ARYNews.tv | Urdu – Har Lamha Bakhabar

Tag: کراچی پیکج

  • کراچی پیکج میں شامل پہلا منصوبہ مکمل، بلاول بھٹو آج افتتاح کریں گے

    کراچی پیکج میں شامل پہلا منصوبہ مکمل، بلاول بھٹو آج افتتاح کریں گے

    کراچی : چیئرمین پیپلز پارٹی بلاول بھٹو آج کورنگی میں ابراہیم حیدری پر کراچی کے دوسرے پیپلز اسکوائر کا افتتاح کریں گے، ابراہیم حیدری کورنگی کو ملاح اسکوائر کا نام دیا گیا ہے۔

    تفصیلات کے مطابق سندھ حکومت کے ترجمان بیرسٹر مرتضیٰ وہاب نے سماجی رابطے کی ویب سائٹ ٹوئٹر پر اپنے بیان میں کہا کہ ذوالفقاربھٹوکی سالگرہ پرکورنگی کے ترقیاتی منصوبوں کی تکمیل کا تحفہ دیں گے ، کراچی پیکج میں شامل پہلا منصوبہ مکمل کرلیا گیا ہے ، جس کا بلاول بھٹوآج افتتاح کریں گے۔

    بیرسٹرمرتضیٰ وہاب کا کہنا تھا کہ ابراہیم حیدری میں کراچی کادوسراپیپلزاسکوائرمکمل ہوگیا ، ابراہیم حیدری کورنگی کوملاح اسکوائرکانام دیاگیاہے، ملاح پیپلزاسکوائرآج سےعوام کے لئے کھول دیا جائے گا۔


    ترجمان سندھ حکومت نے مزید کہا کہ ماضی میں بلدیاتی حکومتوں نےاس مقام کونظراندازکیا ، 14اگست 2020کواولڈسٹی ایریامیں پہلے پیپلزاسکوائرکا افتتاح کیا گیا تھا۔

    ان کا کہنا تھا کہ سندھ حکومت صوبے میں ترقیاتی کام کر رہی ہے، تیسرے پیپلز اسکوائر کا افتتاح بہت جلد ملیر کھوکھرا پار میں کیا جائے گا۔ سندھ حکومت صوبے میں ترقیاتی کام کر رہی ہے۔

  • وزیر اعظم کو پیکج پر دوبارہ غور کرنا چاہیے: بلاول بھٹو زرداری

    وزیر اعظم کو پیکج پر دوبارہ غور کرنا چاہیے: بلاول بھٹو زرداری

    کراچی: پاکستان پیپلز پارٹی کے چیئرمین بلاول بھٹو زرداری نے کہا ہے کہ وزیر اعظم کم از کم سندھ حکومت کے 800 ارب کے برابر گرانٹ کا اعلان کرتے، وزیر اعظم کو فیصلے پر دوبارہ غور کرنا چاہیے۔

    اے آر وائی نیوز کے مطابق بلاول بھٹو زرداری نے پیپلز پارٹی سینٹرل پنجاب کے جنرل سیکریٹری چوہدری منظور کو فون کیا، انھوں نے ہدایت کی کہ پیپلز پارٹی کے عہدے دار اور کارکن سیلاب زدہ علاقوں کا دورہ کریں۔

    بلاول کا کہنا تھا کہ پنجاب سمیت ملک بھر میں امدادی سرگرمیوں میں حصہ لیا جائے، 2010 اور 2011 کے سیلاب زدگان کی وطن کارڈ سے مدد کی گئی تھی، وفاق بھی اسی طرز پر سیلاب سے متاثرہ افراد کی مدد کرے۔

    چیئرمین پیپلز پارٹی نے کہا کراچی کے عوام توقع کر رہے تھے کہ وزیر اعظم بڑے پیکج کا اعلان کریں گے، وفاق سندھ حکومت کے برابر گرانٹ دے تاکہ کراچی کے مسائل کا خاتمہ ہو۔

    خیال رہے کہ آج چیئرمین پی پی پی بلاول بھٹو زرداری نے کراچی میں ضلع وسطی و غربی میں بارش سے متاثرہ علاقوں کا دورہ بھی کیا۔ اس موقع پر لوگوں سے خطاب میں انھوں نے کہا عوام ساتھ دیں تو وفاق سے این ایف سی چھین کر رہیں گے، سندھ کے عوام کا پیسہ سندھ حکومت کو دیا جائے۔ بلاول نے سپریم کورٹ جانے کا عندیہ دیتے ہوئے کہا سپریم کورٹ سے سندھ کے عوام کا پیسہ صوبائی حکومت کو دینے کی درخواست کریں گے۔

    کراچی ٹرانسفارمیشن پلان کے لیے 1 ہزار 113 ارب روپے کی تفصیلات؟

    واضح رہے کہ گزشتہ روز کراچی دورے کے موقع پر وزیر اعظم عمران خان نے کراچی ٹرانسفارمیشن پلان کے تحت 1113 ارب روپے پیکج کا اعلان کیا تھا، جس میں شہر میں واٹر سپلائی کے منصوبوں کے لیے 92 ارب روپے مختص کیے گئے ہیں، سیوریج ٹریٹمنٹ کے لیے 141 ارب روپے، سولِڈ ویسٹ منیجمنٹ اور نکاسئ آب کے لیے 267 ارب روپے مختص کیے گئے ہیں۔

    کراچی پیکج میں سڑکوں کی بحالی اور نئی سڑکوں کی تعمیر پر 41 ارب روپے خرچ کیے جائیں گے، جب کہ کراچی میں ماس ٹرانزٹ، ریل اور روڈ ٹرانسپورٹ کے لیے 572 ارب روپے مختص کیے گئے ہیں۔

  • کراچی ٹرانسفارمیشن پلان کے لیے 1 ہزار 113 ارب روپے کی تفصیلات؟

    کراچی ٹرانسفارمیشن پلان کے لیے 1 ہزار 113 ارب روپے کی تفصیلات؟

    کراچی: وزیر اعظم آفس نے کراچی ٹرانسفارمیشن پلان کے لیے اعلان کردہ 1113 ارب روپے پیکج کی تفصیلات جاری کر دیں۔

    تفصیلات کے مطابق وزیر اعظم آفس کا کہنا ہے کہ کراچی ٹرانسفارمیشن پلان کے پیکج میں کراچی میں واٹر سپلائی کے منصوبوں کے لیے 92 ارب روپے مختص کیے گئے ہیں۔

    وزیر اعظم آفس کے مطابق کراچی میں سیوریج ٹریٹمنٹ پر 141 ارب روپے خرچ کیے جائیں گے، سولِڈ ویسٹ منیجمنٹ اور نکاسئ آب کے لیے 267 ارب روپے مختص کیے گئے ہیں۔

    سڑکوں کی بحالی اور نئی سڑکوں کی تعمیر پر 41 ارب روپے خرچ کیے جائیں گے، جب کہ کراچی میں ماس ٹرانزٹ، ریل اور روڈ ٹرانسپورٹ کے لیے 572 ارب روپے مختص کیے گئے ہیں۔

    وزیر اعظم عمران خان کا بڑے شہر کے لیے بڑے پیکج کا اعلان

    واضح رہے کہ آج وزیر اعظم عمران خان نے کراچی ٹرانسفارمیشن پلان کا اعلان کیا تھا، نیوز کانفرنس میں انھوں نے کہا کہ کراچی کے لیے اس تاریخی پیکج میں 8 سو ارب وفاق اور 3 سو ارب روپے سندھ ادا کرے گا۔

    انھوں نے کہا کہ کراچی میں سیوریج سسٹم، ٹرانسپورٹ، سالڈ ویسٹ اور پانی کے مسائل ہیں، ہماری کوشش ہے سارے مسائل کو ایک ساتھ حل کریں، نالوں کی صفائی کا کام این ڈی ایم اے کو سونپا گیا ہے، نالے وفاق صاف کرے گا، بے گھر ہونے والوں کی آباد کاری صوبہ کرے گا، سب کاموں کی مانیٹرنگ پی سی آئی سی کرے گی، جس میں وفاق، صوبائی حکومت اور فوج شریک ہوگی۔

    وزیر اعظم عمران خان نے کہا کراچی میں مختلف اداروں کی حدود ہیں، اس لیے یہاں فیصلوں کا نفاذ مشکل ہوتا تھا، کراچی کے مسائل کی ایک بڑی وجہ اختیارات کا تقسیم ہونا ہے، لیکن اب کراچی کے مسائل کے حل کے لیے ایک سال اور 3 سال کی پالیسیاں مرتب کی گئی ہیں۔

  • وزیر اعظم عمران خان کا کراچی کے لیے 1100 ارب کے پیکج کا اعلان

    وزیر اعظم عمران خان کا کراچی کے لیے 1100 ارب کے پیکج کا اعلان

    اسلام آباد: وزیر اعظم عمران خان نے آفت زدہ شہر کراچی کے لیے 1100 ارب کے پیکج کا اعلان کر دیا۔

    تفصیلات کے مطابق کراچی ٹرانسفارمیشن پلان کا اعلان کرتے ہوئے وزیر اعظم عمران خان نے نیوز کانفرنس میں شہر قائد کے لیے گیارہ سو ارب روپے کے بڑے پیکج کا اعلان کر دیا ہے۔

    عمران خان نے نیوز کانفرنس میں کہا کہ کراچی کے لیے گیارہ سو ارب کا تاریخی پیکج لائے ہیں، جس میں 8 سو ارب وفاق اور 3 سو ارب روپے سندھ کا حصہ ہوگا، پانی کا مسئلہ پرانا ہے، کوشش ہے جلد سے جلد حل ہو۔

    انھوں نے کہا سیوریج سسٹم کا 1100 ارب کے پیکج میں حصہ ہوگا، ٹرانسپورٹ، سالڈ ویسٹ، پانی اور سیوریج سسٹم کے مسائل حل کیے جائیں گے، کراچی کے سرکلر ریلوے کو اس پیکج سے مکمل کریں گے، ہماری کوشش ہے کراچی کے مسائل کو ایک ساتھ حل کریں۔

    وزیر اعظم نے کہا کراچی میں پانی کا مسئلہ پرانا ہے، کوشش ہے کہ یہ مسئلہ جلد سے جلد حل ہو، این ڈی ایم اے نالے صاف کر رہی ہے اور کرے گی، اس قسم کی آفات میں پاک فوج ہمیشہ آگے آتی ہے، پی سی آئی سی کراچی سے متعلق فیصلوں پر عمل کرائے گی، کراچی کی ٹرانسپورٹ اور سڑکوں کا مسئلہ بھی اس پیکج کے ذریعے حل کیا جائے گا۔

    انھوں نے کہا کراچی کے لوگوں کو بہت مشکل حالات سے گزرنا پڑا، اب سب نے مشاورت کے بعد کراچی کے حل کے لیے فیصلہ کیا، پی سی آئی سی کے ذریعے کراچی کے مسائل حل کریں گے۔

    وزیر اعظم عمران خان نے کہا کراچی میں مختلف اداروں کی حدود ہیں، اس لیے یہاں فیصلوں کا نفاذ مشکل ہوتا تھا، کراچی کے مسائل کی ایک بڑی وجہ اختیارات کا تقسیم ہونا ہے، لیکن اب کراچی کے مسائل کے حل کے لیے ایک سال اور 3 سال کی پالیسیاں مرتب کی گئی ہیں، نالے وفاق صاف کرے گا، بے گھر ہونے والوں کی آباد کاری صوبہ کرے گا، سب کاموں کی مانیٹرنگ پی سی آئی سی کرے گی، جس میں وفاق، صوبائی حکومت اور فوج شریک ہوگی۔

    انھوں نے کہا وزیر اعلیٰ سندھ نے مجھے اندرون سندھ کی صورت حال سے آگاہ کیا، ہم دیکھ رہے ہیں کہ اندرون سندھ کے لوگوں کی کس طرح مدد کر سکتے ہیں، بلوچستان اور سوات کے علاقے اور چترال بھی بارش سے متاثر ہوا ہے، جتنی بارشیں ابھی ہوئیں پہلے نہیں ہوئیں، اللہ نے ہمیں بارشوں کے امتحان میں ڈالا۔

    وزیر اعظم نے کہا کہ کراچی کے مسائل کے حل کے لیے صوبائی کوآرڈینیشن عمل درآمد کمیٹی (پی سی آئی سی) بنائی گئی ہے، اب تمام فیصلے اس کمیٹی کے فورم پر ہوں گے، کرونا کے خلاف کامیابی کی بڑی وجہ مشترکہ لائحہ عمل تھا، سیلاب کا بھی مشترکہ حکمت عملی سے مقابلہ کریں گے، فیصلہ کیا ہے کہ کراچی کے مسائل کو مستقل بنیادوں پر حل کریں گے۔

  • وفاقی حکومت کا کراچی پیکج کے تحت ترقیاتی منصوبوں کی جلد تکمیل کا اعلان

    وفاقی حکومت کا کراچی پیکج کے تحت ترقیاتی منصوبوں کی جلد تکمیل کا اعلان

    اسلام آباد: وفاقی وزیر اسد عمر کا کہنا ہے کہ حکومت کراچی ترقیاتی منصوبوں کے لیے اپنےحصے کے فنڈز فراہم کر رہی ہے۔

    تفصیلات کے مطابق وفاقی وزیر اسد عمر سے خالد مقبول صدیقی کی سربراہی میں ایم کیو ایم کے وفد نے ملاقات کی۔ اس موقع پر وفاقی وزیر اسد عمر نے کہا کہ کراچی پیکج کے تحت ترقیاتی منصوبوں پر کام کی رفتار تیز کی گئی ہے۔

    اسد عمر کا کہنا تھا کہ پیکج کے ترقیاتی منصوبوں پر کام سے درپیش مشکلات کا بھی ازالہ کیا جائے گا، حکومت کراچی ترقیاتی منصوبوں کے لیے اپنے حصے کے فنڈز فراہم کر رہی ہے۔

    وفاقی وزیر برائے منصوبہ بندی کے مطابق وزیراعظم پانی کی فراہمی کے لیے کے4 منصوبوں کی تکمیل کے خواہاں ہیں، کے فور منصوبے کی پراگریس سے متعلق سندھ حکومت سے رابطے میں ہیں۔

    اسد عمر کا کہنا تھا کہ کراچی سرکلر ریل سے متعلق تصفیہ طلب امور حل کیے جائیں گے، ناردرن بائی پاس اور ریلوے فریٹ کاریڈور منصوبے بھی ترجیح ہیں۔

    وفاقی وزیر خالد مقبول صدیقی کی سربراہی میں ایم کیو ایم کے وفد نے ترقیاتی منصوبوں کے لیے وفاقی حکومت کے تعاون پر اظہار تشکر کیا۔

  • وزیراعظم عمران خان نے 162ارب روپے کے کراچی پیکج کی منظوری دے دی

    وزیراعظم عمران خان نے 162ارب روپے کے کراچی پیکج کی منظوری دے دی

    کراچی : وزیراعظم عمران خان نے 162 ارب روپے کے کراچی پیکج کی منظوری دے دی ، جس کے تحت شہرقائدمیں18منصوبوں پرکام کیا جائے گا جبکہ حیدرآباد میں یونیورسٹی کی منظوری بھی دے دی گئی۔

    تفصیلات کے مطابق وزیراعظم عمران خان کی زیرصدارت گورنرہاؤس میں اجلاس ہوا، جس میں گورنرسندھ اور کراچی ٹرانسفارمیشن کمیٹی کےاراکین شریک ہوئے ، اجلاس میں کراچی میں جاری ترقیاتی منصوبوں اور مجوزہ اسکیموں پر غور کیا گیا۔

    ذرائع کا کہنا ہے وزیراعظم عمران خان نے 162 ارب روپے کے کراچی پیکج کی منظوری دے دی، کراچی پیکج کے تحت شہر قائد میں 18 منصوبوں پر کام کیا جائے گا، پیکج میں سیوریج،ٹرانسپورٹ سمیت دیگر منصوبے شامل ہیں۔

    وزیراعظم نے حیدرآبادمیں یونیورسٹی کی منظوری بھی دی، 5 اپریل کو حیدرآباد میں یونیورسٹی کاسنگ بنیاد رکھاجائےگا۔

    ذرائع کے مطابق وزیراعظم تھر کیلئے بھی میگااسکیموں کااعلان کریں گے۔

    مزید پڑھیں : وزیراعظم عمران خان آج گھوٹکی میں جلسے سے خطاب کریں گے

    دورہ کراچی کے بعد وزیراعظم پاکستان عمران خان بذریعہ ہیلی کاپٹر گھوٹکی پہنچیں گے ، جہاں وہ جلسہ عام سے خطاب کریں گے، خطاب کے لیے62 فٹ لمبا اور 40 فٹ چوڑا اسٹیج تیار کیا گیا ہے، جلسے میں شاہ محمود قریشی، شیخ رشید اور دیگروفاقی وزرا بھی شرکت کریں گے۔

    جلسے کے بعد وزیراعظم کےاعزازمیں ظہرانہ دیا جائے گا اور وزیر اعظم عمران خان جی ڈی اے کے رہنماؤں سے بھی ملاقات کریں گے۔

    یاد رہے گذشتہ روز بلوچستان میں نیو گوادر انٹرنیشنل ایئرپورٹ کا سنگ بنیاد رکھنے کے بعد وزیراعظم عمران خان سندھ کے دورے پر کراچی پہنچے تھے ، قائد اعظم انٹرنیشنل ایئر پورٹ پر ان کا استقبال پی ٹی آئی سندھ کے اعلیٰ عہدیداران نے کیا۔

    بعد ازاں وزیراعظم عمران خان نے گورنرہاؤس کراچی میں ایم کیوایم پاکستان کے وفد سے ملاقات کی تھی ،جس میں وزیراعظم کا کہنا تھا ایم کیوایم پاکستان اہم اتحادی ہے، تمام تحفظات دور کریں گے، ایم کیوایم اور کوآر ڈی نیشن کمیٹی کا مشترکہ اجلاس جلد بلایا جائے گا۔

  • کراچی پیکج پرجلد عمل درآمد ہوگا، وسیم اختر

    کراچی پیکج پرجلد عمل درآمد ہوگا، وسیم اختر

    کراچی : میئر کراچی وسیم اختر نے کہا ہے کہ کراچی پیکیج پر جلد عمل درآمد ہوگا، حلقہ پی ایس 114 ایم کیوایم کی سیٹ ہے اور رہے گی، کام کرنا چاہتا ہو ں لیکن میری راہ میں رکاوٹیں ڈالی جارہی ہیں۔

    ان خیالات کا اظہار انہوں نے گلشن اقبال یونیورسٹی روڈ فلائی اوور کو سرسید احمد خان کے نام سے منسوب کرنے کی تقریب کے موقع پر میڈیا سے گفتگو کرتے ہوئے کیا۔

    انہوں نے کہا کہ حالیہ ضمنی الیکشن میں ہمیں خالص ووٹ پڑے، 18 ہزار ووٹ ہماری جیت ہے، وسائل ہوں یا نہیں جدوجہد جاری رکھیں گے، پی ایس 114 کی سیٹ ہماری تھی اور رہے گی، ٹھپے نہیں چاہئیں۔

    وسیم اختر نے کہا کہ آئندہ الیکشن میں صحیح فیصلہ سامنے ہوگا، 2011 کی جادوگری2018  میں کام نہیں آئے گی، زبردستی ووٹ بینک نہیں توڑا جاتا، ایسا لگ رہا ہے کہ الیکشن کے دن آ گئے ہیں۔

    ان کا کہنا تھا کہ شہر میں کچھ قوانین درست نہیں ہیں، وزیراعلیٰ سندھ کو کراچی کے کاموں میں ہمارا ساتھ دینا چاہئے، مجھے تو تنخواہ مکمل نہیں ملتی، لوگوں کوپینشن کہاں سے ادا کروں؟ شہر میں گٹر کے ڈھکن تک موجود نہیں ہیں۔

    مزید پڑھیں: نامکمل ترقیاتی منصوبے اوروزیراعظم کی میئرکراچی کو یقین دہانیاں

    میئرکراچی نے کہا کہ کراچی پیکیج کے حوالے سے وزیر اعظم سے ملاقات ہوئی ہے، پیکیج پراگلے ہفتے بہتر نتیجہ آجائے گا، وزیراعظم نے منصوبوں میں بلدیہ، میئر کو آن بورڈ لینےکی ہدایت کی ہے۔

    وسیم اختر نے بتایا کہ پانچ انڈسٹریل ٹریٹمنٹ پلانٹ کا پروجیکٹ جلد شروع کیا جائے، کراچی پروجیکٹس پر لاگت کا تخمینہ وزیراعظم کوپیش کردیا ہے۔

    کراچی میں دس ارب روپے کی لاگت سے سڑکیں اور فلائی اوورز بنانے کی تجویز دی ہے، اس کے علاوہ پانچ ارب روپے سے فائربریگیڈ کی بحالی پر وزیراعظم سے بات کی ہے۔