ARYNews.tv | Urdu – Har Lamha Bakhabar

Tag: کراچی ڈکیتی

  • کراچی میں ایک کروڑ 35 لاکھ کی ڈکیتی میں ملوث ملزمان کی تصاویر سامنے آگئیں

    کراچی میں ایک کروڑ 35 لاکھ کی ڈکیتی میں ملوث ملزمان کی تصاویر سامنے آگئیں

    کراچی : سائٹ میٹروول میں ایک کروڑ پینتیس لاکھ کی ڈکیتی میں ملوث مبینہ ملزمان کی تصاویر سامنے آگئیں، سی سی ٹی وی تصاویر واردات کے بعد رقم لوٹ کر فرار ہونے کی ہیں۔

    کراچی کے علاقے سائٹ میٹروول میں ایک کروڑ پینتیس لاکھ کی ڈکیتی اور 2 افراد کے قتل کی واردات میں ملوث مبینہ ملزمان کی سی سی ٹی وی تصاویر سامنے آگئیں۔

    سی سی ٹی وی تصاویر واردات کے بعد رقم لوٹ کر فرار ہونے کی ہیں ، تصاویر میں موٹر سائیکل پر سوار 2ملزمان کو دیکھا جاسکتا ہے، سی سی ٹی وی میں لوٹی گئی رقم بھی ملزمان کے پاس موجود نیلے شاپر میں دیکھی جاسکتی ہے۔

    گذشتہ روز ملزمان نے میٹروول سائٹ میں 1کروڑ 35لاکھ لوٹ کر دو افراد کو قتل کیا تھا، بعد ازاں ڈکیتی کے دوران 2 افراد کے قتل کا مقدمہ درج کیا گیا۔

    مقدمہ متاثرہ کمپنی کے ملازم کی مدعیت میں درج کیاگیا، جس میں کہا کہ کمپنی ملازمین رقم بینک میں جمع کرانے جارہے تھے، موٹر سائیکل سوار ملزمان فائرنگ کے بعد رقم کےتھیلےلوٹ کرفرارہوئے، ڈاکو گاڑی میں موجود ایک کروڑ35 لاکھ نقدی لوٹ کر فرار ہوئے۔

  • کراچی میں ڈکیتی مزاحمت پر ایک اور نوجوان قتل

    کراچی میں ڈکیتی مزاحمت پر ایک اور نوجوان قتل

    کراچی: شہر میں ڈاکوؤں کی دیدا دلیری عروج پر پہنچ گئی، مختلف علاقوں میں ڈکیتی مزاحمت پر ایک شخص جاں بحق اور تین زخمی ہو گئے۔

    تفصیلات کے مطابق شہر کراچی میں فائرنگ کے واقعات ملیر، نیو کراچی اوربلدیہ میں ہوئے، ملیر 15 لیاقت مارکیٹ کے قریب میں فائرنگ سے زخمی نبیل احمد دوران علاج دم توڑ گیا فائرنگ کا واقعہ ڈکیتی مزاحمت کے دوران پیش آیا۔

    <iframe src=”https://www.facebook.com/plugins/video.php?height=476&href=https%3A%2F%2Fwww.facebook.com%2Farynewsud%2Fvideos%2F1372109980096060%2F&show_text=false&width=395&t=0″ width=”395″ height=”476″ style=”border:none;overflow:hidden” scrolling=”no” frameborder=”0″ allowfullscreen=”true” allow=”autoplay; clipboard-write; encrypted-media; picture-in-picture; web-share” allowFullScreen=”true”></iframe>

    پولیس نے بتایا کہ ملزمان نے موٹر سائیکل چھیننے کے دوران مزاحمت پر گولیاں ماریں، مقتول نبیل شیر شاہ کا رہائشی تھا اور وہ اپنے رشتہ داروں سے ملنے ملیر آیا تھا۔

    واضح رہے کہ کراچی میں 55 دنوں میں ڈکیتی مزاحمت پر فائرنگ سے جاں بحق افراد کی تعداد 27 ہوگئی جبکہ درجنوں کو مسلح افراد نے مزاحمت پر زخمی بھی کیا ہے، دو روز قبل بھی 2 سالہ حورین موٹر سائیکل اسنیچر کی گولی کا نشانہ بنی تھی۔

  • چھینے گئے موبائل فونز آن لائن فروخت کرنے والے کارندوں کا اہم انکشاف

    چھینے گئے موبائل فونز آن لائن فروخت کرنے والے کارندوں کا اہم انکشاف

    کراچی: شہر قائد میں شہریوں سے چھینے گئے موبائل فونز آن لائن فروخت کرنیوالے 3 کارندے کو گرفتار کرلیا گیا جس نے دوران تفتیش اہم انکشاف کیا ہے۔

    تفصیلات کے مطابق کراچی کے علاقے کورنگی عوامی کالونی میں پولیس نےکارروائی کرتے ہوئے شہریوں سے چھینے گئے موبائل فونز آن لائن فروخت کرنیوالے گینگ کے 3 کارندوں کو گرفتار کیا ہے، ملزمان نے 100 سے زائد قیمتی موبائل فون چھیننے کا انکشاف کیا۔

    پولیس حکام کا کہنا ہے کہ ملزمان 30 نومبر کو شہری سے واردات کر کے فرار ہوگئے تھے،گزشتہ روز ملزمان کا گینگ شہری سے لوٹ مار کر کے فرار ہورہا تھا تاہم پولیس پہنچ گئی، پولیس نے حکمت عملی سے ایک ڈاکو کو گرفتار کر لیا تھا، 2 ساتھی فرار ہوگئے تھے۔

    حکام کا بتانا ہے کہ پولیس نے کارروائی کر کے فرار ہونے والے 2 کارندوں کو بھی گرفتار کرلیا، گینگ سے اسلحہ اور شہریوں سے چھیننے ہوئے 5 موبائل فون، 2 موٹر سائیکلیں برآمد ہوئی۔

    پولیس حکام نے مزید بتایا کہ  ملزمان شہر میں  روزانہ 10 سے 12 وارداتیں کر کے فرار ہوجاتے تھے، ملزمان میں گینگ کا ماسٹر مائنڈ شاہ ویز اور 2 کارندے عمران اور کاشان شامل ہیں۔

  • مومن آباد فٹبال چورنگی کے قریب گھر میں ڈکیتی کی فوٹیج سامنے آ گئی

    مومن آباد فٹبال چورنگی کے قریب گھر میں ڈکیتی کی فوٹیج سامنے آ گئی

    کراچی: شہر قائد کے علاقے مومن آباد، فٹبال چورنگی کے قریب گھر میں ڈکیتی کی فوٹیج سامنے آ گئی۔

    تفصیلات کے مطابق کراچی میں مومن آباد فٹبال چورنگی کے قریب گھر میں ڈکیتی کی واردات کی سی سی ٹی وی فوٹیج اے آر وائی نیوز نے حاصل کر لی۔

    6 سے زائد ملزمان نے گھر میں گھس کر اہل خانہ کو یرغمال بنا کر اسلحہ کے زور پر واردات کی، فوٹیج میں ملزمان کو گھر کے اندر بنائی گئی موبائل شاپ میں لوٹ مار کرتے دیکھا جا سکتا ہے۔

    پولیس حکام کا کہنا ہے کہ گھر کے اندر سے پکوان سینٹر اور موبائل شاپ کا راستہ بھی تھا، اہل خانہ نے بتایا کہ ملزمان تقریباً ایک گھنٹے سے زائد تک گھر میں واردات کرتے رہے۔

  • ویڈیو: گلشن حدید میں چلتی سڑک پر ڈاکو کار روک کر 8 لاکھ روپے کیش لوٹ کر فرار

    ویڈیو: گلشن حدید میں چلتی سڑک پر ڈاکو کار روک کر 8 لاکھ روپے کیش لوٹ کر فرار

    کراچی: شہر قائد کے علاقے گلشن حدید میں چلتی سڑک پر ڈاکو کار روک کر 8 لاکھ روپے کیش لوٹ کر فرار ہو گئے، واردات کی سی سی ٹی وی فوٹیج اے آر وائی نیوز نے حاصل کر لی۔

    تفصیلات کے مطابق کراچی کے علاقے گلشن حدید میں دن دہاڑے مصروف سڑک پر ڈکیتی کی واردات ہوئی ہے، جس میں ڈاکوؤں نے چلتی کار کو روکا اور کار مالک سے لاکھوں روپے لوٹ کر بھاگ گئے، کراچی میں دن دہاڑے دلیری سے لوٹ مار کی وارداتوں میں اضافہ ہو گیا ہے۔

    فوٹیج میں دیکھا جا سکتا ہے کہ 3 ڈاکو چلتی سڑک پر 25 سیکنڈ میں 8 لاکھ روپے لوٹ کر فرار ہو گئے، جب کہ سڑک پر گزرنے والے واردات کو عام روٹین سمجھ کر گزرتے رہے، ڈاکوؤں نے بھی پولیس کے خوف سے بے فکر ہو کر واردات کی۔

    فوٹیج کے مطابق ڈاکو ایک موٹر سائیکل پر تیزی سے آئے اور کار کو روکا، 2 مسلح ڈاکو مصروف ترین سڑک پر اتر کر کار میں گھس گئے، اور شہری سے آٹھ لاکھ روپے کیش چھین لیے۔ واردات کے بعد ڈاکو اسی سڑک پر آگے کی جانب فرار ہو گئے۔

  • گلستان جوہر میں گھر میں 40 منٹ تک واردات کرنے والے ڈکیتوں کی سفاکی، ویڈیو سامنے آ گئی

    گلستان جوہر میں گھر میں 40 منٹ تک واردات کرنے والے ڈکیتوں کی سفاکی، ویڈیو سامنے آ گئی

    کراچی: شہر قائد کے علاقے گلستان جوہر میں ایک گھر میں 40 منٹ تک ڈکیتی کی واردات کرنے والے ڈکیتوں کی دیدہ دلیری اور سفاکی نے محکمہ پولیس کی کارکردگی پر سوال کھڑا کر دیا ہے، مسلح ڈکیتوں نے واردات کے بعد گلی میں چوکیدار کو گولی بھی ماری۔

    تفصیلات کے مطابق کراچی کے علاقے گلستان جوہر بلاک 7 میں تین روز قبل دن دہاڑے 5 ڈاکوؤں نے ایک گھر میں ڈکیتی کی واردات کی تھی، جس کی سی سی ٹی وی فوٹیجز اے آر وائی نیوز نے حاصل کر لی ہیں۔

    واردات کے بعد ڈاکوؤں نے گلی میں شہریوں کی موٹر سائیکلیں بھی چھینیں اور فرار ہونے سے قبل گلی میں موجود چوکیدار کو بھی گولی مار دی، جس سے وہ شدید زخمی ہو گئے۔

    مسلح ڈاکو ایک کے بعد ایک واردات کرتے رہے لیکن پولیس نہ پہنچی، فوٹیج میں دیکھا جا سکتا ہے کہ 5 ڈاکو گھر میں داخل ہوئے اور اہل خانہ کو یرغمال بنا لیا، اہل خانہ نے ایف آئی آر میں لکھوایا کہ 2 ڈاکو پینٹ شرٹ اور 3 شلوار قمیض میں ملبوس تھے، اور انھوں نے گھر والوں کو ایک کمرے میں بند کیا۔

    مدعی سید احمد حنین کے مطابق ڈاکوؤں نے الماریوں سے 2 لاکھ 5 ہزار نقدی، اور 4 لاکٹ چین سیٹ لوٹے، 3 چین، 16 انگوٹھیاں، 1 قیمتی گھڑی، 1 موبائل فون، مرحوم بھائی کا لائسنس یافتہ پستول بھی لوٹ لیا، مدعی نے بتایا کہ ڈاکو اطمینان سے 40 منٹ تک گھر میں واردات کرتے رہے، اور ڈکیتی کے بعد شور سن کر پیچھے آنے والے چوکیدار کو بھی ٹانگ میں گولی مار دی۔

    فوٹیج میں ڈاکوؤں نے گلی میں موجود شہری سرفراز اور شہزاد سے موٹر سائیکلیں چھینیں، اور اپنی دونوں موٹر سائیکلیں گلی میں پھینک کر فرار ہوتے دیکھا جا سکتا ہے۔ پولیس نے تھانہ گلستان جوہر میں مقدمہ درج کرنے کے بعد کیس تفتیشی پولیس کے حوالے کر دیا ہے۔

     

  • کراچی میں ڈاکوؤں کے پورے غول نے چائے خانے پر دھاوا بول دیا

    کراچی میں ڈاکوؤں کے پورے غول نے چائے خانے پر دھاوا بول دیا

    کراچی: شہر قائد کے علاقے کریم آباد کے مینا بازار کے قریب ڈیڑھ درجن سے زائد ڈاکوؤں نے چائے خانے  پر دھاوا بول دیا۔

    تفصیلات کے مطابق کراچی کے شہر قائد کے علاقے کریم آباد کے مینا بازار کے قریب  9 موٹر سائیکلوں پر سوار ڈیڑھ درجن سے زائد ڈاکوؤں نے چائے خانے  پر ڈکیتی کی واردات کی ہے۔

    مسلح ڈکیتوں نے چائے خانے پر موجود متعدد شہریوں سے موبائل فون اور نقدی چھین لی، ڈکیتوں نے ایک شہری سے ساڑھے 5 لاکھ، دوسرے سے 24 ہزار، تیسرے سے موٹر سائیکل بھی چھینی ہے۔

    9 موٹر سائیکلوں پر سوار مسلح ڈکیتوں کو دیکھ کر کئی گاہکوں نے دوڑ لگادی، متاثرہ شخص نے بتایا کہ ڈکیتی کے دوران 100 سے زائد گاہک ہوٹل پر موجود تھے، مسلح ڈکیتوں نے چہرے چھپانے کے لیے ماسک لگائے ہوئے تھے۔

    دوسری جانب پولیس کا کہنا ہے کہ چائے خانے پر لوٹ مار کی واردات گزشتہ شب پیش آئی،تفصیلات اکٹھی کرلیے گئے ہیں ساتھ ہی ملزمان کی تلاش شروع کردی ہے۔

  • ویڈیو: گھر کی دہلیز پر فیملی سے لوٹ مار، لٹیروں نے دودھ کا بیگ بھی چھین لیا

    ویڈیو: گھر کی دہلیز پر فیملی سے لوٹ مار، لٹیروں نے دودھ کا بیگ بھی چھین لیا

    کراچی: شہر قائد میں بے رحم لٹیروں کی وارداتیں عروج پر پہنچ گئی ہیں، لوٹ مار کے ایک واقعے میں ایک فیملی سے فون اور نقدی کے ساتھ بچے کے دودھ کا بیگ بھی چھین لیا گیا۔

    تفصیلات کے مطابق کراچی کے علاقے نارتھ ناظم آباد بلاک ایچ میں جمعہ کے روز ڈکیتی کی ایک اور افسوس ناک واردات ہوئی ہے، گھر سے نکلتے ہوئے شہری کو دہلیز ہی پر موٹر سائیکل سوار دو لٹیروں نے گھیر لیا، شہری کے ساتھ اس اہلیہ بھی موجود تھی۔

    واردات کی سی سی ٹی وی فوٹیج اے آر وائی نیوز نے حاصل کر لی ہے، جس میں دن دہاڑے کی گئی واردات کو دیکھا جا سکتا ہے، فوٹیج میں اسلحہ بردار لٹیرے کا چہرہ بھی واضح نظر آتا ہے، جو اس وجہ سے باعث حیرت ہے کہ انھیں پہچانے اور پکڑے جانے کا خوف کیوں نہیں ہے۔

    فوٹیج می دیکھا جا سکتا ہے کہ موٹر سائیکل سوار لٹیرے گلی میں آتے ہیں اور شہری سے موبائل فون اور نقدی چھین لیتے ہیں، اس کے بعد وہ معصوم بچے کے دودھ کا بیگ بھی چھین کر فرار ہو جاتے ہیں۔

    کراچی کا شہری اپنی ہیوی بائیک سے محروم، واردات کی فوٹیج سامنے آگئی

    شہری نے لٹیروں سے بچے کے دودھ کا بیگ مانگا بھی لیکن انھوں نے واپس نہیں کیا، اس دوران خاتون بھی کچھ کہتی دکھائی دیتی ہے لیکن شہری نے اسے روکا کہ وہ خاموش رہے۔

  • ڈکیت فوڈ برانچ سے ساڑھے 12 لاکھ سے روپے چوری کر کے فرار

    ڈکیت فوڈ برانچ سے ساڑھے 12 لاکھ سے روپے چوری کر کے فرار

    کراچی: یونیورسٹی روڈ پر فوڈ برانچ سے 4 ڈکیت ساڑھے 12 لاکھ سے روپے چوری کر کے فرار ہوگئے۔

    تفصیلات کے مطابق یہ چوری کی واردات یونیورسٹی روڈ پر فوڈ برانچ پر پیش آیا جہاں 4 ملزمان ساڑھے 12 لاکھ سے روپے چوری کر کے فرار ہوگئے۔

    پولیس حکام کا بتانا ہے کہ فوڈ برانچ میں واردات صبح ساڑھے 6 بجے کے قریب ہوئی، 4 ملزمان فوڈ برانچ میں شٹر کے تالے کاٹ کر داخل ہوئے۔

    پولیس حکام کے مطابق ملزمان اس سے قبل ساؤتھ میں واردات کر چکے ہیں، جائے واردات سے شواہد اکٹھے کر کے تفتیش شروع کردی ہے۔

  • ویڈیو: سونے کی دکان کے ملازم سے ڈھائی کروڑ کے قریب رقم سے بھرا بیگ چھن گیا

    ویڈیو: سونے کی دکان کے ملازم سے ڈھائی کروڑ کے قریب رقم سے بھرا بیگ چھن گیا

    کراچی: شہر قائد کے علاقے صدر میں صرافہ مارکیٹ کے قریب ایک شخص سے لٹیروں نے ڈھائی کروڑ کے قریب رقم سے بھرا بیگ چھین لیا، واقعے کی سی سی ٹی وی فوٹیج سامنے آ گئی ہے۔

    تفصیلات کے مطابق کراچی کے علاقے صدر میں صرافہ مارکیٹ میں سونے کی ایک دکان کے ملازم سے 2 لٹیروں نے رقم سے بھرا بیگ چھین لیا، واقعے کا مقدمہ گولڈ شاپ کے ملازم کی مدعیت میں پریڈی تھانے میں درج کر لیا گیا ہے۔

    مدعی نے کہا کہ 5 اگست کی شام مالک نے اسے اسکول بیگ دے کر نجی گولڈ لیب سے 2 کروڑ 22 لاکھ روپے لانے کا کہا، میں مالک کے کہنے پر اسکول بیگ میں 2 کروڑ 22 لاکھ روپے نقدی لے کر آ ر ہا تھا، کہ موٹر سائیکل سوار 2 ملزمان نے اسلحے کے زور پر مجھ سے رقم سے بھرا اسکول بیگ چھین لیا۔

    فوٹیج میں دیکھا جا سکتا ہے کہ ملازم جیسے ہی فٹ پاتھ سے سڑک کی طرف اترا، سامنے سے موٹر سائیکل آ کر رک گئی، اور پستول کے زور پر بیگ چھین لیا، لٹیرے نے ہیلمٹ پہن رکھا تھا، موٹر سائیکل پر بیٹھنے سے قبل اس کا دوسرا ساتھی پیچھے سے آ کر اس کے ساتھ بیٹھ گیا، جس نے منہ پر ماسک لگایا ہوا تھا۔