ARYNews.tv | Urdu – Har Lamha Bakhabar

Tag: کراچی کنگز

  • کیا آپ نےکرس گیل کو اردو بولتے دیکھا ہے

    کیا آپ نےکرس گیل کو اردو بولتے دیکھا ہے

    کراچی : کرکٹ کی دنیا میں چوکوں،چھکوں کے بادشاہ کے نام سے پہچانے جانے والے آل راؤنڈرکرس گیل کو کیا آپ نے اردو بولتے دیکھا ہے؟اگر نہیں تو اب دیکھ لیں۔

    تفصیلات کےمطابق ویسٹ انڈیزکےمایہ نازآل راؤنڈر کرس گیل کے انداز ہی نرالے ہیں۔کرکٹ کا کھیل ہو یا ان کی ذاتی زندگی،وہ ہمیشہ کچھ نیا کرکے اپنے مداحوں کو چونکا دیتے ہیں۔

    باؤلرز کے لیے خوف کی علامت سمجھے جانے والے آل راؤنڈرگرس گیل نے اے آر وائی نیوز کے اینکر وسیم بادامی سے اردو زبان میں گفتگوکرکےمداحوں کو حیران کردیا۔

    کرس گیل کی اردو سننے کےلیےویڈیو کے لنک پرکلک کریں


    ویسٹ انڈیزکےاسٹار آل راؤنڈر کرس گیل اگلےماہ دبئی میں ہونے والی پاکستان سپرلیگ میں کراچی کنگز کی نمائندگی کررہے ہیں۔

    واضح رہےکہ اس سے قبل گزشتہ ماہ دسمبر میں کرسمس کے موقع پرسوشل میڈیا کی معروف ویب سائٹ انسٹاگرام پر اپنی تصویر اپ لوڈ کی تھی جس میں وہ انہوں نےداڑھی اور مونچھیں رکھی ہوئی ہیں۔

    chris

  • کراچی کنگزاورنیا ناظم آباد کرکٹ گراؤنڈ کے درمیان معاہدہ

    کراچی کنگزاورنیا ناظم آباد کرکٹ گراؤنڈ کے درمیان معاہدہ

    کراچی : نیا ناظم آباد کرکٹ ہوم گراؤنڈ اورکراچی کنگز کی پارٹنر شپ کیلئے معاہدے پر دستخط کردیئے گئے۔ عارف حبیب گروپ کے چیئرمین عارف حبیب نے امید ظاہر کی ہے کہ پی ایس ایل ایڈیشن ٹو کی فاتح کراچی کنگز ہی ہوگی۔

    تفصیلات کے مطابق کراچی کنگز کو ایک اور اعزازمل گیا، کراچی کنگز کا نیا ناظم آباد کرکٹ ہوم گراؤنڈ کے ساتھ کرکٹ کی شان بڑھانے کیلئے معاہدہ ہوگیا۔

    عارف حبیب سینٹر میں ہونے والی تقریب میں اے آر وائی نیٹ ورک کے سی ای او سلمان اقبال اور عارف حبیب گروپ آف کمپنیز کے چیئرمین عارف حبیب نے معاہدے پر دستخط کیے۔

    مزید پڑھیں : پی ایس ایل، کراچی کنگز اور پی ٹی وی اسپورٹس کے درمیان معاہدہ

    اس موقع پرمیڈیا سے گفتگو کرتے ہوئے عارف حبیب کا کہنا تھا کہ پی ایس ایل ایڈیشن ٹو کراچی کنگز ہی جیتے گی۔ انہوں نے کہا کہ دلوں کے بادشاہ کراچی کنگز سے شائقین کرکٹ کی بڑی امیدیں وابستہ ہیں۔

    پی ایس ایل شروع ہو تو کراچی سے خیبر تک ہر زبان ایک ہی نعرہ ہوتا ہے کہ کراچی جیتے گا۔

  • پی ایس ایل، کراچی کنگز اور پی ٹی وی اسپورٹس کے درمیان معاہدہ

    پی ایس ایل، کراچی کنگز اور پی ٹی وی اسپورٹس کے درمیان معاہدہ

    کراچی : کراچی کنگز اور پاکستان ٹیلی ویژن کے اسپورٹس چینل نے پی ایس ایل کے لیے شراکت داری کے معاہدے پر دستخط کر دیئے ہیں۔

    تفصیلات کے مطابق دوطرفہ معاہدے پر کراچی کنگز کے سی ای او طارق وصی جب کہ پی ٹی وی اسپورٹس چینل کی جانب سے ڈاکٹر نعمان نے دستخط کیے۔

    اے آر وائی نیوز کے رپورٹر رافع حسین نے بتایا کہ پی ایس ایل کی سب سے مہنگی ٹیم کراچی کنگز اور پی ٹی وی اسپورٹس چینل کے درمیان دو سال کے لیے معاہدہ طے پاگیا ہے۔

    karachi-kings-post-2

    معاہدے کے تحت پی ٹی وی اسپورٹس پی ایس ایل میں ہونے والے کراچی کنگز کے تمام میچز براہ راست نشر کرے گا جب کہ اس دوران ملک بھر میں ہونے والے کراچی کنگز کی تقریبات بھی براہ راست دکھائی جائیں گی۔

    karachi-kings-post-3

    دریں اثناء کراچی کنگزاور معروف کمپنی کاٹن اینڈ کاٹن کےدرمیان بھی معاہدہ طے پاگیا جس کے تحت کاٹن اینڈکاٹن کی آؤٹ لیٹس پر کراچی کنگزکی شرٹس،ٹی شرٹس،پولوشرٹس،جیکٹس اور کیپ دستیاب ہوں گی۔

    karachi-king-post-1

    اس حوالے سے منعقد کی تقریب میں چیئرمین اے آر وائی ڈیجیٹل نیٹ ورک حاجی محمد اقبال، گروپ ڈائریکٹر اے آر وائی ڈیجیٹل نیٹ ورک محبوب عبدالرؤف اور کاٹن اینڈ کاٹن کے سی ای او عالم نجی اللہ نے شرکت کی۔

    تقریب کے شرکاء اور عوام نے اے آر وائی ، کراچی کنگز اور کاٹن اینڈ کاٹن کے اس اقدام کو کرکٹ لورز ، کراچی والوں اور کرکٹ کی بحالی کے لیے اہم اقدام قرار دیا۔

  • پی ایس ایل : خرم منظوراورکاشف بھٹی کراچی کنگز کا حصہ بن گئے

    پی ایس ایل : خرم منظوراورکاشف بھٹی کراچی کنگز کا حصہ بن گئے

    کراچی : پاکستان سپر لیگ کے دوسرے ایڈیشن میں مایہ ناز بیٹسمین خرم منظور کراچی کنگز کو منظور ہوگئے جبکہ کراچی کنگز نے نوابشاہ کے کاشف بھٹی کو ٹیم میں شامل کرلیا۔

    تفصیلات کے مطابق پاکستان سپر لیگ کے دوسرے ایڈیشن میں مایہ ناز بیٹسمین خرم منظور کراچی کنگز کو منظور ہوگئے۔ جاندارشا ٹس اور بولرز کو پریشان کرنے والے مایہ ناز اوپنر خرم منظور پی ایس ایل کی سب سے مقبول اور مہنگی ٹیم کراچی کنگز کا حصہ بن گئے ہیں۔

    انٹرنیشنل کرکٹ میں پاکستان کی نمائندگی کرنے والے خرم منظور ہر فارمیٹ میں اپنی صلاحیتوں کو منواچکے ہیں۔ ڈومیسٹک ہو یا کلب کرکٹ یا پھر انٹرنیشنل میچ خرم کو جب بھی چانس دیا گیا اس نے پرفارم کرکے دکھایا۔ خرم نے ہمیشہ اپنے بلے سے ناقدین کو بھرپورجواب دیا۔

    کراچی بلوز کو نیشنل ٹی ٹوئنٹی کاچیمپئن بنانے میں بھی خرم منظور کا اہم کردار تھا۔ خرم منظور نے فائنل میں کراچی وائٹس کے خلاف بیالیس گیندوں پر ستر رنز کی دھواں دھار اننگز کھیلی تھی۔

    قائد اعظم ٹرافی میں بھی خرم کو ڈھائی سو رنز کی اننگز کھیلنے کا اعزاز حاصل ہے۔ خرم منظور اب پی ایس ایل کے دوسرے ایڈیشن کیلئے کراچی کنگز کے شیر ہیں۔

    علاوہ ازیں پی ایس ایل ایڈیشن ٹو کیلئے کراچی کنگز نے نوابشاہ کا ستارہ چن لیا، کاشف بھٹی کی کراچی کنگز میں شمولیت پر ان کے اہلخانہ بہت خوش ہیں، پی ایس ایل میں نوابشاہ کے آل راؤنڈر کاشف بھٹی کی کراچی کنگز میں شمولیت پر ان کے اہلخانہ خوشی سے نہال ہیں، مٹھائیاں تقسیم کی گئیں۔

    کاشف بھٹی کے بھائیوں کا کہنا ہے کہ امید ہے وہ عمدہ کارکردگی کا مظاہرہ کرے گا۔ والدہ نے کہا کہ کاشف کو اس کی محنت کا صلہ مل گیا۔ پی ایس ایل میں کاشف بھٹی اب دنیا کے انٹرنیشنل اسٹارز کے ساتھ جگمگائیں گے اور پی ایس ایل میں اپنا جادو دکھائیں گے۔

     

  • پی ایس ایل: کمار سنگا کارا کراچی کنگز کے کپتان مقرر

    پی ایس ایل: کمار سنگا کارا کراچی کنگز کے کپتان مقرر

    دبئی : پی ایس ایل کے سیکنڈ ایڈیشن کے لیے کراچی کنگز کی ٹیم کا کپتان سری لنکن بلے باز کمار سنگارا کو مقرر کردیا گیا، سلمان اقبال کا کہنا ہے کہ کراچی کنگز بہت متوان ٹیم ہے، کرس گیل بھی کراچی کنگز کا شیر ہے، نجم سیٹھی کا کہنا ہے کہ کراچی کنگز کسی بھی انٹرنیشنل ٹیم کو ہرانے کی صلاحیت رکھتی ہے۔


    نئے کپتان کا اعلان کراچی کنگز کی دبئی میں منعقدہ پریس بریفنگ میں کیا گیا جس میں پی ایس ایل کے چیرمین نجم سیٹھی، کراچی کنگز کے اونر سلمان اقبال، ٹیم مینجمنٹ کے راشد لطیف، سمیت کھلاڑیوں کرس گیل، شعیب ملک، روی بوپارہ، عماد وسیم اور دیگر نے شرکت کی۔

    بریفنگ میں میزبانی کے فرائض وسیم بادامی نے ادا کیے، آغاز پر کراچی کنگز کا آفیشل سانگ اسکرین پر دکھایا گیا۔

    اے آر وائی نیٹ ورک کے سی ای او اور کراچی کنگز کے مالک سلمان اقبال نے کہا کہ کراچی کنگز کی ٹیم بہت متوازن ہے، کرس گیل بھی کراچی کنگز کا شیر ہے،10 برس سے پی ایس ایل کی باتیں ہورہی تھیں اور اب یہ ایونٹ منعقد ہورہا ہے۔

    سلمان اقبال نے کہا کہ نجم سیٹھی نے مجھے تجویز دی کہ پی ایس ایل کی ایک ٹیم حاصل کرلیں ساری زندگی یاد کریں گے۔

    آنر کراچی کنگ نے کہا کہ یو اے ای ہمارا ہوم گرائونڈ ہے ، یو اے ای کاکرائوڈ ہمیں ہمیشہ سپورٹ کرتا ہے،ایک سے ڈیڑھ سال میں ڈیڑھ سو نئے لڑکے تیار کریں گے۔

    چیئرمین پاکستان سپر لیگ نجم سیٹھی نے کہا کہ میرے دوست سلمان گولڈ کیٹگری میں شامل ہیں، میں اے آر وائی کے ساتھ بیٹھا ہوں ،یہاں میرے ملک کے ہیروز موجود ہیں۔

    انہوں نے کہا کہ پی ایس ایل کامیاب بنانے کا سہرا اے آر وائی کے سر ہے،سلمان اقبال نے پی ایس ایل کو سپورٹ کیا تو دیگر میڈیاہائوسز بھی آئے،نئے کھلاڑی کرس گیل جیسے سینئر کھلاڑیوں سے سیکھیں۔

    نئے کپتان کا اعلان کرتے ہوئے شعیب ملک نے کہا کہ میں کراچی کنگز کا حصہ نہیں بلکہ کراچی کنگز میری ٹیم ہے، ہمارے ٹیم کے نئے کپتان کمار سنگاکاراہوں گے، وہ ٹیم کے لیے بہت کچھ کرنے کی صلاحیت رکھتے ہیں۔

    karachi-kings-post-1

    قومی کرکٹر عماد وسیم نے کہا کہ کوشش ہوگی کہ مداحوں کو مایوس نہیں کریں گے، لاہور میں فائنل کھیلنے کا اپنا ہی مزہ ہے۔

    ٹیم مینجمنٹ میں شامل راشد لطیف نے کہا کہ پاکستان سپر لیگ ایک خواب تھا جسے پورا کرنے کا سہرا نجم سیٹھی کے سر جاتا ہے ،ڈومیسٹک اور انٹرنیشنل کرکٹ میں کافی فاصلہ آگیا ہے، 18سال سے کم عمر لڑکوں کا بھی انتخاب کیا گیا،سلمان اقبال، نجم سیٹھی اور میں کرکٹ کے فروغ کے لیے کام کررہے ہیں۔

    انگلینڈ کے کرکٹر روی بوپارہ نے کہا کہ کرس گیل، کمار سنگاکارا اور بابر اعظم ٹیم میں بہترین اضافہ ہیں،لاہور میں فائنل کھیلنے کا مزہ آئے گا۔

    ویسٹ انڈیز کے مایہ ناز بلے باز کرس گیل نے کہا کہ کراچی کنگز کا حصہ بن کر بہت خوش اور پرجوش ہوں، پی ایس ایل کے سیکنڈ ایڈیشن کے لیے فٹ اور تیار ہوں، ہم اسب ایک مقصد کے لیے اس ٹیم کا حصہ ہیں۔

    قبل ازیں انہیں خطاب کی دعوت دی گئی تو انہوں نے میزبان کو وسیم باداما کہہ کر شکریہ اداکیا جس پر لوگ ہنس پڑے اور وسیم بادامی نے تصحیح کی کہ باداما نہیں بادامی جس پر گیل نے ایک قہقہہ بھی لگایا۔

    بعدازاں اپنے خطاب کے دوران کرس گیل نے کسی بات پر انشا اللہ کہا جسے سن کر پریس بریفنگ میں بیھٹے افراد کو خوشگوار حیرت کا سامنا کرنا پڑا۔

    اس موقع پر شعیب ملک نے ایک بار پھر 20 افراد پر مشتمل کراچی کنگز کے کھلاڑیوں کے ناموں کا اعلان کیا۔

    بریفنگ کے اختتام پر سوالات کے سیشن کے دوران نجم سیٹھی نے کہا کہ کراچی کنگزکی ٹیم اتنی اسٹار ٹیم ہے کہ وہ کسی بھی انٹرنیشنل ٹیم کو ہراسکتی ہے،چھٹی ٹیم آئے گی تو ایونٹ اور بھی بہتر ہوجائے گا۔

  • کرکٹ ہمارے خون میں شامل ہے ، اس بار ٹیم میں کئی تبدیلیاں‌ کیں، سلمان اقبال

    کرکٹ ہمارے خون میں شامل ہے ، اس بار ٹیم میں کئی تبدیلیاں‌ کیں، سلمان اقبال

    دبئی: اے آر وائی نیٹ ورک کے سی ای او اور کراچی کنگز کے مالک سلمان اقبال نے کہا ہے کہ کرکٹ ہمارے خون میں شامل ہے ، اس بار ٹیم میں کئی تبدیلیاں کی ہیں، بڑے اسکور کے لیے ٹیم کو سیٹ کیا ہے، کرس گیل ایک اسٹار ہے اس لیے انہیں منتخب کیا، میکلرن کو آل رائونڈر ہونے کے سبب شامل کیا۔


    When team’s coach is happy then I am happy too… by arynews
    میزبان رمیز راجہ سے بات کرتے ہوئے سلمان اقبال نے کہا کہ اس بار بھی ٹیم سے بہت خوش ہوں، ٹیم کے کوچز خوش ہیں تومیں بھی خوش ہوں، کوچز نے بڑی محنت سے ٹیم کا انتخاب کیا، کرکٹ ہمارے خون میں شامل ہے۔

    انہوں نے کہا کہ بڑے اسکور کے حصول کے لیے اس بار ٹیم میں کئی تبدیلیاں کی ہیں، میکلرن آل رائونڈر ہیں اس لیے انہیں ٹیم میں شامل کیا،کرس گیل کو کئی لوگوں نے لینے سے منع کیا لیکن کرس گیل ایک اسٹار ہے اس لیے انہیں منتخب کیا۔

    سلمان اقبال نے بتایا کہ کاشف بھٹی اس ایونٹ میں ڈیبیو کررہےہیں، میرا خیال ہے وہ کامیاب رہیں گے،کاشف بھٹی کو راشد لطیف تلاش کرکے لائے ہیں۔

    یہ پڑھیں:انٹرنیشنل کرکٹ کی واپسی، پی ایس ایل کا فائنل لاہور میں کرانے کا اعلان

    اونر کراچی کنگز کا کہنا تھا کہ پی ایس ایل کے بعد پتا چلا کہ کرکٹ کے شائقین کتنے ہیں، کراچی کے لوگوں کا بیک اپ بھی ہے اور تنقید بھی کرتے ہیں،رائے آئی ہے کہ ایونٹ میں شوبز کے اسٹارز کو بھی بلایا جائے۔

    انہوں نے کہا کہ ہم نے ایک ٹیلنٹ ہنٹ پروگرام رکھا جس میں آٹھ لڑکوں کا انتخاب کیا ، دو سے تین سال میں اتنے لڑکوں کا انتخاب کرلیں گے کہ ٹیم بن جائے۔

    سلمان اقبال کا کہنا تھا کہ لاہور میں پی ایس ایل کا فائنل ہوگیا تو پتا چل جائے کہ ایونٹ کتنا بڑا ہے، کراچی اور لاہور کا لاہور میں فائنل ہوجائے تو سوچیں کیاہوگا۔

  • پی ایس ایل میں کھلاڑیوں کا چناؤ مکمل، کرس گیل کراچی کنگز میں شامل

    پی ایس ایل میں کھلاڑیوں کا چناؤ مکمل، کرس گیل کراچی کنگز میں شامل

    دبئی: پی ایس ایل کے دوسرے ایڈیشن کے لیے پانچوں ٹیموں نے کھلاڑیوں کا انتخاب مکمل کرلیا، کراچی کنگز نے کرس گیل، لاہور قلندر نے برینڈن میک کولم، پشاور زلمے نے شاہد آفریدی ،کوئٹہ گلیڈی ایٹرز نے کیون پیٹرسن کو منتخب کرلیا جب کہ اسلام آباد یونائیٹڈنے مصباح الحق کو برقرار رکھا۔

    chirs-gayle

    تفصیلات کے مطابق پاکستان سپر لیگ(پی ایس ایل2017ء )کا دوسرا ایڈیشن فروری میں دبئی میں منعقد ہوگا جس میں پانچ ٹیمیں ایک دوسرے کے مدمقابل ہیں، اس ایونٹ میں کھلاڑیوں کے چنائو (ڈرافٹنگ) کے لیے تقریب دبئی میں منعقد ہوئی جس میں کھلاڑیوں سمیت ٹیم کے مالکان، چیرمین پی سی بی نجم  سیٹھی، کرکٹ کے آفیشلز اور دیگر متلقہ افراد نے شرکت کی۔

    ڈرافٹنگ میں 414 کھلاڑیوں کو پانچ کیٹگریز میں تقسیم کیا گیا تھا ان میں پلاٹینیم، ڈائمنڈ، گولڈ، سلور اور ایمرجنگ شامل تھیں، پانچوں ٹیموں نے 16،16 کھلاڑیوں کا انتخاب کیا جس کے بعد منتخب کھلاڑیوں کی تعداد 70 بن گئی۔

    shoaib-malik

    ڈرافٹنگ کے ہرمرحلے میں کھلاڑی منتخب کرنے کی پہلی باری لاہور قلندر کی، دوسری باری کراچی کنگز، تیسری پشاور زلمے، چوتھی کوئٹہ گلیڈی ایٹر اور آخری باری اسلام آباد یونائیٹڈ کی تھی۔

    پلاٹینیم کیٹگری میں کراچی کنگز نے ویسٹ انڈیز کے بلے باز کرس گیل، ویسٹ انڈیز کے ہی کرکٹر کیرون پولارڈ اور پاکستانی آل رائونڈ شعیب ملک کو منتخب کیا۔

    afridi

    ڈائمنڈ کیٹگری میں محمد عامر، روی بوپارہ اور کمار سنگاکارا کو جب کہ گولڈ کیٹگری میں قومی کرکٹ ٹیم کے کھلاڑیوں عماد وسیم، بابر اعظم اور سائوتھ افریقا کے کھلاڑی ریان میکلرن کومنتخب کرلیا۔

    سلور کیٹگری میں کراچی کنگز نے سہیل خان، شاہ زیب خان، سیف اللہ بنگش، خرم منظور کو اور ایمرجنگ کیٹگری میں کاشف عباسی، ابراراحمد اور عبدالحمید کو منتخب کیا۔

    سپلیمنٹری رائونڈ میں مہیلا جے وردھنے اور اسامہ میر کراچی کنگز کا حصہ بن گئے۔

    team

    لاہور قلندر نے برینڈن میک کولم، سنیل نارائن، عمر اکمل، سہیل تنویر، ڈیوین براوو، یاسر شاہ، اینٹون ڈیوچ، محمد رضوان، کیمرون ڈیل پورٹ، اظہر علی، عامر یامین، ظفر گوہر، فخر زمان، بلاول بھٹی، غلام مدثر اور عثمان قادر کو منتخب کیا۔

    category

    پشاور زلمے نے شاہد آفریدی، آیون مورگن، وہاب ریاض، شکیب الحسن، ڈیرن شامی، محمد حفیظ، کرس جورڈن، تمیم اقبال، کامران اکمل،صہیب مقصود، جنید خان، عمران خان جونئیر،افتخار احمد، حارث سہیل، حسن علی اور محمد اصغر کو شامل  کیا ۔

    کوئٹہ گلیڈی ایٹر میں کیون پیٹرسن، سرفراز احمد، احمد شہزاد، کارلوس بریتھ ویٹ، لیوک رائٹ، انور علی، تیمل ملز، عمر گل، ذوالفقار بابر، محمد نواز، محمد نبی، اسد شفیق، سعد نسیم، عمر امین، حسن خان اور نور علی کو منتخب کیا گیا۔

    اسلام آباد یونائیٹڈ نے مصباح الحق، شین واٹسن، اینڈر رسل، شرجیل خان، محمد عرفان، سیموئل بدری، محمد سمیع، خالد لطیف، بریڈ ہیڈن، سیم بلنگس، سعید اجمل، آصف علی، رمان رئیس، عمران خالد، احمد بٹ اور حسن طلعت کو منتخب کیا۔

    wahab-riaz

    اے آر وائی نیٹ ورک کے صدر اور سی ای او سلمان اقبال نے کرس گیل کو ان کے نام کی ٹی شرٹ پیش کی جو انہوں نے پہن لی۔

    سابقہ ایونٹ میں اچھی کارکرگی کا مظاہرہ نہیں کیا، کرس گیل

    کرس گیل کا کہنا تھا کہ پی ایس ایل کے پہلے ایونٹ میں بہترین کارکردگی کا مظاہرہ نہیں کرسکا تھا تاہم اس بار مکمل فٹ اور تیار ہوں،میری کوشش ہوتی ہے کہ تیز رفتاری کے ساتھ رنز حاصل کروں،پاکستان میں میرا فین  کلب مزید بڑھ جائے گا۔


    I will try to entertain the crowd as much as… by arynews
    کرس گیل نے مزید کہا کہ انہوں نے کہا کہ پہلی بار بھی اس ایونٹ کا حصہ بن کر مزا آیا، کراچی کنگز میرے لیے نئی ٹیم ہے اس ٹیم کا حصہ بننا اچھا لگ رہا ہے، شائقین کو زیادہ سے زیادہ انٹرٹین کرنے کی کوشش کروں گا۔

    تقریب سے قبل اے آر وائی نیوز کے اینکر پرسن ویسم بادامی نے کراچی کنگز کے مالک سلمان اقبال اور کرس گیل کے درمیان خوشگوار ماحول میں ہونے والی ملاقات میں ان سے بات چیت کی ، کرس گیل کا کہنا تھا کہ کراچی کنگز کا حصہ بن کر خوشی محسوس کررہا ہوں۔

     

    یہ پڑھیں:انٹرنیشنل کرکٹ کی واپسی، پی ایس ایل کا فائنل لاہور میں کرانے کا اعلان

    محمدعامر سابقہ ایونٹ میں گولڈ کیٹگری میں تھے تاہم اس بار انہیں ڈائمنڈ کیٹگر ی میں شامل کیا گیا۔

    شاہد آفریدی نے پشاور زلمے کی کپتانی سے دست بردار ہوتے ہوئے ڈیرن سامی کو کپتان مقرر کیے جانے کا اعلان کیا جس پر ڈیرن سامی نے آفریدی کا شکریہ ادا کیا۔

    یہ بھی پڑھیں: کرکٹ ہمارے خون میں شامل ہے، اس بار ٹیم میں کئی تبدیلیاں‌ کیں، سلمان اقبال

  • راشد لطیف کی زیر نگرانی کراچی کنگز ٹیلنٹ ہنٹ پروگرام میں ایک دن باقی

    راشد لطیف کی زیر نگرانی کراچی کنگز ٹیلنٹ ہنٹ پروگرام میں ایک دن باقی

    کراچی: کراچی کنگز پاکستان کے سب سے بڑے ٹیلنٹ ہنٹ پروگرام ’کھلاڑی کی کھوج‘ کے ٹرائلز 3 اکتوبر سے کراچی کے نیشنل اسٹیڈیم میں شروع ہوں گے۔

    پاکستان سپر لیگ کی سب سے مہنگی ٹیم کراچی کنگز لا رہا ہے پاکستان کا سب سے بڑا ٹیلنٹ ہنٹ پروگرام ’کھلاڑی کی کھوج‘، جس میں کراچی کنگز پاکستان بھر سے باصلاحیت نوجوانوں کو دعوت دیتا ہے، انڈر ٹوئنٹی تھری ٹرائلر تین اکتوبر سے نیشنل اسٹیڈیم کراچی میں شروع ہوں گے۔

    پاکستان کے نامور کرکٹر سابق کپتان راشد لطیف اس ٹیلنٹ پروگرام کے ڈائریکٹر ہوں گے جبکہ سابق چیف سلیکٹر اقبال قاسم، سلیم یوسف اور جلال الدین کھلاڑیوں کا انتخاب کریں گے۔

    14440835_1120058748079825_1189108672438994073_n

    سلیکٹرز بھی ٹیلنٹ ہنٹ پروگرام کیلئے بہت پر جوش ہیں، ٹرائل میں منتخب ہونے والے کھلاڑیوں کو اس سال ہونے والے ڈرافٹ میں شامل ہونے کے ساتھ ساتھ قومی کرکٹ ٹیم میں کھیلنے کا بھی موقع مل سکتا ہے ۔

    کراچی کنگز کے ٹیلنٹ ہنٹ پروگرام میں اب صرف ایک روزباقی رہ گیا ہے تاہم کراچی کنگز کی ویب سائٹ پر رجسٹریشن کروانے والوں کا انبار لگ گیا۔

    پاکستان سپر لیگ کی ٹیم کراچی کنگز کے مالک، اے آر وائی ڈیجیٹل گروپ کے صدر اورسی ای او سلمان اقبال کا کہنا ہے کہ یہ پاکستان کرکٹ میں نئے دور کا آغاز ہے ، پاکستان سپر لیگ ثابت کردے گا کہ یہ ایک صحیح سمت میں بڑا قدم ہے ۔

    انہوں نے کہا کہ کراچی کنگز کے منتخب کردہ کھلاڑی قومی کرکٹ کے میدان میں ایک اور سنگ میل ثابت ہونگے ۔

    کراچی کنگز کے اسٹارز بھی نوجوان کرکٹرز کو کیمپ میں آنے کی دعوت دے رہے ہیں۔

     

    تین اکتوبر سے شروع ہونے والے کراچی کنگز کے ٹرائلز کے لئے گائڈ لائن بھی جاری کردی گئی ہے۔

    ٹرائلز صبح نو سے شام چھ بجے تک جاری رہیں گے۔

    ٹرائلز میں حصہ لینے والے نوجوان کرکٹرز کی عمر سولہ سال سے زائد اور تئیس سال سے کم ہونی چاہیے۔

    ٹرائلز کے لیے نوجوانوں کو وائٹ کٹ پہننی ہوگی۔

    بغیر شناختی کارڈ اور بے فارم کے انٹری نہیں ہوگی۔

    rules-kk

    ٹیلنٹ ہنٹ پروگرام کا حصہ بننے کے لیے کراچی کنگز کی ویب سائٹ پر جا کر رجسٹریشن کرائی جاسکتی ہے۔

    Khiladi Ki Khoj

     

  • کراچی کنگز ٹیلنٹ ہنٹ پروگرام تین اکتوبر سے شروع ہوگا

    کراچی کنگز ٹیلنٹ ہنٹ پروگرام تین اکتوبر سے شروع ہوگا

    کراچی: کراچی کنگز پاکستان کے سب سے بڑے ٹیلنٹ ہنٹ پروگرام ’کھلاڑی کی کھوج‘ کے ٹرائلز 3 اکتوبر سے کراچی کے نیشنل اسٹیڈیم میں شروع ہوں گے۔

    پاکستان سپر لیگ کی سب سے مہنگی ٹیم کراچی کنگز لا رہا ہے پاکستان کا سب سے بڑا ٹیلنٹ ہنٹ پروگرام ’کھلاڑی کی کھوج‘، جس میں کراچی کنگز پاکستان بھر سے باصلاحیت نوجوانوں کو دعوت دیتا ہے، انڈر ٹوئنٹی تھری ٹرائلر تین اکتوبر سے نیشنل اسٹیڈیم کراچی میں شروع ہوں گے۔

    پاکستان کے نامور کرکٹر سابق کپتان راشد لطیف اس ٹیلنٹ پروگرام کے ڈائریکٹر ہوں گے جبکہ سابق چیف سلیکٹر اقبال قاسم، سلیم یوسف اور جلال الدین کھلاڑیوں کا انتخاب کریں گے۔ ٹرائل میں منتخب ہونے والے کھلاڑیوں کو اس سال ہونے والے ڈرافٹ میں شامل ہونے کا موقع ملے گا، ٹرائلز کے لیے نوجوانوں کو وائٹ کٹ پہننی ہوگی۔

    ٹیلنٹ ہنٹ پروگرام کا حصہ بننے کے لیے کراچی کنگز کی ویب سائٹ پر جا کر رجسٹریشن کرائی جاسکتی ہے۔

    http://karachikings.com.pk/khiladi-ki-khoj

  • اسلام آباد یونائیٹڈ نے کراچی کنگز کو نو وکٹوں سے ہرادیا

    اسلام آباد یونائیٹڈ نے کراچی کنگز کو نو وکٹوں سے ہرادیا

    دبئی : کراچی کنگز اور اسلام آباد یونائیٹڈ کے درمیان دبئی میں کھیلے جانے والے پاکستان سپر لیگ کے ایلیمینٹر میچ میں کراچی کنگز کو اسلام آباد یونائیٹڈ نے نو وکٹوں سے شکست دے دی۔

    اسلام آباد یونائیٹڈ نے کراچی کنگزکیخلاف میچ نو وکٹوں سے جیت کرتیسرے پلے آف کیلئے کوالیفائی کرلیا۔

    اسلام آباد کی ٹیم کل پشاور زلمی سے ٹکرائے گی اور جیتنےوالی ٹیم کوئٹہ گلیڈی ایٹرزکیخلاف فائنل میچ کھیلے گی۔

    تفصیلات کے مطابق پی ایس ایل کے ایلیمنیٹر میچ میں اسلام آباد یو نائیٹڈ نے کراچی کنگز کو با آسانی نو وکٹوں سے شکست دے دی۔

    پاکستان سپرلیگ کا دوسرا پلے آف اسلام آبادیونائٹیڈ کےنام رہا۔ کراچی کنگزکی پی ایس ایل سے چھٹی ہوگئی۔

    اسلام آباد نے کراچی کنگز کی طرف سے دیا گیا پی ایس ایل کا سب سے چھوٹا 112رنز کا ہدف15ویں اوور کی دوسری بال میں صرف ایک وکٹ کے نقصان پر حاصل کر لیا۔

    مصباح الحق نے ٹاس جیتا اورپھر میچ کی فتح بھی اپنے نام کی۔ محمدسمیع کی شاندار بولنگ نے میچ کو یکطرفہ بنادیا۔

    کراچی کنگزکے نئے کپتان روی بوپارا سینتیس رنزکی مزاحمت کرنے میں کامیاب ہوئے۔ لیکن محمد سمیع کی کیرئیر بیسٹ بولنگ نےکراچی کنگزکوایک سو گیارہ رنزتک محدود کردیا۔

    ہدف کے تعاقب میں سہیل خان نے شرجیل خان کو پویلین بھیج کرجیت کی امید کی دلوائی۔ لیکن بریڈ ہیڈن اورڈوئن اسمتھ نے بولرزکے تمام ہتھیار ناکام بنادئیے۔ عمدہ بولنگ پر محمدسمیع کو مین آف دی میچ کا ایوارڈ دیاگیا۔

    آج لیگ میں اسلام آباد یو نائیٹڈ اور پشاور زلمے کا میچ ہوگا جس کی فاتح ٹیم 23فروری کو فائنل میں کوئٹہ گلیڈی ایٹرز کا مقابلہ کرے گی۔

    دبئی : کراچی کنگز اور اسلام آباد یونائیٹڈ کے درمیان دبئی میں کھیلے جانے والے پاکستان سپر لیگ کے ایلیمینٹر میچ میں کراچی کنگز کو اسلام آباد یونائیٹڈ نے نو وکٹوں سے شکست دے دی۔

    کراچی کنگز کے سیمنز 19،رکی ویسلز ایک,شعیب ملک صفر ,افتخار احمد8 ,روی بوپارا 37،ٹین ڈوئچے 16 ،سہیل خان 7اور عماد وسیم 6رنز بنا کر آوٹ ہوئے۔محمد عامر 5 اور میر حمزہ صفر پر ناٹ آوٹ رہے۔

    محمد سمیع کی تباہ کن باولنگ نے کراچی کنگز کے بیٹسمینوں کو زیادہ دیر وکٹ پر جمنے نہ دیا، محمد سمیع نے چار اوورز میں صرف 8 رنز دے کر پانچ کھلاڑیوں کو آؤٹ کیا۔

     اسلام آباد یونائیٹڈ کے کپتان مصباح الحق نے ٹاس جیت کر کراچی کنگز کو بیٹنگ کی دعوت دی تھی۔

    کراچی کنگز الیون میں لینڈل سمنز، شعیب ملک، رکی ویسلز، روی بوپارا (کپتان)، ریان ٹین ڈوئس شیٹ، افتخار احمد، عماد وسیم، محمد عامر، اسامہ میر، سہیل خان اور میر حمزہ شامل ہیں۔

    اسلام آباد یونائیٹڈ الیون میں شرجیل خان، ڈیوین اسمتھ، خالد لطیف، آصف علی، مصباح الحق (کپتان)، بریڈ ہیڈن، آندرے رسل، عمران خالد، سیموئیل بیڈری، محمد عرفان اور محمد سمیع شامل ہیں۔

    اسلام آباد یونائیٹڈ اننگز

    مجموعی اسکور : 14.2 اوور : 115/1

    اس طرح اسلام آباد یونائیٹڈ نے کراچی کنگز کو باآسانی نو وکٹوں سے شکست دے دی۔ 

    پندرہواں اوور : دوسری بال پر شاندار چوکے کے ساتھ اسلام آباد یونائیٹڈ کا سکور 115 ہوگیا ۔

    چودہواں اوور : بریڈ ہیڈن نے اپنی نصف سینچری مکمل کر لی، ٹوٹل اسکور سات رنز کے اضافے سے 110 رنز

    تیرہواں اوور :  اسکور میں چار رنز کا اضافہ ، 103 رنز ایک وکٹ کے نقصان پر

    بارہواں اوور : پانچ رنز کا اضافہ اسکور 99 ایک وکٹ کے نقصان پر

    گیارہواں اوور : اسکور میں تیرہ رنز کا اضافہ ہوا جس میں ایک چھکا اور ایک چوکا بھی شامل ہے، اسلام آباد یونائیٹڈ کے 94 رنز ایک کھلاڑی آؤٹ

    دسواں اوور : تین چوکوں کے ساتھ چودہ رنز اسکور 81 رنز ہوگیا۔

    نواں اوور : دو چھکوں کے ساتھ اسکور میں اٹھارہ رنز کا شاندار اضافہ، 67 رنز ایک وکٹ کے نقصان پر

    آٹھواں اوور : ایک چوکے کے ساتھ سات رنز کا اضافہ اسکور 49 ہوگیا، ایک کھلاڑی آؤٹ

    ساتواں اوور : اسکور میں چار رنز کا اضافے سے 42 رنز ایک وکٹ کے نقصان پر

    چھٹا اوور : سات رنز کا اضافہ ۔ اسکور 38 رنز ایک کھلاڑی آؤٹ

    پانچواں اوور : اسلام آباد یونائیٹڈ کے اسکور میں سات رنز کا اضافہ 31 رنز ایک کھلاڑی آؤٹ

    چوتھااوور : دس رنز کا اضافے سے 24 رنز ایک وکٹ کے نقصان پر

    پہلی وکٹ : شرجیل خان نو گیندوں پر 9 رنز بنا کر سہیل خان کی بال پر افتخار احمد کے ہاتھوں کیچ آؤٹ ہوگئے،

    تیسرا اوور : اسکور میں پانچ رنز کا اضافہ ، چودہ رنز بغیر کسی نقصان کے

    دوسرا اوور : دو چوکوں کے ساتھ اسکور میں 8 رنز کا اضافہ ، ٹوٹل اسکور نو رنز بغیر کسی نقصان کے

    پہلا اوور :  اسلام آباد یونائیٹڈ کے اوپنرز شرجیل خان اور ڈیوین اسمتھ نے کھیل کا آغاز کیا، اسکور میں ایک رن کا اضافہ،

     

    ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

    کراچی کنگز الیون اننگز

    مجموعی اسکور :20اوور : 111/9

    کراچی کنگز نے اسلام آباد یونائیٹڈ کو جیت کیلئے 112 رنز کا ہدف دیا ہے ۔

    بیسواں اوور : اسکور میں پانچ رنز کا اضافہ ، 111 رنز پر کراچی کنگز کے نو کھلاڑی پویلین لوٹ گئے۔

    نویں وکٹ: سہیل خان دس گیندوں پر 7 رنز بنا کر آندرے رسل کی بال پر خالد لطیف کے ہاتھوں کیچ آؤٹ ہوگئے،

    انیسواں اوور : اسکور میں سات رنز کا اضافہ، اسکور 106 رنز 8 کھلاڑی آؤٹ

    آٹھویں وکٹ : اسامہ میر پہلی بال پر کوئی رن بنا ئے بغیر محمد سمیع کی بال پر آندرے رسل ہاتھوں کیچ آؤٹ ہوگئے،

    ساتویں وکٹ : عماد وسیم 4 گیندوں پر 6رنز بنا کر محمد سمیع کی بال پر آصف علی کے ہاتھوں کیچ آؤٹ ہوگئے،

    اٹھارہواں اوور : نو رنز کے اضافے سے اسکور 99 ہوگیا چھ وکٹوں کے نقصان پر

    سترہواں اوور : صرف تین رنز کا اضافہ ۔ اسکور 90 رنز چھ کھلاڑی آؤٹ

    چھٹی وکٹ : ریان ٹین 23 گیندوں پر 16رنز بنا کر محمد سمیع کی بال پر بریڈ ہیڈن کے ہاتھوں کیچ آؤٹ ہوگئے،

     پانچویں وکٹ : روی بوپارہ 36 گیندوں پر 37رنز بنا کر محمد سمیع کی بال پر اسمتھ کے ہاتھوں کیچ آؤٹ ہوگئے،

    سولہواں اوور : اسکور  میں چھ رنز کے اضافے سے 87 رنز چار کھلاڑی آؤٹ

    پندرہواں اوور : سات رنز کے اضافے سے کراچی کنگز کا اسکور 81 ہوگیا چار کھلاڑی آؤٹ

    چودہواں اوور : اسکور میں گیارہ رنز کا اضافہ جس میں ایک چھکا بھی شامل ہے، کراچی کنگز نے 74 رنز چار وکتوں کے نقصان پر بنا لئے۔

    تیرہواں اوور : کراچی کنگز کے اسکور میں نو رنز کا اضافہ، 4 وکٹوں پر 63 رنز

    بارہواں اوور : صرف پانچ رنز کا اضافے سے اسکور 54 رنز تک پہنچ سکا،چار  کھلاڑی آؤٹ

    گیارہواں اوور : صرف چار رنز کا اضافہ، 49 رنز چار وکٹوں کے نقصان پر

    دسواں اوور : صرف دو رنز کا اضافہ، اسکور 45 رنز چارکھلاڑی آؤٹ

    نواں اوور : چار رنز کے اضافے سے اسکور 43 ہوگیا، چار کھلاڑی آؤٹ

    چوتھی وکٹ : افتخار احمد 14 گیندوں پر 8 رنز بنا کر سیموئیل بیڈری کی بال پر آندرے رسل کے ہاتھوں کیچ آؤٹ ہوگئے،

    آٹھواں اوور : چار رنز کے اضافے سے اسکور 39 رنز تین وکٹوں کے نقصان پر

    ساتویں اوور میں چھ رنز کا اضافہ ہوا، 35 رنز تین کھلاڑی آؤٹ

    چھٹا اوور : صرف ایک رن کا اضافہ ہوسکا اوی ایک اور کھلاڑی آؤٹ ہونے سے اسکور 29 رنز تین وکٹوں کے نقصان پر

    تیسری وکٹ : شعیب ملک بغیر کوئی رن بنا ئے محمد عرفان کی بال پر بریڈ ہیڈن ہاتھوں کیچ آؤٹ ہوگئے،

    پانچواں اوور : چھ رنز کے اضافے سے اسکور 28 رنز دو کھلاڑی آؤٹ ہوگیا۔

    دوسری وکٹ : لینڈل سمنز 18 گیندوں پر انیس رنز بنا کر آندرے رسل کی بال پر ان ہی کے ہاتھوں کیچ آؤٹ ہوگئے،

    چوتھا اوور : اسکور میں دو رنز کے اضافے سے 22 رنز ایک وکٹ کے نقصان پر

    پہلی وکٹ : رکی ویسلز 5 گیندوں پر صرف ایک رن بنا کر محمد سمیع کی باکلل پر آؤٹ ہوگئے،  نئے آنے والے بیٹسمین افتخار احمد ہیں

    تیسرا اوور : کراچی کنگز کے اسکور میں سیمینز نے اٹھارہ رنز کا شاندار اضافہ کیا، جس میں تین چوکے اور ایک چھکا شامل ہے، ٹوٹل بیس رنز بغیر کسی نقصان کے

    دوسرا اوور : اسکور میں صرف دو رنز کا اضافہ ہو سکا ، کوئی کھلاڑی آؤٹ نہیں

    پہلا اوور : کراچی کنگز کے اوپنرز لینڈل سیمنز اور رکی ویسلز نے کھیل کا آغاز کیا،
    عرفان خان کے پہلے اوور میں کوئی رن نہ بن سکا،