شہر قائد میں گزشتہ 24 گھنٹے کے دوران مطلع جزوی ابرآلود رہنے کا امکان ہے، شہر کا کم سے کم درجہ حرارت 17.3 ریکارڈ کیا گیا ہے۔
اے آر وائی نیوز کے مطابق محکمہ موسمیات کا اپنے بیان میں کہنا تھا کہ زیادہ سے زیادہ درجہ حرارت 29 سے 30 ڈگری تک جانیکا امکان ہے۔
محکمہ موسمیات کے مطابق ہوامیں نمی کا تناسب 44 فیصد ریکارڈ کیا ہے، جبکہ شمال مشرقی سمت سے ہوائیں 7 کلو میٹر فی گھنٹہ کی رفتار سے چل رہی ہیں۔
شہر کی فضا مضر صحت دنیاکے آلودہ ترین شہروں میں کراچی آج چھٹے نمبر پر موجود ہے، کراچی میں ائیرکوالٹی 159 پرٹیکیولیٹ میٹرریکارڈ کی گئی ہے۔
طبی ماہرین کا کہنا ہے کہ غیرضروری طور پر گھر سے باہر نہ نکلیں، ماسک کے استعمال کو یقینی بنائیں۔
دوسری جانب نیشنل ڈیزاسٹر منیجمنٹ اتھارٹی (این ڈی ایم اے) نے ملک میں 10 سے 12 مارچ تک مزید بارشوں سے متعلق ایڈوائزری جاری کر دی ہے۔
نئی ایڈوائزری میں کہا گیا ہے کہ بلوچستان کے بیشتر علاقے اب بھی مغربی ہواؤں کے زیر اثر ہیں جس کے نتیجے میں 10 سے 12 مارچ کے دوران بلوچستان کے جنوبی اور شمالی حصوں میں بارش کا امکان ہے۔
میرے گھر میں بھی پانی نہیں آتا، میئرکراچی
اس دوران کیچ، گوادر، لسبیلہ، کوئٹہ، قلات، خضدار میں بارش اور آندھی کی توقع ہے جب کہ خضدار، قلات اور قلعہ عبداللہ میں بارشوں سے اربن فلڈنگ کا خدشہ ہے جب کہ پہاڑوں پر برفباری ہو سکتی ہے۔
