Tag: کراچی کی خبریں

کراچی: شہرِ قائد میں موبائل چھیننے کی انوکھی واردات سامنے آ گئی نوجوان کو سوشل میڈیا پر موبائل فون بیچنے کا اشتہار لگانا مہنگا پڑ گیا۔

تفصیلات کے مطابق کراچی میں موبائل چھیننے کی انوکھی واردات سامنے آ گئی، ایک نوجوان کو سوشل میڈیا پر موبائل فون بیچنے کا اشتہار اس وقت مہنگا پڑا جب اسے فون ہی سے محروم ہونا پڑ گیا۔

ملزم خریدار بن کر آیا اور اسلحہ دکھا کر نوجوان سے موبائل فون چھین کر بھاگ گیا۔ متاثرہ شہری نے بتایا کہ اس نے سوشل میڈیا پر موبائل فون بیچنے کا اشتہار لگایا تھا، ملزم خریدار بن کر پہنچا اور موبائل فون لے اڑا۔

شہری کا کہنا تھا کہ ملزم نے رابطہ کر کے کراچی کے علاقے عائشہ منزل پر موبائل فون دکھانے کا کہا، وہاں پہنچنے پر ملزم نے چالاکی دکھائی اور پہلے موبائل چیک کیا۔

یہ بھی پڑھیں:  کراچی میں تین ماہ کے دوران 9 ہزار 664 شہری موبائل فون سے محروم

بعد ازاں سفید شلوار کرتا پہنے ملزم رقم دینے کا کہہ کر گلی میں لے گیا اور اسلحہ دکھا کر موبائل فون لے کر فرار ہو گیا، شہری نے جوہر آباد پولیس کو شکایت درج کرا دی ہے۔

یاد رہے کہ شہرِ قائد میں 2 اپریل کو موٹر سائیکل سواروں نے آٹھویں جماعت کے 15 سالہ طالب علم کو موبائل فون چھین کر گولی مار کر قتل کر دیا تھا۔ طالب علم احسن گھر کے باہر موبائل فون پر گیم کھیل رہا تھا کہ ڈاکو پہنچ گئے، اور مزاحمت پر اس کی جان لے لی۔

یکم اپریل کی ایک رپورٹ کے مطابق کراچی میں تین ماہ کے دوران مختلف واقعات میں 60 سے زائد افراد جان سے گئے جب کہ 9 ہزار 664 شہریوں کو موبائل فونز سے محروم ہونا پڑا۔

کراچی: پاک سرزمین پارٹی کے چیئرمین مصطفیٰ کمال نے کہا ہے کہ حکومت کے پاس کوئی لائحہ عمل نہیں ہے، ملک میں غربت کا خاتمہ نہیں کیا جا رہا۔

تفصیلات کے مطابق ملک میں بڑھتی ہوئی مہنگائی پر تشویش کا اظہار کرتے ہوئے مصطفیٰ کمال نے کہا کہ گزشتہ دنوں عوام پر پیٹرول بم گرایا گیا اور اب فیول ایڈجسٹمنٹ کی مد میں بجلی مہنگی کر دی گئی ہے۔

مصطفیٰ کمال پاکستان ہاؤس میں شعبہ خواتین کے اجلاس سے خطاب کر رہے تھے، انھوں نے کہا کہ سفید پوش مڈل کلاس گھرانوں کے لیے عزت سے جینا دشوار کر دیا گیا ہے۔

چیئرمین پی ایس پی کا کہنا تھا کہ خواتین کو با اختیار بنائے بغیر ملک ترقی نہیں کر سکتا، آج پاک سرزمین پارٹی کا شعبہ خواتین سب سے زیادہ متحرک ہے۔

انھوں نے کہا ’اپنی ماؤں بہنوں کو پارٹی کا نظریہ اور منشور گھر گھر پہنچانے میں اہم ترین کردار ادا کرنے پر خراج تحسین پیش کرتا ہوں۔‘

یہ بھی پڑھیں:  صحت کے بنیادی حق اور آئین سے متعلق نفیسہ شاہ نے اہم بیان دے دیا

مصطفیٰ کمال نے کہا کہ ملک کا موجودہ نظام نا کام ہو چکا ہے، عمران خان اس نظام کی آخری امید تھے، عوام کے پاس پاک سرزمین پارٹی کے علاوہ اب کوئی آپشن نہیں۔

ان کا کہنا تھا ’ہم نے 120 ممالک سے بڑا شہر ٹھیک کر کے دکھایا تھا اور اسی تجربے کی بنیاد پر ملک کو بھی بہتر کر سکتے ہیں، پی ایس پی آنے والی نسلوں کی بقا کے لیے پوری نیک نیتی کے ساتھ جدوجہد کر رہی ہے۔‘

پی ایس پی چیئرمین نے کہا کہ خواتین پارٹی کا پیغام لے کر گھر گھر جائیں، ہم مظلوموں کی ایسی طاقت بنا رہے ہیں جس پر ظالم ظلم کرنے سے ڈرے اور آنے والی نسلوں کو ایک بہتر پاکستان اور روشن مستقبل مل سکے۔

کراچی: بھارتی جیل میں بد ترین تشدد کے شکار ماہی گیر کی میت کراچی پہنچا دی گئی، بد قسمت ماہی گیر کو سمندری حدود کی خلاف ورزی پر گرفتار کیا گیا تھا۔

تفصیلات کے مطابق بھارتی جیل میں بد ترین تشدد کے باعث انتقال کرنے والے کراچی کے ماہی گیر نور الاسلام کی میت کورنگی ابراہیم حیدری میں واقع ان کے گھر پہنچا دی گئی۔

ماہی گیر نورالاسلام کی میت گھر پہنچنے پر کہرام مچ گیا، اہل علاقہ نے غم و غصے میں پاکستان زندہ باد اور بھارت مردہ باد کے نعرے لگائے۔

یاد رہے کہ ماہی گیر کو 2 سال قبل سمندری حدود کی خلاف ورزی پر گرفتار کیا گیا تھا، لواحقین کا کہنا ہے کہ نور الاسلام کو مبینہ طور پر گجرات کی جیل میں تشدد کر کے قتل کیا گیا۔

یہ بھی پڑھیں:  بھارتی جیل میں ایک اور پاکستانی قیدی شہید

28 مارچ کی خبر تھی کہ پاکستان کی خیر سگالی کے جواب میں بھارت میں ایک اور پاکستانی قیدی کو بد ترین تشدد کر کے شہید کر دیا گیا، ماہی گیر نورالاسلام 2017 سے بھارتی جیل میں قید تھے۔

پاکستانی قیدیوں کی بھارتی جیلوں میں شہادت سے بھارت کا مکروہ چہرہ دنیا کے سامنے پھر بے نقاب ہو گیا، کلبھوشن سے لے کر ابھی نندن تک پاکستان کے خیر سگالی اور تحمل کا جواب بھارت نے ایک اور پاکستانی قیدی کی شہادت کی شکل میں دیا۔

یہ بھی پڑھیں:  بھارتی قید میں ایک اور پاکستانی شہری جاں بحق

یاد رہے نورالاسلام سے پہلے فروری میں جے پورکی جیل میں اٹھارہ سال سے قید پاکستانی قیدی شاکراللہ کو پتھر مار کر شہید کیا گیا تھا جب کہ ایک اور پاکستانی قیدی محمد اعظم کو سزا پوری ہونے کے باوجود رہا نہ کیا۔

بھارتی حکام نے محمد اعظم کا شدید بیماری کے باوجود علاج نے نہ کرایا اوروہ جان کی بازی ہار گئے۔

کراچی: سندھ رینجرز نے شہرِ قائد کے علاقے سائٹ ایریا میں ڈکیتی کی کوشش نا کام بنا دی، ملزم محمد ارشد رقم لوٹ کر فرار ہو رہا تھا رینجرز اہل کاروں نے پکڑ لیا۔

تفصیلات کے مطابق رینجرز نے سائٹ ایریا میں ڈکیتی کی کوشش ناکام بنا دی، شہری بینک سے 65 ہزار روپے کی رقم نکلوا کر جا رہا تھا، کہ ملزم محمد ارشد نے اس سے رقم لوٹی اور فرار ہو گیا۔

ترجمان رینجرز کے مطابق شہری کی اطلاع پر رینجرز نے بر وقت کارروائی کی، ملزم کو روکنے کا اشارہ کیا لیکن وہ نہ رکا جس پر رینجرز نے فائرنگ کر کے اسے زخمی کر دیا۔

رینجرز ترجمان نے بتایا کہ ملزم کو زخمی حالت میں گرفتار کرنے کے بعد رقم برآمد کر لی گئی، گرفتار زخمی ملزم کو اسپتال منتقل کر کے طبی امداد بھی دی گئی۔

یہ بھی پڑھیں:  کراچی میں تین ماہ کے دوران 9 ہزار 664 شہری موبائل فون سے محروم

دریں اثنا، راشد منہاس روڈ پر مبینہ پولیس مقابلہ میں ایک ملزم ناصر شاہ کو گرفتار کر لیا گیا، پولیس کا کہنا ہے کہ ملزم آن لائن ٹیکسی کے ڈرائیور سے لوٹ مار کے بعد فرار ہو رہا تھا۔

ملزم سے اسلحہ اور لوٹا ہوا سامان بھی برآمد ہوا ہے، پولیس کے مطابق گرفتار ملزم پہلے ہی جیل سے ضمانت پر رہا ہوا ہے، ملزم گلشن معمار، رضویہ و دیگر علاقوں میں وارداتوں میں ملوث ہے۔

کراچی: شہرِ قائد میں ساحل سمندر پر فائرنگ سے 3 افراد اور گھوڑوں کے زخمی ہونے کے واقعے کے ملزمان تک پہنچنے کے لیے پولیس نے ان کے خاکے تیار کر لیے ہیں۔

تفصیلات کے مطابق کراچی کے علاقے کلفٹن میں پولیس نے فائرنگ کرنے والے 3 ملزمان کے خاکے تیار کر لیے، خاکے ایک عینی شاہد کی مدد سے تیار کیے گئے۔

اے ایس پی سرفراز ورک نے بتایا کہ ایک ملزم کی مونچھیں، ہلکی شیو تھی اور اس نے چشمہ پہن رکھا تھا، دوسرے ملزم کی مونچھیں اور داڑھی تھی، تیسرے ملزم کی بڑی داڑھی، مونچھیں تھیں، سر پر نمازی ٹوپی پہن رکھی تھی۔

پولیس کے مطابق فائرنگ کرنے والے تینوں نا معلوم افراد کے خلاف مقدمہ درج ہے، فائرنگ کے واقعے میں 3 افراد اور 3 گھوڑے زخمی ہوئے تھے۔

یاد رہے کہ یہ واقعہ 18 مارچ کو شہرِ قائد کے تفریحی مقام سی ویو پر پیش آیا تھا، مسلح غنڈے نشے میں دھت تھے، انھوں نے سی ویو کی سیڑھیوں پر گولیاں برسائی تھیں جو پلٹ کر ایک بچے سمیت تین افراد اور تین گھوڑوں کو لگ گئی تھیں۔

یہ بھی پڑھیں:  کراچی: نشے میں دھت افراد کی فائرنگ، بچے سمیت 3 افراد اور 3 گھوڑے زخمی

بتایا گیا تھا کہ 5 نا معلوم افراد سفید رنگ کی گاڑی میں سی ویو پہنچے جہاں انھوں نے گھوڑے کی سواری بھی کی تھی، بعد ازاں مستی میں آ کر سی ویو کی سیڑھیوں پر گولیاں برسائیں۔

اے ایس پی سرفراز ورک نے کہا تھا کہ ایک نوجوان نے محمود گھوڑے والے کی طیش دلانے پر زمین پر فائر کیا تھا، اس سلسلے میں محمود گھوڑے والے سے تفتیش بھی کی گئی۔

کراچی: کاؤنٹر ٹیرر ازم ڈیپارٹمنٹ نے کراچی کے علاقے سرجانی میں مختلف کارروائیوں میں 4 ٹارگٹ کلرز گرفتار کر لیے۔ ٹارگٹ کلرز کا تعلق ایم کیو ایم لندن اور جماعت اسلامی سے بتایا گیا ہے۔

تفصیلات کے مطابق سی ٹی ڈی نے مختلف کارروائیوں میں کراچی میں ٹارگٹ کلنگ میں ملوث چار افراد کو گرفتار کر لیا ہے، ملزمان کے خلاف تھانوں میں کئی مقدمات درج ہیں۔

[bs-quote quote=”ٹارگٹ کلر محمد عرفان کا تعلق جماعت اسلامی سے ہے۔” style=”style-8″ align=”left” author_name=”سی ٹی ڈی”][/bs-quote]

ایس پی سی ٹی ڈی نے بتایا کہ تین ٹارگٹ کلرز نعمت علی، سلمان ہاشمی اور ناصر کا تعلق ایم کیو ایم لندن سے ہے، جب کہ ٹارگٹ کلر محمد عرفان کا تعلق جماعت اسلامی سے ہے۔

سی ٹی ڈی افسر کا کہنا تھا کہ ٹارگٹ کلر محمد عرفان نے 5 سے زائد افراد کو ٹارگٹ کر کے قتل کیا، جب کہ ایم کیو ایم لندن سے تعلق رکھنے والے ٹارگٹ کلرز نے 2009 میں فائرنگ کر کے جماعت اسلامی کے کارکن کو قتل کیا تھا۔

سی ٹی ڈی کے مطابق ایم کیو ایم لندن کے ٹارگٹ کلرز نے 2010 میں بھی جماعت اسلامی کے کارکن محمد اظہر کو قتل کیا تھا۔

یہ بھی پڑھیں:  کراچی میں‌ پولیس کا ایکشن، ٹارگٹ کلنگ میں ملوث ’چڈا، ببلو اور پیرجی‘ گرفتار

ایس پی سی ٹی ڈی کا کہنا تھا کہ گرفتار ٹارگٹ کلرز نے تفتیش کے دوران 8 سے زائد ٹارگٹ کلنگ کی وارداتوں کا اعتراف کیا ہے۔

یاد رہے کہ 8 مارچ کو سندھ پولیس نے مبینہ ٹاؤن تھانے کی حدود سے قتل کی متعدد وارداتوں میں ملوث متحدہ لندن کے دو ٹارگٹ کلرز سمیت تین ملزمان کو گرفتار کیا تھا جن کی شناخت عباس عرف چڈا، مسعود عرف ببلو اور شہادت عرف پیرجی کے ناموں سے کی گئی تھی۔