Tag: کراچی پولیس

کراچی: ایڈیشنل آئی جی کراچی ڈاکٹر امیر شیخ نے ڈی آئی جیز کو خط لکھ کر حکم دیا ہے کہ شہرِ قائد کے تینوں زونز میں منشیات کے اڈوں کو فوری طور پر بند کرایا جائے۔

تفصیلات کے مطابق کراچی پولیس نے اسٹریٹ کرائم کی سب سے بڑی وجہ منشیات قرار دے دی، اے آئی جی کراچی نے تینوں زون کے ڈی آئی جیز کو منشیات کے اڈے بند کرانے کا حکم دے دیا۔

[bs-quote quote=”تعلیمی ادروں میں بھی منشیات کے استعمال کا انکشاف” style=”style-7″ align=”left” color=”#dd3333″][/bs-quote]

ایڈیشنل آئی جی ڈاکٹر امیر شیخ نے کہا کہ ہر  جرم کے پیچھے منشیات کا استعمال پایا گیا، حتیٰ کہ تعلیمی ادروں میں بھی طلبہ و طالبات منشیات استعمال کر رہے ہیں۔

کراچی کے منشیات کے جن اڈوں کی نشان دہی کی گئی ہے ان میں محمود آباد چنیسر گوٹھ کا بڑا اڈہ سرِ فہرست ہے، دوسرے نمبر پر شیریں جناح کالونی کا اڈا ہے۔

منشیات کے اڈوں میں سول لائنز میں ہجرت کالونی، کلا کوٹ لیاری میں بہار کالونی بھی شامل ہیں، خط میں لکھا گیا ہے کہ ابراہیم حیدری ریڑھی گوٹھ میں بھی منشیات کے اڈے موجود ہیں۔

یہ بھی پڑھیں:  کراچی پولیس چیف نے شہریوں کو ہیلمٹ کی خریداری کے لیے ایک ہفتے کی مہلت دےدی

اے آئی جی امیر شیخ نے خط میں ناظم آباد میں سیف اللہ کے اڈے، شاہراہ نور جہاں میں ڈی سلوا ٹاؤن کے اڈے، لسبیلہ، لانڈھی میں مسلم آباد، ملیر سٹی منا بروہی، قائد آباد کے اڈے کی بھی نشان دہی کی ہے۔

خط میں کہا گیا ہے کہ موسمیات کے قریب بلاول گوٹھ، پاک کالونی میں بھی منشیات بکتی ہے، منگھوپیر پختون آباد، عزیز بھٹی شانتی نگر، ڈالمیا میں کالو کرنٹ کا اڈا، عیسیٰ نگری اور سبزی منڈی کے قریب مینا کا اڈا، کورنگی زمان ٹاؤن، کالا پل، ریلوے کالونی میں بھی منشیات کا دھندا چل رہا ہے۔

پولیس رپورٹ کے مطابق بلوچ کالونی جونیجو ٹاؤن، اعظم بستی، ملیر کینٹ زکریا گوٹھ، گلشن معمار، سائٹ سپر ہائی وے پر دوست محمد جنجال گوٹھ، مچھر کالونی، قصبہ کالونی، اتحاد ٹاؤن میں شرافی گوٹھ خلد آباد، ملیر سعود آباد، مومن آباد، الآصف اسکوائر، لاسی گوٹھ بھی منشیات کے گڑھ ہیں۔

کراچی: محکمۂ پولیس نے 5 منشیات ڈیلرز اور خطرناک ملزمان کے سروں کی قیمت مقرر کرنے کی سفارش کر دی، پولیس چیف ڈاکٹر امیر شیخ نے آئی جی سندھ کو خط لکھ دیا۔

تفصیلات کے مطابق کراچی پولیس میں محکمہ جاتی اصلاحات اور تبدیلیوں کے ساتھ ساتھ مجرموں کے خلاف کارروائیوں میں بھی تیزی آ گئی، کراچی پولیس چیف نے خطرناک ملزموں کے سروں کی قیمت مقرر کرنے سفارش کر دی۔

[bs-quote quote=”ملزمان میں پی آئی بی، چنیسر گوٹھ، پختون آباد، لانڈھی کے منشیات فروش شامل ہیں” style=”style-7″ align=”left” color=”#dd3333″][/bs-quote]

ایڈیشنل آئی جی امیر شیخ نے خط میں سفارش کی ہے کہ ملزمان کی فی کس 10 لاکھ روپے سر کی قیمت مقرر کی جائے، ملزمان میں پی آئی بی، چنیسر گوٹھ، پختون آباد، لانڈھی کے منشیات فروش شامل ہیں۔

خط میں جن خطرناک ملزموں کے خلاف سفارش کی گئی ہے ان میں پی آئی بی کے رہائشی احمد علی مگسی، اور چنیسر گوٹھ کے فاروق کے نام شامل ہے۔

یہ بھی پڑھیں:  کراچی پولیس چیف کا لیاری مقابلے میں شریک پولیس ٹیم کیلئے 5 لاکھ روپےانعام کااعلان

فہرست میں شامل لانڈھی کے رہائشی سید بادشاہ کے سر کی قیمت بھی 10 لاکھ روپے مقرر کرنے کی سفارش کی گئی ہے، فہرست کے مطابق کورنگی کے تاج محمد خان کے سر کی قیمت بھی مقرر کیے جانے کی سفارش کی گئی۔

کراچی پولیس چیف ڈاکٹر امیر شیخ کے خط کے مطابق فہرست میں منگھوپیر کے رہائشی فرمان عرف ملنگی کا نام بھی شامل ہے، خط میں تجویز دی گئی ہے کہ ہر ملزم کے سر کی قیمت دس لاکھ روپے مقرر کی جائے۔

کراچی: پولیس کی نگرانی میں موجود کیس پراپرٹی بھی محفوظ نہیں، تھانہ پاک کالونی سے کیس پراپرٹی کی موٹر سائیکلیں چوری ہونے کا انکشاف ہوا ہے۔

تفصیلات کے مطابق پاک کالونی کا تھانہ کیس پراپرٹی کی موٹر سائیکلیں بیچنے میں ملوث نکلا، سی آئی نے تحقیقات شروع کر دیں، تھانے کے ایس ایچ او کو معطل کر دیا گیا۔

اینٹی کار لفٹنگ سیل نے پاک کالونی میں ایک گودام پر چھاپا مار کر کیس پراپرٹی کی 100 موٹر سائیکلیں برآمد کیں، گودام کا مالک بھی گرفتار کر لیا گیا۔

[bs-quote quote=”موٹر سائیکلوں کے پرزے خریدنے والے کباڑیے نے بتایا کہ وحید نامی شخص کو سامان پولیس اہل کار نے بیچا” style=”style-7″ align=”left” color=”#dd3333″][/bs-quote]

موٹر سائیکلوں کی چوری کا مقدمہ اے سی ایل سی تھانے میں درج کر دیا گیا۔ گودام کے مالک نے بتایا کہ وحید نامی شخص تھانہ پاک کالونی سے موٹر سائیکلیں لا کر بیچتا تھا۔

ڈی آئی جی سی آئی اے نے ایس ایچ او پاک کالونی کو معطل کر کے انکوائری شروع کر دی، انھوں نے کہا کہ معطل ایس ایچ او اور اہل کاروں کو شامل تفتیش کیا جا رہا ہے۔

ڈی آئی جی امین یوسف کا کہنا تھا کہ کوئی بھی اہل کار یا افسر کیس میں ملوث ہوا تو اس کے خلاف کارروائی ہوگی۔ انھوں نے کہا کہ چوری ہونے والی 53 موٹر سائیکلوں کے ریکارڈ مل چکے ہیں۔

یہ بھی پڑھیں:  کالی بھیڑوں کو سنبھلنے کا بہت موقع فراہم کیا، کراچی پولیس چیف

ڈی آئی جی نے کہا کہ چوری شدہ موٹر سائیکلیں برآمدگی کے بعد تول کر بیچی گئیں، موٹر سائیکلوں کے پرزے خریدنے والا کباڑیا بھی گرفتار ہو چکا ہے۔

امین یوسف کا کہنا تھا کہ کباڑیے نے کہا ہے کہ اسے سامان وحید نے بیچا، کباڑیے نے مزید بتایا کہ وحید کو سامان پولیس اہل کار نے بیچا، وحید نے 9 لاکھ میں اسپئر پارٹس خریدے۔

خیال رہے کہ دو ہفتے قبل آئی جی سندھ ڈاکٹر امیر شیخ نے محکمۂ پولیس میں بڑے پیمانے پر تبدیلیوں کا اعلان کرتے ہوئے کہا کہ محکمے کے اندر کالی بھیڑوں کو سنبھلنے کا بہت موقع فراہم کیا گیا، اب ان کے خلاف کارروائی ہوگی۔