پاکستان سپر لیگ (پی ایس ایل) سیزن 10 میں کراچی کنگز کی کپتان ڈیوڈ وارنر نے اپنے فینز کیلئے اہم پیغام جاری کیا ہے۔
کراچی کنگز کے کپتان ڈیوڈ وارنر نے سوشل میڈیا پر کنگز کے کھلاڑیوں اور اسٹاف کے ساتھ ویڈیو شیئر کی ہے جس میں انہوں نے لکھا ٹورنامنٹ کا اختتام اچھا نہیں ہوا لیکن میں اپنی ٹیم کے ہر فرد کی محنت پر بےحد فخرمحسوس کرتا ہوں۔
کراچی کنگز کے کپتان نے کہا کہ فینز کی سپورٹ کا شکریہ خاص طور پر ان شہروں کی عوام کا شکریہ جہاں میچز میں ٹریفک بندش کے مسائل پیش آئے۔
ڈیوڈ وارنر نے سیکیورٹی اہلکاروں کو سراہتے ہوئے لکھا کہ ہماری حفاظت کو یقینی بنانے پر سیکیورٹی فورسز کا تہہ دل سے شکریہ ادا کرتا ہوں، کراچی کنگز کے ساتھ میرا سفر یادگار رہا۔
واضح رہے کہ پی ایس ایل 10 کے ایلی منیٹر راؤنڈ میں لاہور قلندرز نے کراچی کنگز کو 6 وکٹوں سے شکست دے کر ایونٹ سے باہر کردیا تھا۔
کراچی کنگز کے لیفٹ آرم فاسٹ بولر میرحمزہ نے کہا ہے کہ لاہوراور کراچی کا میچ ہمیشہ دلچسپ ہوتا ہے، دونوں بڑی حریف ٹیمیں ہیں۔
پی ایس ایل کی معروف فرنچائز کراچی کنگز کے بولر میرحمزہ انجری کے مکمل فٹ ہوکر واپس آچکے ہیں، لاہور قلندرز کے خلاف ایلیمنیٹر سے قبل گفتگو کرتے ہوئے انھوں نے کہا سب میری فٹنس کے بارے میں جاننا چاہتے تھے، ایک میچ کھیل چکا ہوں۔
فاسٹ بولر میرحمزہ نے کہا کہ کل کا میچ بھی اچھا ہوگا، اسے انجوائے کریں گے، لاہور کی ٹیم اچھی ہے اور یہاں کی کنڈیشنز سے واقف ہے۔
انھوں نے کنڈیشنز کے بار میں اظہار خیال کرتے ہوئے کہا کہ موسم بدلا ہے، کنڈیشنز بھی مختلف ہوسکتی ہیں، کل کا میچ اہم ہے، بالرز اور بیٹرز کو پرفارم کرنا ہوگا، قومی ٹیم میں نہ آنے پر پہلے پریشانی ہوتی تھی۔
ہمیں خود کو فٹ رکھنا ہے اور قومی ٹیم کیلئے تیار رہنا ہے، کنڈیشنز سمجھنے اور فائدہ اٹھانے کی کوشش کریں گے۔
میر حمزہ نے مزید کہا کہ ڈیوڈ وارنر کرکٹ کا بڑا نام ہیں، ان کیساتھ ڈریسنگ روم شئیر کررہے ہیں، ڈیوڈ وارنر سے آسٹریلوی مائنڈ سیٹ اور مثبت سوچ سیکھ رہے ہیں۔
جارح مزاج بیٹر جارج منسے نے پاکستان سپر لیگ 10 کےلیے کراچی کنگز کو جوائن کرلیا، انھوں نے اپنے لیے اسے بہترین موقع قرار دیا۔
اے آر وائی نیوز سے خصوصی گفتگو کرتے ہوئے اسکاٹش اوپنر نے کہا کہ ڈیوڈ وارنر کی قیادت میں کراچی کنگز کےلیے پی ایس ایل میں کھیلنا میرے لیے ایک بہترین موقع ہے، کراچی کے ساتھ سفر کا آغاز کرنا آسان رہا کیوں کہ کوچنگ اسٹاف اور مینجنٹ نے میری کافی مدد کی۔
اوپنر ڈیوڈ منسے کا کہنا تھا کہ اب تک کا میرا تجربہ کافی خوشگوار رہا ہے، میں وارنر کی قیادت میں کھیلنے کا منتظر ہوں۔
اپنے سوئپ شاٹ کے حوالے سے گفتگو کرتے ہوئے منسے نے کہا کہ مجھے نہیں پتہ کہ ریورس سوئپ شاٹ کو مجھ سے کیسے منسوب کیا گیا مگر میں یہ شاٹ کھیلنا پسند کرتا ہوں، جب موقع ملے تو اس شاٹ کو استعمال کرتا ہوں۔
انھوں نے کہا کہ میں نے ماضی میں جو بھی انٹرنیشنل اور فرنچائز کرکٹ کھیلی ہے۔میں اس تجربے کو یہاں کراچی کنگز کےلیے بروئے کار لانے اور میچ جیتنے کی کوشش کروں گا۔
یہ بات قابل ذکر ہے کہ جارج منسے کرکٹ میں آنے سے قبل ایک گالفر تھے، تاہم اپنے کرکٹ کیریئر کے آغاز کے بعد انھوں نے ٹی ٹوئنٹی کرکٹ میں 2 سنچریاں اور 11 نصف سنچریاں اسکور کی ہیں۔
اسکاٹش اوپنر جارج منسے دنیائے کرکٹ میں نہ صرف اپنی جارحانہ بلے بازی کےلیے جانے جاتے ہیں بلکہ وہ آئی سی سی کے ایسوسی ایٹ ممالک کے چند بہترین کرکٹر میں شمار ہوتے ہیں، خاص طور پر ان ریورس سوئپ شاٹ کی کافی دھوم ہے۔
کراچی کنگز کے ہیڈ کوچ روی بوپارا اسلام آباد یونائیٹڈ کے خلاف آخری لیگ میچ میں شکست کے باوجود پلے آف میں ٹیم کی واپسی کے لیے پرامید ہیں۔
پی ایس ایل 10 میں کراچی کنگز اور اسلام آباد یونائیٹڈ کے میچ کے بعد میڈیا سے گفتگو کرتے ہوئے ہیڈ کوچ روی بوپارا نے کہا کہ یہ ہمارا بہترین دن نہیں تھا لیکن اس نے ہمارے اعتماد کو متزلزل نہیں کیا۔
انہوں نے کہا کہ یہ ٹیم مضبوط یونٹ ہے، ہم ایک ساتھ اچھے لمحات سے لطف اندوز ہوتے ہیں اور ہم مشکل وقت میں ایک دوسرے کے ساتھ کھڑے ہوتے ہیں، ہر طرح سے آگے بڑھنے کا ارادہ رکھتے ہیں۔
ہیڈ کوچ نے کہا کہ ہم نے پورے گروپ مرحلے میں بہترین کرکٹ کھیلی ہے، ہم دوسرے نمبر پر رہے لیکن اسلام نے دوبار شکست دی اس لیے وہ اس پوزیشن کے مستحق ہیں۔
انہوں نے مزید کہا کہ میں اس سیزن میں ابھرتے ہوئے بلے بازوں سے متاثر ہوا ہوں، عام طور پر ہم زیادہ تیز گیند بازوں کو دیکھتے ہیں لیکن اس بار کچھ واقعی مضبوط ہٹر آئے ہیں، وہ طاقتور ہیں، وہ باؤنڈریز کو لگا سکتے ہیں۔
روی بوپارا نے کہا کہ وہ بیٹرز ابھی ناتجربہ کار ہیں ہمیں ان کی رہنمائی کرنی ہوگی اور اس طرح ہم انہیں عالمی معیار کا کھلاڑی بناسکتے ہیں۔
واضح رہے کہ کراچی کنگز ، لاہور قلندرز کے خلاف 22 مئی کو ناک آؤٹ میچ کھیلے گی۔
ایچ بی ایل پاکستان سپر لیگ (پی ایس ایل) 10 کے گزشتہ روز کے میچ میں کراچی کنگز نے پشاور زلمی کو 23 رنز سے ہرا کر پلے آف کے لیے کوالیفائی کرلیا۔
اپچ بی ایل پی ایس ایل کی فرنچائز کراچی کنگز کے کپتان ڈیوڈ وارنر نے میچ کے بعد گفتگو میں کہا کہ میں دوسری ٹیموں کو بتانا چاہتا ہوں کہ ہم یہاں جیتنے آئے ہیں۔
کراچی کنگز کےکپتان نے پشاور کیخلاف کامیابی پر کہا کہ ونس کےساتھ یہی پلان بنایا تھا کہ کنڈیشن سمجھ کر بڑی شراکت بنانا ہے، مجھے اور جیمز کو معلوم تھا کہ یہ ایک اچھی وکٹ ہے، اس لیے ہم نے صرف عام کرکٹ شاٹس کھیلے۔
انہوں نے کہا کہ جس طرح خوشدل شاہ اور محمد نبی نے فنش کیا یہ حیرت انگیز تھا، میر حمزہ اور حسن علی نے بھی بہت اچھی بالنگ کی، میر حمزہ ہمارے اسٹرائیک باؤلر ہیں، جبکہ حسن کے پاس کھیل سے متعلق جو علم ہے وہ غیر معمولی ہے۔
واضح رہے کہ پشاور زلمی کے خلاف جیت کے بعد کراچی کنگز نے پلے آف کے لیے کوالیفائی کرلیا ہے جب کہ کوئٹہ گلیڈی ایٹرز پہلے ہی پلے آف کے لیےکوالیفائی کرچکی ہے۔
اسلام آباد یونائیٹڈ کے 9 میچوں کے بعد 10 پوائنٹ ہیں جب کہ لاہور قلندرز کے 9 میچوں کے بعد 9 پوائنٹ ہیں اور ملتان سلطانز ایونٹ سے باہر ہوچکی ہے۔
کراچی کنگز نے انگلش بیٹر جیمز ونس نے پشاور زلمی کے خلاف 72 رنز کی اننگز کھیل کر ٹی 20 کرکٹ میں اہم اعزاز حاصل کرلیا۔
راولپنڈی میں کھیلے گئے میچ میں کراچی کنگز نے پشاور زلمی کو 23 رنز سے شکست دے کر پلے آف مرحلے کے لیے کوالیفائی کرلیا، جیمز ونس نے 72 رنز کی شاندار اننگز کھیلی اور ٹی 20 کرکٹ میں 12000 رنز بنانے والے 9ویں کھلاڑی بن گئے۔
میچ سے قبل جیمز ونس کو 12000 رنز بنانے کے لیے 59 رنز درکار تھے۔
فہرست میں ویسٹ انڈیز کے کرس گیل، کیرون پولارڈ، ڈیوڈ وارنر، روہت شرما، ویرات کوہلی، شعیب ملک، جوز بٹلر اور ایلکس ہیلز شامل ہیں۔
کرس گیل نے 455 اننگز میں 14562 رنز بنائے ہیں، الیکس ہیلز نے 13610 رنز بنانے کے لیے 490 اننگز کا سہارا لیا، شعیب ملک نے 515 اننگز میں 13571 اور جیمز ونس نے 416 اننگز میں 12013 رنز بنائے ہیں۔
جیمز ونس نے کپتان ڈیوڈ وارنر کے ساتھ 162 رنز کی شاندار شراکت قائم کی اور ڈیوڈ وارنر کو 86 رنز کی اننگز کھیلنے پر بہترین کھلاڑی قرار دیا گیا۔
پاکستان سپر لیگ (پی ایس ایل) کے دسویں مرحلے کے بقیہ میچز کیلئے ٹیمیں غیر ملکی پلیئرز کی فہرست فائنل کرنے لگیں۔
تفصیلات کے مطابق ایچ بی ایل پی ایس ایل 10کے بقیہ میچز کیلئے 6 غیر ملکی کھلاڑیوں نے اپنی دستیابی کی تصدیق کردی ہے جو آئندہ میچوں میں کراچی کنگز میں شامل ہونے کے لیے تیار ہیں۔
کپتان ڈیوڈ وارنر سمیت 6 غیر ملکی کھلاڑی کراچی کنگز کو جوائن کر رہے ہیں، وکٹ کیپر اور اوپننگ بیٹر ٹم سائفرٹ بھی ٹیم کو جوائن کریں گے۔
کراچی کنگز کیلئے اس سیزن میں سب سے زیادہ رن بنانے والے جیمز ونس بھی پاکستان واپس آ رہے ہیں اس کے علاوہ کراچی کنگز کے اسٹار آل راؤنڈر اور افغان لیجنڈ محمد نبی بھی باقی میچز کیلئے اپنی دستیابی کی تصدیق کردی ہے۔
اس کے علاوہ آسٹریلین وکٹ کیپربیٹر بین مکڈرمٹ بھی اپنی دستیابی سے آگاہ کرچکے ہیں، کراچی کنگز کے چھٹے دستیاب کھلاڑی اسکاٹش بیٹر جارج منسی ہیں جنہیں گزشتہ روز ٹیم میں شامل کیا گیا ہے۔
واضح رہے کہ کراچی کنگز کا اگلا مقابلہ 17 مئی کو پشاور زلمی کیساتھ راولپنڈی میں ہوگا، کراچی کنگز اس وقت پی ایس ایل کے پوائنٹس ٹیبل پر 10 پوائنٹس کے ساتھ دوسرے نمبر پر ہے۔
پی ایس ایل 10 کے بقیہ میچز کے لیے اسکاٹش بیٹر جارج منسی کراچی کنگز کا حصہ بن گئے۔
پاکستان سپر لیگ سیزن 10 کے بقیہ میچز کے لیے کراچی کنگز نے اپنی بیٹنگ لائن اپ کو مزید مضبوط بناتے ہوئے اسکاٹ لینڈ کے معروف ٹی ٹوئنٹی بیٹر جارج منسی کی خدمات حاصل کر لی ہیں۔
جارج منسی جنہیں دنیا بھر کی مختلف ٹی ٹوئنٹی لیگز میں دھواں دار بیٹنگ کے لیے جانا جاتا ہے ٹیم کو اسلام آباد میں جوائن کریں گے۔
کراچی کنگز کے اسپنر خوشدل شاہ نے بابراعظم کو آئوٹ کرنے کے حوالے سے اظہار خیال کرتے ہوئے کہا ہے کہ وہ لیفٹ آرم اسپنر پر پھنسے ہیں۔
اے آر وائی نیوز کے اسپورٹس پروگرام میں گفتگو کرتے ہوئے پاکستان سپر لیگ کی معروف فرنچائز کراچی کنگز کے لیفٹ آرم اسپنر خوشدل شاہ کا کہنا تھا کہ بابراعظم لیفٹ آرم اسپنر پر تھوڑا سا پھنستے ہیں، میری یہی کوشش ہوتی ہے کہ انھیں جتنا ڈسپلن کے ساتھ بولنگ کرسکوں کروں۔
خوشدل شاہ 9 اننگز میں پاکستان کے ٹاپ کلاس بلے باز بابراعظم کو 3 بار آئوٹ کرچکے ہیں، بابراعظم کیخلاف کامیابی ملنے اور انھیں آئوٹ کرنے کے سوال کا جواب دیتے ہوئے انھوں نے کہا کہ میں بابر کے ساتھ پاکستان ٹیم میں بھی کھیل چکا ہوں اور وہاں بھی انھیں بولنگ کی ہے۔
انھوں نے کہا کہ کوشش ہوتی ہے کہ بابراعظم کی وکٹ حاصل کی جائے کیوں کہ ان کی وکٹ کافی اہم وکٹ ہے، وہ گزشتہ میچ میں اچھی اننگز کھیل رہے تھے اور 43 رنز بناچکے تھے۔
کراچی کنگز کے آل رائونڈر نے کہا کہ ایسا بیٹر جسے دنیا مان رہی ہے اور وہ سیٹ لگ رہا ہو تو وہ بیٹر آپ کی ٹیم سے میچ کو دور لے جاتا ہے،
خوشدل شاہ کا کہنا تھا کہ اس وقت ہماری کوشش ہوتی ہے کہ ایک دو اوور میں بابراعظم کو آئوٹ کریں ورنہ ہمارے لیے میچ مشکل ہوجائے گا۔
کراچی کنگز کے حسن علی کا پی ایس ایل میں اب تک کا سفر شاندار رہا ہے، وہ ایمرجنگ کیٹیگری کے پلیئر سے لیڈنگ وکٹ ٹیکر بن چکے ہیں۔
کراچی کنگز کے نائب کپتان اور قومی فاسٹ بولر حسن علی نے 2016 میں پی ایس ایل میں بطور ایمرجنگ کیٹیگری پلیئر شرکت کی تھی، تاہم اب 9 سال گزرنے کے بعد وہ پاکستان سپرلیگ کی تاریخ میں سب سے زیادہ وکٹ لینے والے بولر بن چکے ہیں۔
حسن علی پی ایس ایل 10 میں بھی اب تک سب سے زیادہ وکٹیں لینے والے بولر ہیں، کراچی کنگز کے نائپ کپتان 6 میچز میں 13 وکٹیں حاصل کررکھی ہیں، دوسرے نمبر 12 وکٹوں کے ساتھ اسلام آباد یونائیٹڈ کے جیسن ہولڈر ہیں۔
کراچی کنگز کے نائب کپتان نے کہا کہ میں اپنی پرفارمنس سے کافی مطمئن ہوں اور میں بطور وکٹ ٹیکر لیڈ کررہا ہوں، جب آپ اپنی ٹیم کےلیے وکٹ لیتے ہیں تو ہمیشہ ہی اچھا محسوس کرتے ہیں۔
حسن علی نے کہا کہ میرا بھی یہی ہے کہ میں نمبر ون چل رہا ہوں، میں نے اپنی بولنگ میں کوئی بہت بڑی تبدیلیاں نہیں کیں، میں نے اپنی بنیادوں چیزوں کو دوبارہ سے بہتر کیا ہے۔
انھوں نے کہا کہ خصوصی طور پر میں نے اپنی فٹنس اور ڈائٹ پر دھیان دیا ہے اور یہی چیزیں ابھی میرے کام آرہی ہیں، میرے اوپر ایک ذمہ داری ہے اور میں اس ذمہ داری سے بہت لطف اندوز ہورہا ہوں۔
حسن علی نے کہا کہ مجھے فخر ہے کہ پی ایس ایل کی سب سے بڑی فرنچائز میں سے ایک کا میں نائب کپتان ہوں، جب آپ کو ٹیم میں کوئی ذمہ داری یا عہدہ ملتا ہے تو آپ اعتماد بھی ملتا ہے۔
قومی فاسٹ بولر کا کہنا تھا کہ آپ کہہ سکتے ہیں کہ نائب کپتان کی حیثیت سے زیادہ اعتماد مل رہا ہے جس سے بولنگ میں بھی مدد مل رہی ہے۔
ہم ہمیشہ چاہتے ہیں کہ کرائوڈ کی موجودگی میں میچ کھیلیں اور قذافی اسٹیڈیم ہمیشہ ہی بھرا رہتا ہے، یہاں لاہور کے خلاف میچ ہوگا اور ہم چاہیں گے کہ جو تماشائی آئیں ہم انھیں اپنی مہارت کے ساتھ تفریح فراہم کریں۔
