Tag: کراچی کی خبریں

کراچی: متحدہ قومی موومنٹ پاکستان کے کنوینر خالد مقبول صدیقی نے پاکستان کوارٹرز کے معاملے پر وزیرِ اعظم عمران خان سے رابطہ کیا۔

تفصیلات کے مطابق ایم کیو ایم پاکستان کے سربراہ خالد مقبول نے وزیرِ اعظم عمران خان سے رابطہ کر کے پاکستان کوارٹرز کا مسئلہ ترجیحی بنیاد پر حل کرنے کی درخواست کی۔

[bs-quote quote=”وزیرِ اعظم نے ایم کیو ایم رہنما کو پاکستان کوارٹرز کا مسئلہ ترجیحی بنیاد پر حل کرانے کی یقین دہانی کرا دی: ذرائع” style=”style-7″ align=”left” color=”#dd3333″][/bs-quote]

ذرائع کا کہنا ہے کہ خالد مقبول صدیقی نے وزیرِ اعظم کو بتایا کہ گزشتہ روز سندھ پولیس نے پاکستان کوارٹرز کے شہریوں پر تشدد کیا، اس مسئلے کو ترجیحی بنیاد پر حل کیا جائے۔

ذرائع کے مطابق وزیرِ اعظم نے ایم کیو ایم رہنما کو پاکستان کوارٹرز کا مسئلہ ترجیحی بنیاد پر حل کرانے کی یقین دہانی کرا دی۔

ذرائع کا یہ بھی کہنا ہے کہ کل ایم کیو ایم پاکستان کے رہنما خالد مقبول اور فروغ نسیم وفاقی وزیر طارق بشیر چیمہ سے اس سلسلے میں ملاقات کریں گے۔

یاد رہے گزشتہ روز جب پولیس سرکاری کوارٹرز کو خالی کرانے کے لیے آپریشن کرنے پاکستان کوارٹرز پہنچی تو مکینوں نے شدید احتجاج کیا اور کوارٹرز کے داخلی راستے کو رکاوٹیں لگا کر بند کر دیا۔

یہ بھی پڑھیں:  کراچی: پاکستان کوارٹرز کے مکینوں کی بے دخلی کے خلاف احتجاجی مظاہرے

اس موقع پر پولیس نے مکینوں پر لاٹھی چارج کرتے ہوئے شدید تشدد کیا، پولیس کی جانب سے مظاہرین پر شیلنگ کی گئی اور انھیں منتشر کرنے کے لیے واٹر کینن کا بھی استعمال کیا گیا، جس کی وجہ سے علاقہ میدانِ جنگ کا منظر پیش کرنے لگا۔

بعد ازاں وزیرِ اعلیٰ سندھ نے آئی جی سندھ کو فون کر کے آپریشن رُکوایا، اور کہا ’عوام کے ساتھ ایسا رویہ انتہائی تکلیف دہ ہے‘۔ فاروق ستار نے کہا کہ یہ ناجائز قابضین نہیں، سابقہ حکومتوں نےعدالت سے حقائق چھپائے، اب حکومت کی ذمےداری ہے کہ ان سے متعلق پالیسی بنائے۔

دوسری طرف گورنر سندھ عمران اسماعیل کے کہنے پر چیف جسٹس پاکستان نے بھی سرکاری کوارٹرز کو خالی کرانے کے لیے شروع کیا جانے والا آپریشن تین ماہ کے لیے مؤخر کرنے کی ہدایت کی۔

کراچی: منی لانڈرنگ کیس میں اہم پیش رفت ہوئی ہے، اومنی گروپ کے چیف فنانشل افسر اسلم مسعود کو سعودی عرب میں حراست میں لے لیا گیا۔

تفصیلات کے مطابق اومنی گروپ کے چیف فنانشل افسر اسلم مسعود کو انٹرپول کی مدد سے سعودی عرب سے حراست میں لیا گیا ہے۔

[bs-quote quote=”ذرائع کے مطابق اومنی گروپ کا چیف فنانشل افسر مقدمہ درج ہونے پر فرار ہوگیا تھا” style=”style-7″ align=”left” color=”#dd3333″][/bs-quote]

ایف آئی اے ذرائع کے مطابق اومنی گروپ کا چیف فنانشل افسر مقدمہ درج ہونے پر فرار ہوگیا تھا۔

ذرائع کا کہنا ہے کہ اسلم مسعود کے ریڈ وارنٹ چند روز قبل جاری کیے گئے تھے، بعد ازاں انٹرپول سے ملزم کی گرفتاری کے لیے رابطہ کیا گیا۔

اومنی گروپ کا چیف فنانشل افسر اسلم مسعود جعلی بینک اکاؤنٹس اور منی لانڈرنگ کیس میں ایف آئی اے کو مطلوب ہے۔

یہ بھی پڑھیں:  خدمت خلق فاؤنڈیشن کے نام پر اربوں روپے کی منی لانڈرنگ، ایم کیو ایم کے بڑے نام ملوث

ذرائع کا کہنا ہے کہ اسلم مسعود کی گرفتاری منی لانڈرنگ کیس میں اہم پیش رفت ہے، پاکستان واپسی پر ملزم سے تفتیش میں اہم معلومات حاصل ہونے کا امکان ہے۔

خیال رہے کہ منی لانڈرنگ کیس کے سلسلے میں تین روز قبل اسٹیٹ بینک نے ایک ہزار ملین سے زائد اثاثے رکھنے والے اکاؤنٹس ہولڈرز کو 30 نومبر تک بائیو میٹرک کرانے کا حکم دیا ہے، جس میں لسٹڈ، پبلک لمیٹڈ اور ذاتی اکاؤنٹ رکھنے والے شامل ہیں۔

دریں اثنا آج متحدہ قومی موومنٹ کے ادارے خدمت خلق فاؤنڈیشن کے نام پر بھی اربوں روپے کی منی لانڈرنگ کرنے کا انکشاف ہوا ہے جس میں ایم کیو ایم کے بڑے نام ملوث ہیں۔

کراچی: قومی احتساب بیورو (نیب) نے کارروائی کرتے ہوئے شہرِ قائد میں الرحیم ولاز کے نام پر کروڑوں روپے بٹورنے والے 2 ملزمان کو گرفتار کر لیا۔

تفصیلات کے مطابق نیب کراچی نے  زمین کی فروخت میں فراڈ کے ذریعے کروڑوں روپے بٹورنے والے دو ملزمان کو گرفتار کر لیا۔

[bs-quote quote=”ملزمان نے پہلے فروخت کردہ زمین کو دوبارہ 550 ملین روپے سے زائد قیمت پر فروخت کیا” style=”style-7″ align=”left” color=”#dd3333″][/bs-quote]

ترجمان نیب کے مطابق گرفتار افراد میں سابق مختیار کار اسکیم 33 اقبال اعوان شامل ہے، ملزم نے 2005 سے 2008 تک 275 افراد سے الرحیم ولاز کے نام پر پیسے بٹورے۔

نیب کے ترجمان نے بتایا کہ ملزمان نے پہلے زمین فروخت کر کے 180 ملین روپے کمائے، اس کے بعد ملزمان نے اسی زمین کو دوبارہ 550 ملین روپے سے زائد قیمت پر فروخت کیا۔

ترجمان نیب کے مطابق مذکورہ زمین کی ویلیو 2 ارب روپے سے زائد کی ہے، مذکورہ زمین سیکٹر 31 اور 32 اور اسکیم 33 میں واقع ہے۔

یہ بھی پڑھیں:  میئر کراچی نے ہل پارک کی زمین پر قبضے کا نوٹس لے لیا، متعلقہ افسر معطل

نیب کے ترجمان نے بتایا کہ زمین کا کل رقبہ 31 ایکڑ ہے، دونوں گرفتار ملزمان کو کل احتساب عدالت میں پیش کیا جائے گا۔

خیال رہے کہ گزشتہ ماہ کے آخر میں نیب کراچی نے محکمۂ اطلاعات، سندھ میں اربوں روپے کی کرپشن کے ایک اور معاملے کی تحقیقات کی تیاری بھی شروع کر دی ہے۔

کراچی: شہرِ قائد کے علاقے شارع فیصل پر لڑکی نے چلتی گاڑی سے چھلانگ لگا دی، پولیس نے مسافر لڑکی کو ہراساں کرنے کے الزام میں ڈرائیور کو گرفتار کر لیا۔

تفصیلات کے مطابق شارع فیصل پر ایک لڑکی نے چلتی گاڑی سے چھلانگ لگا دی، نجی آن لائن ٹیکسی کمپنی کے ڈرائیور کو شہریوں نے پکڑ کر پولیس کے حوالے کر دیا۔

[bs-quote quote=”ڈرائیور مجھے گھور رہا تھا: لڑکی کا پولیس کو بیان” style=”style-7″ align=”left” color=”#dd3333″][/bs-quote]

متاثرہ لڑکی کا کہنا تھا کہ نجی کمپنی کی ٹیکسی کے ڈرائیور نے اسے ہراساں کرنے کی کوشش کی تھی، جس پر اسے گاڑی سے اترنا پڑ گیا۔ واقعے کی وجہ سے شارع فیصل پر گورا قبرستان کے قریب ٹریفک جام ہو گیا۔

نجی ٹیکسی میں ہراسگی کا شکار ہونے والی خاتون نے پولیس کو بیان دیا ’ڈرائیور مجھے گھور رہا تھا۔‘

دوسری طرف ایس ایس پی ساؤتھ سمیع اللہ سومرو نے بتایا کہ نجی کمپنی کے ٹیکسی ڈرائیور اور گاڑی کو تھانے منتقل کر دیا گیا ہے تاہم ان کے بیان نے شارع فیصل پر لڑ کی کے چلتی گاڑی سے چھلانگ لگانے کے واقعے کو مشکوک بنا دیا۔

یہ بھی پڑھیں:  سندھ کابینہ نے وفاقی خواتین تحفظ ایکٹ 2010 کو اپنانے کی منظوری دے دی

ایس ایس پی ساؤتھ کا کہنا تھا کہ خاتون اگر چلتی گاڑی سے چھلانگ لگاتی تو زخمی ہو جاتی۔ پولیس نے واقعے کا مقدمہ لڑکی کی مدعیت میں درج کر لیا، پولیس کا کہنا ہے کہ مقدمے میں ہراساں کرنے کی دفعہ 352 شامل ہے۔

[bs-quote quote=”لڑکی نے رائیڈ تبدیل کی تومیں نے بھی راستہ بدلا، لڑکی کے چھلانگ لگانے پر میں بھی پریشان ہو گیا تھا: ڈرائیور” style=”style-7″ align=”right” color=”#dd3333″][/bs-quote]

دوسری طرف ڈرائیور نے پولیس کو بیان میں لڑکی کو ہراساں کرنے کا الزام مسترد کرتے ہوئے کہا کہ لڑکی کو ہراساں نہیں کیا، اگر ہراساں کرتا تو موقع سے فرار ہو جاتا، لڑکی نے رائیڈ تبدیل کی تومیں نے بھی راستہ بدلا، لڑکی کے چھلانگ لگانے پر میں بھی پریشان ہو گیا تھا، آن لائن کمپنی کے پاس ہمارا ہر قسم کا ریکارڈ ہوتا ہے۔

خیال رہے کہ 16 اکتوبر کو سندھ کابینہ نے وفاقی خواتین تحفظ ایکٹ 2010 کی منظوری دے دی ہے، وزیرِ اعلیٰ سندھ سید مراد علی شاہ نے محکمۂ نسواں ترقی کو قانون بنانے کی ہدایت کر دی۔ ایکٹ کے تحت خواتین کو چھیڑنا، ہراساں کرنا، جنسی تشدد نا قابلِ معافی جرم ہوگا۔

کراچی: 2015 میں شاہ فیصل کالونی سے نوجوان کے اغوا کے بعد قتل اور لاش جلانے کے واقعے میں ملوث مرکزی ملزم عدیل کو سی ٹی ڈی نے گرفتار کر لیا۔

تفصیلات کے مطابق ملزم عدیل نے ساتھیوں کے ساتھ مل کر محلے دار اور دوست بلال کو تاوان کے لیے اغوا کیا، بعد ازاں نوجوان پر تشدد کر کے اسے جان سے مارا اور لاش جلا دی۔

[bs-quote quote=”ملزم عدیل واردات کے بعد دبئی فرار ہو گیا تھا: سی ٹی ڈی
ملزمان کی گرفتاری پر سکون ملا: والد رضوان” style=”style-7″ align=”left” color=”#dd3333″][/bs-quote]

کاؤنٹر ٹیرر ازم ڈیپارٹمنٹ کے انچارج راجہ عمر خطاب نے کہا کہ ملزم عدیل واردات کے بعد دبئی فرار ہو گیا تھا، اس نے اغوا کے اگلے ہی روز مغوی کو قتل کر دیا تھا اور مغوی کی لاش کمبل میں لپیٹ کر آگ لگا دی تھی۔

انچارج سی ٹی ڈی نے بتایا کہ مقتول بلال نجی یونی ورسٹی میں میڈیا سائنس کا طالب علم تھا، ملزم عدیل نے مغوی کو تاوان کے لیے اغوا کیا اور مزاحمت پر قتل کر دیا، اغوا اور قتل میں پہلے ہی دو ملزمان گرفتار تھے۔

راجہ عمر خطاب کا کہنا تھا کہ بلال کی لاش جلنے کے بعد نا قابلِ شناخت ہوگئی تھی، ملزم عدیل کو رینجرز نے بھی گرفتار کیا تھا لیکن اس نے  اعتراف نہیں کیا، عدیل مقتول بلال کا دوست اور محلے دار تھا، ملزم کو معین آباد مہران ڈپو کے قریب سے گرفتار کیا گیا۔

یہ بھی پڑھیں:  کراچی میں سی ٹی ڈی کی کارروائی‘ 5 دہشت گرد گرفتار

دریں اثنا مقتول نوجوان کے والد رضوان نے کہا کہ بیٹے کی سال گرہ پر دوست ساتھ لے گئے تھے، اس کے بعد کچھ پتا نہیں چلا، جس پر کیس سی ٹی ڈی میں ٹرانسفر کرایا، ملزمان کے پاس بیٹے کا موبائل تھا جس سے وہ ٹریس ہوئے، ملزم نعمان اور دانش کو پہلے گرفتار کر لیا گیا تھا۔

ان کا کہنا تھا کہ عدیل کافی عرصے سے دبئی میں تھا، ملزم کی شناخت کر لی ہے، ملزمان کی گرفتاری پر اہلِ خانہ کو سکون ملا، بیٹے کو بہت برے طریقے سے مارا گیا، آخری وقت میں بچے کا چہرہ بھی نہ دیکھ سکے تھے۔

مقتول کے والد رضوان نے مزید بتایا کہ بلال میڈیا سائنس پڑھ رہا تھا، وہ نیوز میں آنا چاہتا تھا، ملزمان رحم کے قابل نہیں ہیں، اپیل کرتا ہوں جلد سے جلد ملزمان کو سزائیں دی جائیں۔