شہدائے کربلا کے چہلم پر کراچی کی نمائش چورنگی کے قریب ہونے والے بم دھماکے میں موبائل فون استعمال کیا گیا تھا۔
نمائش چورنگی دھماکے کی فرانزک رپورٹ میں کہا گیا ہے کہ اس دھماکے میں موبائل فون استعمال کیا گیا، رپورٹ کے مطابق دہشتگردوں نے موبائل فون میں الارم سیٹ کردیا تھا اور اسے دھماکہ خیزمواد میں لگایا گیا تھا۔
فرانزک رپورٹ کے مطابق دہشت گرد بارودی مواد چھپانے میں کامیاب رہے تھے، جو سیکورٹی اداروں کی ناکامی کے برابر ہے، نمائش چورنگی دھماکے میں کوئی جانی نقصان نہیں ہوا تھا۔
کراچی میں فائرنگ اور پرتشدد واقعات میں ایک شخص جاں بحق اور دو زخمی ہوگئے، سی آئی ڈی انسداد دہشت گردی یونٹ نے کارروائی کرتے ہوئے بینک ڈکیتی میں ملوث نو رکنی گروہ گرفتار کرلیا۔
کراچی میں فائرنگ اور پرتشدد واقعات کا سسلسلہ تھم نہ سکا۔۔پولیس حکام کے مطابق بلدیہ ٹاون میں تھانہ سعیدا ٓباد کے حدود سے بائیس سالہ نوجوان کی تشدد زدہ لاش ملی، کورنگی اور اورنگی ٹاؤن میں فائرنگ سے دو افراد زخمی ہوئے۔
پولیس اور رینجرز کی کارروائیاں بھی جاری ہیں ۔سی آئی ڈی انسداد دہشت گردی یونٹ نے کارروائی کرتے ہوئے بینک ڈکیتی میں ملوث نو رکنی گروہ کو گرفتار کرلیا، ملزمان سے لوٹی گئی رقم اور سیکیورٹی گارڈ سے چھینا گیااسلحہ برآمد ہوا۔۔یوسف پلازہ کی حدود میں پولیس نے کارروائی کرکے ایک ملزم کو گرفتار کرلیا۔ لیاری کے علاقے شاہ بیگ لین میں رینجرز نے کارروائی کرتے ہوئے گینگ وار کے ایک ملزم کو گرفتارپکڑ لیا۔
تھانہ شریف آباد کی حدود میں پولیس نے اسٹریٹ کرائم اور ڈکیتی وارداتوں میں ملوث ملزم کو حراست میں لے لیا ۔۔۔گذشتہ روز ہر کے مختلف علاقوں میں ہونے والے چار دھماکوں کے مقدمات متعلقہ تھانہ جات میں درج کردیے گئے ۔
کراچی میں بجلی کے بعد گیس کی بدترین لوڈشیڈنگ نے بھی شہریوں کے مسائل میں اضافہ کردیا ہے جبکہ خواتین کا گھروں میں کھانا پکانا محال ہوگیا ہے۔
لیاری سمیت کراچی کے بعض علاقوں میں گیس لوڈشیڈنگ کے خلاف شہریوں نے سڑکوں پر آکر احتجاج کیا، صدر اولڈ سٹی ایریا لیاری، ڈی ایچ اے فیز پانچ گرومندر، جہانگیر روڈ، پی ای سی ایچ ایس، لانڈھی، کورنگی، اورنگی ٹاوُن، ناظم آباد سمیت کئی علاقوں میں گھروں میں گیس دستیاب ہی نہیں۔
بیشترعلاقوں میں صبح، دوپہر اور شام کے اوقات میں گیس کا پریشر انتہائی کم ہوجاتا ہے، جس کی وجہ سے خواتین کو کھانا پکانے کے سلسلے میں مشکلات کاسامنا ہے، گیس صارفین لوڈشیڈنگ کے باعث ہوٹلوں سے کھانا منگوانے پر مجبور ہیں۔
جب کہ صبح کے اوقات میں ہوٹلوں میں بھی گیس کی لوڈشیڈنگ کے باعث آڈرز پورے کرنے میں دشواری ہوتی ہے، دوسری جانب سوئی سدرن گیس کمپنی کے ترجمان کا کہنا تھا کہ گیس کی لوڈشیڈنگ نہیں ہورہی البتہ سردی کی وجہ سے گیس کا پریشر کم ہے، جسے بہتر کرنے کی کوشش کی جارہی ہے۔
کراچی کےعلاقے لائنزایریا کے فلیٹ میں آتشزدگی کے بعد سلنڈر پھٹ جانے سے بچی سمیت تین افراد جھلس گئے۔
پولیس کے مطابق لائنز ایریا بلاک آئی میں واقع رہائشی عمارت کی پہلی منزل پر فلیٹ میں اچانک آگ بھڑک اٹھی، آتشزدگی کی وجوہات فوری طور پر معلوم نہیں ہوسکی۔
تاہم آگ لگنے کی وجہ سے گھر کے کچن میں موجود سلنڈر زور دار دھماکے سے پھٹا، جس کی آواز سے علاقے میں خوف وہراس پھیل گیا، واقعے میں میاں بیوی اور ایک بچی زخمی ہوئے، جنہیں امدادی رضاکاروں نے فوری طور پر اسپتال منتقل کیا۔
اطلاع پر فائر بریگیڈ کی ایک گاڑی نے پہنچ کر دوگھنٹے جدوجہد کے بعد آگ پر قابو پالیا، واقعے میں گھریلو استعمال کی متعدد اشیاء جل کر خاکستر ہوگئیں۔
کراچی فائرنگ اور پرتشدد واقعات کا سلسلہ تھم نہ سکا، سپر ہائی وئے پر بچہ قتل جبکہ نیپا چورنگی پر فائرنگ سے نجی ٹی وی چینل کے صحافی بیٹا اورکزن زخمی ہوگئے، منگھو پیر میں رینجرز سے مقابلے میں ایک دہشتگرد ہلاک ہوگیا۔
گزشتہ روز گڈاپ سے ملنے والی تینوں لاشوں کی شاخت جاوید، نعمان اور سلیم کے نام سے ہوئی ہے، پولیس اور رینجرز کی ٹارگٹڈ کاروائیاں جاری ہیں، ترجمان رینجرز کے مطابق منگھو پیر کے علاقے خیر آباد میں رینجرز نے ٹارگٹڈ آپریشن کے دوران ملزمان نے رینجرز پر فائرنگ کردی۔
رینجرز کی جوابی کاروائی میں مبینہ طور پر دہشت گرد ہلاک ہوگیا، پولیس نے انچولی کے قریب مشکوک گاڑی سے بارہ ڈیٹونیٹرز برآمد کرلئے۔
کراچی میں حضرت امام حسین رضی اللہ عنہ کے چہلم کا جلوس حسینیہ ایرانیان کھارا در پہنچ کر اختتام پذیر ہو گیا، کراچی میں حضرت امام حسین رضی اللہ عنہ کے چہلم کے سلسلے میں نشتر پارک میں مجلس عزا منعقد ہوئی جس میں مولانا شہنشاہ حسین نقوی نے واقعات کربلا اور امام حسین اور ان کے رفقا کے مصائب بیان کیے ، مجلس کے بعد ماتمی جلوس برآمد کیا گیا.
جلوس کے شرکا نے ایم اے جناح روڈ پر امام بارگاہ علی رضا کے سامنے نماز ظہرین ادا کی ۔ جس کے بعد اسرائیل اور امریکا کے پرچم نذر آتش کیے گئے۔ بڑی تعداد میں علم ، شبیہ تابوت ، تعزیے اور شبیہ ذوالجناح جلوس کے ہمراہ ہیں۔ جلوس کے شرکا نوحہ خوانی اور ماتم کر کے شہدائے کربلا کو خراج عقیدت پیش کر رہے ہیں۔ جلوس اپنے روایتی راستوں ایم اے جناح روڈ ، ایمپریس مارکیٹ ، تبت سینٹر سے ہوتا ہوا امام بارگاہ حسینیہ ایرانیان کھارادر میں اختتام پذیر ہوا۔
کراچی کے علاقے اورنگی ٹاؤن میں یکے بعد دو دھماکے ہوئے، جس کے نتیجے میں تین افراد جاں بحق اور بائیس زخمی ہوگئے۔
زرائع کے مطابق کراچی کے علاقے اورنگی ٹاؤن دس نمبر میں دو دھماکے ہوئے، دھماکوں کی اطلاع ملتے ہی امدادی ٹیموں نے جائے وقوعہ پر پہنچ کر زخمیوں کو عباسی شہید اسپتال منتقل کیا، جہاں کئی زخمیوں کی حالت تشویشناک بتائی جا رہی ہے۔
پولیس اور رینجرز کی بھاری نفری نے علاقے کو گھیرے میں لے کر سرچ آپریشن شروع کردیا ہے۔
کراچی میں نمائش کے قریب دھماکہ سنا گیا، دھماکہ بہت روزدار تھا لیکن کوئی جانی نقصان کی اطلاع نہیں ملی۔
پولیس کے مطابق اسی جگہ پر نماز ظہرین ادا کی جانی تھی، ریسکیو اور بم ڈسپوزل اسکوڈ کی ٹیمیں جائے وقوعہ پر پہنچ گئی ہے اور تحقیقات شروع کر دی ہے۔
دھماکے کے بعد سیکیورٹی سخت کر دی گئی ہے جبکہ جلوس کے شرکاء نے احتجاج شروع کردیا گیا ہے، بم ڈسپوزل اسکوڈ کے مطابق بارودی مواد بل بورڈ میں نصب کیا گیا تھا۔
،
چہلم امام حسین کے موقع پر آج کراچی سمیت بائیس شہروں میں موبائل فون سروس بند کر دی گئی ہے، جبکہ سندھ سمیت ملک بھر کے کئی شہروں میں موٹرسائیکل پر ڈبل سواری پر بھی پابندی عائد کر دی گئی ہے۔
پاکستان ٹیلی کمونیکیشن اتھارٹی نے چہلم کے موقع پر کئی شہروں میں موبائل فون سروس بند کر دی ہے، آج صبح سات بجے سے ہی کئی شہروں میں موبائل فونز خاموش ہونا شروع ہوگئے اور نو بجے تک بیس سے زائد شہروں میں موبائل فون سروس بند ہوگئی۔
سیکیورٹی خدشات کی وجہ سے رات دس بجے تک موبائل فونز خاموش رہیں گے، صوبائی حکومتوں نے چہلم کے دن خصوصی طور پر موبائل فون سروس بند کرنے کی وزارت داخلہ سے درخواست کی تھی، جس کو مدنظر رکھتے ہوئے پی ٹی اے نے فیصلہ کیا۔
چہلم پرسندھ سمیت ملک کے کئی شہروں میں چوبیس گھنٹوں کیلئے موٹر سائیکل پر ڈبل سواری کی پابندی عائد کردی گئی، دہشتگردی کے خطرے کے پیش نظر پاک افغان سرحد کو بھی چوبیس گھنٹوں کیلئے بند کر دیا گیا ہے، جبکہ قبائلی علاقوں سے آنے والوں راستوں پر بھی سخت چیکنگ کی جا رہی ہے۔
حضرت امام حسین اور شہدائے کربلا کے چہلم کے موقع پر ملک بھر میں شبیہ علم، ذوالجناح اور تعزیے کے جلوس برآمد ہونگے اور مجالس عزا کا انعقاد کیا جائیگا، اس موقع پر سیکیورٹی کے سخت ترین انتظامات کئے گئے ہیں، کم وبیش تمام شہروں میں مرکزی جلوسوں کے مقررہ راستے سیل کردیئے گئے، پولیس، رینجرز اور ایف کی بھاری نفری بھی تعینات کی گئی ہے۔
نواسہ رسول حضرت امام حسین کے چہلم کے موقع پر ملک بھر میں سیکیورٹی کے سخت ترین انتظامات کئے گئے ہیں، کراچی میں مرکزی جلوس کی گزرگاہوں اور ان کے درمیان آنے والی دکانوں کو بھی سیل کردیا گیا ہے، جہاں آٹھ ہزار پولیس اہلکار تعینات کئے گئے ہیں، شارپ شوٹرز بھی فرائض انجام دیں گے۔
مرکزی جلوس شاہ خراسان سے نکلے گا، جو کھارادر امایہ حسینیہ میں اختتام پذیرہوگا، جلوس کی نگرانی کیلئے سی سی ٹی وی کمرے نصب ہیں جبکہ جلوس کی فضائی نگرانی بھی کی جائے گی، لاہور میں بھی چہلم کے جلوسوں کی سیکیورٹی کیلئے سخت انتظامات دیکھنے میں آرہے ہیں جہاں چھ ہزار پولیس اہلکار فرائض انجام دیں گے جبکہ فوج اور رینجرز کو الرٹ رکھا گیا ہے۔
لاہور میں مرکزی جلوس صبح آٹھ بجے الف شاہ حویلی سے نکلے، جو روایتی راستوں سے گزرتا ہوا رات کو کربلا گامے شاہ پر اختتام پذیر ہوگا، جلوس کی گزرگاہوں کو خاردار تاریں لگا کر مکمل طور پر سیل کردیا گیا ہے، فیصل آباد میں اکیس سی سی ٹی وی کیمروں کی مدد سے مرکزی جلوس کی مانیترنگ کی جائے گی اور تین ہزار سے زائد پولیس اہلکار تعینات ہوں گے۔
ملتان میں چہلم امام حسین کے جلوسوں کی سیکورٹی کیلئے تین ہزار پولیس اہلکار تعینات کئے گئے ہیں، جہاں تین مقامات کو انتہائی حساس قرار دیا گیا ہے، کوئٹہ میں مرکزی جلوس علمدار روڈ سے برآمد ہوگا، جو روایتی راستوں سے گزرتا ہوا بہشت زینب قبرستان پر اختتام پذیر ہوگا، مرکزی جلوس کی سیکیورٹی کیلئے بلوچستان کانسٹیبلری، ایف سی اور پولیس کے تین ہزار اہلکار تعینات گئے ہیں جبکہ جلوس کے راستوں کو سیل کردیا گیا۔
پشاورمیں بھی سیکیورٹی کے سخت انتطامات کئے گئے ہیں، جہاں مرکزی جلوس کے راستے سیل ہیں جبکہ پاک افغان سرحد بھی چوبیس گھنٹے کیلئے بند کردی گئی ہے، قبائلی علاقوں سے آنے والے راستوں پر سخت چیکنگ کی جارہی ہے۔