Tag: کراچی واٹر ٹینکر

کراچی کے علاقے سرجانی ٹاؤن میں بے قابو واٹر ٹینکر نے بزرگ شہری کی جان لے لی ہے۔

اے آر وائی نیوز کے مطابق کراچی کے علاقے سرجانی ٹاؤن کی ٹکر سے موٹر سائیکل بزرگ شہری جاں بحق ہوگئے، 70 سال کے عبدالوحید کی لاش عباسی شہید اسپتال منتقل کردی گئی۔

پولیس نے واٹر ٹینکر کو تحویل میں لے لیا۔

واضح رہے کہ بے لگام ہیوی ٹریفک کی ٹکر سے رواں ماہ جنوری کے صرف 17 دنوں میں 37 افراد جاں بحق ہوچکے ہیں۔

تین روز قبل  لیاقت آباد سپر مارکیٹ کے قریب تیز رفتار ٹرک نے موٹر سائیکل سوار کو کچل ڈالا، افسوسناک حادثے میں موٹر سائیکل سوار شخص موقع پر جاں بحق ہوگیا تھا۔

ڈرائیور حادثے کے بعد فرار ہونے میں کامیاب ہوگیا تھا جبکہ مشتعل افراد کی جانب سے ٹرک کو آگ لگانے کی کوشش کی گئی جسے پولیس نے ناکام بنادیا۔

یاد رہے کہ گزشتہ ماہ بھی کراچی کے علاقے گل بائی پر ٹرالر کی موٹر سائیکل کو ٹکر کے نتیجے میں ماں اور ایک سال کا بچہ جاں بحق ہوگیا تھا۔

کراچی کے علاقے بلدیہ گلشن غازی میں تیز رفتار واٹر ٹینکر بے قابو ہو کر گھر میں جا گھسا جس کے نتیجے میں ایک شخص جاں بحق اور 2 بچیوں سمیت 3 افراد زخمی ہوگئے۔

تفصیلات کے مطابق اقبال اسپتال کے قریب تیز رفتار واٹر ٹینکر بے قابو ہوکر گھر میں جا گھسا، حادثے میں ایک شخص جاں بحق اور دو بچیوں سمیت تین افراد زخمی ہوگئے جبکہ ڈرائیور ٹینکر چھوڑ کر موقع سے فرار ہوگیا۔

پولیس حکام کے مطابق تیز رفتاری کے باعث واٹر ٹینکر ڈرائیور سے بے قابو ہو کر گھر سے جا ٹکرایا اور دیوار توڑتے ہوئے گھر میں داخل ہوگیا، جس سے گھر کے اندر سویا ہوا ایک شخص جاں بحق دو بچیوں سمیت تین افراد زخمی ہوئے، جاں بحق اور زخمیوں کو چھیپا ایمبولینس کے ذریعے سول اسپتال منتقل کیا گیا۔

پولیس کا کہنا ہے کہ جاں بحق شخص کی شناخت عامر ولد توفیق جبکہ زخمی نصیر حسین ولد توفیق کے نام سے ہوئی، تیرہ سال کی راحیلہ اور دو سال کی مناہل بھی زخمیوں میں شامل ہیں۔

پولیس کا کہنا ہے حادثے کے ذمہ دار ٹرک ڈرائیور کی گرفتاری کیلئے کوششیں تیز کردی گئی ہیں۔