Tag: کراچی پورٹ

اسلام آباد : سینیٹ کی قائمہ کمیٹی برائے میری ٹائم اجلاس میں چیئرمین کمیٹی فیصل واوڈا میگا کرپشن اسکینڈل سامنے لے آئے، انھوں نے انکشاف کیا ہے کہ کراچی پورٹ قاسم کی 40 ارب کی سرکاری قیمت کی زمین 5 ارب میں دے گئی۔

تفصیلات کے مطابق چیئرمین فیصل واوڈا کی زیرصدارت سینیٹ کی قائمہ کمیٹی برائے بحری امورکا اجلاس ہوا ، جس میں انکشاف کیا گیا کہ کراچی پورٹ کی 40 ارب کی سرکاری زمین 5 ارب میں دے دی گئی۔

،فیصل واوڈا نے کہا کہ کراچی پورٹ کی 500 ایکڑ کی زمین کی مارکیٹ ویلیو 60 ارب روپے سےزائدہے، کراچی پورٹ کی زمین کی الاٹمنٹ کے سودے فوری روکےجائیں۔

چیئرمین نے کہا کہ کراچی پورٹ میں زمین کا الاٹمنٹ شفاف کریں گے، پورٹ میں زمین کی الاٹمنٹ میں میگا اسکینڈل ہے، زمین کی الاٹمنٹ ایس آئی ایف سی کی مشاورت سے کریں گے۔

ان کا کہنا تھا کہ 500 ایکڑ ایک اور 200 ایکڑ دوسری ہے، 5ارب کی زمین دی جس کی آفیشل ویلیو 40 ارب بنتی ہے۔

وفاقی وزیربحری امور اور سیکریٹری نے معاملے پر لاعملی کا اظہار کرتے ہوئے کہا کہ بورڈکی اجازت کےبغیر زمین کیسےمنتقل کی گئی۔

سینیٹر واوڈا نے تمام تفصیلات کمیٹی میں طلب کرلیں اور کہا کہ وزیر اعظم کو میگا کرپشن پرخط لکھ دیں۔

وفاقی وزیربحری امور نے کہا کہ ہمیں یہ بہت اچھا مثبت اشارہ ملاہے، جس پر سینٹر کا کہنا تھا کہ میڈیا سے گزارش ہے اس میں کسی جگہ سےوفاقی وزیر شامل نہیں، عجیب بات ہے کسی کے علم میں نہیں ہے۔

وفاقی وزیربحری امورنےچیئرمین کمیٹی سےمتنازع زمین کی تفصیلات طلب کرلیں اور کہا ملک کی بقاکےلئےمل کر کام کرنے کی ضرورت ہے۔

سینیٹر واوڈا نے کہا کہ وزارت متنازع زمین پرایکشن لے،عدالت میں ہم دیکھیں گے اور 50 سال پرانے کیسز کو 50 دنوں میں حل کردیں گے۔

کمیٹی نے پی ٹی آئی دورمیں زمین کی خریدوفروخت کاریکارڈطلب کرلیا اور کہا 60ارب روپےکی ریکوری کرنی ہے، فی ایکٹر چار کروڑ سرکاری ریٹ ہے، تاہم مارکیٹ ریٹ 8 سے 100کروڑ روپے ہے، جبکہ یہ اراضی 10 لاکھ روپے فی ایکٹر فروخت کر دی گئی ہے، مجموعی طور پر پاکستانی خزانے کو 60 سے 70 ارب روپے کا نقصان ہو رہا ہے، یہ رقم سے آئی ایم اہف سمیت ملک کے قرضے اتار سکتے ہیں۔

چیرمین کمیٹی نے کہا کہ یہ صرف انکشاف نہیں ہے بلکہ سارا ریکارڈ میرے پاس موجود ہے۔

کراچی : دنیا کا سب سے بڑا کارگو جہاز ایم ایس سی اینا  کراچی پورٹ پر پہچنے والا ہے، جو بندرگاہ کی تاریخ میں ایک اہم سنگ میل ہے۔

تفصیلات کے مطابق دنیا کا سب سے بڑا کارگو جہاز ایم ایس سی اینا  آج کراچی کی بندر گاہ پہنچے گا اور کراچی پورٹ پر کل شام لنگر انداز ہوگا۔

پورٹ انتظامیہ کا کہنا ہے کہ جہاز بھارت کی پورٹ مندرہ سے آرہا ہے اور ایک روز کراچی کی بندرگاہ پر رک کر روانہ ہوگا۔

بندرگاہ انتظامیہ کے مطابق ایم ایس سی اینا کی لمبائی 400 میٹر ہے اور اس میں 19,368 کنٹینرز لے جانے کی گنجائش ہے۔

انتظامیہ نے ایم ایس سی انا کی آمد کی تقریب کا اہتمام کیا ہے، جو 30 مئی کو منعقد ہو گی، جو بین الاقوامی سمندری تجارت میں کراچی بندرگاہ کی اہمیت کو اجاگر کرے گی۔

ترجمان کا کہنا ہے کہ "دنیا کے سب سے بڑے کارگو جہاز ایم ایس سی انا کی آمد کراچی بندرگاہ کے لیے ایک اہم واقعہ ہے۔” "ہمیں اس طرح کے ایک یادگار جہاز کی میزبانی کرنے پر فخر ہے اور اس سے ملنے والے بہتر تجارتی مواقع کے منتظر ہیں۔”

کراچی بندرگاہ پر ایم ایس سی اینا کی آمد سے توقع ہے کہ بندرگاہ کی آپریشنل صلاحیت میں اضافہ ہوگا اور عالمی شپنگ نیٹ ورکس میں ایک کلیدی مرکز کے طور پر اس کی پوزیشن مضبوط ہوگی۔

کراچی : کراچی پورٹ سے جعلی نمبرپلیٹ لگے ٹرک سے گندم کی چوری کی واردات ہوئی ، گیٹ پاس اورکاغذات نہ ہونےکےباوجودٹرک پورٹ گیٹ سےباہرنکل گیا۔

تفصیلات کے مطابق کراچی پورٹ سے گندم سے لدے ٹرک چوری ہونے کا انکشاف سامنے آیا ، ٹرک پر جعلی نمبرپلیٹ لگا کر گندم چوری کرنے کی واردات کی گئی۔

گیٹ پاس اورکاغذات نہ ہونے کے باوجود ٹرک پورٹ گیٹ سے باہرنکل گیا ، پورٹ سیکیورٹی ،کے پی ٹی اور کسٹم حکام کے سامنے گندم سے لدا ٹرک پورٹ سے نکل گیا۔

پورٹ حکام کا کہنا تھا کہ 21 اکتوبر کو پیش آئے واقعے کی ایف آئی آر درج کرادی ہے اور امپورٹر نے چوری کی گئی گندم کا ٹرک پکڑ کر کے پی ٹی کے حوالے کر دیا پے۔

جنرل منیجر کے پی ٹی کا کہنا ہے کہ انکوائری کر رہے ہیں کہ بغیر دستاویزات کے ٹرک کیسے نکلا۔