کہا کہ جب اختیارات نچلی سطح پر منتقل کر رہے ہیں تو یہ احتجاج نہیں بنتا۔
بل کے تحت حیدرآباد، سکھر، میرپورخاص اور نوابشاہ میں واٹر اینڈ سیوریج کارپوریشن بنایا جائے گا، سیوریج اور واٹرسپلائی کا عملہ چاروں ڈویژن کے ماتحت ہوگا، جب کہ میئر کاشف شورو حیدرآباد واٹر اینڈ سیوریج کارپوریشن کے چیئرمین ہوں گے۔
