اسلام آباد: وفاقی وزیر ریلوے خواجہ سعد رفیق نے مین لائن ون پر مسافروں کے لیے کرایوں کے نئے رعایتی پیکج کا اعلان کردیا۔ پشاور سے چلنے والی جعفر ایکسپریس، خیبر میل اور عوام ایکسپریس کے کرایوں میں 50 فیصد تک کمی کردی گئی جبکہ ریل کاروں اور تیز گام کے کرایوں میں بھی کمی کا اعلان کر دیا گیا۔
تفصیلات کے مطابق وفاقی وزیر ریلوے خواجہ سعد رفیق نے مین لائن ون پر مسافروں کے لیے کرایوں کے نئے رعایتی پیکج کا اعلان کر دیا۔
جعفر ایکسپریس اور خیبر میل کا پشاور سے لاہور تک اے سی بزنس کا کرایہ 1740 سے کم کر کے 900 روپے کر دیا گیا۔ اٹک سٹی سے لاہور کے لیے کرایے میں 670 روپے کی رعایت، مسافر 1520 کے بجائے صرف 850 روپے ادا کریں گے۔
جعفر ایکسپریس میں اے سی سلیپر کا پشاور سے لاہور کا کرایہ 2280 کے بجائے 1410 روپے ہوگا، مسافروں کو ہر ٹکٹ پر 870 روپے کی بچت ہو گی۔
جہلم سے لاہور کا کرایہ 770 سے کم کر کے 610 روپے کر دیا گیا۔ جعفرایکسپریس اور عوام ایکسپریس کے اکانومی کلاس کے کرایوں میں بھی زبردست کمی کرتے ہوئے کرایہ 700 روپے سے کم کر کے 460 روپے کر دیا گیا۔
اٹک سٹی سے کرایہ 620 روپے سے کم کر کے 410 روپے کر دیا گیا ہے۔ جعفر اور عوام ایکسپریس کے مسافر اے سی اسٹینڈرڈ میں پشاور سے لاہور کے لیے 1340 کے بجائے 860 روپے میں سفر کر سکیں گے۔
اٹک سے لاہور کا کرایہ 1180 کے بجائے 830 روپے ہوگا۔ جہلم کے مسافر جعفر ایکسپریس، عوام ایکسپریس اور ریل کار میں لاہور کے لیے اے سی اسٹینڈرڈ میں 480 کے بجائے 390 روپوں میں سفر کر سکیں گے۔
گوجرانوالہ سے لاہور کے لیے جعفر ایکسپریس اور خیبر میل کا اے سی بزنس کا کرایہ 390 سے کم کر کے 290 روپے، اے سی بزنس کا کرایہ 330 سے کم کر کے 270 روپے کر دیا گیا۔
وزیر آباد سے لاہور آنے کے لیے جعفر ایکسپریس اور خیبر میل پر لاہور آنے کے لیے اے سی بزنس کلاس میں 100 روپے کی رعایت کردی گئی جس کے بعد کرایہ 390 کے بجائے 290 ہوگا۔
خواجہ سعد رفیق نے کہا ہے کہ ریلوے کی بحالی پوری قوم کے لیے ایک تحفہ ہے۔ مزید ٹرینوں کے کرائے بھی کم کریں گے جبکہ گرین لائن میں بھی مسافروں کو رعایت دینے کے لیے ہداِیات جاری کر دی گئی ہیں۔
ریلوے حکام کے مطابق کرایوں میں 49 فیصد تک کمی پشاور، راولپنڈی، لاہور سیکشن پر ایک خصوصی پیکج کے تحت کی جار ہی ہے۔ وزیر ریلوے کی طرف سے دی گئی خصوصی رعایت کا آغاز یکم نومبر 2017 سے ہوگا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
