Tag: کراچی کی خبریں

کراچی: پاکستان پیپلز پارٹی کے شریک چیئرمین آصف زرداری اور ان کی ہمشیرہ فریال تالپور منی لانڈنگ کیس میں الگ الگ پیشی پر عدالت آئے تاہم بینکنگ کورٹ کراچی کے جج کی عدم دستیابی پر سماعت بغیر کارروائی ملتوی کر دی گئی۔

تفصیلات کے مطابق جج کی رخصت کے باعث منی لانڈرنگ کیس میں پیش رفت نہیں ہو سکی، آصف علی زرداری اور فریال تالپور سمیت دیگر ملزمان کراچی کی بینکنگ کورٹ میں حاضری لگوا کر چلے گئے۔

[bs-quote quote=”حسین لوائی اور عبد الغنی مجید کو بھی عدالت لایا گیا تھا” style=”style-7″ align=”left” color=”#dd3333″][/bs-quote]

آصف زرداری اور ان کی بہن عدالت پہنچے تو معلوم ہوا کہ جج چھٹی پر ہیں، جس پر پیپلز پارٹی کے دونوں رہنما حاضری لگوا کر واپس چلے گئے۔

حسین لوائی اور عبد الغنی مجید کو بھی عدالت لایا گیا تھا، حسین لوائی نے کمرۂ عدالت میں آصف زرداری سے ملاقات بھی کی۔ انور مجید نے بھی عدالت میں پیشی بھگتائی۔

ایف آئی اے نے جواب جمع کرانے کے لیے مہلت مانگ لی، سندھ ہائی کورٹ نے انور مجید کی درخواست پر ایف آئی اے کے تفتیشی افسر نجف مرزا کو 20 نومبر کو طلب کرلیا۔

یہ بھی پڑھیں: بینکنگ کورٹ نے منی لانڈرنگ کیس کی سماعت 16 اکتوبرتک ملتوی کردی

عدالت نے سماعت ملتوی کر دی، اگلی سماعت 13 نومبرکو ہوگی۔ خیال رہے کہ سندھ ہائی کورٹ میں سماعت منی لانڈرنگ کیس میں گرفتار انور مجید کی درخواست پر ہوئی تھی۔

واضح رہے کہ اکیس دن قبل کیس کی سماعت پر آصف زرداری، فریال تالپور، انور مجید اور ان کے تینوں بیٹے عدالت کے سامنے پیش ہوئے تھے، سماعت کے آغاز پر ایف آئی اے پراسیکیوٹر نے درخواست پر کارروائی کی مخالفت کی تھی، بعد ازاں سماعت آج کے دن تک ملتوی کر دی گئی تھی۔

کراچی: شہرِ قائد کے علاقے سرجانی ٹاؤن میں رینجرز نے کارروائی کرتے ہوئے ایک خالی مکان سے اسلحہ اور بارودی مواد بر آمد کر لیا۔

تفصیلات کے مطابق کراچی میں امن و امان قائم کرنے کے سلسلے میں رینجرز کی کارروائیاں جاری ہیں، سرجانی ٹاؤن کے علاقے انار کلی میں ایک مکان سے اسلحہ بر آمد کر لیا جو ایک عرصے سے خالی پڑا ہوا تھا۔

[bs-quote quote=”اسلحہ ایم کیو ایم لندن کے بھتہ خور سلطان کے ساتھیوں نے چھپایا تھا” style=”style-7″ align=”left” color=”#dd3333″][/bs-quote]

رینجرز کے ترجمان نے بتایا کہ انار کلی کے خالی مکان میں اسلحہ اور بارودی مواد متحدہ قومی موومنٹ لندن کے بھتہ خور سلطان کے ساتھیوں نے چھپایا تھا۔

رینجرز کے مطابق مکان میں چھپایا گیا اسلحہ شہر میں دہشت گردی اور بد امنی کے لیے استعمال ہونا تھا۔ یاد رہے کہ کراچی میں بد امنی دور کرنے میں رینجرز نے بنیادی کردار ادا کیا ہے۔

یہ بھی پڑھیں:   کراچی میں رینجرز کی پیٹرولنگ اور اسنیپ چیکنگ، 16 ملزمان گرفتار

یاد رہے ایک ہفتہ قبل شہرِ قائد میں رینجرز نے پیٹرولنگ اور اسنیپ چیکنگ میں تیزی لا کر مختلف علاقوں میں زبردست کارروائیوں کے دوران 16 ملزمان کو حراست میں لے لیا تھا۔

شہر میں رینجرز کے اٹھارہ سو سے زائد اہل کار پیٹرولنگ اور اسنیپ چیکنگ میں مصروف ہیں، اسنیپ چیکنگ کی مانیٹرنگ سینئر افسران کی زیرِ نگرانی ہو رہی ہے۔

کراچی: شہرِ قائد کے علاقے سمن آباد، فیڈرل بی ایریا میں ایک نجی اسکول کی چھت سے 11 سالہ بچے کے گرنے کا واقعہ پیچیدگی اختیار کر گیا، پولیس کا کہنا ہے کہ بچے نے خود کشی کی۔

تفصیلات کے مطابق کراچی کے علاقے سمن آباد کے پرائیویٹ اسکول کے طالب علم نے اسکول کی چھت سے چھلانگ لگائی یا معاملہ کچھ اور ہے، معاملہ الجھ گیا۔

[bs-quote quote=”بچے نے خود کشی کی: پولیس
بیٹا اونچائی سے ڈرتا تھا: والدہ” style=”style-7″ align=”left” color=”#dd3333″][/bs-quote]

پولیس کا کہنا ہے کہ بچہ شوگر کا مریض تھا، بیماری سے دل برداشتہ ہو کر بچے نے انتہائی قدم اٹھایا، چھت سے کود کر خود کشی کر لی۔

دوسری طرف گیارہ سالہ بچے کی والدہ نے واقعے کو خود کشی ماننے سے انکار کر دیا ہے، پولیس کے مؤقف کو مسترد کرتے ہوئے کہا کہ بیٹا تو اونچائی سے بہت ڈرتا تھا۔

ساتویں جماعت کے گیارہ سالہ طالبِ علم حبیب اللہ کی بہن کہتی ہے بھائی صبح ناشتہ کر کے گیا تو بالکل ٹھیک تھا۔ بچے کی پھپھی کا بھی کہنا تھا کہ اسکول میں کیمرے لگے ہیں، بچے کو اسکول کی چھت پر جاتے اور چھلانگ لگاتے نہیں دیکھا گیا۔

یہ بھی پڑھیں:  کراچی : ماں اور بچے کو ساتویں منزل سے پھینکنے والی ساس اور دیورگرفتار

پولیس کا کہنا ہے کہ بچے سے متعلق ابھی معلومات ابتدائی نوعیت کی ہیں، اس سلسلے میں مزید تحقیقات کی جائیں گی، اسکول کے آس پاس لگے سی سی ٹی وی کیمروں سے بھی مدد لی جائے گی کہ اصل واقعہ کیا تھا۔

بچے کے والدین نے بتایا کہ حبیب اللہ کی طبی رپورٹس بھی اسکول میں جمع کرائی گئی تھیں، والدہ کے مطابق بچہ خود کشی نہیں کر سکتا، اسے اونچائی سے ڈر لگتا تھا۔