مون سون کا سسٹم کراچی سے دور ہوگیا، شہر میں کل سے سمندری ہوائیں بحال ہونے سے گرمی کم ہوگی۔
تفصیلات کے مطابق گزشتہ دنوں ہونے والے بارش کے بعد اب کراچی میں بارش کا کوئی امکان نہیں اور کل سے شہر کے موسم بھی معتدل ہونا شروع ہوجائے گا۔
چیف میٹرولوجسٹ سردارسرفراز نے بتایا کہ ہوا کے کم دباؤ کے باعث کراچی میں گرمی بڑھ رہی تھی، شہر میں کل سے سمندری ہوائیں بحال ہونے سے گرمی کم ہوگی،
سردارسرفراز کا کہنا تھا کہ کراچی میں درجہ حرارت 32 سے 34 ڈگری تک رہنے کا امکان ہے جب کہ شہر قائد میں آئندہ دنوں میں بارش کے کوئی امکانات نہیں ہیں،
چیف میٹرولوجسٹ کا موسم کے حوالے سے بتاتے ہوئے مزید کہنا تھا کہ سمندری ہواؤں میں تعطل کے باعث اکتوبر کا مہینہ گرم رہے گا۔