Tag: کراچی ٹرانسپورٹ اتحاد

کراچی: ٹرانسپورٹ اتحاد نے سی این جی کی قیمت میں اضافے پر 10 جولائی کو ہڑتال کا اعلان کر دیا ہے۔

تفصیلات کے مطابق سی این جی کی قیمت میں اضافے پر کراچی ٹرانسپورٹ اتحاد نے دس جولائی کو ہڑتال کا اعلان کر دیا ہے، ٹرانسپورٹ اتحاد کا کہنا ہے کہ موجودہ سی این جی کی قیمت میں ٹرانسپورٹ نہیں چلا سکتے۔

کراچی ٹرانسپورٹ اتحاد کے محمود آفریدی نے کہا ہے کہ فروری سے اب تک سی این جی 50 روپے تک مہنگی ہوئی ہے، لیکن سی این جی مہنگی ہونے کے باوجود کرائے نہیں بڑھائے گئے۔

ٹرانسپورٹ اتحاد کا یہ بھی کہنا ہے کہ مختلف ٹرانسپورٹ تنظیموں نے ہڑتال کی حمایت کا اعلان کیا ہے۔

خیال رہے کہ منگل کو سی این جی کے نرخ میں اضافے کے بعد کراچی ٹرانسپورٹ اتحاد نے غیر اعلانیہ ہڑتال کی، جس کی وجہ سے شہر میں بسیں غائب ہو گئیں اور مسافروں کو دفاتر اور بچوں کو اسکول جانے میں دشواری کا سامنا کرنا پڑا۔

یہ بھی پڑھیں:  سی این جی پر سیلز ٹیکس کے نئے اضافی نرخ کا نوٹیفکیشن جاری

ادھر مسافروں کا یہ کہنا ہے کہ ٹرانسپورٹ کے کرایوں میں اضافہ کرنے کے لیے غیر اعلانیہ ہڑتال کے ذریعے دراصل دباؤ ڈالا جا رہا ہے۔

واضح رہے کہ کراچی میں سی این جی 19 روپے اضافے کے بعد 123 روپے فی کلو ہو گئی ہے اور ٹرانسپورٹ کے کرایوں میں اپنے طور پر اضافہ کر دیا گیا ہے جس سے شہریوں پر مزید بوجھ پڑ گیا ہے۔

آل پاکستان سی این جی ایسوسی ایشن نے سی این جی کی بندش کے خلاف ہڑتال کااعلان کرتے ہوئے ہفتے سے غیرمعینہ مدت تک کے لیئے سی این جی اسٹیشنزبند کرنے کافیصلہ کیاہے، کراچی ٹرانسپورٹ اتحادنے بھی ہڑتال کی حمایت کرتے ہوئے ہفتے سے گاڑیاں کھڑی کرنے کااعلان کیاہے۔

ایسوسی ایشن کے چیئرمین شبیرسلیمان جی کاکہناہے کہ سوئی سدرن گیس کمپنی کی جانب سے گھریلوصارفین کوگیس کی بلاتعطل فراہمی کے لیئے مسلسل دوروزتک اڑتالیس گھنٹے کے لیئے سی این جی اسٹیشنزبندکرنے کاعمل قابل مذمت ہے۔

انہوں نے کہاکہ ہفتے میں تین روز متبادل دنوں میں 24،24گھنٹوں کے لیئے سی این جی اسٹیشن بندکیئے جائیں لیکن اڑتالیس گھنٹوں کے لیئے مسلسل اسٹیشنزبندرکھنے سے صارفین اور اسٹیشنزمالکان کوشدیدنقصان پہنچ رہاہے ۔دوسری جانب ایس ایس جی سی کے اقدامات کے خلاف ٹرانسپورٹ تنظیمیں بھی ہفتے سے غیرمعینہ مدت تک سڑکوں پر ٹرانسپورٹ نہیں لائینگے۔