Tag: کراچی کنگز

پاکستان سپر لیگ کی فرنچائز کراچی کنگز کے اہم کھلاڑی جیمز ونس نیشنل ڈیوٹی کے باعث آج ڈھاکہ روانہ ہوگئے۔

انگلینڈ کے کرکٹر جیمز ونس نے گزشتہ روز ملتان سلطان کے ساتھ اپنا آخری میچ کھیلا تاہم انہیں اب بنگلہ دیش میں قومی ذمہ داریوں کے لیے ٹورنامنٹ چھوڑنا پڑا۔

کراچی کنگز کے جیمز ونس فرنچائز کے ایک اہم کھلاڑی میں سے ایک ہیں، پی ایس ایل 2023 میں جیمز ونس نے پانچ میچوں میں 154 رنز بنائے۔

پی ایس ایل 2023 کیریئر میں انہوں نے 11 چھکے بھی لگائے، جیمز ونس کی کراچی کنگز کے نام اس شاندار اننگز پر انہیں یاد رکھا جائے گا۔

واضح رہے کہ انگلینڈ کے کرکٹر جیمز ونس اب تک پاکستان سپر لیگ کے 3 فرنچائز کے ساتھ کھیل چکے ہیں، انہیں سب سے پہلے کوئٹہ گلیڈی ایٹرز نے پک کیا تھا، بعدازا وہ ملتان سلطان کا حصہ رہے تاہم کراچی کنگز ان کی تیسری فرنچائز ہے۔

واضح رہے کہ بنگلا دیش اور انگلینڈ کے درمیان پہلا ون ڈے میچ یکم مارچ کو ڈھاکا میں کھیلا جائے گا۔

پاکستان سپر لیگ کی فرنچائز لاہور قلندرز کے کپتان شاہین شاہ آفریدی نے کہا کہ کراچی نے ہمارے خلاف اچھی کرکٹ کھیلی تھی۔

پاکستان سپر لیگ کی فرنچائز لاہور قلندرز کے کپتان شاہین شاہ آفریدی نے پریس کانفرنس میں کہا کہ کراچی کنگز نے ہمارے خلاف اچھی کرکٹ کھیلی لیکن صبرکریں کراچی سے ابھی ایک میچ باقی ہے۔

شاہین شاہ آفریدی نے کہا کہ پوری ٹیم اپنے ہوم گراﺅنڈمیں کھیلنے کے لیے پر جوش ہے ۔ ہیری بروک کی عدم دستیابی سے متعلق ان کا کہنا تھا کہ مجھے علم تھا کہ بیری بروک دستیاب نہیں ہوں گے۔

شاہین شاہ آفریدی کاکہنا تھا کہ بابر ایک ورلڈ کلاس کھلاڑی ہے جیسے تمام کرکٹ فینز پسند کرتے ہیں، بابراعظم اور رضوان کو باﺅلنگ کروانا ایک چیلنج ہے لیکن مجھے انہیں بولز کروانے ہوئے مزا آتا ہے ۔

 انہوں نے کہا کہ پاکستان سپر لیگ کے رواں سیزن میں اب تک 3میچ کھیلے ہیں جس میں اچھے رنز بنائے ہیں تاہم ٹورنامنٹ جیتنے کے لیے بیٹنگ پر مزید محنت کریں گے ۔ انہوں نے کہاکہ اب تک ٹورنامنٹ بہت اچھا جارہا ہے ،امید ہے آگے بھی سب اچھا ہی ہوگا ۔

ایچ بی ایل پی ایس ایل میں وننگ ٹریک پر آنےکا مشن جاری ہے جس کے لیے آج کراچی کنگز کوئٹہ گلیڈی ایٹرز کیخلاف میدان میں اتریں گے۔

کراچی کے نیشنل ارینا میں ایک طرف آج کراچی کے سرفراز کوئٹہ کےجنگجو کے ساتھ اتریں  گے تو دوسری جانب کراچی کنگز کے شیر ہوں گے ، دونوں ٹیم ہی مقابلے میں کم بیک کے لیے پُرجوش ہے، دونوں ٹیمیں شام سات بجے نیشنل اسٹیڈیم میں ٹکرائیں گی۔

کراچی کنگز نے اب تک اپنا دو میچ کھیلا ہے تاہم ایک بہترین فائٹ کے بعد میچ ہار گئی، دوسری جانب کوئٹہ گلیڈی ایٹرز نے اپنا دوسرام میچ کھیلنا ہے پہلا میچ سرفراز بھی ہار چکے ہیں۔

دونوں ہی ٹیم کے نوجوان آج جیت کا عزم لے کر گراؤنڈ میں اتریں گے، شائقین ایک جانب کراچی کے رہائشی سرفراز کو سپورٹ کرے گی تو دوسری جانب کراچی کنگز کا پھر پور ساتھ دیں گے۔

واضح رہے کہ 15 فروری کو کوئٹہ گلیڈی ایٹرز کو پی ایس ایل 8 کے اپنے پہلے میچ میں ملتان سلطانز کے ہاتھوں شکست کا سامنا کرنا پڑا تھا۔

کراچی کنگز کا پہلا میچ پشاور زلمی کے ساتھ تھا جبکہ دوسرا میچ اسلام آباد یونائیٹڈ کے ساتھ تھا۔

کراچی: اسلام آباد یونائیٹڈ کے فاسٹ بولر حسن علی کا کہنا ہے کہ اگر ان کے دوست آل راؤنڈر شاداب خان کو موقع ملا تو وہ پاکستان ٹیم کی کپتانی کے لیے تیار ہیں۔

پاکستان سپر لیگ (پی ایس ایل) سیزن 8 سے قبل اسلام آباد یونائیٹڈ کے پہلے ٹریننگ سیشن کے موقع پر میڈیا سے بات کرتے ہوئے حسن نے کہا کہ شاداب نے اکثر خود کو ایک مضبوط کپتان ثابت کیا ہے۔

میڈیا سےگفتگو کے دروان حسن علی سے جب ان سے اپنے دوست سے مستقبل میں پاکستان ٹیم کی کپتانی سنبھالنے کے بارے میں پوچھا گیا تو انہوں نے کہا کہ اگر شاداب خان کو موقع دیا گیاتو ان کے خیال سے وہ کپتانی کے لیے تیارہیں۔

فاسٹ بولر کا کہنا تھا کہ شاداب نے پی ایس ایل میں اپنی کپتانی سے ثابت کی ہے، انہوں نے ایک دو مواقع پر پاکستانی ٹیم کے کپتان کے طور پر بھی اچھی کارکردگی کا مظاہرہ کیا ہے، وہ چیلنجز کا سامنا کرنا پسند کرتے ہیں۔ میرے خیال میں وہ یہ کردار ادا کر سکتے ہیں۔

اسلام آباد یونائیٹڈ کے فاسٹ بولر حسن علی کا کہنا ہے کہ یانائیٹڈ فیلمی کا حصہ ہونے پر مجھے فخر ہے، کیوں کہ یہ ایک متوازن ٹیم ہے۔

انہوں نے کہا کہ میں اسلام آباد یونائیٹڈ کے ساتھ پچھلے تین سالوں سے منسلک ہوں، ہمارے پاس ایک متوازن ٹیم ہے، ہمارے پاس بیٹنگ، فاسٹ اور اسپن باؤلنگ میں یکساں صلاحیت ہے جو ایک اچھی علامت ہے۔

حسن علی کا کہنا تھا کہ میں جانتا ہوں کہ ہم نے حال ہی میں ٹرافی نہیں جیتی لیکن مجھے یقین ہے کھلاڑی اس سال ٹائٹل جیتنے کے لیے اپنا سب کچھ لگا دیں گے۔

اسلام آباد یونائیٹڈ نے آخری بار 2018 میں جے پی ڈومنی کی کپتانی میں پی ایس ایل کا ٹائٹل جیتا تھا، جبکہ مصباح الحق کی قیادت میں 2016 میں پی ایس ایل کا افتتاحی ایڈیشن کی فاتح ٹیم کا اعزاز بھی اسلام آباد یونائیٹڈ کے پاس ہے۔

واضح رہے کہ اسلام آباد یونائیٹڈ اپنا پہلا میچ کراچی کنگز کے خلاف 16 فروری کو کھیلے گی۔

کراچی کنگز کے کپتان عماد وسیم کا کہنا ہے کہ جارحانہ کرکٹ کھیلیں گے اس بار شائقین کو مایوس نہیں کرینگے۔

اے آر وائی نیوز کے پروگرام ‘باؤنسر’ میں خصوصی گفتگو کرتے ہوئے پی ایس ایل کی معروف ٹیم کراچی کنگز کے کپتان عماد وسیم نے کہا کہ اس بار ٹیمیں متوازن اور مضبوط ہیں۔کراچی کنگز میں بہترین غیر ملکی کرکٹرز کے ساتھ ساتھ اچھی ساکھ والے قومی کرکٹرز بھی موجود ہے جس کے باعث کمبی نیشن اچھا نظر آرہا ہے۔

انہوں نے کہا کہ حریف ٹیم کوئی بھی ہو، ہم نے تگڑی کرکٹ کھیلنی ہے، نتائج ہمارے ہاتھ میں نہیں مگر پر میچ میں بھرپور فائٹ کرینگے،کراچی کنگز اپنے شائقین کو مایوس نہیں کرے گی۔

یہ بھی پڑھیں: ٹاپ آرڈرز کو جلد آؤٹ کرنے کی کوشش کریں گے، شاہین آفریدی

کراچی کنگز کے کپتان نے ایونٹ کے ہر میچ کو اہم قرار دیتے ہوئے کہا کہ ہماری پہلی ترجیح پلے آف میں جگہ بنانا ہے، ہدف چیمپئن بننا ہے۔

عماد وسیم نے کراچی کنگز کے مالک سلمان اقبال کی تعریف کرتے ہوئے کہا کہ انہوں نے ٹیم کو ایک فیملی کی طرح رکھا ہوا ہے۔

کھلاڑیوں کے تکنیک میں بہتری پر صدر کراچی کنگز وسیم اکرم سے متعلق عماد وسیم نے کہا کہ وسیم بھائی لڑکوں کے ساتھ بہت محنت کرتے ہیں جس کے باعث ان کی تکنیک میں بہت بہتری آئی ہے۔

کراچی کنگز کے کپتان نے فاسٹ بولر محمد عامر، آل راؤنڈر شعیب ملک اور عمران طاہر کو کراچی کنگز کے اہم کھلاڑی قرار دیتے ہوئے کہا کہ ان تینوں کرکٹرز نے دنیائے کرکٹ میں راج کیا ہے، امید ہے ان کی ٹیم میں شمولیت جونئیرز کھلاڑیوں کو بہت کچھ سیکھنے کا موقع فراہم کرے گی۔