Tag: کراچی

کراچی میں دومبینہ دہشتگردوں سمیت چھ ٹارگٹ کلرز پکڑے گئے جبکہ ٹارگٹڈ آپریشن میں مختلف علاقوں سے پچیس سے زائد جرائم پیشہ افراد کو حراست میں لے لیا گیا۔

سی آئی ڈی پولیس نے سرجانی ٹاون میں پولیس مقابلے کے بعد کالعدم تنظیم سے تعلق رکھنے والے دو دہشتگردوں آصف اور شہادت حسین کو گرفتار کرلیا، سی آئی ڈی حکام کے گرفتار ملزمان فرقہ وارانہ ٹارگٹ کلنگ اور ڈکیتیوں کی وارداتوں میں ملوث رہے ہیں۔

سی آئی ڈی پولیس کی مختلف ٹیموں نے لیاری اور بلدیہ ٹاون میں کاروائیاں کرتے ہوئے لیاری گینگ وار اور سیاسی جماعتوں سے تعلق رکھنے والے4ٹارگٹ کلرز کو بھی گرفتار کیا، کورنگی صنعتی ایریا میں پولیس نے مقابلے کے بعد دو ڈاکووں کو زخمی حالت میں گرفتار کیا۔

نیوکراچی اور سپر مارکیٹ سے بھی پولیس نے قتل اور بھتہ خوری میں ملوث2ملزمان کو گرفتار کرلیا، شہر کے دیگر علاقوں میں بھی سیکورٹی اداروں نے چھاپہ مار کاروائیوں کے دوران22ملزمان کو حراست میں لیکر تفتیش کیلئے نامعلوم مقام پر منتقل کردیا ہے۔
   

کراچی میں رینجرز اور پولیس کا جرائم پیشہ افراد کے خلاف کریک ڈاؤن جاری ہے، کاروائیوں میں پچاس سے ملزمان کو گرفتار کر لیا گیا ہے، سخی حسن چورنگی کے قریب پولیس مقابلےمیں ایک ڈاکو گرفتار جبکہ ایک فرارہوگیا۔

کراچی میں امن و امان کی بحالی اور جرائم پیشہ افراد کے خلاف پولیس اور رینجرز آہنی ہاتھوں سے نمٹنے میں مصروف ہے، شہر کے مختلف علاقوں میں ٹارگٹڈ آپریشن میں بائیس ملزمان گرفتار کرکے اسلحہ برآمد کیا گیا۔

ویسٹ زون پولیس نے چوبیس گھنٹوں کے دوران ٹارگٹڈ کاروائیوں میں انتیس ملزمان گرفتار کئے جن سے اسلحہ، منشیات، موبائل فونزاورموٹرسائیکلیں قبضے میں لیں گئیں۔

تیموریہ کےعلاقے سخی حسن چورنگی کے قریب پولیس مقابلے میں ایک زخمی ڈاکو گرفتار جبکہ ایک زخمی حالت میں فرارہوگیا، کورنگی صنعتی ایریا میں پولیس مقابلے میں دو ڈاکو زخمی حالت میں پکڑے گئے۔

دوسری جانب جرائم پیشہ عناصر بھی سرگرم ہیں، ریسکیو ذرائع کے مطابق پاورہاؤس عالم پرائڈ کے قریب سے بوری بند تشدد زدہ لاش ملی، پولیس کے مطابق تھانہ اورنگی اور تھانہ بوٹ بیسن کے علاقوں میں فائرنگ سے دو افراد زخمی ہوئے۔
   

کراچی کے علاقے فیروز آباد میں دھماکہ خیز مواد پھٹ جانے سے ایک خاتون جاں بحق اور دو افراد زخمی ہوگئے، تفتیشی اداروں نے شواہد اکھٹے کرنے کے بعد واقعے کی تحقیقات کا آغاز کردیا۔

خالد بن ولید روڈ پردھماکے کی اطلاع ملتے ہی فیروز آباد پولیس کی دوڑیں لگ گئیں، پولیس نے جائے وقوعہ کو گھیرے میں لیکر زخمیوں کو اسپتال منتقل کیا، خوف کے عالم میں علاقہ مکین گھروں سے باہر نکل آئے،عینی شاہدین کا کہنا ہے کہ واقعے میں خواتین سمیت 3افراد شدید زخمی ہوئے۔

پولیس حکام کے مطابق دھماکہ خیز مواد زخمی ہونے والی خواتین میں سے کسی ایک کے ہاتھ میں تھا، واقعے کی مزید تحقیقات جاری ہے، قانون نافذ کرنے والے اداروں نے جائے وقوعہ سے ایک خاتون سمیت دو افراد کو حراست میں لیکر پوچھ گچھ شروع کردی ہے۔