Tag: کراچی ڈاکوؤں

کراچی : ڈاکوؤں نے نجی کمپنی کے ملازمین کو گیٹ پر لوٹ لیا، ڈکیتی واردات کی سی سی ٹی وی فوٹیج منظرعام پر آگئی۔

تفصیلات کے مطابق کراچی میں لاقانونیت میں اضافہ ہوگیا، حکومت سندھ اور پولیس حکام کے دعوؤں کے باوجود کراچی میں لٹیرے آزادانہ وارداتیں کرتے پھر رہے ہیں اور انہیں کوئی پوچھنے والا نہیں ہے۔

کراچی کے علاقے اورنگی بلال چورنگی پر نجی کمپنی کے ملازمین سے ڈاکوؤں نے لوٹ مار کی، ڈکیتی واردات کی سی سی ٹی وی فوٹیج منظرعام پر آگئی۔

فوٹیج میں موٹرسائیکل ملزمان کونجی کمپنی کے گیٹ پرلوٹ مارکرتے دیکھاجاسکتا ہے، ڈاکو نجی کمپنی کے ملازم سے لوٹ مار کے بعد فرار ہوگئے۔

یاد رہے کراچی مین نیٹی جیٹی پل پردن دیہاڑے لاکھوں روپے ڈکیتی کی واردات ہوئی تھی ، جس میں سی فوڈ کمپنی کے 3 ملازمین آئی آئی چندریگرروڈ پر بینک سے رقم لےکرنکلے تو موٹر سائیکل پر سوار 2 ڈاکو ملازمین سے 14 لاکھ سے زائد کی رقم لوٹ کر لے گئے تھے۔

کراچی : کراچی میں ڈاکوؤں نے ایک اور میٹرک کے طالب علم کوقتل کردیا، دو روز پہلے مواچھ گوٹھ میں ڈاکوؤں کی فائرنگ سے میٹرک کا طالبعلم مزمل جاں بحق ہوا تھا۔

تفصیلات کے مطابق کراچی میں بے لگام ڈاکوں کی فائرنگ سے ایک اور نوجوان جاں بحق ہوگیا، محمد ایان کو کورنگی زمان ٹاون میں گھر کے سامنے نشانانہ بنایا گیا۔

ملزمان نے پہلے محمد ایان کے ماموں دانش سے موبائل فون چھینا اور فرار ہوتے ہوئے فائرنگ کی، جس کے نتیجے میں محمد ایان لقمہ اجل بن گیا، کورنگی زمان ٹاؤن کا ایان کئی گھنٹے زندگی موت کی کشمکشِ رہا، جس کے بعد جان کی بازی ہار گیا۔

مقتول محمد ایان تین بین بھائیوں میں سب سے بڑا تھا، صبح میں میٹرک کے امتحان کی تیاری اور شام کو کارخانے میں کام کرتا تھا۔

مقتول محمد ایان کی نماز جنازہ مقامی مسجد میں ادا کردی گئی، پولیس کا دعویٰ ہے کہ واقعاتی شواہد کی مدد سے ملزمان تک پہنچ گئے ہیں جلد گرفتار کرکے سخت سزا دی جائے گی۔

یاد رہے دو روزپہلےمواچھ گوٹھ میں ڈاکوؤں کی فائرنگ سے میٹرک کا طالبعلم مزمل جاں بحق ہواتھا۔

کراچی : رینجرز اور پولیس نے مشترکہ کارروائی کرتے ہوئے ڈاکوؤں کو اسلحہ کرائے پر دینے والے 2 ملزمان کو گرفتار کرلیا۔

تفصیلات کے مطابق کراچی میں رینجرز اور پولیس نے اورنگی ٹاؤن میں مشترکہ کارروائی کی اور کارروائی کے دوران ڈاکوؤں کو اسلحہ کرائے پر دینے والے 2 ملزمان کو گرفتار کرلیا۔

ترجمان رینجرز نے بتایا کہ ملزمان شہاب عرف شیڈو اور محمد آصف سے اسلحہ برآمد کرلیا گیا ہے ، گرفتار ملزمان خود بھی ڈکیتی کی متعدد وارداتوں میں ملوث ہیں۔

ترجمان کا کہنا تھا کہ ملزمان جرائم پیشہ عناصر کو کرایہ پر اسلحہ فراہم کرتے تھے اور چیکو باغ بلوچستان سے روزانہ کی بنیاد پر منشیات خریدتے ہیں۔

دوران تفتیش ملزمان نے مختلف علاقوں میں منشیات کی ترسیل کرنے کا بھی اعتراف کیا ہے، ملزمان اورنگی،ناظم آباد، کلفٹن، سائٹ اوردیگر علاقوں میں وارداتیں کرچکے ہیں۔

ترجمان رینجرز نے کہا کہ ملزمان کے دیگر ساتھیوں کی گرفتاری کے لیے چھاپے مارے جا رہے ہیں جبکہ گرفتار ملزمان کو قانونی کارروائی کے لیے پولیس کے حوالے کر دیا گیا۔