ARYNews.tv | Urdu – Har Lamha Bakhabar

Tag: کراچی کے شہریوں

  • ویڈیو: کراچی کے شہریوں کیلئے بینکوں سے رقم لیکر نکلنا وبال جان بن گیا

    ویڈیو: کراچی کے شہریوں کیلئے بینکوں سے رقم لیکر نکلنا وبال جان بن گیا

    کراچی: متعدد پریشانی میں گھرے کراچی کے شہریوں کیلئے بینکوں سے رقم لیکر نکلنا وبال جان بن گیا۔

    تفصیلات کے مطابق بینکوں سے رقم لیکر نکلنا شہریوں کیلئے وبال جان بن گیا، محمودآباد میں نجی بینک سے رقم لیکر نکلنے والا شہری گھر کی دہلیز پر لٹ گیا۔

    موٹر سائیکل سوار ڈکیت شہری کا تعاقب کرتے ہوئےگلشن جمال تک پہنچے، فوٹیج میں دیکھا جاسکتا ہے کہ مسلح ملزمان کو دیکھ کر شہری نے گاڑی لاک کر لی۔

    سی سی ٹی وی فوٹیج میں دیکھا جاسکتا ہے کہ ایک ملزم  نے اسلحے کے زور پر شہری کو گاڑی میں ہی محصور کردیا، دو ملزمان نے پستول کے بٹ مار کر شہری کی گاڑی کا شیشہ توڑا اور پیسے چھین کر فرار ہوگئے۔

    فوٹیج میں ملزمان کو گاڑی سے رقم سے بھرا بیگ نکال کر فرار ہوتے ہوئے دیکھا جاسکتا ہے، مسلح ملزمان شہری سے 35 لاکھ روپے لوٹ کر فرار ہوئے ہیں۔

  • بجلی 10 روپے مہنگی کرنے پر کراچی کے شہریوں نے ردعمل آگیا

    بجلی 10 روپے مہنگی کرنے پر کراچی کے شہریوں نے ردعمل آگیا

    کراچی : بجلی 10 روپے مہنگی کرنے پر کراچی کے شہریوں نے ردعمل دیتے ہوئے کہا دس پندرہ ہزارکمانے والا دس ہزارکا بل کیسے بھرے گا ؟ ہم بجلی کےبل بھر رہے ہیں لیکن ان کے پیٹ نہیں بھرتے۔

    تفصیلات کے مطابق کراچی والوں کیلئے بجلی مہنگی ہونے پر شہریوں نے ردعمل دیتے ہوئے کہا کہ حکومت عوام پر ترس کھائے، بل کم اوربجلی سستی کرے۔

    دس پندرہ ہزارکمانے والا دس ہزارکا بل کیسے بھرے گا؟شہری بیروزگار ہیں،5 سو یاہہزار کماتے ہیں تو راشن پوراکریں یابل دیں۔

    ایک شہری کا کہنا تھا کہ بجلی تو ہےنہیں اور 10روپےمہنگی کردی، ہم بجلی کےبل بھر رہے ہیں لیکن ان کےپیٹ نہیں بھرتے۔

    عوام کا مزید کہنا ہے کہ شہری بیروزگار ہیں،5 سو یا ہزار کماتے ہیں تو راشن پورا کریں یا بل دیں۔

    شہریوں نے کہا کہ عوام مہنگائی سے مررہے رہی ہے ، بجلی1گھنٹہ آتی ہے3گھنٹےغائب رہتی ہے، پٹرول کی قیمت کم کی تو بجلی کی بڑھادی۔

    یاد رہے نیپرا نے کراچی کے صارفین کے لئے بجلی 10 روپے ایک پیسے فی یونٹ مہنگی کردی، بجلی 9 ماہ کی ماہانہ فیول ایڈجسٹمنٹ کی مد میں مہنگی کی گئی۔

    کراچی والوں سے اضافی وصولیاں جون تاستمبر 2024 میں کی جائیں گی، کے الیکڑک صارفین سے جون میں 2 روپے 68 پیسے فی یونٹ اضافی، جولائی میں 3 روپے 11 پیسے اور اگست میں 3 روپے 22 پیسے فی یونٹ کی اضافی وصولیاں کی جائیں گی۔

    نیپرا نوٹیفکیشن کے مطابق ستمبر میں کے الیکڑک صارفین سے ایک روپے فی یونٹ اضافی وصول کیے جائیں گے، اضافے کا اطلاق کے الیکڑک کے لائف لائن اور الیکڑک وہیکل چارجنگ اسٹیشنز پر نہیں ہوگا۔

  • کراچی کے شہریوں نے مہنگی بجلی کا توڑ نکال لیا

    کراچی کے شہریوں نے مہنگی بجلی کا توڑ نکال لیا

    کراچی : بجلی کی بڑھتی قیمتوں کے باعث سولر پینلز کی مانگ میں اضافہ ہوگیا اور شہریوں نے سولر پینلز کو بجلی کا متبادل بنا لیا۔

    تفصیلات کے مطابق پاکستان کے طول وعرض میں بجلی کی بڑھتی قیمتوں کے باعث بجلی صارفین شدید پریشان ہیں ، توایسی توانائی جو سستی ہو ، ماحول دوست ہو اور آسانی سے دستیاب ہو وہ صرف اور صرف شمسی توانائی ہے۔

    کراچی میں سولر پینلز کی مانگ میں اضافہ ہوگیا اور شہریوں نے سولر پینلز کو بجلی کا متبادل بنا لیا۔

    دکاندار کا کہنا ہے کہ بڑھتی مہنگائی نے جہاں شہریوں کی قوت خرید کو متاثر کیا وہیں ڈالر کی اونچی اڑان نے سولر پینلز بھی مہنگے کر دیئے ہیں۔

    ایک والٹ کا سسٹم تقریباً 80 ہزار سے ایک لاکھ جب کہ 220 والٹ کا سسٹم کی لاگت 2 لاکھ روپے ہے، اسی طرح ایک فریج ،4 پنکھے اور 4 لائیٹس چلانے والا سسٹم 3 لاکھ 50 ہزار سے 4 لاکھ لاگت کا دستیاب ہے۔

  • کراچی کے شہریوں کو آج سے آٹا 95 روپے فی کلو گرام ملے گا

    کراچی : سندھ بھر میں آٹے کی قیمت میں 55روپے فی کلوگرام کمی کردی گئی، جس کے بعد کراچی کے شہریوں کو آج سے آٹا پچانوے روپے فی کلو گرام ملے گا۔

    تفصیلات کے مطابق کراچی سمیت سندھ بھر میں آٹے کے بحران کے معاملے پر سندھ حکومت نے آٹے کی قیمت میں 55 فی کلو کم کردی۔

    محکمہ خوراک سندھ نے سرکاری گندم کا اضافی کوٹے کا نوٹی فکیشن جاری کر دیا، فلار ملز کو سرکاری گندم ملنے کے بعد آٹےکی قیمت ایک سوپچاس روپے کم ہو کر95 روپے کلو ہوگی۔

    سندھ کی فلار ملز کو 1 لاکھ 65 ہزار ٹن اضافی سرکاری گندم کا کوٹہ جاری کر دیا گیا ، فلار ملز کو جنوری کے مزید 18 دن کے لیے اضافی گندم کا کوٹہ جاری کیا گیا ہے۔

    نوٹی فکیشن میں کہا ہے کہ فلار ملز کو85 روپے فی ٹن سرکاری گندم جاری کی جائے گی اور سرکاری کوٹے کی گندم کا آٹا 95 روپے فی کلو فروخت کیا جائے گا۔

    نوٹی فکیشن کے مطابق تمام فلارملز روزانہ کی بنیاد پرآٹے کی فروخت پرتحریری رپورٹ جمع کرائیں گی۔

  • کراچی کے شہریوں کی غیر ضروری نقل وحرکت پر پابندی عائد، نیا نوٹی فکیشن جاری

    کراچی کے شہریوں کی غیر ضروری نقل وحرکت پر پابندی عائد، نیا نوٹی فکیشن جاری

    کراچی : سندھ میں شہریوں کی غیر ضروری نقل وحرکت پر پابندی عائد کردی گئی ، انتہائی ضروری کام کے لیے گاڑیوں کو صرف ایک شخص کے ساتھ اجازت ہوگی۔

    تفصیلات کے مطابق محکمہ داخلہ سندھ نے نئی پابندی کا نوٹی فکیشن جاری کردیا ، جس میں سندھ میں شہریوں کی غیر ضروری نقل وحرکت پر پابندی عائد کردی گئی ہے۔

    نوٹی فکیشن میں کہا گیا ہے کہ سندھ میں رات 8بجے کےبعد گاڑیوں کی نقل وحرکت پر پابندی عائد ہوگی اور انتہائی ضروری کام کے لیے گاڑیوں کو صرف ایک شخص کے ساتھ اجازت دی جائے گی۔

    محکمہ داخلہ سندھ نے کہا ہے کہ ہوٹل،ریسٹورینٹ میں ان ڈور ،آؤٹ ڈور سروس پر پابندی برقرار رہے گی جبکہ 10سےزائد افراد کی تقریبات پر پابندی عائد ہوگی ، گھر ،شادی ہال یا کسی بھی مقام پر10سےزائد افراد کی تقریب نہیں ہوسکے گی۔

    نوٹی فکیشن کے مطابق ہوٹل ریسٹورینٹس رات 12بجے تک ہوم ڈیلیوری کرسکیں گے۔

    گذشتہ روز سندھ حکومت نے شہر قائد میں لاک ڈاؤن مزیدسخت کرنےکافیصلہ کرتے ہوئے نیا حکم نامہ جاری کردیا تھا، جس میں کہا گیا تھا کہ شہریوں کو رات 8 بجےکے بعد غیرضروری گھومنے کی اجازت نہیں ، آئی جی سندھ گاڑیوں میں غیرضروری گھومنے والے شہریوں کو روکیں، صرف اسپتال یاضروری کام سے نکلنے والے شہریوں کواجازت دی جائے۔

    کراچی میں مغرب کے بعد تمام پارکس کی لائٹس بھی بند کرنے کا فیصلہ کیا گیا ہے ، مراد علی شاہ نے کہا تھا عوام نے تعاون کیا تو دو ہفتے بعد کیسزمیں کمی آنا شروع ہو جائیں گی ، کیسزکم ہوئے تو لاک ڈاؤن کھولنے کی طرف جائیں گے۔

  • کورونا کا تیزی سے پھیلاؤ، کراچی کے شہریوں کیلئے پابندیوں کا نیا حکم نامہ جاری

    کورونا کا تیزی سے پھیلاؤ، کراچی کے شہریوں کیلئے پابندیوں کا نیا حکم نامہ جاری

    کراچی : محکمہ داخلہ نے شہریوں کیلئے پابندیوں کے نئے حکم نامے میں کہا ہے کہ کورونا ایس اوپیز کےتحت 9سے 16مئی تک نئی پابندیاں عائد رہیں گی جبکہ عید بازار، چاند رات پر لگائے جانے والے تمام بازار بند ہوں گے۔

    تفصیلات کے مطابق محکمہ داخلہ سندھ نے شہریوں کیلئے پابندیوں کا نیا حکم نامہ جاری کردیا ، جس میں کہا ہے کہ کورونا ایس اوپیز کےتحت 9سے 16مئی تک نئی پابندیاں عائد رہیں گی اور تمام سیاحتی تفریحی مقامات عید تعطیلات میں بند رہیں گے۔

    محکمہ داخلہ کا کہنا ہے کہ 9تا 16مئی شہریوں کی نقل وحرکت محدود اور اندرون شہر ،انٹر سٹی سمیت بین الصوبائی پبلک ٹرانسپورٹ19مئی تک بند رہے گی جبکہ شہریوں کے لئے ماسک کا استعمال اور سماجی فاصلہ لازمی قرار دیا گیا ہے۔

    نوٹیفکیشن میں کہا گیا ہے کہ زیادہ رش والے علاقوں میں جانے سے گریز کیا جائے، سندھ میں کاروبار، مارکیٹس اور شاپنگ پلازہ 9 تا 16 مئی بند رہیں گے تاہم بنیادی اشیائے ضروریہ کی دکانوں پر پابندی کا اطلاق نہیں ہوگا۔

    محکمہ داخلہ سندھ کا کہنا ہے کہ جانوروں کی خرید وفروخت کی دکانیں ویٹرنری اسٹورز پرپابندی کااطلاق نہیں ہوگا جبکہ ریسٹورنٹس صبح 5 سے شام 7بجے تک کھلے رکھے جا سکیں گے اور ریسٹورنٹس ہوٹلز صرف ہوم ڈیلیوری اور ٹیک اوے سروس کرسکیں گے۔

    نوٹیفکیشن کے مطابق عید بازار، چاند رات پر لگائے جانے والے تمام بازار بند ہوں گے اور بیکری، کریانہ، دوددھ، گوشت سبزی کی دکانیں شام 7بجے تک کھولی جاسکتی ہیں جبکہ نجی گاڑیوں، ٹیکسی اور کیب میں نصف نشستیں خالی رکھنا ہوں گی۔

  • پٹرول پمپس پر کراچی کے شہریوں کو پٹرول کیساتھ جعلی کرنسی نوٹ تھمانے کا انکشاف

    پٹرول پمپس پر کراچی کے شہریوں کو پٹرول کیساتھ جعلی کرنسی نوٹ تھمانے کا انکشاف

    کراچی : پٹرول پمپس پر کراچی کے شہریوں کوپٹرول کیساتھ جعلی کرنسی نوٹ تھمانے کا انکشاف سامنے آیا ، پولیس نے جعلی کرنسی پھیلانے والے گروہ کوگرفتارکر کے ایک لاکھ 85 ہزارروپے کی جعلی کرنسی برآمد کرلی۔

    تفصیلات کے مطابق کراچی میں پٹرول پمپس پرشہریوں کو پٹرول کیساتھ جعلی کرنسی نوٹ تھمانے کے انکشاف پر تھانہ فیروز آباد پولیس نے کارروائی کرتے ہوئے جعلی کرنسی کا کاروبار کرنے والا گروہ کو گرفتار کرلیا۔

    پولیس کے مطابق ملزمان میں گروہ کاسرغنہ اسماعیل ،2ساتھی میرنواز ،محمداویس شامل ہیں اور گروہ کاسرغنہ اسماعیل کا تعلق کوہاٹ سے ہے۔

    فیروز آباد پولیس نےجعلی کرنسی پھیلانے میں ملوث 3ملزمان کوگرفتارکیا ، ملزمان کومختلف پیٹرول پمپوں سے گرفتار کیا گیا، پولیس نے گرفتار ملزمان سے ایک لاکھ پچاسی ہزار کے جعلی نوٹ برآمد کر لیے۔

    دوران تفتیش ملزم نے انکشاف کیا کہکراچی کےمتعددپیٹرول پمپوں پرمنظم اندازسےجعلی کرنسی پھیلائی جاتی ہے، جعلی کرنسی پشاورسے بذریعہ کوریئر سروس بطورپارسل منگوائی جاتی ہے۔

    ملزم نے بیان میں بتایا کہ 30ہزار اصلی نوٹوں کےبدلے ایک لاکھ کے جعلی نوٹ خریدے جاتےہیں جبکہ پیٹرول پمپس پرمیٹر میں چھیڑچھاڑکرکےپیٹرول میں بھی چوری کی جاتی ہے اور پیٹرول بھرانے کے بعد 5 ہزار کا نوٹ دینے والے شہری کو جعلی نوٹ دیا جاتا ہے۔

    ملزم کا کہنا تھا کہ اصل نوٹوں کے بیچ ایک ہزار روپے کا جعلی نوٹ رکھ دیتے ہیں، پیٹرول چوری اور جعلی نوٹوں میں زیادہ تر ہیڈکیشئر اور نیچے کاعملہ ملوث ہوتا ہے، سب سےزیادہ دھوکادہی اورچوری نیپا چورنگی کے قریب پیٹرول پمپ پر کی گئی۔

    پولیس کا کہنا ہے کہ ملزمان پٹرول پمپس پر کام کرنے والے ملازمین کے ذریعے جعلی کرنسی کا دھندہ کرتے تھے، دھوکادہی میں ملوث ملزم کے ساتھیوں کی گرفتاری کے لیے چھاپے مارے جارہے ہیں۔

  • عمر ایوب نے لوڈشیڈنگ سے پریشان کراچی کے شہریوں کو بڑی خوشخبری سنادی

    عمر ایوب نے لوڈشیڈنگ سے پریشان کراچی کے شہریوں کو بڑی خوشخبری سنادی

    اسلام آباد : وفاقی وزیر توانائی عمرایوب کا کہنا ہے کہ کے الیکٹرک کو آئندہ چند دنوں میں 200 میگا واٹ کے لیے 30ایم ایم سی ایف ڈی بجلی دیں گے، اس سے ہمارے کراچی کے شہریوں کو سہولت میسر ہوگی۔

    تفصیلات کے مطابق قومی اسمبلی اجلاس میں کراچی میں غیر اعلانیہ لوڈ شیڈنگ اور نیپرا سے متعلق توجہ دلاؤ نوٹس پر وفاقی وزیر توانائی عمرایوب نے اظہار خیال کرتے ہوئے کہا کہ کے الیکٹرک کامسئلہ آج کانہیں کافی سال سےہے، پی ٹی آئی حکومت کراچی میں بجلی سپلائی بہترکرنے کی کوشش کررہی ہے۔

    وفاقی وزیر توانائی کا کہنا تھا کہ کراچی کے عوام کی مشکلات دور کرنے کیلئے بجلی دے رہے ہیں، کےالیکٹرک کومزیدبجلی درکار ہے مگران کے پاس سسٹم موجود نہیں، نیپرا میں4 صوبائی ری پریزنٹو ہوتے ہیں، یہاں پر چیئرمین ہوتا ہے۔

    عمرایوب نے کہا کہ کرنٹ لگنے سے جن کی اموات ہوئی ان کومعاوضہ ملناچاہئے، آج کل ہم کےالیکٹرک پرہی کام کررہےہیں، کراچی کے عوام کا اژالہ کرنے کیلئے 30 ایم ایم سی ایف ڈی گیس دیں گے، اس سے ہمارے کراچی کے شہریوں کو سہولت میسر ہوگی۔

    ان کا کہنا تھا کہ معاہدے کے تحت کے الیکٹرک کو600 میگاواٹ دینےکے پابند ہیں، کے الیکٹرک کو اس وقت 100میگا واٹ اضافی دے رہے ہیں، ایک سو ایم ایم سی ایف ڈی گیس بھی اضافی دی جا رہی ہے، کے الیکٹرک کا نظام اضافی بجلی لینے کے قابل نہیں ، کے الیکٹرک کراچی میں دو کامن ڈیلیوری پوائنٹس بنائے گا۔

    وفاقی وزیر توانائی نے مزید کہا کراچی میں حالیہ اموات پر کارروائی سندھ حکومت کی ذمہ داری ہے، آئندہ چنددنوں میں 200میگا واٹ کےلیے30ایم ایم سی ایف ڈی بجلی دیں گے۔

  • شہریوں نے غیر قانونی اسلحہ جمع کرانا شروع کردیا

    شہریوں نے غیر قانونی اسلحہ جمع کرانا شروع کردیا

    کراچی : رینجرز کی ہدایت پر کراچی کے شہریوں نے غیر قانونی اسلحہ جمع کرانا شروع کردیا۔

    رینجرز نے شہریوں کو ہدایت کی تھی غیر قانونی اسلحہ رینجرز کی چیک پوسٹوں میں جمع کرادیں، جس پر شہریوں نے غیر قانونی اسلحہ جمع کرانا شروع کردیا ہے۔

    کراچی کے مختلف علاقوں میں4 ایم 16 رائفل، 5 ایس ایم جیز رینجرز مراکز پر جمع کرائی گئیں، ترجمان رینجرز کے مطابق 3ایل ایم جیز اور بڑی تعداد میں گولیاں بھی جمع کرائی گئی ہیں۔

    واضح رہے کہ ڈی جی رینجرز سندھ میجر جنرل بلال اکبر نے شہریوں کو غیر قانونی اسلحہ جمع کروانے کیلئے 9 دن کی ڈیڈ لائن دیتے ہوئے کہا ہے کہ کراچی میں ٹارگٹ کلنگ کی وارداتوں میں غیرقانونی اسلحہ استعمال ہوتا ہے۔

    انہوں نے کہا حال ہی میں کچھ ایسے اسلحہ ڈیلرز کیخلاف کارروائی کی گئی ہے جو غیر قانونی لائسنس بنانے اور ناجائز اسلحہ کی اسمگلنگ میں ملوث تھے، اسلئے شہری 30 اپریل تک تمام غیر قانونی اسلحہ جمع کروا دیں۔

    انہوں نے کہا کہ غیر قانونی اسلحہ رکھنا جرم ہے، جس پر 14 سال قید کی سزا ہوسکتی ہے۔ 30 اپریل کے بعد جعلی اسلحہ لائسنس اور غیر قانونی اسلحہ رکھنے والوں کے ساتھ سختی سے نمٹا جائیگا۔