محکمہ موسمیات کا اپنے بیان میں کہنا ہے کہ کراچی میں آج بھی موسم گرم اورمرطوب رہے گا، شہر کا موجودہ درجہ حرارت 31 ڈگری سینٹی گریڈ ریکارڈ کیا جارہا ہے۔
اے آر وائی نیوز کے مطابق کراچی میں 12 کلو میٹر فی گھنٹہ کی رفتار سے ہوائیں چل رہی ہیں، ہوا میں نمی کا تناسب 67 فیصد ہے۔
دن میں درجہ حرارت 35 سے 37 ڈگری سینٹی گریڈ تک رہنے کا امکان ہے، دن میں ہوا 18 سے35 کلومیٹر فی گھنٹہ کی رفتارسے چلے گی۔
محکمہ موسمیات کا کہنا ہے کہ بحیرہ عرب میں ہوا کا کم دباؤ بن رہا ہے، آنے والے دنوں میں ہوا کا کم دباؤ سمندری طوفان میں تبدیل ہوسکتا ہے۔
بیان کے مطابق اس سسٹم کے اثرات سندھ اور کراچی پر بھی ہوں گے، اتوار سے جمعہ تک کراچی میں گرمی کی شدت میں اضافے کا امکان ہے۔
دوسری جانب پی ڈی ایم اے پنجاب نے ہیٹ ویوالرٹ جاری کردیا ہے، جس میں کہا کہ پنجاب میں چند روز میں درجہ حرارت میں غیر معمولی اضافے کا خدشہ ہے۔
ڈی جی پی ڈی ایم اے کا کہنا تھا کہ 24 مئی تک درجہ حرارت 7 ڈگری تک معمول سے زیادہ رہنے کا خدشہ ہے، جس کے پیش نظر وزیر اعلیٰ کے احکامات کے مطابق ضلعی انتظامیہ کو الرٹ جاری کر دیا گیا ہے،گرمی اور لو کی شدت میں اضافے سے عوام الناس کو محتاط رہنا ہو گا۔
ملتان،ساہیوال،فیصل آباد میں دن بارہ بجے سے پہلے ہی درجہ حرارت 40 ڈگری پر پہنچ گیا جبکہ لاہورمیں پارہ 36 پر شدت بیالیس ڈگری محسوس کی جارہی ہے۔
خیبرپختونخوا میں 20 سے 24 مئی کیدوران گرمی کی شدت میں مزید اضافے کا امکان ہے اور دن کیاوقات میں پارہ معمول سے 5 تا 7 ڈگری زیادہ رہے گا۔
مراسلے میں کہا گیا ہے کہ صوبے کے جنوبی و وسطی علاقوں میں گرمی کی شدت برقراررہیگی اور شدید گرم موسم کے باعث گرد و غبار اور تیز ہوائیں بھی چلیں گی۔
پی ڈی ایم اے نے مزید کہا کہ ہیٹ اسٹروک اور آبی ذخائر پر دباؤ بڑھنے کابھی امکان ہے، متعلقہ ادارے ہنگامی صورت حال سے نمٹنے کے لیے الرٹ رہیں۔
صارفین کیلئے اہم خبر، اوگرا نے گیس نرخوں میں ردوبدل کی منظوری دیدی
محکمہ موسمیات نے مشورہ دیا ہے کہ بیس سے چوبیس مئی تک بچے، بزرگ اور خواتین بلاوجہ گھروں سے باہر نہ نکلیں، باہر آنے کی صورت میں احتیاطی تدابیر اپنائیں اور دن کے وقت براہ راست سورج کی روشنی سے بچیں اور پانی زیادہ استعمال کریں۔
