Tag: کراچی ٹریفک جام

کراچی کے مختلف علاقوں میں بدترین ٹریفک جام معمول بن گیا ہے جس کی وجہ سے عوام منٹوں کا سفر گھنٹوں پر کرنے پر مجبور ہوگئے ہیں۔

اے آر وائی نیوز کے مطابق کراچی کے علاقے شاہراہ فیصل ایف ٹی سی کے قریب بجلی کی عدم فراہمی پر احتجاج کیا گیا جس کی وجہ سے میٹروپول سے بلوچ کالونی فلائی اوور جانے والی سڑک ٹریفک کے لیے بند ہوگئی۔

احتجاج کے باعث شاہراہ فیصل پر ٹریفک جام کی وجہ سے گاڑیوں کی قطاریں لگ گئیں اور ایئرپورٹ جانے والے ٹریک پر ٹریفک کی روانی شدید متاثر ہے۔

گلشن اقبال، سہراب گوٹھ، صدر اور آئی آئی چندریگر روڈ پر بھی ٹریفک جام ہے۔

ادھر ایکسپو سینٹر میں کیٹل شو جاری ہے جس کی وجہ سے سوک سینٹر کے اطراف بدترین ٹریفک جام ہے، لیاقت آباد انڈر پاس سے حسن اسکوائر آنے والے روڈ پر ٹریفک کا دباؤ ہے۔

نارتھ کراچی پاور ہاؤس چورنگی سے ناگن چورنگی تک ٹریفک کا شدید دباؤ ہے۔

شہریوں کا کہنا ہے کہ جگہ جگہ پانی کی لائن لیک ہونے کے باعث بھی اکثر ٹریفک جام رہتا ہے۔

کراچی : پی این ٹی کالونی میں ہونے والے ایک احتجاج نے ساوتھ کا بڑا علاقہ مفلوج کردیا، ہزاروں شہری بدترین ٹریفک جام میں رل گئے۔

تفصیلات کے مطابق کراچی میں گذری پی این ٹی کالونی کے قریب بجلی اور پانی نہ ہونے پر علاقہ مکینوں نے احتجاج کیا ، جس کے باعث سن سیٹ بلیوارڈ آنے جانے والے دونوں روڈ ٹریفک کیلئے بند ہوگئے۔

احتجاج کے باعث کلفٹن ڈیفنس جانے والے راستوں پر بدترین ٹریفک جام ہے جبکہ قیوم آبادسےکالا پل تک ہزاروں شہری بدترین ٹریفک جام میں پھنسے ہیں۔

بوٹ بیسن، تین تلوار اور دیگر علاقوں میں ٹریفک کا شدید دباؤ ہے، گزری پل پر ٹریفک جام کے باعث ہیوی ٹریفک کی قطاریں لگ گئیں تاہم ٹریفک پولیس کا اسٹاف ٹریفک بحال کروانے پہنچ گیا ہے۔

ٹریفک پولیس کا کہنا ہے کہ ٹریفک کوہینوچورنگی سے ایکسپریس وے بلوچ کالونی کی طرف موڑدیاگیا، ٹریفک پولیس موجود ہے متبادل راستوں سے ٹریفک کو رواں دواں کر رہے ہیں،

ٹریفک پولیس نے بتایا میٹروپول سے3تلوارآنےجانےوالےراستوں پر ٹریفک کی روانی بحال ہے اور کلفٹن شان چورنگی تاپنجاب چورنگی آنے جانے والے ٹریکس پربھی ٹریفک بحال کردی گئی ہے۔