Tag: کراچی میٹرک بورڈ

کراچی : میٹرک بورڈ کے نئے چیئرمین نے چارج سنبھال لیا اور کہا میٹرک امتحانات کا انعقاد اولین ترجیح ہے۔

تفصیلات کے مطابق غلام حسین سہو  نے چیئرمین میٹرک بورڈ کا چارج سنبھال لیا اور سبکدوش چیئرمین شرف علی شاہ سے الوداعی ملاقات کی۔

غلام حسین سہو نے کہا کہ میٹرک امتحانات کاانعقاداولین ترجیح ہے ، سابق چیئرمین شرف علی شاہ سے رہنمائی لیتے رہیں گے۔

گذشتہ روز سندھ کے 7 تعلیمی بورڈز کے چیئرمین کی تقرری کا نوٹیفکیشن جاری کیا گیا تھا تاہم سکھر بورڈ کے چیئرمین کا آفرلیٹر روک دیا گیا تھا۔

مزید پڑھیں : سندھ کے 7 تعلیمی بورڈز کے چیئرمین کی تقرری کا نوٹیفکیشن جاری

غلام حسین سہو میٹرک بورڈ کو کراچی کے چیئرمین مقرر کیا گیا تھا جبکہ مشرف علی راجپوت کو سندھ بورڈ آف ٹیکنیکل ایجوکیشن کا چیئرمین تعینات کیا گیا ہے۔

پروفیسر ڈاکٹررفیق احمد حیدرآباد تعلیمی بورڈ کے چیئرمین تعینات کیے گئے ہیں اور پروفیسر ڈاکٹر آصف علی میمن کو چیئرمین نوابشاہ تعلیمی بورڈ مقرر کیا گیا۔

اس کے علاوہ منصور راجپوت چیئرمین میرپورخاص تعلیمی بورڈ تعینات کیے گئے ہیں، خالد حسین مہر کو لاڑکانہ بورڈ کا چیئرمین مقرر کردیا گیا ہے۔

کراچی : چیئرمین میٹرک بورڈ شرف علی شاہ نے پرچہ آؤٹ ہونے کے سوال کہا کہ پرچےآؤٹ ہونے کاثبوت لائیں واویلا نہ کریں۔

تفصیلات کے مطابق چیئرمین میٹرک بورڈ شرف علی شاہ نے مختلف امتحانی مراکز کا دورہ کیا، اس موقع پر پرچہ آؤٹ ہونے کے معاملے پر کہا کہ پرچےآؤٹ ہونے کاثبوت لائیں واویلا نہ کریں ، کراچی کے510سینٹرمیں ایک دوکی شکایت پر پورے امتحان کو نشانہ نہ بنائیں۔

لوڈ شیڈنگ پرکےالیکٹرک کوپہلے ہی خطوط ارسال کیے جا چکے ہیں، لوڈ شیڈنگ کے باعث طلبا کی کارکردگی متاثر ہوتی ہے۔

خطوط بھیجنے کے باوجود امتحانی مراکزمیں لوڈ شیڈنگ کی شکایات ہیں۔

گذشتہ روز بھی چیئرمین میٹرک بورڈ شرف علی شاہ سوشل میڈیا پر وائرل ہونے والے پرچے پر انوکھی منطق لے آئے تھے اور کہا تھا کہ پرچہ امتحانی مرکز سے وائرل ہوتا ہے تو ہماری زمہ داری نہیں ہے، دفعہ 144 نافذ کی ، عملدرآمد کرانا حکومت کی ذمہ داری ہے۔

خیال رہے کراچی میٹرک بورڈ کے تحت سالانہ امتحانات میں انتظامیہ نقل مافیا کو لگام دینے میں ناکام ہے، آج دسویں جماعت کا کمپیوٹراسٹڈیز کا پرچہ سوشل میڈیا پر وائرل ہوگیا تھا۔