Tag: کراچی پولیس

کراچی: ڈرائیونگ لائسنس برانچ سعود آباد میں مبینہ کرپشن اور فرائض میں غفلت پر آئی جی سندھ نے نوٹس لے لیا ہے۔

تفصیلات کے مطابق کراچی کے علاقے سعود آباد کے ڈرائیونگ لائسنس برانچ میں تعینات 7 پولیس افسران و اہلکاروں کو مبینہ کرپشن اور غفلت برتنے پر معطل کر کے بی کمپنی بھیج دیا گیا۔

معطل کیے گئے افسران میں انسپکٹر اشرف علی سومرو اور انسپکٹر سعید محمد شاہ شامل ہیں، سب انسپکٹر محمد صدیق میمن کے خلاف بھی محکمانہ کارروائی کی گئی ہے۔

سینئر کلرک محمد آصف علی، اے ایس آئی محمد پناہ، اے ایس آئی شاہد علی، اور ہیڈ کانسٹبل شہزاد گل کو بھی معطل کر دیا گیا ہے۔ ان تمام معطل کیے گئے افسران و اہلکاروں کو بی کمپنی پولیس ہیڈ کوارٹر گارڈن رپورٹ کرنے کی ہدایت کی گئی ہے۔

منظم جرائم چلانے والوں اور اسپیشل برانچ اہلکاروں میں گٹھ جوڑ کا انکشاف

ادھر کراچی میں اسپیشل برانچ پولیس افسران اور اہلکاروں کے خلاف متحرک ہو گئی ہے، منظم جرائم چلانے والوں اور اسپیشل برانچ اہلکاروں میں گٹھ جوڑ کا انکشاف ہوا ہے۔ تاہم پولیس کے اعلیٰ حکام کا یہ بھی کہنا ہے کہ منظم جرائم میں ملوث ملزمان کو پکڑنے والے پولیس افسران اور اہلکاروں کے خلاف مسلسل مبینہ طور پر جھوٹی آئی آرز (انفارمیشن رپورٹ) بھی نکلنے لگی ہیں۔

کراچی: کراچی میں اسپیشل برانچ پولیس افسران اور اہلکاروں کے خلاف متحرک ہو گئی، منظم جرائم چلانے والوں اور اسپیشل برانچ اہلکاروں میں گٹھ جوڑ کا انکشاف ہوا ہے۔

دوسری طرف ذرائع کا کہنا ہے کہ منظم جرائم میں ملوث ملزمان کو پکڑنے والے پولیس افسران اور اہلکاروں کے خلاف مسلسل مبینہ طور پر جھوٹی آئی آرز (انفارمیشن رپورٹ) بھی نکلنے لگی ہیں۔

کراچی پولیس کے ایک اعلیٰ افسر نے تصدیق کی کہ جو حالیہ آئی آرز نکلی تھیں جب ان پر انکوائری کی گئی تو زیادہ تر درست نہیں نکلیں، ان کا کہنا تھا کہ کوئی اچھا پولیس افسر منظم جرائم کے خلاف کارروائی کرے تو اس کے خلاف آئی آرز نکل جاتی ہیں، یہ ایک تشویش ناک بات ہے۔

تاہم اعلیٰ پولیس حکام کے مطابق اسپیشل برانچ کے افسران اور اہلکاروں کی منظم جرائم پیشہ افراد سے گٹھ جوڑ کی شکایات بھی سامنے آ چکی ہیں، اس سلسلے میں جب اسپیشل برانچ کے افسران سے بات ہوئی تو انھوں نے بتایا کہ آئی آرز خفیہ معلومات کی بنیاد پر نکالی جاتی ہیں، اور اس پر فوری ایکشن نہیں لیا جاتا بلکہ انکوائری کی جاتی ہے۔

انھوں نے کہا انکوائری میں آئی آر غلط ثابت ہونے پر اسپیشل برانچ کو آگاہ کر دیا جاتا ہے، ہمیشہ ٹھوس شواہد کی بنیاد پر پولیس افسران اور اہلکاروں کے خلاف آئی آرز نکالی جانی چاہیے، اسپیشل برانچ کا مؤقف ہے کہ پولیس انکوائری میں کوئی آئی آر غلط ثابت ہوتی ہے تو غلط آئی آر نکالنے والوں کو سزا دی جاتی ہے۔

اسپیشل برانچ حکام کا کہنا ہے کہ منظم جرائم کی سرپرستی کرنے والے پولیس افسران اور اہلکاروں کے خلاف آئی آرز معمول کے مطابق نکال رہے ہیں، ہمارا کام خفیہ معلومات کی بنیاد پر آئی آرز نکالنا ہے، تحقیقات اپریشن پولیس کے افسران کا کام ہے۔

انھوں نے کہا مسلسل جھوٹی آئی آرز بھی نکل رہی ہیں جس کی وجہ سے کراچی پولیس کے متعدد ایس ایچ اوز اور اہلکاروں کو اپنی پیشہ ورانہ ذمہ داریوں کی تکمیل میں مشکلات کا سامنا کرنا پڑ رہا ہے۔

کراچی میں ہر دوسرا حادثہ جان لیوا ثابت ہونے لگا ہے، جس کے بعد کراچی پولیس چیف نے سنجیدگی سے نوٹس لیتے ہوئے پہلے مرحلے میں آگاہی مہم چلانے کا اعلان کیا ہے اور دوسرے مرحلے میں ایکشن شروع ہوگا۔

جاوید عالم اوڈھو کے مطابق شہر میں اب اسٹریٹ کرمنلز زیادہ تعداد میں پکڑے اور مارے جانے لگے ہیں، لیکن شہری ان سے بچے تو بدقسمتی سے ٹریفک حادثات کا شکار ہونے لگے ہیں، جس کے بعد ایک نیا محاذ کھل گیا ہے۔

کراچی پولیس چیف کے مطابق ٹریفک حادثات میں قیمتی انسانی جانوں کا ضیاع ہو رہا ہے، اس سال 900 کے قریب حادثات ہوئے جن میں 50 فی صد سے زائد حادثات جان لیوا رہے۔ پولیس چیف کے مطابق 57 فی صد حادثات موٹر سائیکل سواروں کے ساتھ پیش آئے، 75 فی صد موٹر سائیکل سوار ہیلمٹ نہیں پہنتے۔

کراچی کی سب سے بڑی شاہراہ پر ٹریفک جام، پولیس واٹر ٹینکر کے خلاف ایف آئی آر نہ کاٹ سکی

جاوید عالم اوڈھو کے مطابق کراچی میں 65 لاکھ گاڑیاں ہیں، جس میں 42 لاکھ موٹر سائیکلیں ہیں، بڑی تعداد میں شہری بالخصوص نوجوان بغیر لائسنس گاڑی چلاتے ہیں۔

پولیس نے اس سال 7 ہزار سے زائد ڈرائیوز کو گرفتار کیا، آخری 2 ماہ غلط ڈرائیونگ کرنے پر پونے 400 مقدمات درج کیے، مقدمات کے اندراج اور جرمانوں کی رقم میں اضافہ کیا جا رہا ہے، جاوید عالم اوڈھو نے کہا کہ کچھ عرصہ تو یہ مہم چلائیں گے پھر اس کے بعد سختی ہوگی۔