Tag: کراچی

کراچی میں پولیو کا سال دوہزرا چودہ کا پہلا کیس سامنے آگیا ہے جبکہ کراچی کے ہائی رسک زون پولیو رضاکاروں کو پولیس کین سیکورٹی نہ ملنے کے باعث اضافی پولیو مہم بھی مکمل نہ ہوسکی۔اور ہزراوں بچے پولیو کے قطرئے پینے سے محروم ہوگئے.

 پولیو حکام کی جانب سے دوسالہ ارسلان میں پولیو وائرس کی تصدیق کے بعد پاکستان بھر میں پولیو کیسوں کی مجموعی تعداد 86 ہوگئی ہے کراچی کے ہائی رسک زون بلدیہ ،بن قاسم اور گڈاپ کے علاقوں میں تین روزہ اضافی پولیو مہم بھی پولیو رضاکاروں کو سیکورٹی نہ ملنے باعث ملتوی کردی گئی تھی جمعرات کے روز اضافی پولیو مہم کا آخری دن تھا.

پولیو حکام کا کہنا ہے کہ قومی پولیو مہم شروع کرنے سے قبل کراچی کے ہائین رسک زون میں اضافی پولیو مہم شروع کرنے کے لئے پولیس کی نفری نہ ملنے کے سبب پولیو کی اضافی مہم چلانے سے قاصر ہیں۔

کراچی میں 2013کاآخری پولیو کیس دسمبر2013کی رات ساڑھے نوبجے قومی ادارہ امراض میں رپورٹ ہوا تھا جس کی پولیو حکام نے تصدیق کرتے ہوئے بتایا تھاکہ دو سالہ فاطمہ پولیو سے متاثر ہوئی تھی , کراچی میں پولیو مہم چلانے کے لئے پولیو حکام کو ہائی رسک زون میں پولیو مہم چلانے میں مشکلات کا سامنا ہے۔ پاکستان میں سب سے زیادہ کیس فاٹا میں 50زائد رپورٹ ہوئے ہیں جبکہ صوبہ سندھ میں پولیو کیسوں کی تعداد اب سات ہوچکی ہے۔

کراچی کے علاقے لانڈھی چھ نمبر میں مضر صحت کھانا کھانے سے بارہ افراد کی حالت غیر ہوگئی، جنہیں طبی امداد کے لیئے اسپتال منتقل کیا گیا۔

لانڈھی کے علاقے میں شادی کی تقریب میں مضر صحت کھانا کھانے سے بارہ افراد کی حالت بگڑ گئی، جنہیں طبی امداد کے لئے جناح اسپتال منتقل کیا گیا، متاثرہ افراد کا تعلق ایک ہی خاندان سے ہے، جنہوں نے شادی کی تقریب میں کھانا کھایا رات گئے اچانگ ان کی طبیعت خراب ہوگئی۔

متاثرہ افراد میں سترہ سالہ اقراء، سولہ سالہ فائزہ ، چوبیس سالہ عظمیٰ، چالیس سالہ رخسانہ، ستاون سالہ سنجیدہ خاتون، ستائیس سالہ مقصود، بائیس سالہ ذوہیب، بیس سالہ نوید، ساٹھ سالہ ظفرعلی اور ستائیس سالہ رابعہ شامل ہیں جنہیں جناح اسپتال میں طبی امداد دی جارہی ہے۔
   

کراچی میں فائرنگ اور پرتشدد واقعات میں خاتون سمیت تین افراد جاں بحق اور چھ زخمی ہوگئے جبکہ پولیس اور رینجرز نے گینگ وار کے ملزمان سمیت سو سے ملزمان گرفتار کرلئے۔

شہر میں پر تشدد واقعات کا سلسلہ تھم نہ سکا پولیس حکام کے مطابق گلشن معمار میں مزار پر چھ افراد کے قتل کا معمہ حل نہ ہوسکا۔پولیس کے مطابق قتل میں کالعدم تنظیم کے ملوث ہونے کے شواہد ملے ہیں تاہم دیگر پہلوؤں پر بھی تفتیش جاری ہے۔

گلشن معمار پارک کے قریب سے ایک شخص کی لاش ملی ہے، شاہ فیصل عظیم پورہ کے علاقے سے خاتون کی تشدد زدہ لاش ملی جبکہ لیاری کے علاقے آگرہ تاج کالونی کی کچرا کنڈی سے نوزائدہ بچی کی لاش ملی ہے۔

حسین ہزارہ گوٹھ میں فائرنگ کر کے تین افراد کو زخمی کر دیا گیا۔لیاری کے علاقے بہار کالونی میں فائرنگ سے بچے سمیت دو افراد زخمی ہوگئے۔پولیس اور رینجرز کی ٹارگٹڈ کارروائیاں جاری ہیں۔

ترجمان رینجرز کے مطابق لیاری کے علاقے سیفی لین سے گینگ وار کے تین ملزمان کو گرفتار کرکے قبضے سے اسلحہ برآمد کرلیا گیا۔

ایسٹ زون پولیس نے چوبیس گھنٹوں کے دوران مختلف کاروائیاں کرتے ہوئےایک سو گیارہ ملزمان گرفتار کر کے اسلحہ ،منشیات اور مسروقہ سامان بر آمد کر لیا  

گورنر سندھ ڈاکٹر عشرت العباد خان نے کہا ہے کہ قدرتی اور معدنی وسائل سے مالا مال صوبہ سندھ سرمایہ کاروں کے لئے پر کشش اہمیت رکھتا ہے خاص طور پر کراچی شہرجو پورے ملک کا اقتصادی حب اور منی پاکستان ہے جہاں دنیا بھر کے سرمایہ کار منافع بخش کاروبار کررہے ہیں ۔

انہوں نے کہا کہ کراچی شہر کی آبادی دو کروڑ نفوس سے بھی تجاوز کرگئی ہے اس لئے اس کے مسائل میں اضافہ بھی ہورہا ہے ملک بھر سے لوگ اپنے روزگار کے لئے اسی شہر کا ہی رخ کرتے ہیں یہی وجہ ہے کہ غربت اوربے روزگاری جرائم کا سبب بن رہے ہیں لیکن حکومت اپنے محدود وسائل میں رہتے ہوئے ان اسباب پر قابو پانے کی پوری کوششوں میں مصروف عمل ہے ۔

ان خیالات کا اظہار انہوں نے گورنر ہاؤس میں نیشنل ڈیفنس یونیورسٹی کے زیر اہتمام نیشنل سیکیورٹی ورک شاپ کے شرکاء سے گفتگو میں کہی ۔ انہوں نے کہا کہ دہشت گردی کی عالمی جنگ کے باعث پاکستان کی معیشت کو نا قابل تلافی نقصان پہنچا ہے جس نے مسائل کو جنم دیا ۔

ایک سوال کے جواب میں گورنر سندھ نے کہا کہ شہر کراچی میں دہشت گردوں، اغوا ء برائے تاوان اور ٹارگٹ کلنگ کے ملزمان کے خلاف ٹارگیٹڈ کا رروائیاں جاری ہیں بعض ایسے علاقوں میں بھی یہ کارروائیاں کی گئیں ہیں جہاں ماضی میں کبھی نہیں ہوئیں جس کے مثبت نتائج بھی سامنے آرہے ہیں اس وقت اغوا ء برائے تاوان کے کیسز میں نمایاں کمی واقع ہوئی ہے ماضی میں 26 ،26 کیسز کا اندراج ہوتاتھا اب صورتحال یہ ہے کہ ایک یا دو کیسز ہی درج ہوتے ہیں ان پر بھی جلد قابو پالیا جائیگا جبکہ ٹارگٹ کلنگ میں بھی کمی واقع ہورہی ہے ۔

انہوں نے کہا کہ عوام کا رینجرز ، پولیس ، سی پی ایل سی اور دیگر قانون نافذ کرنے والے اداروں پر اعتماد بڑھا ہے اب لوگ بے خوف اپنی رپورٹ درج کراتے ہیں ۔ ایک اور سوال کے جواب میں گورنر ڈاکٹر عشرت العباد خان نے کہاکہ سیاسی جماعتوں کا استحکام ان کا کام ہے جرائم پیشہ افراد کا کسی بھی جماعت سے کوئی تعلق نہیں ہوتا ہے اور کوئی بھی جماعت جرائم پیشہ افراد کی حمایت نہیں کرسکتی ہے لیکن جرائم پیشہ افراد سیاسی جماعتوں کا نام لیکر اپنے مقاصد حاصل کرتے ہیں۔

انہوں نے کہا کہ نا انصافیاں احساس محرومی پیدا کرتی ہے وسائل کی منصفانہ تقسیم اور ترقیاتی کاموں سے ہی دل جیتے جاسکتے ہیں ۔ انہوں نے کہاکہ پاکستان کے مستقبل میں دو بڑے چیلنجز پانی اور بجلی ہیں جن کے لئے ٹھوس اقدامات کی ضرورت ہے۔