Tag: کراچی میں ٹریفک حادثات

کراچی: شہر قائد میں ہائی روف اور رکشے کے ٹکر اور آتش زدگی کے افسوس ناک واقعے سے متعلق یہ اہم بات معلوم ہوگئی کہ جلتی ہائی روف سے مسافر باہر کیوں نہیں نکل سکے تھے۔

تفصیلات کے مطابق کراچی میں رونما ہونے والے ہائی روف حادثے میں آگ سے 11 افراد جاں بحق ہو گئے تھے، ایکسیڈینٹ اینالسز ڈپارٹمنٹ نے واقعے کی رپورٹ تیار کر لی۔ رپورٹ میں بتایا گیا ہے کہ ہائی روف کے دروازے اندر سے نہیں کھل سکتے تھے اس لیے مسافر بر وقت باہر نہ نکل سکے۔

ذرایع کا کہنا ہے کہ ہائی روف کے اندر پنکھے موجود تھے جس کی وجہ سے آگ تیزی سے پھیلی، گاڑی مکینکل طور پر بھی خراب تھی، رپورٹ میں انکشاف کیا گیا ہے کہ گاڑی کے دروازے صرف باہر سے کھل سکتے تھے، دروازے اندر سے کھل جاتے تو جھلسنے والے افراد باہر نکل سکتے تھے۔

نیو کراچی، چلتی ہائی روف میں آگ، مزید 2 بچے دم توڑ گئے

خیال رہے کہ کراچی میں ٹریفک حادثات کے حوالے سے 32 مقامات بلیک اسپاٹ قرار دیے جا چکے ہیں، بد قسمت گاڑی بھی نیو کراچی میں بلیک اسپاٹ کے قریب حادثے کا شکار ہوئی، ذرایع کا کہنا ہے کہ ریسرچ سینٹر کی رپورٹ کراچی پولیس چیف کو ارسال کر دی گئی ہے۔

یاد رہے کہ یہ واقعہ 10 جنوری کو شہر قائد کے علاقے 2 منٹ چورنگی کے قریب پیش آیا تھا، ابتدائی طور پر اس میں 6 افراد جھلس کر جاں بحق اور 5 زخمی ہوئے تھے، جن میں 3 خواتین، 2 بچے اور ایک مرد شامل تھے۔ حادثے کے شکار بد قسمت ہائی روف میں 3 سگے بھائیوں کے اہل خانہ سوار تھے۔ بی ڈی ایس نے جائے حادثہ پر تباہ شدہ گاڑی کا معائنہ کرنے کے بعد کہا کہ شارٹ سرکٹ کے بعد پیٹرول کی وجہ سے گاڑی میں آگ پھیلی، سی این جی سلنڈر محفوظ تھے۔ چلتی ہائی روف میں آگ لگی تو بے قابو ہو کر رکشے سے ٹکرا گئی، جس سے رکشے میں بھی آگ لگی۔

تحقیقات میں یہ بھی معلوم ہوا کہ حادثے کو شدید بنانے میں پیٹرول سے بھری بوتلوں کا بھی ہاتھ تھا، جس کے بعد تمام پیٹرول پمپس پر پابندی لگا دی گئی ہے کہ بوتل میں پیٹرول نہیں دیا جائے گا اور گاڑیوں میں بھی پیٹرول کی بوتل رکھنے پر پابندی عائد کی گئی ہے۔

کراچی: شہر قائد میں مختلف ٹریفک حادثات میں کراچی پولیس اہل کار جاں بحق جب کہ جناح اسپتال کے پروفیسر زخمی ہوگئے۔

تفصیلات کے مطابق کراچی کے علاقے پرانا گولیمار انڈر پاس کے قریب ٹریفک حادثے میں پولیس اہل کار جاں بحق ہو گیا، ریسکیو ذرایع کا کہنا ہے کہ اہل کار کی شناخت اللہ دتہ کے نام سے ہوئی ہے۔

ایک اور ٹریفک حادثے میں جناح اسپتال کراچی کے آرتھوپیڈک سرجن پروفیسر ڈاکٹر سعید منہاس زخمی ہوئے ہیں، یہ ٹریفک حادثہ آرٹس کونسل کے قریب پیش آیا، ریسکیو ذرایع کے مطابق ڈاکٹر سعید منہاس کو فوری طبی امداد کے لیے نجی اسپتال منتقل کر دیا گیا ہے۔

سال 2019 میں کراچی ٹریفک پولیس کی کارکردگی کیسی رہی؟

گزشتہ روز بھی کراچی کے علاقے بلدیہ ٹاؤن نمبر 4 میں ایک ٹریفک حادثے میں پولیس اہل کار زخمی ہو گیا تھا۔ جب کہ قیوم آباد ندی کے قریب ایک اور ٹریفک حادثے میں ریسکیو ذرایع کے مطابق ایک شخص جاں بحق ہو گیا تھا۔

خیال رہے کہ ٹریفک پولیس کی کارکردگی سال 2019 میں انتہائی مایوس کن رہی، ماضی کے مقابلے میں بھاری چالان کیے جانے کے باوجود بے ہنگم ٹریفک کا مسئلہ حل نہیں کیا گیا۔ رواں سال مختلف ٹریفک حادثات میں 850 سے زائد افراد جاں بحق جب کہ 15 ہزار سے زائد زخمی ہوئے۔