Tag: کراچی کی خبریں

کراچی: بلدیہ عظمیٰ کراچی نے صدر میں تجاوزات اور غیر قانونی دکانوں کے خلاف ایک اور آپریشن شروع کر دیا، آپریشن میں رینبو سینٹر کے قریب نالوں پر قائم سو سے زائد دکانیں مسمار کی جا رہی ہیں۔

تفصیلات کے مطابق بلدیہ عظمیٰ کی ہیوی مشینری شہرِ قائد کے مصروف ترین علاقے صدر میں غیر قانونی دکانوں کے خلاف آپریشن میں مصروف ہے، رینبو سینٹر کے اطراف میں سو سے زائد دکانیں گرائی جا رہی ہیں۔

[bs-quote quote=”مشتعل افراد کا بلڈوزر کے ڈرائیور پر تشدد، مظاہرین نے کے ایم سی عملے پر بھی حملہ کیا۔” style=”style-7″ align=”left” color=”#dd3333″][/bs-quote]

تجاوزات اور غیر قانونی دکانوں کے خلاف یہ آپریشن گزشتہ رات کیا جانا تھا لیکن دکان داروں کے احتجاج کے باعث انھیں بارہ گھنٹوں کی مہلت دی گئی تھی۔

آپریشن کے دوران پولیس اور رینجرز کی بھاری نفری موجود رہی، تاہم پولیس اور رینجرز کی آمد سے قبل مشتعل افراد نے آپریشن رکوانے کی بھرپور کوشش کی۔

رینبو سینٹر کے پاس مشتعل افراد نے بلڈوزر کے ڈرائیور پر بھی تشدد کیا، مظاہرین نے کے ایم سی عملے پر بھی حملہ کیا، کچھ دیر میں رینجرز کی بھاری نفری پہنچ گئی جنھوں نے حالات کو کنٹرول کر لیا۔

یہ بھی پڑھیں:  کراچی ایمپریس مارکیٹ سے تجاوزات کا خاتمہ: 50 سال بعد تاریخی عمارت کی دھلائی

شہر کے مختلف علاقوں میں جاری انسدادِ تجاوزات مہم سے متعلق میئر کراچی وسیم اختر کا کہنا تھا کہ شہر بھر سے تجاوزات کا خاتمہ کیا جا رہا ہے، اس سلسلے میں اتوار کے دن بھی کام کر رہے ہیں، مزاحمت ہوگی تو بھی آپریشن جاری رہے گا۔

خیال رہے کہ اس سے قبل صدر میں ایمپریس مارکیٹ کے اطراف میں تجاوزات اور غیر قانونی دکانوں کے خلاف کام یاب آپریشن کیا جا چکا ہے۔

کراچی: شہرِ قائد میں ویلڈنگ کرنے والے محنت کش عمران کی دبئی میں بے نامی جائیداد کا انکشاف ہوا ہے، ایف آئی اے نے نوٹس بھیج دیا۔

تفصیلات کے مطابق فالودے والا، رکشے والا اور طالب علم کے بے نامی اکاؤنٹس کے انکشاف کے بعد اب کراچی کے ایک ویلڈر کی بے نامی جائیداد سامنے آ گئی ہے۔

[bs-quote quote=”میرے پاس پاسپورٹ تک نہیں، دبئی جانا تو دور کی بات کبھی تصور بھی نہیں کیا۔” style=”style-7″ align=”left” color=”#dd3333″ author_job=”ویلڈر عمران”][/bs-quote]

نشتر روڈ پر کام کرنے والے محنت کش ویلڈر عمران کی دبئی میں جائیداد سامنے آنے پر ایف آے آئی نے ان کو نوٹس بھیج کر 20 نومبر کو کاغذات سمیت دفتر طلب کر لیا۔

عمران کا کہنا ہے ’میں گیٹ اور جالی کی ویلڈنگ کرتا ہوں، میرے پاس پاسپورٹ تک نہیں، دبئی جانا تو دور کی بات کبھی تصور بھی نہیں کیا۔‘

محنت کش کے مطابق انھیں ایف آئی اے کی جانب سے بھیجے گئے نوٹس سے معلوم ہوا کہ ان کے نام پر دبئی میں جائیداد موجود ہے۔

یہ بھی پڑھیں:  جعلی بینک اکاؤنٹس کیس، کیوں نہ نمر مجید کو بھی جیل بھجوادیا جائے، چیف جسٹس کے ریمارکس

خیال رہے کہ جعلی اکاؤنٹس کے ذریعے اربوں روپے کی منی لانڈرنگ کے سلسلے میں اب تک فالودے والا، رکشے والا، ٹیکسی والا، طالب علم، فیکٹری مزدور، مرحوم افراد اور دھوبی کے جعلی اکاؤنٹس اور فیکٹریوں کی خبریں آ چکی ہیں۔

کراچی: شہرِ قائد میں مضرِ صحت کھانا کھانے سے بچوں کی اموات کے بعد سیل کیے جانے والے ریسٹورنٹ کے خفیہ گودام پر فوڈ اتھارٹی نے چھاپے کے دوران زائد المیعاد کھانے پینے کی اشیا بر آمد کر لیں۔

تفصیلات کے مطابق کلفٹن میں سیل کیے جانے والے معروف ریسٹورنٹ کے دوسرے گودام سے 200 سے 300 مشروب کی ایک سال پرانی ایکسپائر بوتلیں بر آمد ہوئی ہیں۔

[bs-quote quote=”گودام سے ملنے والا گوشت 2014 میں درآمد کیا گیا جو 2015 میں ایکسپائر ہوگیا” style=”style-7″ align=”left” color=”#dd3333″][/bs-quote]

ریسٹورنٹ کے دوسرے گودام پر چھاپے کے دوران 80 کلو سے زائد سڑا ہوا گوشت بھی بر آمد کر لیا گیا، انکشاف ہوا کہ ریسٹورنٹ میں 4 سال پرانا گوشت کھلایا جا رہا تھا، گودام سے ملنے والا گوشت 2014 میں درآمد کیا گیا جو 2015 میں ایکسپائر ہوگیا تھا۔

زائد المعیاد گوشت گودام میں موجود 9 ڈیپ فریزرز میں رکھا گیا تھا۔ ڈی آئی جی ساؤتھ جاوید اوڈھو نے کہا کہ زائد المیعاد گوشت بر آمد ہونے پر مقدمہ درج کر رہے ہیں، سڑا ہوا گوشت اور زائد المیعاد شربت کا سیمپل لینے کے بعد تلف کر دیا جائے گا۔

کھانے میں استعمال ہونے والا مشروب بھی ایکسپائر نکلا۔ سندھ فوڈ اتھارٹی نے ریسٹورنٹ کا خفیہ گودام بھی سیل کر دیا۔ ایکسپائر گوشت کی منتقلی کے دوران فوڈ اتھارٹی کے رکن کی طبیعت خراب ہو گئی، اہل کار گوشت سے اٹھنے والے تعفن کے باعث الٹیاں کرنے لگا۔

یہ بھی پڑھیں:  کراچی: کلفٹن میں مضر صحت کھانا کھانے سے 2 بچے جاں بحق، ریسٹورنٹ سیل. 4 افراد زیر حراست

ریسٹورنٹ انتظامیہ نے تفتیش کے دوران کسی دوسرے گودام کی موجودگی سے انکار کیا تھا، تاہم انتظامیہ کے مشکوک بیان پر ریسٹورنٹ کے اطراف علاقوں کی نگرانی کی گئی۔ خفیہ نگرانی کے دوران ریسٹورنٹ انتظامیہ کو زائد المیعاد شربت اور گوشت منتقل کرتے ہوئے رنگے ہاتھوں پکڑا گیا۔

[bs-quote quote=”سر بہ مہر ریسٹورنٹ کی سیل انتظامیہ نے توڑ دی، سندھ فوڈ اتھارٹی کا کہنا ہے کہ ریسٹورنٹ کیس سرکار کی پراپرٹی ہے، انتظامیہ سیل نہیں توڑ سکتی” style=”style-7″ align=”right” color=”#dd3333″][/bs-quote]

ریسٹورنٹ مالکان سے سندھ فوڈ اتھارٹی کے افسران اور پولیس رابطے کی کوشش کر رہی ہے۔ سندھ فوڈ اتھارٹی کے ڈائریکٹر ڈاکٹر ابرار شیخ نے کہا کہ ہم کوشش کر رہے ہیں لیکن ریسٹورنٹ مالکان رابطے میں نہیں آ رہے۔

دوسری طرف سر بہ مہر ریسٹورنٹ کی سیل انتظامیہ نے توڑ دی، انتظامیہ نے ریسٹورنٹ سے کھانے پینے کا سامان نکالنے کی کوشش کی، سندھ فوڈ اتھارٹی کا کہنا ہے کہ ریسٹورنٹ کیس سرکار کی پراپرٹی ہے، انتظامیہ سیل نہیں توڑ سکتی۔

پولیس متاثرہ خاندان کے گھر، پلے لینڈ اور ریسٹورنٹ سے اکھٹے کیے گئے نمونے لے کر آج لاہور جائے گی، جہاں یہ نمونے پنجاب فارنزک سائنس لیبارٹری میں جمع کرائے جائیں گے۔

کراچی: شہرِ قائد کے علاقے کلفٹن میں مبینہ طور پر مضرِ صحت کھانا کھانے کی وجہ سے جاں بحق ہونے والے دو ننھے بھائیوں کی تدفین کر دی گئی۔

تفصیلات کے مطابق مضرِ صحت کھانے سے جاں بحق ہونے والے بچوں کی کراچی کے قبرستان میں تدفین کر دی گئی، شہریوں کی بڑی تعداد نمازِ جنازہ میں شریک ہوئی۔ نمازِ جنازہ ڈیفنس کی مسجدِ عائشہ میں پڑھائی گئی۔

[bs-quote quote=”متاثرہ خاندان کا دکھ بانٹنے کے لیے سندھ حکومت کا کوئی وزیر یا مشیر جنازے میں شریک نہیں ہوا۔” style=”style-7″ align=”left” color=”#dd3333″][/bs-quote]

بچوں کی نمازِ جنازہ میں والد احسن اسلم کے ضبط کا بندھن بھی ٹوٹ گیا، پھوٹ پھوٹ کر رو پڑے، اسپتال میں زیرِ علاج والدہ کو بچوں کا آخری دیدار کرایا گیا۔ متاثرہ خاندان کا دکھ بانٹنے کے لیے سندھ حکومت کا کوئی وزیر یا مشیر جنازے میں شریک نہیں ہوا۔

ڈیڑھ اور پانچ سال کے محمد اور احمد کی طبعیت زم زمہ کے معروف ریسٹورنٹ کا کھانا کھانے پر بگڑی، دونوں بھائی دورانِ علاج چل بسے، جب کہ ماں زیرِ علاج ہے۔

ابتدائی تحقیقاتی رپورٹ کے مطابق بچوں کی موت بہ ظاہر زہر خورانی سے ہوئی، پولیس کا کہنا ہے کہ انھیں پوسٹ مارٹم رپورٹ کا انتظار ہے۔

یہ بھی پڑھیں:  کراچی: کلفٹن میں مضر صحت کھانا کھانے سے 2 بچے جاں بحق، ریسٹورنٹ سیل. 4 افراد زیر حراست

دریں اثنا مضرِ صحت کھانے سے 2 معصوم بھائیوں کی افسوس ناک موت پر سندھ اسمبلی میں دعا کرائی گئی۔

[bs-quote quote=”معصوم بھائیوں کی افسوس ناک موت پر سندھ اسمبلی میں بھی دعا کرائی گئی۔” style=”style-7″ align=”right” color=”#dd3333″][/bs-quote]

خیال رہے گزشتہ روز کلفٹن میں زم زمہ کے ایک ریسٹورنٹ پر کھانا کھانے کے بعد بچوں اور ان کی ماں کی طبیعت بگڑنے پر اسپتال لے جایا گیا تاہم بچے جاں بر نہ ہو سکے۔

سندھ فوڈ اتھارٹی نے بھی کارروائی کرتے ہوئے ریسٹورنٹ کو سیل کیا اور کھانے کے نمونے ٹیسٹنگ کے لیے بھجوا دیے۔ پولیس نے زم زمہ ریسٹورنٹ سے چار افراد کو بھی حراست میں لیا۔