کراچی : محکمہ موسمیات نے کراچی میں اربن فلڈنگ کاخدشہ ظاہر کرتے ہوئے الرٹ جاری کردیا، کراچی میں بارشوں کایہ سلسلہ جمعرات تک جاری رہنے کا امکان ہے۔
تفصیلات کے مطابق محکمہ موسمیات نےمون سون کی پہلی بارش سےمتعلق الرٹ جاری کردیا، جس میں کہا گیا ہے کہ کراچی میں بارشوں کایہ سلسلہ جمعرات تک جاری رہنےکاامکان ہے اور بارشوں کے باعث کراچی،حیدرآباد،ٹھٹھہ،بدین میں اربن فلڈنگ کاخدشہ ہے۔
اس حوالے سے صوبائی ڈیزاسٹر مینجمنٹ اتھارٹی نے سندھ کے متعلقہ اداروں کو ہنگامی مراسلہ جاری کردیا ہے، مراسلے میں کہا ہے کہ
کراچی، حیدرآباد،لاڑکانہ، شہید بےنظیر آباددیگرعلاقوں میں بارش متوقع ہے، پیشگوئی کےمدنظر رکھتے ہوئے تمام احتیاطی اقدامات کر لیے جائیں۔
دوسری جانب ڈائریکٹرمیٹ سردارسرفراز نے کہا ہے کہ کراچی میں ہلکی بارشوں کی پیشگوئی کر رکھی تھی، بحیرہ عرب سے مرطوب ہوائیں چلنےسےبارش ہورہی ہے، آج شام اور رات کوبھی بارش کےامکانات ہیں، مون سون کے پہلے اسپیل کا سلسلہ 16 جولائی تک جاری رہے گا۔
محکمہ موسمیات نے مون سون کے پہلے اسپیل کے اعدادوشمارجاری کردیے ہیں ، جس کے مطابق پی اےایف فیصل بیس میں16،گلشن حدید،سرجانی میں15ملی میٹر ناظم آباد میں11.2ملی میٹر،لانڈھی میں11ملی میٹر، جناح ٹرمینل میں8ملی میٹر،اولڈائیرپورٹ پر3ملی میٹر بارش ریکارڈ کی گئی ہے۔
