Tag: کرتارپور راہداری

اسلام آباد: کرتارپور راہ داری پر بات چیت کے لیے پاکستانی وفد 14 مارچ کو نئی دہلی جائے گا، بھارتی وفد بعد میں پاکستان کا دورہ کرے گا۔

تفصیلات کے مطابق پاکستان اور بھارت کے مابین کارتارپور کوریڈور کے سلسلے میں وفود کے تبادلے پر اتفاق ہو گیا ہے، پاکستانی وفد رواں ماہ 14 تاریخ کو بھارت جائے گا۔

[bs-quote quote=”پاکستان ملٹری آپریشن ڈائریکٹریٹ لیول پر بھی ہفتہ وار رابطہ جاری رکھنے کے لیے پُر عزم ہے۔” style=”style-8″ align=”left” author_name=”ترجمان دفتر خارجہ”][/bs-quote]

ترجمان دفتر خارجہ نے بتایا کہ پاکستان کے وفد کے بعد بھارتی وفد 28 مارچ کو پاکستان آئے گا۔

اسلام آباد میں ترجمان دفترِ خارجہ نے بتایا کہ قائم مقام بھارتی ہائی کمشنر دفتر خارجہ آئے تھے، بھارتی قائم قام ہائی کمشنر کو مدعو کر کے فیصلے سے آگاہ کیا گیا۔

ترجمان کا کہنا تھا کہ پاکستان ملٹری آپریشن ڈائریکٹریٹ لیول پر بھی ہفتہ وار رابطہ جاری رکھنے کے لیے پُر عزم ہے، پاکستان نے نئی دہلی میں اپنے ہائی کمشنر سہیل محمود کو بھی واپس بھیجنے کا فیصلہ کیا ہے۔

یہ بھی پڑھیں:  بھارت کے ساتھ تناؤ سے افغان امن کی کوششوں پراثرات پڑسکتے ہیں: ملیحہ لودھی

خیال رہے کہ ہائی کمشنر سہیل محمود پاک بھارت کشیدگی پر مشاورت کے لیے کئی روز سے اسلام آباد میں ہیں۔

یاد رہے کہ 7 فروری کو پاکستان نے کرتارپور راہ داری کے سلسلے میں ایک بار پھر کوشش کرتے ہوئے پڑوسی ملک کو مذاکرات کے لیے 2 تاریخیں دے دی تھیں، جس کا جواب بھارت کی جانب سے مثبت آیا تھا۔

دفترِ خارجہ کے ترجمان نے بتایا تھا کہ پاکستانی وفد 13 مارچ کو بھارت کا دورہ کر سکتا ہے، جب کہ دو طرفہ بنیاد پر بھارتی وفد 28 مارچ کو پاکستان کا دورہ کرے۔

اسلام آباد: پاکستان نے کرتارپور راہ داری کے سلسلے میں ایک بار پھر کوشش کرتے ہوئے پڑوسی ملک کو مذاکرات کے لیے 2 تاریخیں دے دیں، ذرائع کا کہنا ہے کہ بھارت کی جانب سے اس بار مثبت جواب آیا ہے۔

تفصیلات کے مطابق ترجمان دفترِ خارجہ نے اعلامیہ جاری کرتے ہوئے کہا ہے کہ پاکستان نے بھارت کو کرتارپور راہ داری کے لیے 2 تاریخیں دے دی ہیں۔

[bs-quote quote=”بھارت نے اپنا وفد بھی پاکستان بھیجنے کی حامی بھر لی۔” style=”style-7″ align=”left” color=”#dd3333″ author_name=”ذرائع”][/bs-quote]

دفترِ خارجہ کے ترجمان نے بتایا کہ پاکستانی وفد 13 مارچ کو بھارت کا دورہ کر سکتا ہے، جب کہ دو طرفہ بنیاد پر بھارتی وفد 28 مارچ کو پاکستان کا دورہ کرے۔

ترجمان دفترِ خارجہ نے کہا کہ ملاقاتوں میں کرتارپور کے ڈرافٹ پر بات چیت کی جائے گی، ہمیں بھارت سے مثبت رویے کی توقع ہے۔

دوسری جانب ذرائع نے کہا ہے کہ پاکستان کی کرتارپور راہ دراری کے لیے تاریخوں کی تجویز پر بھارت نے مثبت جواب دیا ہے۔

سفارتی ذرائع نے بتایا کہ بھارت نے جواب میں پاکستان کی پیش کش پر خوش آمدید کہا، پاکستانی وفد 13 مارچ کو بھارت کا دورہ کرے گا، بھارت نے حامی بھر لی۔

یہ بھی پڑھیں:  کرتارپور راہداری: پاکستانی پیش کش پر بھارت کی ایک بار پھرہٹ دھرمی

ذرائع نے مزید بتایا ہے کہ بھارت نے اپنا وفد بھی پاکستان بھیجنے کی حامی بھر لی ہے، تاہم بھارت کی جانب سے راہ داری پر ٹیکنیکل میٹنگ کی تجویز دی گئی ہے، بھارت نے انجینئرز کی ملاقات کی تجویز ٹیکنیکل میٹنگ کے تحت دی۔

اسلام آباد: کرتارپور راہ داری کے سلسلے میں پاکستانی پیش کش پر بھارت کی جانب سے ایک بار پھر ہٹ دھرمی کا مظاہرہ کیا گیا ہے۔

تفصیلات کے مطابق بھارت کی جانب سے ہٹ دھرمی پر مبنی روایتی رویہ برقرار ہے، کرتارپور راہ داری کے سلسلے میں بھارت کی طرف سے ایک بار پھر انکار کی گردان ہونے لگی ہے۔

[bs-quote quote=”پاکستان 26 فروری یا 7 مارچ کو اپنا وفد دہلی بھیجے۔” style=”style-7″ align=”left” color=”#dd3333″ author_job=”پاکستانی دعوت کے جواب میں بھارتی منطق”][/bs-quote]

بھارتی حکام نے دورۂ پاکستان کی دعوت پر آنے سے انکار کر دیا ہے، یاد رہے کہ گزشتہ روز پاکستان نے بھارت کو اسلام آباد دورے کی دعوت دی تھی۔

دورے کی پاکستانی دعوت کے جواب میں بھارت نے کہا ہے کہ پاکستان 26 فروری یا 7 مارچ کو اپنا وفد دہلی بھیجے۔

سفارتی ذرائع کا کہنا ہے کہ پاکستانی وفد کو دہلی کے دورے کے لیے 2 تاریخیں بتائی گئی ہیں، تاہم پاکستان وفد دہلی بھیجے گا یا نہیں اس کا فیصلہ وزیرِ اعظم کریں گے۔

یہ بھی پڑھیں:  کرتار پور راہداری معاملہ: پاکستان نے بھارتی حکومت کو اسلام آباد دورے کی دعوت دے دی

یاد رہے کہ دفترِ خارجہ نے گزشتہ روز بتایا تھا کہ بھارت کو کرتار پور معاہدے پر مذاکرات کے لیے جلد وفد اسلام آباد بھیجنے کا کہا گیا ہے، پاکستان نے بھارتی وفد کے ساتھ مذاکرات کے ذریعے معاہدے کو جلد حتمی شکل دینے کی تجویز دی تھی۔

پاکستان کی جانب سے معاہدے پر مبنی ایک ڈرافٹ بھی بھارتی ہائی کمیشن کے حوالے کر دیا گیا ہے، جس کے تحت پاکستان بابا گرو نانک کے 550 ویں جنم دن پر کرتار پور راہ داری کھولنے کا ارادہ رکھتا ہے۔

اسلام آباد: وزیرِ اعظم عمران خان کو سابق بھارتی کرکٹر نوجوت سنگھ سدھو نے خط لکھ کر کہا ہے کہ کرتارپور راہ داری نے دو قوموں کو قریب کیا ہے۔

تفصیلات کے مطابق سابق بھارتی کرکٹر نوجوت سنگھ سدھو نے وزیرِ اعظم عمران خان کو خط لکھا ہے، جس میں انھوں نے کرتارپور راہ داری کھولے جانے سے متعلق بات کی۔

[bs-quote quote=”بابا نانک دربار کی مقدس سر زمین کو ورثے کا درجہ دیا جانا چاہیے۔” style=”style-7″ align=”left” color=”#dd3333″ author_name=”نوجوت سنگھ سدھو”][/bs-quote]

نوجوت سنگھ سدھو نے لکھا کہ مثبت اقدام دونوں ممالک کو امن کی طرف لے جائے گا۔

انھوں نے خط میں لکھا ’بابا نانک کی 550 ویں سال گرہ کے انتظامات کا منصوبہ مکمل ہے، گوردواروں کا ماضی، مستقبل محفوظ بنانے کے لیے خدمات پیش کرنا ہوں گی۔‘

نوجوت سنگھ کا کہنا تھا کہ کرتارپور، گرو نانک دربار عقیدت مندوں کی حاضری کا منتظر ہے، برسوں بعد کرتارپور گوردوارہ حاضری دے کر دل کو سکون ہوگا۔

انھوں نے مزید لکھا کہ بابا نانک دربار کی مقدس سر زمین کو ورثے کا درجہ دیا جانا چاہیے، کرتار پور، بابا نانک گوردوارہ کی تاریخی عمارتوں کو تبدیل نہ کیا جائے۔

یہ بھی پڑھیں:  نوجوت سنگھ سدھو کا سرقلم کرنے والے کے لئے ایک کروڑ انعام کااعلان

یاد رہے کہ نوجوت سنگھ سدھو وزیرِ اعظم عمران خان کی دعوت پر گزشتہ سال نومبر کے آخری دنوں میں کرتار پور راہ داری تقریب میں شرکت کے لیے پاکستان آئے تھے۔

جس پر ہندو انتہا پسند تنظیم ہندو یووا نے نوجوت سنگھ سدھو کا سرقلم کرنے والے کے لیے ایک کروڑ انعام کا اعلان کر دیا تھا۔

لاہور: وزیرِ اعظم عمران خان کے کرتارپور بارڈر کھولنے کے اقدام کی تعریف اپوزیشن بھی کرنے لگی، اپوزیشن نے اقدام کو خوش آئند قرار دے دیا۔

تفصیلات کے مطابق اے آر وائی نیوز کے پروگرام آف دی ریکارڈ میں اپوزیشن سے تعلق رکھنے والے رہنماؤں نے کرتارپور راہ داری کھولے جانے کی کھل کر تعریف کی۔

[bs-quote quote=”کرتارپور بارڈر کھول کر پاکستان نے بہت اچھا پیغام دیا۔” style=”style-7″ align=”left” color=”#dd3333″ author_name=”خواجہ آصف” author_job=”پاکستان مسلم لیگ ن”][/bs-quote]

سابق وزیرِ خارجہ خواجہ آصف نے کہا کہ پاکستان نے کرتارپور بارڈر کھول کر بڑا قدم اٹھایا ہے، ن لیگ بھی چاہتی ہے پاک بھارت تعلقات بہتر ہوں، کرتارپور راہ داری کھولنا اچھا اقدام ہے۔

مسلم لیگ ن کے راہنما نے مزید کہا کہ کرتارپور بارڈر کھول کر پاکستان نے بہت اچھا پیغام دیا ہے، ن لیگ اپنے عمل کے ذریعے دکھا چکی ہے کہ دونوں ممالک میں تعلقات بہتر ہوں۔

انھوں نے کہا کہ بھارت میں اپریل میں انتخابات ہیں، وہاں مذہبی کارڈ کھیلا جا رہا ہے، بھارتی وزیرِ اعظم مودی مذہبی کارڈ شدت سے کھیل رہے ہیں، لیکن مذہبی کارڈ کے نتائج خطرناک ثابت ہوتے ہیں۔

یہ بھی پڑھیں:  وزیراعظم عمران خان نے کرتارپورکوریڈور کا سنگ بنیاد رکھ دیا

پاکستان پیپلز پارٹی کی رہنما شازیہ مری نے کہا کہ وزیرِ اعظم عمرا ن خان کا کرتارپور بارڈر کھولنا اچھا اقدام ہے۔

[bs-quote quote=”بھارت کا رویّہ بہت افسوس ناک ہے۔” style=”style-7″ align=”right” color=”#dd3333″ author_name=”شازیہ مری” author_job=”پاکستان پیپلز پارٹی”][/bs-quote]

شازیہ مری نے کہا کہ بھارت کا رویّہ بہت افسوس ناک ہے، پاکستان کی سیکورٹی فورسز کو سراہتی ہوں، کرتارپور بارڈر کھولنے کا خواب سیاسی قیادت پہلے سے دیکھتی آ رہی ہے۔

پی پی رہنما نے مزید کہا کہ پاکستان کی سویلین اور عسکری قیادت ایک پیج پر ہے جو خوش آئند ہے۔

ان کا کہنا تھا کہ بے نظیر بھٹو نے 1988 میں کرتارپور بارڈر کھولنے کی بات کی تھی، انھوں نے ہمیشہ سافٹ بارڈرز کی بات کی، اسی طرح شملہ معاہدے کا کریڈٹ پیپلز پارٹی کو ملتا ہے۔