Tag: کراچی میں شدید گرمی

کراچی : محکمہ موسمیات نے کراچی میں گرمی کی شدت میں مزید اضافہ کی پیش گوئی کرتے ہوئے کہا بارش کا کوئی امکان نہیں۔

تفصیلات کے مطابق کراچی میں شدید گرمی کی لہر برقرار ہے، محکمہ موسمیات کی جانب سے بیان میں کہا ہے کہ کراچی میں گرمی کی شدت میں مزید اضافہ ہوگا تاہم شہر میں فی الحال بارش کا کوئی امکان نہیں۔

محکمہ موسمیات کا کہنا تھا کہ شہر کا موجودہ درجہ حرارت 33 ڈگری سینٹی گریڈ ، ہوا میں نمی کا تناسب 60 فیصد جبکہ 14 کلو میٹر فی گھنٹہ کی رفتار سے ہوا چل رہی ہے۔

لاہور سمیت پنجاب بھر میں بارش برسانے والا سسٹم داخل ہوگیا ہے ، محکمہ موسمیات کی آج سے لاہور میں 3 دن تک بارش کی پیش گوئی کی ہے۔

دوسری جانب ملک کے بیشترعلاقوں میں موسم خشک اور شدید گرم رہے گا، محکمہ موسمیات نے آئندہ چوبیس گھنٹے کے دوران کراچی، کوئٹہ، لاہور، اسلام آباد، پشاور سمیت ملک کے بیشتراضلاع میں موسم خشک اور شدید گرم رہنے کی پیشگوئی کی ہے۔

محکمہ موسمیات کا کہنا ہے کہ ژوب، موسی خیل، بارکھان، ڈی جی خان، ملتان، بہاولپور، رحیم یارخان میں کہیں ہلکی تو کہیں تیز بارش کا امکان ہے۔

کراچی : محکمہ موسمیات نے آئندہ ہفتےسے کراچی میں شدید گرمی پڑنے کی پیش گوئی کردی، درجہ حرارت چالیس ڈگری تک جانے کا امکان ہے۔

تفصیلات کے مطابق ملک بھرمیں بادل برسنے کے بعد اب سورج آگ برسائے گا، محکمہ موسمیات نے آئندہ ہفتےسے شدید گرمی شروع ہونے کی پیش گوئی کردی، کراچی سمیت سندھ کے میدانی علاقوں، بلوچستان اور پنجاب میں گرمی پڑے گی۔

محکمہ موسمیات کا کہنا ہے کہ شہرقائد میں درجہ حرارت چالیس ڈگری تک جانے کا امکان ہے جبکہ ملک کے دیگر شہروں میں بھی پارہ چھتیس سے اڑتیس تک جائے گا۔

وسم کا حال بتانے والوں کے مطابق رمضان کے دوسرے اور تیسرے عشرے میں موسم گرم اور خشک رہے گا جبکہ اپریل میں بارش کے امکانات کم ہیں۔

دوسری جانب لاہور سمیت پنجاب کے مختلف علاقوں میں بادلوں کے ڈیرے ہیں ، سیالکوٹ،پھالیہ،حافظ آباد،سکھیکی،منڈی بہاؤالدین میں کہیں اور ہلکی کہیں تیز بارش سے موسم خوشگوار ہوگیا ہے۔

گجرات، لالہ موسی، ڈسکہ،جلالپوربھٹیاں میں بھی بادل جم کر برسے اور جل تھل ایک ہوگیا، نشیبی علاقے زیرآب آگئے، محکمہ موسمیات نے بارش کا سلسلہ مزید دو روز جاری رہنے کی پیشگوئی کی ہے۔