کراچی میں سردی ایک بار پھر لوٹ آئی، محکمہ موسمیات نے آئندہ چوبیس گھنٹوں میں بادل برسنے کی پیش گوئی کردی۔
کوئٹہ میں جو برفباری ہوئی، کراچی میں سردی زندگی سرد کرنے لگی، کراچی میں سورج طلوع ہوا تو اس کی کرنیں گرمی سے محروم سردی سے جمی ہوئی محسوس ہوئیں پھر سورج بھی بادلوں کی اوٹ میں چلا گیا۔
سخت سردی کی وجہ سے اسکولوں کی بڑھائی گئی تعطیلات ختم ہوئی اور سردی نے بچوں کا استقبال کیا، محکمہ موسمیات نے خبردار کیا ہے کہ آئندہ چوبیس گھنٹوں میں موسم مزید سرد ہوگا، ساتھ رم جھم کا بھی امکان ہے۔
کراچی میں پولیس اور رینجرز کے ٹارگٹڈ آپریشن جاری ہیں، ٹارگٹڈ کاروائیوں میں ٹارگٹڈ کلرز اور بھتہ خور سمیت بیس سے زائد ملزمان کو حراست لے لیا۔
کراچی میں قیام امن کے لئے پولیس اور رینجرز کی ٹارگٹڈ کاروائیاں جاری ہیں، پولیس حکام کے مطابق قانون نافذ کرنے والے اداروں نے شاہ فیصل کالونی نمبر پانچ میں کاروائی کرتے ہوئے سیاسی جماعت سے تعلق رکھنے والے بھتہ خور کو گرفتارکرلیا۔
موچکو میں کاروائی کے دوران عبید نامی ٹارگٹ کلر تین ساتھیوں کے ہمراہ گرفتار کرلیا، ملزم نے اٹھائیس افراد کے قتل کا اعتراف کیا ہے، ملزم عبید دس افراد کے قتل کے الزام میں پہلے گرفتار اور رہا ہوچکا ہے۔
گرفتار ملزمان کے قبضے سے دو دستی بم، راکٹ، دو کلاشنکوف اور چار ٹی ٹی پستول برآمد ہوئیں، نیو کراچی پولیس نے کوثر نیازی کالونی میں منشیات کے اڈے پر چھاپہ مار کر بدنام زمانہ منشیات فروش مظفر شاہ کو گرفتار کر لیا۔
ملزم منشیات فروشی سمیت دیگر سنگین جرائم میں انتہائی مطلوب تھا، اورنگی ٹاوٴن کے علاقے سیکٹر فائیو ای میں پولیس نے سرچ آپریشن کے بعد انیس مشتبہ افراد کو حراست میں لے لیا۔
آئی جی سندھ شاہد ندیم بلوچ نے کہا ہے کہ کراچی میں بلا امتیاز ٹارگیٹڈ آپریشن کے باعث ٹارگٹ کلنگ، بھتے اور اغواء برائے تاوان کے واقعات میں کمی آئی ہے۔
کراچی میں کورنگی ایسوسی ایشن آف ٹریڈ انڈسٹری کے وفد سے ملاقات میں آئی جی سندھ شاہد ندیم بلوچ نے بتایا کہ کراچی میں بلا امتیاز جرائم پیشہ عناصر کیخلاف ٹارگٹڈ آپریشنز کئے گئے، جس کی وجہ سے ٹارگٹ کلنگ، بھٹہ خوری اور اغوا برائے تاوان جیسے جرائم میں کمی آئی۔
آئی جی سندھ شاہد ندیم بلوچ کے مطابق پانچ ستمبر دوہزار تیرہ سے شروع کئے گئے ٹارگٹڈ آپریشنز کے دوران مختلف مقدمات میں مطلوب بارہ ہزار تین سو نوے ملزمان گرفتار کئے گئے، ساٹھ پولیس مقابلوں میں چوراسی ملزمان مارے گئے، ایک سو ستر پولیس اہلکار شہید ہوئے۔
آئی جی سندھ کا کہنا تھا کہ محکمہ پولیس کو نفری اور وسائل کی کمی کا سامنا ہے، ڈھائی کروڑ آبادی والے شہر کے لئے تیئس ہزار افسران واہلکار اپنے فرائض انجام دے رہے ہیں، پولیس ملزمان کو پکڑتی ہے لیکن کمزور پروسی کیوشن کے باعث وہ عدالت سے چھوٹ جاتے ہیں۔
ملاقات میں صنعتکاروں اور تاجروں نے آئی جی سندھ کو اپنے مسائل اور تحفظات سے بھی آگاہ کیا۔
کراچی کے علاقے صدر میں فرنیچر کے شوروم میں آگ لگ گئی، فائربریگیڈ کے عملے نے بروقت کاروائی کرتے ہوئے آگ پرقابو پالیا۔
کراچی کے بارونق اور معروف تجارتی علاقے زیب النسا اسٹریٹ میں ریگل پلازہ کے قریب دو منزلہ عمارت میں آگ لگ گئی، دیکھتے ہی دیکھتے ہی آگ نے عمارت کے کافی حصے کولپیٹ میں لے لیا، عمارت سے آگ کے شعلے اور دھوئیں کے بادل اٹھنے لگے۔
فائربریگیڈ کی گاڑٖیاں موقع پرپہنچیں اور آگ بجھانے کی کوشش شروع کردی، کافی دیر کی جدوجہد کے بعد فائربریگیڈ کی دو گاڑٖیوں نے آگ پر قابو پالیا۔
سندھ کے وزیر بلدیات و اطلاعات شرجیل انعام میمن کا کہنا ہے کہ سرکاری اداروں اور بالخصوص محکمہ بلدیات میں کسی بھی گھوسٹ ملازم کو برداشت نہیں کیا جائے گا۔
کراچی میں اجلاس کی صدارت کرتے ہوئے شرجیل میمن نے سیکرٹری بلدیات کو ہدایات دی کہ وہ کے ایم سی کی اسکولوں، ڈسپنسریوں اور دیگر محکموں میں گھوسٹ ملازمین کے خلاف کریک ڈاؤن کا آغاز کریں اور ان کی فہرستیں بنا کر ان کے خلاف کاروائی کریں۔
ان کا کہنا تھا کہ محکمہ بلدیات میں گھوسٹ ملازمین کی تنخواہیں سندھ حکومت پر بوجھ بن گئی ہیں، انہوں نے کہا کہ گھروں پر بیٹھ کر تنخوائیں لینے والوں کو اب ان کے گھروں پر ہی بٹھا دیا جائے گا اور انہیں اب کوئی تنخواہ نہیں دی جائے گی۔
انہوں نے ایڈمنسٹریٹر کراچی اور دیگر محکموں کے افسران کو بھی متعلقہ محکموں میں موجود گھوسٹ ملازمین کی فہرستیں تیار کرنے کے احکامات دیئے اور ایسا نہ کرنے والے افسران کے خلاف کاروائی کی جائے گی۔
کراچی میں پولیس اور رینجرز کے ٹارگٹڈ آپریشن جاری ہیں ،ٹارگٹڈ کارروائیوں میں ٹارگٹڈ کلرز اور بھتہ خور سمیت بیس سے زائد ملزمان کو حراست لے لیا۔
کراچی میں قیام امن کے لئے پولیس اور رینجرز کی ٹارگٹڈ کارروائیاں جاری ہیں ۔۔۔پولیس حکام کے مطابق قانون نافذ کرنے والے اداروں نے شاہ فیصل کالونی نمبرپانچ میں کارروائی کرتے ہوئے سیاسی جماعت سے تعلق رکھنے والے بھتہ خور کو گرفتارکرلیا، موچکو میں کارروائی کے دوران عبید نامی ٹارگٹ کلر تین ساتھیوں کے ہمراہ گرفتار کرلیا ۔
ملزم نے اٹھائیس افراد کے قتل کا اعتراف کیا ہے ۔ ۔۔ملزم عبید دس افراد کے قتل کے الزام میں پہلے گرفتار اور رہا ہوچکا ہے ۔۔۔۔گرفتار ملزمان کے قبضے سے دو دستی بم ،راکٹ ،دو کلاشنکوف اور چار ٹی ٹی پستول برآمد ہوئیں۔
نیو کراچی پولیس نے کوثر نیازی کالونی میں منشیات کے اڈے پر چھاپہ مار کر بدنام زمانہ منشیات فروش مظفر شاہ کو گرفتار کر لیا۔ملزم منشیات فروشی سمیت دیگر سنگین جرائم میں انتہائی مطلوب تھا، اورنگی ٹاوٴن کے علاقے سیکٹر فائیو ای میں پولیس نے سرچ آپریشن کے بعد انیس مشتبہ افراد کو حراست میں لے لیا ۔
کراچی میں پریس کانفرنس کرتے ہوئے تحریک انصاف کے سربراہ عمران خان نے کہاکہ ملک پرویز مشرف کا ملک سے جانا تیسرا این آر او ثابت ہوگا، الطاف حسین کی تقریر پر ردعمل دیتے ہوئےکہاکہ عوام کو سندھ ون اور ٹو نہیں انصاف چاہئے۔
زہرہ شاہد کے قاتلوں کی گرفتاری کے بارے میں عمران خان کا کہنا تھا کہ انتخابات کے دوران بدترین دھاندھلی ہوئی کراچی کے تین حلقوں کے نتائج سب کے سامنے ہیں، کراچی میں تحریک انصاف کے ذمہ داران کو قتل کرکے انتخابی دھاندھلی کا آغاز کردیا گیا۔
کراچی میں ٹارگٹڈ آپریشن کے ساتھ پرتشدد واقعات کا سلسلہ جاری ہے، گلشن معمار میں چھ افراد کی تشدد زدہ لاشیں برآمد ہوئیں، مقتولین میں چار کی شناخت منور، شفیق ، جاوید اور عمران کے ناموں سے ہوئی ہے جبکہ دو کی شناخت نہ ہوسکی۔
ایس ایس پی عامر فاروقی کے مطابق گلشن معمار سے چھ افراد کی تشدد زدہ لاشیں برآمد کرلی گئیں، مقتولین کو تشدد کے بعد تیز دھار آلے سے قتل کیا گیا، پولیس حکام کے مطابق گلشن معمار کے علاقے میں واقع مزار کے قریب سے چھ افراد کی تشدد زدہ لاشیں ملیں، جنہیں تیز دھار آلے کی مدد سے گلے کاٹ کر قتل کیا گیا۔
ایس ایس پی سینٹرل عامر فاروقی کے مطابق تمام لاشیں مردوں کی ہیں اور انھیں گلشن معمار سے اغواء کے بعد تشدد کا نشانہ بنایا گیا اور پھر خنجر کی مدد سے گلے کاٹ کر قتل کر دیا گیا ، پولیس نے آلہ قتل بھی برآمد کرلیا ہے، مقتولین کی عمریں بیس سے تیس سال کے درمیان ہیں۔
پولیس کے مطابق تمام افراد فیکٹری ورکر اور مزدور ہیں، جنہیں واپسی پر اغواء کے بعد قتل کیا گیا، ذرائع کا کہنا ہے کہ مقتولین میں سے تین مزار کے متولی تھے، ابتدائی تفتیشی رپورٹ کے مطابق مقتولین کو گزشتہ رات آٹھ سے نو بجے کے درمیان قتل کیا گیا۔
پولیس کا کہنا ہے کہ واردات میں کالعدم تنظیم کے ملوث ہونے کے شواہد ملے ہیں، سپرہائی وے پر لکی سیمنٹ فیکٹری کے قریب سے ایک شخص کی لاش ملی، جسے فائرنگ کرکے قتل کیا گیا تھا، لاش کو ضابطے کی کاروائی کیلئے اسپتال منتقل کر دیا گیا۔
دوسری جانب موچکو پولیس نے کاروائی کرتے ہوئے عبید نامی ٹارگٹ کلر کو تین ساتھیوں سمیت گرفتار کرلیا، ملزم نے اٹھائیس افراد کے قتل کا اعتراف کیا ہے، ملزم دس افراد کے قتل کے الزام میں پہلے گرفتار اور پھر رہا ہوچکا ہے۔
پولیس کے مطابق ملزمان سے دو دستی بم دو راکٹ، دو کلاشنکوف اور چار ٹی ٹی پستول برآمد ہوئے، نیو کراچی پولیس نے کوثر نیازی کالونی میں منشیات کے اڈے پر چھاپہ مار کر بدنام زمانہ منشیات فروش مظفر شاہ کو گرفتار کرلیا، ملزم منشیات فروشی سمیت دیگر سنگین جرائم میں انتہائی مطلوب تھا۔
کاروائی کے دوران بھاری مقدار میں منشیات، اسلحہ اور متعدد گولیاں برآمد کر لی گئیں، دوسری جانب اورنگی ٹاوٴن کے علاقے سیکٹر فائیو ای میں پولیس نے سرچ آپریشن کے بعد انیس مشتبہ افراد کو حراست میں لے لیا۔
اتحاد ٹاؤن میں ڈکیتی کے دوران مزاحمت پر نوجوان زخمی ہوگیا، کورنگی نمبر تین میں شہری کی فائرنگ سے دو مبینہ ڈاکو زخمی ہوگئے، جنھیں پولیس نے گرفتار کرلیا۔
کراچی کے ہائی رسک زون میں پولیو رضاکاروں کی عدم دستیابی کے باعث پولیو مہم معطل کر دی گئی۔
پولیو کے حوالے سے کراچی کے ہائی رسک زون علاقوں گڈاپ، بلدیہ ٹاؤن اور بن قاسم میں اضافی پولیو مہم معطل کردی گئی، مہم کی معطلی پولیو رضاکاروں کی عدم فراہمی کے باعث ہوئی۔
پولیو حکام کا کہنا ہے کہ ہائی رسک زون میں پولیو مہم عارضی طور پر روکی گئی ہے، رواں ہفتے متاثرہ علاقوں میں پولیو مہم مکمل کرلی جائے گی۔
ان تینوں علاقوں میں پولیو مہم سال دو ہزار تیرہ میں بھی متاثر رہی، جس کے باعث رواں ماہ جنوری میں قومی پولیو مہم سے قبل اضافی مہم شروع کرنے کا فیصلہ کیا گیا تھا۔
پولیو کا آخری کیس اکتیس دسمبردو ہزار تیرہ کو کراچی میں رپورٹ کیا گیا جبکہ دو ہزار تیرہ میں پاکستان بھر میں پولیو کے چھیاسی کیس رپورٹ ہوئے۔
پاکستان تحریک انصاف کے چیئرمین عمران خان آج کراچی میں تحریک انصاف کے بلدیاتی امیدواروں کے کنونشن سے خطاب کریں گے۔
بلدیاتی اداروں کے امیدواروں کا کنونشن کراچی کے مقامی ہوٹل میں ہوگا، خطاب میں عمران خان بلدیاتی انتخابات کے حوالے سے تحریک انصاف کے لائحہ عمل کا بھی ممکنہ طور پر اعلان کریں گے، کنونشن میں تحریک انصاف کے بلدیاتی انتخابات میں حصہ لینے والے کراچی بھر کے امیدوار شریک ہوں گے۔