کراچی اور اس کے گرد و نواح میںزلزلے کے جھٹکے محسوس کئے گئے ، ریکٹر اسکیل پر شدت پانچ اعشاریہ دو ریکارڈ کی گئی۔
زلزلہ پیما مرکز کے مطابق کراچی اور اس کے مضافات میں محسو س کئے جانےو الے زلزلے کا مرکز کراچی سے ایک سو سینتیس کلو میٹر دو شمال مغرب میں تھاسطح زمین سے پچا س کلو میٹر نیچے تھا ۔ زلزلے کی شدت ریکٹر اسکیل پر پانچ اعشاریہ دو ریکارڈ کی گئی۔ ،
کراچی میں سندھ اسمبلی کے بعد ایک اور شاہانہ شادی ہال منظر عام پر آگیا۔۔ پنجاب ہاؤس کو دلہن کی طرح سجا دیا گیا۔۔ وزیر دفاع خواجہ آصف کے فرزند کی شادی جو ٹھہری۔۔ جہاں سرکاری وسائل کا بے دریغ استعمال کیا گیا۔
سرکاری مشینری اور املاک کو ذاتی جاگیر کی طرح استعمال کرنا تو کوئی پاکستانی حکمرانوں سے سیکھے
ابھی کراچی میں سندھ اسمبلی کی شادیوں کے ترانے تھمے نہ تھے کہ پنجاب ہاؤس میں شادی کے شادیانے بج اٹھےاور اس مرتبہ شاہانہ سرکاری عمارت کو سجایا گیا وزیر دفاع خواجہ آصف کے بیٹے کیلئے ،، جو اس شادی کی اس تقریب کے ہیرو بنے۔
پنجاب ہاؤس کو روشنیوں میں نہلا دیا گیا،، برقی قمقموں کی سجاوٹ بھی دیدنی رہی پولیس اور رینجرز کی سیکیورٹی بھی انتہائی سخت، لیکن سب کا سب سرکاری خرچے پر۔
وزیر دفاع خواجہ آصف کے فرزند کی شادی کی اس تقریب کیلئے سرکاری وسائل کا بے دریغ استعمال کیا گیا۔۔ اور تو اور سرکاری پروٹوکول تک وزیر موصوف، ان کے اہل خانہ اور مہمانانِ خصوصی کیلئے مختص کردیا گیا۔۔
وطن عزیز کے غریب عوام پوچھتے ہیں غربت اور مہنگائی لوگوں کی جانیں لے رہی ہے۔۔ بجلی گیس کی لوڈ شیڈنگ نے معیشت کا بھٹہ بٹھا رکھا ہے۔۔
قوم کے بچے بچے کا بال قرض میں جکڑا ہے ایسے میں ایک وزیر کے بیٹے کی سرکاری عمارت میں شادی اور اس کیلئے سرکاری وسائل کا کھلا استعمال قوم سے مذاق نہیں۔
کراچی کے مختلف علاقوں میں ٹارگٹڈ کاروائیوں کے دوران تحریک طالبان کے اہم رکن سمیت اڑتالیس افراد کو حراست میں لے لیا گیا۔
جرائم کے خاتمے کے لئے کراچی میں ٹارگٹڈ کاروائیوں کا سلسلہ جاری ہے، قانون نافذ کرنے والے اداروں نے اولڈ ماڑی پورٹرک اسٹینڈ کے قریب ٹارگٹڈ کاروائی میں تحریک طالبان کے اہم ملزم کو گرفتار کرلیا، ملزم کو نامعلوم مقام پر منتقل کرکے تفتیش کی جارہی ہے۔
نیو کراچی میں پولیس اہلکار کے قتل میں ملوث ملزم گرفتار کرلیا گیا ہے، دوسری جانب قانون نافذ کرنے والے اداروں نے لیاری میں ٹارگٹڈ کاروائی کی، کاروائی کے دوران گینگ وار کا ملزم رمضان عرف رمضانی گرفتار کر لیا گیا۔
ملزم کے سر کی قیمت حکومت سندھ نے پانچ لاکھ روپے مقرر کی تھی، شہر کے مختلف علاقوں میں پولیس اور رینجرز کی دیگر کاروائیوں میں سینتیس ملزمان کو گرفتار کرلیا گیا، ملزمان کا تعلق لیاری گینگ وار اور بعض سیاسی جماعتوں سے ہے۔
ملزمان سے مختلف اقسام کے ہتھیار بھی برآمد ہوئے، ایسٹ زون پولیس کی چوبیس گھنٹوں کی کاروائی میں نو ملزمان گرفتار کئے گئے، ملزمان کے قبضے سے اسلحہ اور مسروقہ سامان بر آمد کیا گیا۔
کراچی میں پرانی سبزی منڈی کے قریب دھماکے کے نتیجے میں 2 افراد جاں بحق اور ایس ایچ او موچکو شفیق تنولی سمیت چار پولیس اہلکار جبکہ مجموعی طور پر پچیس افراد زخمی ہوگئے۔
کراچی میں جاری آپریشن کے دوران قانون نافذ کرنے والوں پر ایک اور حملہ کیا گیا ہے، تازہ حملے میں ایس ایچ او موچکو شفیق تنولی کی گاڑی کو اس وقت بم دھماکے کا نشانہ بنایا گیا، جب وہ محافظوں کے ہمراہ پرانی سبزی منڈی کے علاقے میں واقع اپنے گھر جا رہے تھے۔
دھماکے کے نتیجے میں دو افراد جاں بحق جبکہ ایس ایچ او شفیق تنولی اور تین اہلکاروں سمیت پچیس افراد زخمی ہوگئے، دھماکا انتہائی زوردار تھا، جس کی آواز گلشن اقبال، ناظم آباد، گلبہار اور گارڈن تک سنی گئی، دھماکے سے قریبی عمارتوں کے شیشے بھی ٹوٹ گئے۔
دھماکے کے بعد پولیس اور دیگر قانون نافذ کرنے والے اداروں نے جائے وقوعہ پر پہنچ کر علاقے کو گھیرے میں لے لیا، ایس ایس پی چوہدری اسلم ، ایڈیشنل آئی جی کراچی شاہد حیات نے جائے وقوعہ کا معائنہ کیا۔
ایڈیشنل آئی جی شاہد حیات نے نجی اسپتال میں زیر علاج شفیق تنولی کی عیادت کے بعد میڈیا سے بات کرتے ہوئے کہا کہ شفیق تنولی اور دیگر اہلکاروں کی حالت خطرے سے باہر ہے۔
بم ڈسپوزل اسکواڈ کی ابتدائی رپورٹ کے مطابق دھماکے میں 2 سے 3 کلو بارودی مواد استعمال کیا گیا، جس میں بال بیرنگز بھی موجود تھے۔
کراچی کے علاقے پرانی سبزی منڈی میں ہونے والے دھماکے کی تحقیقات میں اہم پیش رفت ہوئی ہے جبکہ پولیس افسر شفیق تنولی نے ابتدائی بیان بھی ریکارڈ کرا دیا ہے۔
کراچی پولیس کے مطابق ابھی کہنا قبل ازوقت ہوگا کہ حملہ آور دھماکے میں زخمی ہوا یا فرار ہوگیا تاہم دھماکے میں زخمی ہونے والے تمام افراد سے تفتیش کی جائے گی۔
ذرائع کے مطابق دھماکہ خیز مواد موٹرسائیکل کے سیٹ کے نیچے نصب کیا گیا تھا اور دھماکہ خیز مواد کو ریموٹ کنٹرول ڈیوائس کے ساتھ جوڑا گیا تھا، حملے میں استعمال ہونے والی موٹرسائیکل کا چیچس نمبر غائب ہے۔
حملے کے وقت پولیس افسر شفیق تنولی گاڑی ڈرائیو کررہے تھے جبکہ حملے میں ان کا محافظ جاں بحق ہوگیا، ابتدائی رپورٹ کے مطابق دھماکے میں 4 سے 5 کلو بارودی مواد اور نٹ بولٹ کا استعمال کیا گیا۔
دوسری جانب دھماکے میں زخمی ہونے والے پولیس افسر شفیق تنولی نے اپنا بیان ریکارڈ کرادیا ہے، جس میں ان کا کہنا ہے کہ حملے کے وقت وہ گاڑی میں موجود تھے، حملے میں استعمال ہونے والی موٹرسائیکل پر ایک حملہ آور سوار تھا۔
ان کا کہنا تھا کہ دھماکے سے قبل حملہ آور سے موٹرسائیکل پھسل گئی، جس سے حملہ آور موٹرسائیکل سے کود گیا اور موٹرسائیکل گاڑی سے ٹکراتے ہی دھماکے سے پھٹ گئی۔
کراچی کے علاقے معمار میں اے وی سی سی اور سی پی ایل سی پولیس نے مشترکہ کاروائی کے بعد شارع نورجہاں کے علاقے سے اغواء ہونے والے سات سالہ بچے کو بازیاب کرالیا جبکہ فائرنگ کے تبادلے میں دو ملزمان مارے گئے۔
سی پی ایل سی چیف احمد چنائے کے مطابق گزشتہ روز شارع نورجہاں تھانے کی حدود قلندریہ چوک سے ملزمان نے سات سالہ بچے یاسین کو اغواء کیا اور رہائی کے لئے ساٹھ لاکھ روپے تاوان طلب کی۔
مغوی کے والد نے پولیس سے رابطہ کیا، جس کے بعد سی پی ایل سی اور اے وی سی سی پولیس نے گلشن معمار میں تاوان کے لئے آنے والے ملزمان کو گرفتار کرنے کی کوشش کی، ملزمان نے پولیس پر فائرنگ کردی۔
جوابی فائرنگ کے نتیجے میں دونوں ملزمان مارے گئے جبکہ سات سالہ مغوی بچے کو بحفاظت بازیاب کرالیا گیا، مارے گئے ملزمان کے قبضے سے دو ٹی ٹی پستول موبائل فون اور موٹر سائیکل برآمد ہوئی۔
کراچی کے علاقے پرانی سبزی منڈی پختون چوک کے قریب دھماکہ ہوا جس کے نتیجے میں ایس ایچ او ماڑی پور شفیق تنولی سمیت 11 افراد شدید زخمی ہوگئے ہیں۔
امدادی ٹیمیں جائے وقوع پر پہنچ گئیں، زخمیوں کو قریبی نجی ہسپتال منتقل کیا گیا ہے جبکہ پولیس اور قانون نافذ کرنے والے اداروں کی جانب سے دھماکے کی نوعیت کی تفتیش جاری ہے۔
ریسکیو زرائع کے مطابق تین افراد جاں بحق جبکہ گیارہ سے زائد زخمی ہیں ۔
وزیراعلی سندھ قائم علی شاہ نے کہا ہے کراچی میں ٹارگٹڈآپریشن سےہی ملک اورہم سب کی بقاہے، سندھ اسمبلی کے اجلاس میں سوالات کا جوابات دیتے ہوئے وزیراعلی سندھ قائم علی شاہ کا کہنا تھا پچیس سال بعد کراچی میں جرائم پیشہ افراد کے خلاف آپریشن شروع ہوا ہے ،ٹارگٹڈآپریشن کی ہرسطح پر پذیرائی ملی ہے، امن وامان کامسئلہ ہم سب کاہےتمام جماعتوں کےساتھ ملکردہشت گردی کاخاتمہ کرینگے۔
وزیر اعلی سندھ نے بتایا ستمبرسےاب تک تیرہ ہزار پانچسو افرادکوگرفتارکیاگیا، قانون نافذ کرنے والے اداروں نے ان دہشت گردوں کوپکڑاگیا جن کےسرکی قیمت مقررتھی، وزیر اعلی سندھ کا کہنا تھا کسی سےدشمنی نہیں رکھتے،سندھ میں بلاتفریق ایکشن ہورہاہے۔ اپوزیشن سےبھی تعاون کی اپیل کرتاہوں ۔
کراچی کے علاقے صدر میں واقع پنوراما سینٹر میں آگ لگ گئی، جس پر فائر بریگیڈ نے ایک گھنٹے کی جدو جہد کے بعدقابو پالیا۔
صدر میں واقع پنوراما سینٹر کی چوتھی منزل پر اچانک آگ بھڑک اٹھی، آگ بجھانے کیلئے فوری طور پرفائر برگیڈ کو طلب کیا گیا، فائر بریگیڈ حکام نے پہلے فائر ٹینڈر سے آگ پر قابو پانے کی کوشش کی تاہم پانی کے پائپ خراب ہونے کی وجہ اسنارکل کو طلب کیا گیا۔
آگ کی شدت دیکھتے ہوئے عمارت کو فوری طور پر خالی کرالیا گیا، فائر آفیسر امتیاز کے مطابق پانچ فائر ٹینڈر اور ایک اسنارکل نے ایک گھنٹے کی جدوجہد کے بعد آگ پر قابو پالیا، انہوں نے بتایا کہ آگ لگنے کی وجہ ابتدائی طور پر شارٹ سرکٹ لگتی ہے۔
انہوں نے بتایا کہ آگ سے کوئی زخمی نہیں ہوا ہے، آگ سے دکانوں اور دفاتر کو نقصان پہنچا۔
کراچی کے علاقے گارڈن اور گڈاپ میں قانون نافذ کرنے والے اداروں کی کاروائی کے دوران سنگین جرائم میں ملوث تین ملزمان کو حراست میں لے لیا۔
کراچی میں جرائم کے خاتمے کے لئے قانون نافذ کرنے والے اداروں کی کاروائیاں جاری ہیں، گڈاپ کےعلاقے اللہ داد گوٹھ میں رینجرز نے چھاپہ مار کاروائیوں کے دوران سنگین جرائم میں ملوث دو ملزمان کو حراست میں لے لیا۔
ترجمان رینجرز کے مطابق ملزمان کے قبضے سے اسلحہ اور منشیات برآمد کر لی گئی، دوسری جانب رات گئے پولیس نے گارڈن میں جرائم پیشہ افراد کی موجودگی پر چھاپا مارا، کاروائی کے دوران پولیس اور جرائم پیشہ افراد کے درمیان فائرنگ کا تبادلہ بھی ہوا۔
پولیس نے مقابلے کے بعد ایک ملزم کو گرفتار کرلیا تاہم ملزم کے دو ساتھی بچ نکلنے میں کامیاب ہوگئے، پولیس کے مطابق ملزم نے ابتدائی تفتیش کے دوران ٹارگٹ کلنگ سمیت متعدد وارداتوں کا اعتراف کیا ہے۔