Tag: کراچی پورٹ ٹرسٹ

کراچی : کراچی پورٹ ٹرسٹ میں حساس اداروں نے چھاپا مار کارروائی کرتے ہوئے 2 افراد کو گرفتار کرلیا جو غیر ملکیوں کو غیر قانونی طور پر سم فروخت کیا کرتے تھے جسے غیر قانونی سرگرمیوں مختلف سوشل میڈیا اکاؤنٹ کے لیے استعمال کیا جاتا تھا.

تفصیلات کے مطابق خفیہ اطلاع پر حساس اداروں نے کراچی پورٹ ٹرسٹ میں چھاپا ماکر کر دو افراد کو حراست میں لے کر بڑی تعداد میں موبائل فون سمیں برآمد کرلی ہیں جو غیر ملکیوں کو فی سم 100 ڈالر میں فروخت کیا کرتے تھے.

ذرائع کے مطابق غیرملکیوں کوموبائل سم پاکستانی شناختی کارڈ پرایکٹیو کروا کر دی جاتی تھی اور اس سم پرغیرملکی افراد واٹس ایپ اور دیگر سوشل میڈیا کے اکاؤنٹ بنا کر غیر قانونی سرگرمیاں انجام دیتے تھے اور یوں اپنی شناخت چھپانے میں کامیاب ہوجاتے تھے.

ذرائع کے مطابق اس منظم دھندے میں سرکاری اداروں کے اہلکاروں کے ملوث ہونے کا انکشاف ہوا ہے جس کے بعد گروہ کے دیگر افراد کی گرفتاری کے لیے چھاپے مارے جا رہے ہیں اور جلد ملزمان کو گرفتار کر کے نیٹ ورک کو توڑ دیا جائے گا.

دوسری جانب حساس اداروں کی جانب سے کی گئی کارروائی کے بعد کراچی پورٹ ٹرسٹ پر سیکیورٹی سخت کردی گئی ہے اور داخلی و خارجی راستوں پر تعینات حفاظتی گارڈز بغیر شناخت کے نقل و حمل کی اجازت نہیں دے رہے ہیں.

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

کراچی : کراچی پورٹ ٹرسٹ ٹرمینل پر فیول ٹینک میں آگ بھڑک اُٹھی جس کے باعث فیول ٹینک بھٹنے کا خدشہ ظاہر کیا جارہا ہے جب کہ 11 فائر فائٹنگ گاڑیاں آگ بجھانے میں مصروف ہیں۔

تفصیلات کے مطابق کراچی پورٹ ٹرسٹ کے ٹرمینل میں فیول ٹینک میں اچانک بھڑک اُٹھی، عینی شاہدین نے دھماکے کی آواز کے ساتھ ٹینک کے قریب موجود 4 افراد کو اڑتے ہوئے دور جا کے گرتے ہوئے دیکھا جن میں سے ایک کی لاشیں نکال لی گئی ہیں جب کہ ایک کو شدید زخمی حالت میں اسپتال منتقل کردیا گیا ہے اور بقیہ 2 افراد کی تلاش جاری ہے۔

کے پی ٹی کے فائر چیف آفیسر سعید جدون نے اے آر وائی سے بات کرتے ہوئے کہا کہ آگ ایک ہزار ٹن فیول سے بھرے ٹینک میں لگی ہے جو کہ کے پی ٹی کی ملکیت نہیں ہے بلکہ کسی پرائیوٹ ادارے کے زیرِ استعمال ہے جن سے رابطہ کرنے کی کوشش کی جا رہی ہے۔

فائر چیف کا کہنا تھا کہ کے پی ٹی کی 10 اور ایک پاک نیوی کی فائر فائٹنگ گاڑیاں آگ بجھانے میں مصروف ہیں، آگ سے فیول ٹینک کے پھٹنے کا بھی خدشہ ہے جس کے لیے تمام احتیاطی تدابیر بروئے کار لائی جا رہی ہے جب کہ جلد ہی کے ایم سی کی فائر فائٹنگ گاڑیاں بھی پہنچ جائیں گی۔

انہوں نے کہا کہ ابتدائی طور پر ایسا لگتا ہے کہ فیول ٹینک میں آگ کسی انسانی غلطی کی وجہ سے لگی ہے شاید کسی موبائل فون کے استعمال یا کسی اور وجہ سے یہ حادثہ رونما ہوا جس میں دہشت گردی کا کوئی عنصر تاحال نظر نہیں آیا ہے۔

فائر چیف کا کہنا ہے کہ ٹرمینل کے بیس منٹ میں پانی، فیول اور دھواں بھر جانے کے باعث امدادی کاموں میں شدید مشکلات کا سامنا ہے جس کے باوجود 25 فیول ٹینکس کے درمیان سے چار افراد میں ایک کی لاشیں اور ایک زخمی کو نکال لیا گیا ہے جب کہ دیگر 2 افراد کی تلاش جاری ہے جس کے لیے ریسکیو اداروں بالخصوص ایدھی کی خدمات قابلِ ستائش ہیں۔