ARYNews.tv | Urdu – Har Lamha Bakhabar

Tag: کراچی کنگز

  • کراچی کنگز کیلئے نیشنل اسٹیڈیم میں کھلاڑیوں کے ٹرائلز

    کراچی کنگز کیلئے نیشنل اسٹیڈیم میں کھلاڑیوں کے ٹرائلز

    کراچی : پی ایس ایل کراچی کنگز کو نئے ٹیلنٹ کی تلاش ہے اس سلسلےمیں نیشنل اسٹیڈیم کراچی میں ٹیلنٹ ہنٹ پروگرام کے تحت مستقبل کےاسٹارزجوہر دکھانے میں مصروف ہیں۔

    تفصیلات کے مطابق پاکستان سپرلیگ کی سب سے مہنگی ٹیم کو کھلاڑیوں کی کھوج ہے۔ پاکستان کو مستقبل کے اسٹارز دینے کیلئے کراچی کنگز کی کوششیں جاری ہیں۔

    گذشتہ سال ہونے والے ٹیلنٹ ہنٹ پروگرام ’’کھلاڑی کی کھوج ‘‘ میں شاٹ لسٹ ہونے والے کھلاڑیوں کے نیشنل اسٹیڈیم کراچی میں ٹرائلز لئےگئے۔ اس موقع پرپاکستان کی ٹیم کے سابق کپتان اور کراچی کنگز کے ٹیم ڈائریکٹر راشد لطیف نوجوان کھلاڑیوں کی صلاحیتیں نکھارنے میں مصروف رہے۔

    مستقبل کےاسٹارز کہتے ہیں کہ کراچی کنگز نے آگے بڑھنے کیلئے جو بہترین پلیٹ فارم مہیا کیا ہے اس سے بھرپور فائدہ اٹھانے کوشش کریں گے۔

    کراچی کنگز ٹیلنٹ ہنٹ پروگرام کے دوسرے مرحلے میں شاٹ لسٹ ساڑھے تین سو لڑکوں کےٹرائلز دیں گے۔ ٹرائلز کا کل آخری روز ہے جس کے بعد چار ٹیموں کے درمیان ٹورنامنٹ کرایا جائےگا۔

  • جارحانہ کھلاڑیوں کی تلاش کا کام جلد شروع ہوگا، آفریدی

    جارحانہ کھلاڑیوں کی تلاش کا کام جلد شروع ہوگا، آفریدی

    کراچی: آل راؤنڈر شاہد خان آفریدی نے کہا ہے کہ نئے ٹیلنٹ کو سامنے لانے اور جارحانہ انداز میں بیٹنگ کرنے والے بیٹسمینوں کی تلاش میں کراچی کنگز کے پلیٹ فارم سے کام شروع کریں گے۔

    تفصیلات کے مطابق بوم بوم آفریدی نے کراچی کنگز کو بطور صدر جوائن کرلیا، اس موقع پر انہوں نے مسرت کا اظہار کرتے ہوئے کہا کہ وہ بہت جلد  پاکستان بھرمیں جارحانہ انداز کے بیٹسمینوں کی کھوج کیلئے کراچی کنگز کے پلیٹ فارم سے کام  شروع کریں گے۔

    پڑھیں: ’’ شاہد آفریدی کراچی کنگز کے صدر بن گئے ‘‘

    شاہد آفریدی نے کہا کہ قومی ٹیم کو باصلاحیت آل راؤنڈرز درکار ہیں اور جدید کرکٹ کا انداز بھی ٹیم کے لیے بہت ضروری ہے، کرکٹ بورڈ نے اس شعبے پر توجہ نہیں دی۔

    مزید پڑھیں: ’’ شکریہ سلمان اقبال! شاہد آفریدی کا ٹویٹ ‘‘

    انہوں نے کہا کہ فیرویل ملنے کے مطالبے کے نتائج سامنے آنے لگے ہیں، میرے مطالبے کو پیش نظر رکھتے ہوئے پی سی بی نے لیجنڈ کرکٹر مصباح الحق اور یونس خان کو ویسٹ انڈیز سیریز بطور فیرویل دی گئی جو خوش آئند ہے۔

  • فائنل میں فرنچائزمالکان کو بلا کرشکریہ ادا کرنا چاہئے تھا، سلمان اقبال

    فائنل میں فرنچائزمالکان کو بلا کرشکریہ ادا کرنا چاہئے تھا، سلمان اقبال

    کراچی : پی ایس ایل کی سب سے مہنگی ٹیم کراچی کنگز کے مالک اور اے آر وائی نیٹ ورک کے سی ای او سلمان اقبال نے کہا ہے کہ نجم سیٹھی کو فائنل کے موقع پر تمام ٹیموں کے مالکان کو بلا کران کا شکریہ ادا کرنا چاہئے تھا، پشاور زلمی کے مالک جاوید آفریدی اور لاہور قلندر کے مالک فواد رانا نے کہا کہ کل لاہور میں پاکستان کی جیت ہوئی ہے، نجم سیٹھی نے کہا کہ اگلےسال پی ایس ایل میں چھٹی ٹیم کااضافہ ہوگا.

    ان خیالات کا اظہار انہوں نے اے آر وائی نیوز کے پروگرام الیونتھ آور میں میزبان وسیم بادامی سے گفتگو کرتے ہوئے کیا، مالک کراچی کنگزسلمان اقبال نے کہا کہ پشاورزلمی کو جیت پرمبارکباد دیتا ہوں، غیرملکی کھلاڑیوں کے آنے پربہت خوش ہوں۔

    انہوں نے کہا کہ چیئرمین پی ایس ایل نجم سیٹھی کو فائنل کے موقع پر تمام ٹیموں کے مالکان کو بلا کران شکریہ ادا کرنا چاہئے تھا، سلمان اقبال نے کہا کہ روی بوپارہ سے بات ہوئی ہے، وہ کراچی آکرکام کرنا چاہتے ہیں، روی بوپارہ نےکہا ہے کہ میں پاکستان میں کرکٹ کیلئےکام کرناچاہتاہوں۔

    چیئرمین پی ایس ایل نجم سیٹھی نے کہا کہ دنیا نے دیکھا کہ ہم پاکستانی دہشت گرد نہیں بلکہ پرامن لوگ ہیں، انہوں بتایا کہ دوسال کے بعد اجازت ہے کہ چھٹی ٹیم پی ایس ایل میں لائیں، اگلےسال پی ایس ایل میں چھٹی ٹیم کا اضافہ ہوگا۔

    جاوید آفریدی کا کہنا تھا کہ پی ایس ایل فائنل جیتنے پربہت خوشی ہوئی، غیرملکی کھلاڑی پاکستان آکربہت خوش ہوئے، جاویدآفریدی نے کہا کہ کل صرف پشاورزلمی کی نہیں پاکستان کی جیت ہوئی ہے۔

    فوادرانا کا کہنا تھا کہ عالمی کرکٹ پاکستان لانا ہی ہماری خواہش تھی، ہماری کوششوں سے ہی عالمی کرکٹ پاکستان آئی، پاکستان میں انٹرنیشنل کرکٹ کی واپسی سےبہت خوشی ہوئی۔

  • ڈومیسٹک کرکٹ کو بہتر کرنے کی ضرورت ہے، راشد لطیف

    ڈومیسٹک کرکٹ کو بہتر کرنے کی ضرورت ہے، راشد لطیف

    کراچی : کراچی کنگز کے ڈائریکٹر راشد لطیف نے کہا ہے کہ پاکستان میں ٹیلنٹ موجود ہے بس ڈومیسٹک کرکٹ کو بہتر کرنے کی ضرورت ہے۔

    یہ بات انہوں نے کراچی کنگز کے کھلاڑیوں کے ہمراہ دبئی سے وطن واپسی پر کراچی ایئر پورٹ پر بات کرتے ہوئے کہی اس موقع پر ان کے ہمراہ شاہ زیب حسن، خرم منظور، حسن محسن، سیف اللہ بنگش، سہیل خان اور ٹیم کے دیگر آفیشل بھی موجود تھے۔

    کراچی ایئرپورٹ پرکراچی کنگز کے ڈائریکٹر راشدلطیف نے اے آر وائی سے خصوصی گفتگو کرتے ہوئے کہا کہ پاکستان میں کرکٹ کے کھیل میں بہتری لانی ہے تو ڈومیسٹک کرکٹ کو بہتر کرنا ہوگا جس کے لیے موثر منصوبہ بندی کی ضرورت ہے۔

    پی ایس ایل کے دوران میچ فکسنگ کے الزام میں باہر ہونے والے کرکٹر خالد لطیف اور شرجیل خان کے حوالے سے پوچھے گئے سوال کے جواب میں راشد لطیف نے کہا کہ دونوں کھلاڑیوں پر لگے الزامات کے بارے میں پی سی بی سے پوچھاجائے کہ انکوائری کہاں تک پہنچی ہے۔

    ڈائریکٹر کراچی کنگز راشد لطیف نے مزید کہا کہ مجھے دونوں کھلاڑیوں کے ساتھ پیش ہونے والے واقعہ کا کچھ علم نہیں ہے اس لیے بہتر ہوگا کہ اس حوالے سے سوالات پی سی بی کے کسی نمائندے پوچھے جائیں۔

    راشد لطیف نے پی ایس ایل فائنل کا لاہور میں انعقاد کو سراہتے ہوئے کہا کہ اس سے کرکٹ کو فروغ ملے گا اور اپنے پسندیدہ کھلاڑیوں کو براہ راست ایکشن میں دیکھ کر نوجوانوں کو سیکھنے کو بہت کچھ ملے گا تاہم انہوں نے عمران خان کے بیان پر کسی بھی قسم کے تبصرے سے گریز کیا۔

  • دل کراچی کنگز کے ساتھ ہے، شہریار خان

    دل کراچی کنگز کے ساتھ ہے، شہریار خان

    کراچی:  پی سی بی کے چیئرمین شہریار خان نے کہا ہے کہ پی ایس ایل میں   سب ٹیموں کے ساتھ ہوں مگر دل کراچی کنگز کے ساتھ ہے اور خواہش ہے کہ کراچی کنگز آگے بڑھے۔

    اے آر وائی نیوز سے خصوصی گفتگو کرتے ہوئے شہریار خان کا کہنا تھا کہ کراچی کا رہائشی ہوں اس لیے دل کراچی کنگز کے ہی ساتھ ہے، خواہش کے کہ کراچی کنگز کی ٹیم مزید کامیابی سمیٹے اور آگے بڑھے۔

    پڑھیں: ’’ کراچی کنگز کےشیر چیمپین اور چیمپین ہی رہیں گے،سلمان اقبال ‘‘

    انہوں نے کہا کہ ویسے تو سب ٹیموں کے ساتھ ہوں مگر کراچی کنگزنے سخت محنت کے بعد ایونٹ میں کم بیک کیا اور یہاں تک پہنچی جس کی بے حد خوشی ہے اور خواہش بھی یہی ہے کہ ٹیم کامیابیوں کا تسلسل جاری رکھے۔

    مزید پڑھیں: ’’ پشاور زلمی اورکراچی کنگزکاٹاکراآج ہوگا ‘‘

    پی ایس ایل میں فائنل تک رسائی حاصل کرنے کے لیے آج شارجہ اسٹیڈیم میں پشاور زلمی اور کراچی کنگز کی ٹیمیں مدمقابل ہوں گی اور جو ٹیم فتح حاصل کرے گی وہ کوئٹہ گلیڈی ایٹرز کے ساتھ فائنل کھیلے گی۔

  • پشاور زلمی اورکراچی کنگزکاٹاکراآج ہوگا

    پشاور زلمی اورکراچی کنگزکاٹاکراآج ہوگا

    دبئی : پاکستان سپرلیگ کےتیسرے پلےآف میچ میں پشاور زلمی اور کراچی کنگزکا مقابلہ آج ہوگا۔جیتے والی ٹیم فائنل میں کوئٹہ گلیڈی ایٹرز کےساتھ مقابلہ کرے گی۔

    تفصیلات کےمطابق دبئی کےاسٹیڈیم میں پی ایس ایل فائنل تک رسائی کے لیےپشاور زلمی اور کراچی کنگز میں جنگ آج ہوگی۔میچ پاکستانی وقت کےمطابق رات نوبجےشروع ہوگا۔

    کراچی کنگزکی ٹیم میں اپنی شاندار بیٹنگ کا مظاہرہ کرکےاسکوربورڈ پررنز کےانبھارلگانے والےنوجوان کرکٹر بابراعظم ہیں۔جو290 رنزکےساتھ پاکستان سپرلیگ کےٹاپ اسکورر بلےباز ہیں۔

    کمارسنگاکاراکی قیادت میں کھیلنے والی کراچی کنگز میں اسٹار کرکٹرشعیب ملک،آل راؤنڈر پولارڈ،چوکوں اور چھکوں کے بادشاہ کرس گیل،روی بوپار،سہیل خان اسامہ میر،محمد عامر،عمادوسیم اور عثمان خان جیسے کھلاڑی شامل ہیں۔

    پی ایس ایل ٹورنامنٹ میں چاہےوہ بیٹنگ کا شعبہ ہویابولنگ کا ہرجگہ کراچی کنگزکےکھلاڑی نمایاں کارکردگی کے ساتھ سرفہرست ہیں۔بیٹنگ میں بابراعظم 290رنزکےساتھ جہاں سب سے زیادہ رنزکرنے والے بلے بار ہیں تووہی سہیل خان 15وکٹیں لےکرایونٹ کےکامیاب ترین باؤلر ہیں۔

    دوسری جانب ڈیرن سیمی کی کپتانی مین کھیلنے والی پشاور زلمی کو کامران اکمل،شاہد آفریدی،محمد حفیظ،وہاب ریاض اور حسن علی جیسے کھلاڑیوں کی خدمات حاصل ہیں۔

    یاد رہےکہ پی ایس ایل کے پہلے پلے آف میچ میں کوئٹہ گلیڈی ایٹرزنے پشاور زلمی کی ٹیم کو سنسنی خیز مقابلے کے بعدایک رن سے شکست دے دی تھی۔

    مزید پڑھیں:کراچی کنگز نے اسلام آباد یونائیٹڈ کو شکست دے دی

    واضح رہےکہ دوسری پلے آف میچ میں کراچی کنگز نے دفاعی چیمپئن اسلام آباد یونائیٹڈ کو 44رنز سےشکست دے ایونٹ سے باہر کردیاتھا۔

  • کراچی کنگز کے چار کھلاڑی سپرلیگ میں سرفہرست

    کراچی کنگز کے چار کھلاڑی سپرلیگ میں سرفہرست

    دبئی: پاکستان سپر لیگ سیزن ٹو کراچی کنگز کے چار کھلاڑی اپنی انفرادی کارکردگی کی بدولت سرفہرست ہیں۔

    اطلاعات کے مطابق بیٹنگ میں بابر اعظم نے اچھی کارکردگی دکھا کر سارے بولر کو پریشان کردیا انہوں نے 9 میچز میں سب سے زیادہ 290 رنز اسکور کیے جبکہ بولنگ میں سہیل خان کی سوئنگ سے تمام حریف بیٹسمینوں کے ہوش اڑگئے، سہیل نے نو میچز میں پندرہ کھلاڑیوں کو پویلین بدر کیا۔

    پڑھیں: ’’ کراچی کنگز نے اسلام آباد یونائیٹڈ کو شکست دے دی ‘‘

    فیلڈنگ میں بھی کراچی کے شیروں نے خوب پنجے گاڑے، پولارڈ نے 9 اننگز میں 8 کیچز تھام کر کھلاڑیوں کو بائے بائے کیا۔

    وکٹوں کے عقب میں کراچی کنگز کے کپتان سنگاکارا نے 10 شاندار کیچ پکڑے اور ایونٹ کے بہترین وکٹ کیپر کا اعزاز اپنے نام کرنے میں کامیاب رہے۔

    مزید پڑھیں: ’’ عماد وسیم پاکستان کرکٹ کا اگلا سُپراسٹار ‘‘

    یاد رہے کہ پی ایس ایل کے پلے آف راؤنڈ میں کراچی کنگز نے عمدہ کارکردگی کا مظاہرہ کرتے ہوئے دفاعی چمپئن اسلام آباد یونائیٹڈ کو واپسی کے ٹکٹ تھما دیے، فائنل میں کوالیفائی کرنے کے لیے کراچی کنگز کل پشاور زلمی کے مدمقابل ہوگی۔

  • پی ایس ایل 2017: دوسرے پلے آف میں کراچی کنگز اور اسلام آباد یونائیٹڈ کا ٹاکرا

    پی ایس ایل 2017: دوسرے پلے آف میں کراچی کنگز اور اسلام آباد یونائیٹڈ کا ٹاکرا

    شارجہ: پاکستان سپر لیگ کا دوسرا پلے آف آج کراچی کنگز اور دفاعی چیمپیئن اسلام آباد یونائیٹڈ کے درمیان کھیلا جائے گا۔

    پاکستان سپر لیگ کے دوسرے پلے آف میں آج کمار سنگا کارا کی کراچی کنگز اور مصباح الحق کی اسلام آباد یونائیٹڈ آپس میں مدمقابل ہوں گی۔

    جیتنے والی ٹیم تیسرا پلے آف میچ کھیلے گی جبکہ ہارنے والے ٹیم گھر جائے گی۔ کراچی کنگز گروپ کے دونوں میچز میں اسلام آباد یونائیٹڈ کو شکست کا مزا چکھا چکا ہے۔ کراچی کے شیروں کے پاس جیت کی ہیٹ ٹرک مکمل کرنے کا موقع ہے۔

    اہم میچ کے لیے کراچی کنگز کے شیروں کی تیاری جاری ہے۔ شارجہ کی شدید گرمی میں کھلاڑی سخت پریکٹس کر رہے ہیں۔

    بولنگ کوچ اظہر محمود کا کہنا ہے کہ آخری 2 میچز جیت کر ٹیم کا مورال بلند ہے۔ پلےآف جیتنے کی کوشش کریں گے۔

    کراچی کنگز اور اسلام آباد یونائیٹڈ کے درمیان دوسرا پلے آف آج رات 9 بجے شروع ہوگا۔

  • پی ایس ایل 2017، کراچی کنگز اگلے راؤنڈ میں کیسے پہنچے گی؟

    پی ایس ایل 2017، کراچی کنگز اگلے راؤنڈ میں کیسے پہنچے گی؟

    دبئی: پی ایس ایل کے کھیلے جانے والے میچ میں کراچی کنگز اور اسلام آباد یونائیٹڈ کی ٹیمیں آج مدمقابل ہوں گی تاہم بارش کے باعث اہم میچ متاثر ہونے کا خدشہ ہے، رن ریٹ کے حساب سے کراچی کنگز کے اگلے راؤنڈ میں پہنچنے کے امکانات کافی حد تک روشن ہیں۔

    تفصیلات کے مطابق بارش کے باعث اگر آج کا کھیل متاثر ہوتا ہے تو کراچی کنگز اگلے راؤنڈ کے لیے کوالیفائی کرجائے گی تاہم میچ ہونے کی صورت میں اسلام آباد یونائیٹڈ کو شکست دینا بھی ضروری ہے۔

    پی ایس ایل کے اگلے پلے آف راؤنڈ میں تین ٹیمیں پشاور زلمی، کوئٹہ گلیڈی ایٹرز اور اسلام آباد یونائیٹڈ پہلے ہی کوالیفائی کرچکی ہیں تاہم چوتھی پوزیشن کے لیے کراچی کنگز اور لاہور قلندرز کے درمیان مقابلہ سخت ہے۔

    اگر آج کے میچ میں کراچی کنگز کو شکست کا سامنا رہتا ہے تو بھی اگلے راؤنڈ میں کوالیفائی کرنے کے لیے سنگاکارا الیون کے امکانات روشن ہیں۔

     کراچی کنگز اگر ٹاس جیت کر پہلے بیٹنگ کا فیصلہ کرتی ہے تو اُسے مقررہ 20 اوورز میں 160 رنز ہر صورت بنانے ہوں گے اور اسلام آباد یونائیٹڈ کو 18 اوور میں 120 رنز تک محدود رکھنا ہوگا۔ اسلام آباد یونائیٹڈ اگر پہلے بیٹنگ کرتی ہے تو کراچی کنگز کو رن ریٹ بہتر بناتے ہوئے کم از کم 120 رنز کے جواب میں 106 اسکور کرنا ہوگا۔

    پڑھیں: ’’ پولارڈ کے دو چھکے، کراچی کنگز نے قلندرز سے فتح چھین لی ‘‘

    رن ریٹ کے حساب سے کراچی کنگز کی پوزیشن لاہور قلندرز کے کافی بہتر ہے کیونکہ قلندرز نے اپنے 8 میچ کھیل کر صرف 6 پوائنٹس حاصل کیے ہیں اور اُن کا رن ریٹ -0.223 ہے جبکہ کراچی کنگز نے ابھی تک صرف 7 میچز کھیل کر 6 پوائنٹس حاصل کیے۔

    کراچی کنگز کا ایک میچ باقی ہے جبکہ ان کا رن ریٹ لاہور قلندرز سے بہت بہتر ہے اس لیے سنگاکارا الیون کے پلے آف راؤنڈ میں پہنچنے کے امکانات بہت حد تک روشن ہیں۔

    مزید پڑھیں: ’’ کراچی کنگز نے پشاور زلمی کو 9 رنز سے شکست دے دی ‘‘

    دوسری جانب اگربارش کے باعث میچ متاثر ہوگا تو دونوں ٹیموں کو ڈک ورتھ لوئس قانون کے تحت ایک ایک پوائنٹس مل جائے گا اور کراچی کنگز با آسانی اگلے راؤنڈ کے لیے کوالیفائی کرجائے گی۔

  • کراچی کنگزکی ٹیم آج کوئٹہ گلیڈی ایٹرزسے ٹکرائے گی

    کراچی کنگزکی ٹیم آج کوئٹہ گلیڈی ایٹرزسے ٹکرائے گی

    دبئی : پاکستان سپر لیگ کے تیسرے مرحلے کے میچ میں کراچی کنگز کی ٹیم آج کوئٹہ گلیڈی ایٹرز سے ٹکرائے گی, یہ اہم میچ پاکستانی وقت کے مطابق رات نو بجے شروع ہوگا.

    تفصیلات کے مطابق کراچی کنگز اورکوئٹہ گلیڈی ایٹرز کی ٹیمیں دوسری بار دبئی میں آج مدمقابل ہوں گی۔ کراچی کنگز کے پاس ہار کا بدلہ لینے کا بہترین موقع ہے۔

    کراچی کنگز کی گاڑی جیت کے ٹریک پرآگئی ہے۔ کوئٹہ گلیڈی ایٹرز کی فتح اسے پلے آف مرحلے میں پہنچا سکتی ہے جبکہ کراچی کنگز کے شیروں نے بھرپور کم بیک کرتے ہوئے مسلسل دو میچز جیت کرکوئٹہ کیلئے خطرے کی گھنٹی بجادی ہے۔

     سرفرازالیون سات پوائنٹس کے ساتھ لیگ میں سرفہرست ہے۔ کراچی کنگز کے پانچ میچ کھیل کر سب سے کم چار پوائنٹس ہیں۔

    کوئٹہ کی ٹیم بیٹنگ پر انحصار کرے گی۔ کراچی کنگز کے باؤلرز کو ڈینجر مین کیون پیٹرسن، سرفراز احمد اور رلی روسو کا روکنا ہوگا۔

    بیٹنگ میں سب کو کرس گیل کے چلنے کا انتظار ہے۔ دونوں ٹیمیں ایونٹ میں اپنا چھٹا میچ کھیلیں گی۔ کوئٹہ جیت گیا تو اگلے راؤنڈ میں پہنچ جائے گا۔ کراچی کامیابی حاصل کرکے اپنی پوزیشن بہتر بنائے گا۔