ARYNews.tv | Urdu – Har Lamha Bakhabar

Tag: کرایوں میں کمی

  • پٹرولیم مصنوعات کی قیمتوں میں کمی کے بعد کرایوں میں کمی کردی گئی

    پٹرولیم مصنوعات کی قیمتوں میں کمی کے بعد کرایوں میں کمی کردی گئی

    پشاور: ٹرانسپورٹ اتھارٹی خیبر پختونخوا کی جانب سے کرایوں میں کمی کردی گئی، ٹرانسپورٹ اتھارٹی نے نیا کرایہ نامہ جاری کردیا۔

    پٹرولیم مصنوعات کی قیمتوں میں کمی کے بعد ٹرانسپورٹ اتھارٹی خیبر پختونخوا نے کرایوں میں کمی کردی ہے، ٹرانسپورٹ اتھارٹی کی جانب سے پبلک ٹرانسپورٹ کا نیا کرایہ نامہ جاری کیا گیا ہے۔

    حکومت نے گزشتہ دنوں پیٹرولیم مصنوعات کی قیمتوں میں کمی کرتے ہوئے پیٹرول کی قیمت میں 2 روپے 7 پیسے فی لیٹر کمی کی تھی، اب پیٹرول کی نئی قیمت 247 روپے 3 پیسے ہوگئی ہے۔

    ہائی اسپیڈ ڈیزل کی قیمت میں 3 روپے 40 پیسے فی لیٹر کمی گئی تھی جس کے بعد ڈیزل کی نئی قیمت 249 روپے 69 پیسے سے کم ہوکر 246 روپے 29 پیسے ہوگئی۔

    حکومت نے لائٹ ڈیزل کی قیمت میں 1 روپے 3 پیسے فی لیٹر کم کی تھی، لائٹ ڈیزل کی قیمت 141 روپے 93 پیسے سے کم ہوکر 140 روپے 90 پیسے فی لیٹر ہوگئی، پیٹرولیم مصنوعات کی نئی قیمتوں کا اطلاق یکم اکتوبر رات 12 بجے سے ہوا تھا۔

    یکم جون سے یکم اکتوبر تک پیٹرول کی قیمت میں مجموعی طور پر 21 روپے 23 پیسے فی لیٹر تک کمی کی گئی ہے جبکہ ڈیزل کی قیمت 18 روپے 67 پیسے کم ہوئے ہیں۔

    اس سے قبل چند ہفتوں قبل پیٹرولیم مصنوعات کی قیمتوں میں کمی کے بعد پنجاب کے مختلف شہروں میں بھی ٹرانسپورٹ کے کرایوں میں کمی کی گئی تھی۔

  • ’عمان ایئر نے کرایوں میں بڑی کمی کردی‘

    ’عمان ایئر نے کرایوں میں بڑی کمی کردی‘

    عمان ایئر کی جانب سے مسافروں کے لئے خوشی کی خبر سامنے آگئی، ایئر لائن نے اپنی تازہ ترین گلوبل سیل مہم شروع کرنے کا اعلان کردیا۔

    بین الاقوامی خبر رساں ادارے کی رپورٹ کے مطابق عمان ایئر کی جانب سے چلائی جانے والی یہ مہم 28 ستمبر تک جاری رہے گی، یہ مہم اپنے معزز صارفین کو کئی دلچسپ بین الاقوامی مقامات پر بچت فراہم کرنے کے لیے ایئر لائن کی جاری لگن کا حصہ ہے۔

    گلوبل سیل مہم کے باعث اکانومی کلاس کے کرایوں پر 20% اور بزنس کلاس کے کرایوں پر 15% تک رعایت دی جائے گی۔

    ڈومیسٹک سیکٹر، انٹر لائن سیکٹر، کوڈ شیئر پارٹنرز، جدہ اور مدینہ شامل نہیں ہیں، جبکہ دیگر شرائط و ضوابط لاگو ہوتے ہیں۔ پروموشن 15 مارچ 2024 تک سفر کے لیے درست ہے اور اس میں صرف ریٹرن فلائٹس کو شامل کیا گیا ہے۔

    ایئر لائن کی جانب سے وضاحت دیتے ہوئے مزید کہا گیا کہ مہمان ایوارڈ وننگ آن بورڈ سروس، حقیقی عمانی مہمان نوازی اور ایئر لائن کے مسقط مرکز کے ذریعے ہموار رابطے سے بھی فیضیاب ہوسکتے ہیں۔

    دوسری جانب ملائیشین ایئر لائن باٹک ایئر نے کراچی اور کوالالمپور کے درمیان اگلے ماہ سے براہ راست پروازیں شروع کرنے کا اعلان کیا ہے۔

    تفصیلات کے مطابق لاہور کے لیے پروازوں کی شاندار کامیابی کے بعد باٹک ایئر نے کراچی اور کوالالمپور کے درمیان نئی خدمات کا اعلان کیا ہے مذکورہ ایئر لائن ہفتہ میں تین بار پروازیں چلائے گی۔

    ائیر لائن آئندہ ماہ 31 اکتوبر سے کوالالمپور اور کراچی کے درمیان براہ راست پروازوں لا باقاعدہ کا آغاز کر رہی ہے۔

    ملائیشیا کی ایئر لائن باٹک ایئر کے اعلامیے کے مطابق باٹک ائیر کی پرواز او ڈی 135 کوالالمپور سے ہر منگل، جمعرات اور ہفتے کی رات پونے 8 بجے کراچی پہنچے گی، انہی تین دنوں میں کراچی سے پرواز او ڈی 136 رات پونے 9 بجے کوالالمپور کے لیے روانہ ہوگی۔

    اس کے علاوہ ملائیشیا کی باٹک ایئر نے اسٹوڈنٹس اور گروپ مسافروں کے لیے خصوصی پرکشش رعایت کا اعلان بھی کیا ہے۔

    ملائیشیا کی باٹک ایئر کا یہ اقدام دونوں ممالک کے درمیان ایئر لائن کے تعلقات کو مزید مضبوط کرتا ہے اور ساتھ ہی کاروبار اور تفریحی سفر کے مواقع فروغ دیتا ہے۔

  • اندرون ملک سفر کرنے والے مسافروں کیلئے بڑی رعایت کا اعلان

    اندرون ملک سفر کرنے والے مسافروں کیلئے بڑی رعایت کا اعلان

    اسلام آباد : قومی ایئر لائن پی آئی اے نے یوم دفاع پر اندرون ملک پروازوں کے کرایوں میں کمی کااعلان کردیا ، یہ سہولت یکم ستمبر سے7ستمبر تک ہوگی۔

    تفصیلات کے مطابق اندرون ملک سفر کرنے نے والے مسافروں کے لئے اچھی خبر آگئی ، یوم دفاع کے موقع پر پی آئی اے کااندرون ملک پروازوں کے کرایوں میں کمی کااعلان کردیا۔

    پی آئی اے انتظامیہ کا کہنا ہے کہ اندرون ملک سفر کرنے کے لئے یکطرفہ کرایہ 5985مقررکردیاگیا ہے ، یہ سہولت یکم ستمبر سے7ستمبر تک ہوگی۔

    یاد رہے پاکستان انٹرنیشنل ایئر لائن (پی آئی اے) نے جشن آزادی کے موقع پر خصوصی ڈسکاؤنٹ کا اعلان کیا تھا، جشن آزادی کے موقع پر اندرون ملک پروازوں پر 14 فیصد ڈسکاؤنٹ کی پیشکش کی گئی تھی۔

    ترجمان پی آئی اے کا کہنا تھا کہ مذکورہ پیشکش 14 تا 16 اگست تک سفر کرنے پر محدود رہے گی، ٹکٹس فوری فروخت کے لیے دستیاب ہیں۔

  • مسافروں کے لیے خوشخبری، پی آئی اے نے کرایوں میں مزید کمی کا اعلان کر دیا

    مسافروں کے لیے خوشخبری، پی آئی اے نے کرایوں میں مزید کمی کا اعلان کر دیا

    کراچی: پاکستان انٹرنیشنل ایئر لائن( پی آئی اے) نے اندرون ملک کی پروازوں کے کرایوں میں مزید کمی کا اعلان کر دیا۔

    تفصیلات کے مطابق پاکستان انٹرنیشنل ایئر لائن نے اندرون ملک کی پروازوں کے کرایوں میں مزید کمی کا اعلان کر دیا۔ترجمان پی آئی اے نے بتایا کہ لاہور، اسلام آباد اور دیگر شہروں کے لیے کرایہ 9 ہزار 572 روپے رکھا گیا ہے۔

    ترجمان پی آئی اے کے مطابق مسافروں کو 7 کلوتک ہینڈ کیری کی اجازت ہوگی۔انہوں نے بتایا کہ کرایوں میں کمی کا اطلاق آج سے نافذ العمل ہوگا۔

    پی آئی اے میں زیادہ تنخواہ یافتہ طبقے کی تنخواہوں میں عارضی کمی کا فیصلہ

    یاد رہے کہ گزشتہ ماہ 10 جون کو پی آئی اے کے سی ای او ایئر مارشل ارشد ملک کا کہنا تھا کہ پی آئی اے ایک دہائی سے زائد سے مالی خسارے میں ہے اور فضائی آپریشن 10فیصد رہ گیا ہے، اسی لیے زیادہ تنخواہ یافتہ طبقے کی تنخواہوں میں عارضی کمی کا فیصلہ کیا ہے۔

    ارشد ملک کا کہنا تھا کہ گروپ ایک سے چار تک کے ملازمین کی تنخواہوں کمی نہیں کی جائے گی جبکہ ایک لاکھ سے 2 لاکھ روپے تنخواہ پر 10 فیصد ، 2 لاکھ سے 5 لاکھ تک 15 فیصد اور 5 لاکھ سے زائد تنخواہ پر 25 فیصد کمی کا فیصلہ کیا ہے۔

  • پاکستان ریلویز نےعیدالاضحی پرکرایوں میں کمی کردی

    پاکستان ریلویز نےعیدالاضحی پرکرایوں میں کمی کردی

    کراچی: پاکستان ریلویز نےعیدالاضحیٰ کےموقع پر مسافروں کے لیے ٹرینوں کے کرایوں میں 25 فیصد کمی کا اعلان کیا ہے۔

    تفصیلات کے مطابق ریلوے انتظامیہ کا کہنا ہے کہ عیدالاضحیٰ کے موقع پر مسافرٹرینوں کے کرایوں میں 25 فیصد کمی کی گئی ہے جس کا نوٹی فیکیشن جاری کردیا گیا ہے۔

    عید الاضحیٰ کے موقع پر آبائی علاقوں میں جانے والے پردیسیوں کے لیے کرایوں میں کمی کا اطلاق 2 ستمبر سے لے کر 4 ستمبر تک ہوگا تاہم کرایوں میں کمی ایڈوانس بکنگ پر ہوگی۔

    ریلوے حکام کا کہنا ہے کہ کراچی سے 2 عید اسپیشل ٹرینیں چلیں گی پہلی ٹرین 30 اگست صبح 11 بجے کراچی سے پشاور تک جائے گی جبکہ دوسری ٹرین 31 اگست صبح 11 لاہور کے لیے روانہ ہوگی۔

    پاکستان ریلوے کاعیدالاضحیٰ پرکرایوں میں 25 فیصد کمی کا اعلان

    یاد رہے کہ دو روز قبل وفاقی وزیرریولے خواجہ سعد رفیق نے سماجی رابطے کی ویب سائٹ ٹویٹر پراپنے پیغام میں عیدالاضحیٰ کے تینوں دنوں ریلوے کے کرایوں میں 25 فیصد کمی کا اعلان کیا تھا۔

    واضح رہے کہ خواجہ سعد رفیق کا کہنا تھا کہ عیدالاضحیٰ کے موقع پر معمول کی ٹرینوں میں بھی اضافی بوگیاں لگائی جائیں گی اور اسپیشل ٹرینوں میں آن لائن بکنگ کی سہولت بھی فراہم کی جائے گی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • پاکستان ریلوے کاعیدالاضحیٰ پرکرایوں میں 25 فیصد کمی کا اعلان

    پاکستان ریلوے کاعیدالاضحیٰ پرکرایوں میں 25 فیصد کمی کا اعلان

    کراچی : پاکستان ریلوے نے عیدالاضحیٰ کے موقع پر ریلوے کرایوں میں 25 فیصد کمی کا اعلان کیا ہے۔

    تفصیلات کے مطابق وفاقی وزیرریولے خواجہ سعد رفیق نے سماجی رابطے کی ویب سائٹ ٹویٹر پراپنے پیغام میں عیدالاضحیٰ کے تینوں دنوں ریلوے کے کرایوں میں 25 فیصد کمی کا اعلان کیا ہے۔

    وزیر ریلوے خواجہ سعد رفیق کا کہنا تھا کہ ریلوے کرایوں میں کمی تمام کلاسز کی ٹرینوں پر کی گئی ہے۔

    خواجہ سعد رفیق کا کہنا تھا کہ عیدالاضحیٰ کے موقع پر معمول کی ٹرینوں میں بھی اضافی بوگیاں لگائی جائیں گی اور اسپیشل ٹرینوں میں آن لائن بکنگ کی سہولت بھی فراہم کی جائے گی۔

    واضح رہے کہ وزیرریلوے خواجہ سعد رفیق کا کہنا تھا کہ عیدالاضحی کے پرمسرت موقع پراضافی رش کے پیشِ نظرملک کے مختلف شہروں سے پانچ اسپیشل ٹرینیں چلانے کی منظوری دی گئی ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • پی آئی اے کا عید پر کرائے کم کرنے کا اعلان

    پی آئی اے کا عید پر کرائے کم کرنے کا اعلان

    اسلام آباد: پاکستان انٹرنیشنل ایئر لائنز نے عوام کے لیے عیدالفطر پر ٹکٹ سستے کرنے کا اعلان کیا ہے.

    تفصیلات کے مطابق قومی فضائی کمپنی کی جانب سے اندرون ملک سفر کرنے والے مسافروں کے لیے کرائیوں میں پچیس فیصد تک کمی کا اعلان کیاگیا ہے.

    پی آئی اے کی جانب سے کرایوں میں کمی کا اعلان عید کے تین دن کے لیے کیا گیا ہے،قومی ایئر لائنز کے مسافروں کے لیے عید کے لیے اعلان کردہ پیکج کے تحت رعایتی ٹکٹ پر سفر کرنے والے افراد اس سہولت سے صرف عید کے تین ایام کے لیے ہی مستفید ہوں گے.

    یاد رہےکہ پی آئی اے ہر سال عید پر عوام کی سہولت کےلیے تحفے کے طور پر کرایوں میں کمی کا اعلان کرتی ہے جس سے ہزاروں افراد فائدہ اٹھاتے ہیں.

    گزشتہ برس بھی پی آئی اے کی جانب سے عوام کو عیدی کے طور پر اندرون ملک سفر کےلیے ایک ٹکٹ کے ساتھ ایک ٹکٹ فری دینے کا اعلان کیا گیا تھا جبکہ عید کے دو دنوں میں سفر کرنے والوں کےلیے ٹکٹ تیس فیصد سستے کیے گئے تھے.

    واضح رہے کہ گزشتہ برس عید الاضحیٰ پر بھی اندرون ملک سفر کرنے والوں کےلیے پی آئی اے نے ٹکٹ کی قیمتوں میں پچیس فیصد تک رعایت دی تھی.

  • ریلوے کا کرایوں میں کمی سے انکار

    ریلوے کا کرایوں میں کمی سے انکار

    لاہور:محکمہ ریلوے نےٹرین کے کرایوں میں کمی سے انکار کردیا۔پٹرولیم مصنوعات کی قیمتوں میں کمی کے باوجود اس کے  ثمرات عوام تک نہیں پہنچ رہے۔

    تفصیلات کے مطابق  ڈیزل کی قیمت میں کمی کے باوجود ریلوے نے کرایوں میں کمی سے انکار کردیا۔پٹرولیم مصنوعات کی قیمتوں میں کمی کے ثمرات عوام تک نہیں پہنچ رہے۔

    ییٹرول اور ڈیزل کے قیمتوں میں کمی کے باوجودروزمرہ کی اشیاء کی قیمتوں میں کمی نہیں کی گئی ہے اور اب محکمہ ریلوے کابھی ڈیزل کی قیمتوں میں کمی کے تناسب سے ریلوے کرایے میں کمی کا کوئی ارادہ نہیں لگ رہاہے۔

    ذرائع کے مطابق ریلوے نے گذشتہ دنوں کراچی سے راولپنڈی تک بعض ٹرینوں میں کرائے صرف تین سے پانچ فیصدہی کم کئے تھے۔ مسافروں نے مطالبہ کیا ہے کہ ڈیزل کی قیمت میں کمی کے تناسب سے مسافر ٹرینوں کے کرائے پچیس فیصد تک کم کئے جائیں۔

  • مسافروں ٹرینوں کےکرائے میں 5فیصد کمی کا نوٹیفکیشن جاری

    مسافروں ٹرینوں کےکرائے میں 5فیصد کمی کا نوٹیفکیشن جاری

    لاہور: پاکستان ریلوے نے مسافر ٹرینوں کے کرایوں میں تین سے پانچ فیصد کمی کا نوٹیفکیشن جاری کردیا ہے۔

     مسافر ٹرینوں کے کرایوں میں کمی کا اطلاق لاہور سے کراچی چلنے والی قراقرم ایکسپریس پر نہیں ہوگا،جبکہ نجی شعبہ کے زیر انتظام چلنے والی شالیمار ایکسپریس اور بزنس ٹرین کے کرائے کم نہیں ہوں گے۔

    نوٹیفکیشن کے مطابق علامہ اقبال ایکسپریس، عوام ایکسپریس، کراچی ایکسپریس، ملت ایکسپریس اکبر بگٹی اور جعفر ایکسپریس کی تمام کلاسز پر تین فیصد کمی ہوگی۔

    جبکہ بولان میل ، بہاؤالدین ذکریا ایکسپریس، فرید ایکسپریس، سکھر ایکسپریس کی تمام کلاسز پر کرائے میں پانچ فیصد کمی ہوئی مسافر ٹرینوں کے کرایوں میں دس روپے سے ایک سو تیس روپے تک کمی ہوئی۔

    دوسری جانب مسافروں نے ٹرینوں کے کرائے میں معمولی کمی کو مسترد کرتے ہوئے بیس فیصد تک کرائے کم کرنے کا مطالبہ کیا ہے۔

  • کراچی : بسوں، رکشہ اورٹیکسی کے کرایوں میں کمی

    کراچی : بسوں، رکشہ اورٹیکسی کے کرایوں میں کمی

    کراچی: محکمہ ٹرانسپورٹ حکومت سندھ نے گڈز ٹرانسپورٹ اور انٹر سٹی بسوں کے کرایوں میں سات فیصد کمی کردی ہے ۔ سیکریٹری ٹرانسپورٹ سندھ کی جانب سے جاری اعلامیہ میں کہا گیا ہے کہ کراچی میں رکشہ اور ٹیکسی کے کرایوں میں دس فیصد کمی کی گئی ہے ، جس کا باضابطہ نوٹی فکیشن جاری کردیا گیا ہے۔

    جبکہ کراچی میں چلنے والی بسوں کے کرایوں میں کمی کامعاملہ تاحال طے نہیں ہوپایا ہے ۔ جس پر کراچی ٹرانسپورٹ اتحاد کے ساتھ بات چیت جاری ہے ۔ محکمہ ٹرانسپورٹ نے کرایو ں میں کمی کا نوٹی فکیشن حال ہی میں پیٹرولیم مصنوعات میں دو مرتبہ کمی کے بعد جاری کیا ۔

    کراچی ٹرانسپورٹ اتحاد نے کرایوں میں کمی کے حکومتی فیصلے کو ماننے سے انکار کردیا ہے اور ان کاکہنا ہے کہ کراچی میں بیشتر بسیں سی این جی پر چل رہی ہیں،اور سی این جی کی قیمتوں میں کمی نہیں کی گئی جس کی وجہ سے بسوں کے کرایوں میں کمی نہیں کرسکتے۔