ARYNews.tv | Urdu – Har Lamha Bakhabar

Tag: کرتارپور کوریڈور

  • بھارت نے کرتارپور راہداری پر پاکستان کے بھیجے مسودے پر گھٹنے ٹیک دئیے

    بھارت نے کرتارپور راہداری پر پاکستان کے بھیجے مسودے پر گھٹنے ٹیک دئیے

    اسلام آباد: بھارت نے کرتارپور راہداری پر پاکستان کے بھیجے مسودے پر گھٹنے ٹیک دئیے اور کرتارپور راہداری منصوبے پر بھارت پاکستان کے مسودے پر رضامند ہوگیا ہے۔

    تفصیلات کے مطابق سفارتی ذرائع کا کہنا ہے کہ بھارت میں کرتارپور راہداری کھولنے کے مسودے پر اتفاق کرلیا گیا ہے۔

    سفارتی ذرائع کے مطابق پاکستان، بھارت 23 اکتوبر کو کرتارپور راہداری معاہدے پر دستخط کریں گے، بھارت نے فی یاتری 20 ڈالرز سروس فیس وصولی کے پاکستان کے فیصلے کو تسلیم کرلیا ہے۔

    [bs-quote quote=”پاکستان اور بھارت 23 اکتوبر کو کرتارپور معاہدے پر گراؤنڈز پر دستخط کریں گے” style=”style-8″ align=”left”][/bs-quote]

    پاکستان اور بھارت 23 اکتوبر کو کرتارپور معاہدے پر گراؤنڈز پر دستخط کریں گے، ترجمان دفتر خارجہ ڈاکٹر محمد فیصل معاہدے پر دستخط کریں گے۔

    سفارتی ذرائع کا کہنا ہے کہ دونوں جانب سے مسودے پر دستخط فوکل پرسن کریں گے، پاکستان نے واضح کردیا کرتارپور راہداری جیسے خیرسگالی اقدام کی مثال کہیں نہیں ہے۔

    نمائندہ اے آر وائی نیوز کے مطابق بھارت سے یاتریوں کے اعدادوشمار، تفصیلات کی پاکستان کو فراہمی کی آزمائش کی گئی، بھارتی حکام نے کرتارپور گراؤنڈز پر زیرو پر آزمائشی طور پر تفصیلات سے آگاہ کیا۔

    دوسری جانب وزیر خارجہ شاہ محمود قریشی نے اے آر وائی نیوز سے خصوصی گفتگو کرتے ہوئے کہا کہ خوشی ہے بھارت مان گیا ہے، سکھ برادری کو دل کی گہرائیوں سے مبارک باد پیش کرتا ہوں۔

    انہوں نے کہا کہ دنیا بھر کی سکھ برادری کو خوش آمدید کہیں گے، آنے والے دنوں میں سکھ یاتریوں کے لیے مزید اقدامات کریں گے۔

    شاہ محمود قریشی نے کہا کہ کرتارپور راہداری کی تقریب میں من موہن سنگھ کو دعوت نامہ دیا ہے، انہوں نے ہماری دعوت کو قبول کیا ہے، من موہن تقریب میں ایک شہری کی حیثیت سے شرکت کریں گے۔

  • نریندر مودی کا وزیر اعظم عمران خان کو خط، کرتارپور پر کام مکمل کرنے کی یقین دہانی

    نریندر مودی کا وزیر اعظم عمران خان کو خط، کرتارپور پر کام مکمل کرنے کی یقین دہانی

    اسلام آباد: بھارتی وزیر اعظم نریندر مودی کی جانب سے وزیر اعظم عمران خان کو لکھے گئے خط کےمزید مندرجات سامنے آ گئے۔

    تفصیلات کے مطابق بھارتی میڈیا کا پراپیگنڈا ایک بار پھر جھوٹا نکلا ہے، حکومتی سطح پر تصدیق کی گئی ہے کہ نریندر مودی نے وزیر اعظم عمران خان کو خط بھیجا ہے۔

    ذرایع وزیر اعظم آفس کا کہنا ہے کہ خط پر نریندر مودی کے دستخط ہیں، دستخط شدہ خط میں حوصلہ افزا باتیں کی گئی ہیں۔

    بھارتی وزیر اعظم کی جانب سے بھیجے گئے خط کے مزید مندرجات بھی سامنے آ گئے ہیں، خط میں کرتارپور راہ داری جلد مکمل کرنے کی یقین دہانی کرائی گئی ہے۔

    خط میں نریندر مودی نے کہا ہے کہ کرتارپور راہ داری پر کام ترجیحی بنیادوں پر مکمل کیا جائے گا۔

    یہ بھی پڑھیں:  وزیراعظم عمران خان کی بڑی کامیابی ، بھارت پاکستان سے مذاکرات پر آمادہ

    ادھر وزیر اعظم آفس کے ذرایع نے بتایا ہے کہ وزیر اعظم عمران خان خط کے مندرجات کا جائزہ لے رہے ہیں، پاکستان خط کا مثبت جواب دے گا۔

    واضح رہے کہ وزیر اعظم عمران خان اور شاہ محمود قریشی کی جانب سے بھارتی وزیر اعظم اور وزیر خارجہ کو تہنیتی خطوط بھجوائے گئے تھے، جن کے جواب میں انھوں نے خطوط لکھے ہیں، جن میں کہا گیا ہے کہ بھارت امن اور ترقی کے لیے پاکستان سمیت تمام ممالک سے جامع مذاکرات کے لیے تیار ہے۔

    خط کے متن میں کہا گیا پورے خطے میں امن اور ترقی کے لیے بھارت پاکستان سمیت تمام ممالک سے جامع مذاکرات کے لیے تیار ہے، مذاکرات میں دہشت گردی کے موضوع پر خصوصی توجہ ہو۔

  • کرتارپور راہداری، بھارتی اداکارہ کا عمران خان کو شکریہ

    کرتارپور راہداری، بھارتی اداکارہ کا عمران خان کو شکریہ

    ممبئی: بھارتی تامل فلموں کی اداکارہ پونم کور نے دورہ پاکستان کے دوران بنائی گئی شارٹ ڈاکومینٹری ریلیز کردی۔

    تفصیلات کے مابق بھارتی اداکارہ نے کرتارپور راہداری کھولنے کے فیصلے کو دونوں ملکوں کے درمیان امن کا راستہ قرار دیا ہے، پونم کور نے گزشتہ ماہ 21 سے 30 نومبر تک پاکستان کا دورہ کیا تھا۔

    اس دورے کے دوران انہوں نے پاکستان کے بارے میں ایک شارٹ ڈاکومینٹری بھی بنائی جس کو گزشتہ دنوں ریلیز کیا گیا، پونم کپور نے کرتارپور راہداری کھولنے کی تقریب میں شرکت کی تھی اس کے ساتھ انہوں نے سکھوں کے اہم مقامات پر حاضری بھی دی۔

    پونم کور نے یہ ڈاکومینٹری سکھ مذہب سے تعلق رکھنے والوں کو پیغام دینے کے لیے بنائی ہے کہ وہ پاکستان ضرور آئیں۔

    دستاویزی فلم کا دورانیہ تقریباً 4 منٹ 36 سیکنڈ کا ہے جس میں انہوں نے وزیراعظم عمران خان کا شکریہ ادا کیا اور سابق بھارتی کرکٹر سدھو سے محبت کا اظہار کیا، پونم نے شاعر مشرق علامہ اقبال کے ایک شعر کے ذریعے اپنے پیغام کو اجاگر کیا۔

    اداکارہ نے ٹویٹر پیغام میں کہا کہ عمران خان اللہ نے آپ کو پاکستان بدلنے کا موقع دیا ہے، میں دل سے چاہتی ہوں کہ وہ اس میں کامیاب ہوں، آپ صحیح کہتے ہیں کہ ماضی میں رہنے سے اچھا ہے ہم آج بدلیں ہماری آنے والی نسلوں کے لیے۔

    انہوں نے لکھا کہ پاکستانیوں کی محبت واقعی لاجواب ہے اسے بھلایا نہیں جاسکتا، پاکستان ٹیلی وژن نے بھی پونم کور کے اس امن کے جذبے کی ویڈیو دکھائی ہے۔

  • پاک آرمی چیف سے ملنا خوش قسمتی ہے، سکھ رہنما گوپال چاؤلہ کا بھارتی میڈیا کو منہ توڑ جواب

    پاک آرمی چیف سے ملنا خوش قسمتی ہے، سکھ رہنما گوپال چاؤلہ کا بھارتی میڈیا کو منہ توڑ جواب

    نارووال: سکھ رہنما گوپال چاؤلہ نے بھارتی میڈیا کو منہ توڑ جواب دیتے ہوئے کہا ہے کہ پاکستان کے آرمی چیف سے ملنے کو اپنی خوش قسمتی سمجھتا ہوں۔

    تفصیلات کے مطابق بھارتی میڈیا کی جانب سے سکھ رہنما کی آرمی چیف جنرل قمر جاوید باجوہ سے ملاقات کو غلط رنگ دیے جانے پر گوپال چاؤلہ نے کہا کہ کرتارپور راہ داری کے سلسلے میں پروگرام ہم نے ہی منعقد کیا تھا۔

    [bs-quote quote=”گوردوارے ایسوسی ایشن کا چیئرمین ہوں، بات کو غلط موڑ پر نہ لے جایا جائے۔” style=”style-7″ align=”left” color=”#dd3333″ author_name=”سکھ رہنما”][/bs-quote]

    سکھ رہنما نے بھارتی میڈیا کی جانب سے اس تنقید پر کہ پاکستان آرمی چیف سے کیوں ملاقات کی، جواب دیتے ہوئے کہا کہ وہ گوردوارے ایسوسی ایشن کے چیئرمین ہیں، بات کو غلط موڑ پر نہ لے جایا جائے۔

    سردار گوپال سنگھ چاؤلہ کا کہنا تھا ’میں نے جنرل باجوہ سے ہاتھ ملایا، پاکستانی آرمی چیف ہمارے دلوں میں رہتے ہیں، آرمی چیف سے ملنے کو اپنی خوش قسمتی سمجھتا ہوں۔‘

    سکھ رہنما نے بھارتی میڈیا سے کہا کہ ہم دونوں ملکوں میں بھائی چارہ اور دوستی چاہتے ہیں، منفی باتیں کرنی ہیں تو مجھ سے بات مت کرو، جنرل باجوہ سے ہاتھ ملانے پر منفی باتیں نہ کی جائیں۔

    یہ بھی پڑھیں:  کرتار پور راہداری: بھارت سے امن کا فروغ برداشت نہ ہوا

    گوپال چاؤلہ نے مزید کہا کہ پاکستان کے آرمی چیف ہم سے ہاتھ ملاتے ہیں تو اسے اپنے لیے فخر سمجھتے ہیں، آرمی چیف تو محبتیں چاہتے ہیں، عمران خان اور سدھو صاحب کی بات کریں، منفی باتیں نہ کریں۔

    واضح رہے کہ پاکستان کی جانب سے امن کا ہاتھ بڑھانا حسبِ معمول بھارتی میڈیا کے مزاج پر بے حد گراں گزرا، بھارتی میڈیا نے کرتار پور راہ داری کھولنے کو سفارتی دہشت گردی کا نام دیا اور سکھ رہنما گوپال چاؤلہ کی آرمی چیف کے ساتھ تصویر کو پسِ منظر سے کاٹ کر غلط رنگ دے دیا۔

    خیال رہے کہ آج وزیرِ اعظم عمران خان نے کرتارپور کوریڈور کا سنگ بنیاد رکھ کر تاریخ رقم کر دی، کرتارپور راہ داری کے ذریعے بھارتی سکھ بغیر ویزے کرتارپور صاحب کے درشن کے لیے آ سکیں گے۔

  • کرتارپورراہداری کے سنگ بنیاد کی تقریب، ،بھارتی وفد اور 40 بھارتی صحافی پاکستان آئیں گے

    کرتارپورراہداری کے سنگ بنیاد کی تقریب، ،بھارتی وفد اور 40 بھارتی صحافی پاکستان آئیں گے

    اسلام آباد : کرتارپور کوریڈور سنگ بنیاد کی تقریب میں بھارتی وفد اور 40صحافی کوریج کے لئے پاکستان آئیں گے، پاکستان آنےوالےبھارتی صحافیوں کےاعزازمیں آج وزیراعلیٰ پنجاب عشائیہ دیں گے۔

    تفصیلات کے مطابق پاکستان کی جانب سے کرتار پور راہداری کل باضابطہ طور پر کھول دیا جائے گا ، کرتارپور کوریڈور سنگ بنیاد کی تقریب میں بھارتی وفد پاکستان آئے گا۔

    بھارتی وفدمیں نوجوت سنگھ سدھو،شرومنی گردوارہ بندھک کمیٹی ممبران آئیں گے، ممبران میں گوبھندلنگوال،ہرسمرت اور دیگرشامل ہیں، بھارتی وفد واہگہ بارڈر کے ذریعے پاکستان آئے گا اور 3دن قیام کرے گا۔

    دوسری جانب کرتارپورراہداری کےسنگ بنیاد کی تقریب کی کوریج کیلئے بھارت سے 40صحافی بھی پاکستان آئیں گے ،صحافی زمینی راستے سے واہگہ باڈر کے ذریعے پاکستان پہنچیں گے، پاکستان آمد پر بھارتی صحافیوں کی وزیر اطلاعات فواد چوہدری سے لاہور میں ملاقات ہو گی۔

    پاکستان میں کرتار پور بارڈر کے سنگ بنیاد کی تعمیر میں شریک ہونے والے بھارتی صحافیوں کے اعزاز میں آج وزیر اعلی پنجاب عثمان بزدار عشائیہ دیں گے، لاہور کے شاہی قلعے میں منعقد ہونے والے عشائیے کی تقریب میں وفاقی وزیر اطلاعات فواد چودھری کے بھی شریک ہونے کا امکان ہے۔

    کرتار پور تقریب کی کووریج کے بعد بھارتی صحافی اسلام آباد آئیں گے، جہاں ان کی وزیراعظم عمران خان اور وزیر خارجہ شاہ محمود قریشی سے ملاقات ہوگی۔

    اس سے قبل نئی دہلی میں تقریب سے خطاب میں بھارتی وزیراعظم نریندر مودی نے کرتارپوربارڈر سے متعلق کہا تھا کہ کرتارپورپاکستان اور بھارت کے عوام کو جوڑے گا اور عوامی رابطے بہتر مستقبل کی طرف لے جائیں گے۔

    مزید پڑھیں : کرتارپوربارڈر پاکستان اور بھارت کے عوام کے درمیان پل کا کام کرے گا، بھارتی وزیراعظم

    خیال رہے وزیراعظم عمران خان کل 28 نومبر کو کرتارپور نارووال میں راہداری کا سنگ بنیاد رکھیں گے، راہداری سے بھارت سے آنے والے سکھ باآسانی مذہبی رسومات ادا کرسکیں گے۔

    یاد رہے بھارت کے دفترخارجہ نے نئی دہلی میں پاکستانی ہائی کمیشن کو خط لکھ کر گرونانک کے جنم دن پر کرتارپور کوریڈور کھولنے پر شکریہ ادا کیا تھا جبکہ بھارت کی کابینہ نے کرتارپور بارڈر تک کوریڈورکی تعمیر کی منظوری بھی دی تھی۔

    جس کے بعد وفاقی وزیراطلاعات فوادچوہدری نے سماجی رابطے کی ٹوئٹ میں کہا تھا کہ کرتارپور بارڈر کھلنا دونوں ممالک کی امن پسند لابی کی فتح ہے، بھارتی کابینہ نے کرتارپوربارڈر پرپاکستان کی تجویز کی توثیق کردی، یہ درست سمت میں قدم ہے، توقع ہے ایسے اقدامات سے سرحد کی دونوں جانب متوازن آوازوں کی حوصلہ افزائی ہوگی۔

    وزیرخارجہ شاہ محمود قریشی نے سماجی رابطے کی ویب سائٹ ٹوئٹر پر اپنے بیان میں کہا تھا کہ بھارت کو باباگرونانک کے 550 جنم دن پر کرتارپور کھولنے کا مطلع کرچکے ہیں

    واضح رہے وزیراعظم عمران خان کی تقریب حلف برداری میں سابق بھارتی کرکٹرنوجوت سدھو نے آرمی چیف جنرل قمرباجوہ سے کرتارپوربورڈرکھولنے کی درخواست کی تھی۔

    جس پر انٹرویو میں وزیراطلاعات فواد چوہدری کا کہنا تھا پاکستان جلد سکھ یاتریوں کے لیے کرتار پور بارڈر کھول دے گا، جس کے بعد یاتری ویزے کے بغیر گردوارہ دربار صاحب کے درشن کر سکیں گے۔

  • کرتارپور کوریڈور کھولنے کا کریڈٹ عمران خان کوجاتا ہے،سدھو

    کرتارپور کوریڈور کھولنے کا کریڈٹ عمران خان کوجاتا ہے،سدھو

    نئی دہلی :بھارت کے سابق کرکٹر نوجوت سنگھ سدھو کاکہنا ہے عمران خان نے کہا تھا خوشحالی اور امن کا کوریڈو رہے ہم شروعات کرتے ہیں،کرتارپور کوریڈور کھولنے کا کریڈٹ عمران خان کو جاتا ہے۔

    تفصیلات کے مطابق بھارت کے سابق کرکٹرنوجوت سنگھ سدھو نے ممبئی حملوں کی 10ویں سالگرہ کے موقع پر کہا کہ کرتارپور کوریڈور کھولنے کا کریڈٹ عمران خان کو جاتا ہے اور ان لوگوں کو بھی، جو اس کی تعمیر کے لئے کئی سال تک دعا کررہے تھے۔

    نوجوت سنگھ سدھو کا کہنا تھا کہ عمران خان نے کہا تھا خوشحالی اور امن کا کوریڈور ہے، ہم شروعات کرتےہیں ، آرمی چیف جنرل قمرجاوید باجوہ نے کہا کرتارپور کوریڈور کھلے گا۔

    انھوں نے مزید کہا کہ بھارت میں آکر کہا سب بتایا لیکن دوستوں اورسب نے امید کے خلاف سلوک کیا ، لوگوں سے درخواست ہے کرتارپور کوریڈور کو سیاست سے ملوث نہ کریں۔

    یاد رہے گذشتہ روز بھارتی پنجاب کے وزیر اعلیٰ امریندر سنگھ نے کرتارپور راہداری کا سنگ بنیاد رکھنے کی تقریب میں شرکت سے انکار کردیا تھا جبکہ وزیر خارجہ شاہ محمود قریشی کی دعوت پر بھارتی وزیر خارجہ نے کرتارپور بارڈر کی افتتاحی تقریب میں شرکت سے معذرت کرلی تھی۔

    مزید پڑھیں : کرتارپور بارڈر کھلنے کا اعلان سن کر ایسا لگا جیسے سب کچھ مل گیا، نوجوت سنگھ سدھو

    نوجوت سنگھ سدھو نے پاکستان کی دعوت قبول کرتے ہوئے کہا تھا کہ کرتارپور بارڈر کھلنے کی شروعات بہت اچھی ہے، بھارتی سرکار نے اجازت دی تو ضرور پاکستان آؤں، وزیراعظم عمران خان کا بہت بہت شکریہ ادا کرتا ہوں، میری سب سے بڑی خواہش پوری ہوگئی ہے۔

    دو روز قبل اے آر وائی نیوز سے خصوصی گفتگو کرتے ہوئے سدھو نے کہا تھا کہ کرتار پور بارڈر کھلنے کا سہرا میرے دوست عمران خان کو جاتا ہے، عمران خان میرادوست ہے،مجھےبلائےگا توایک ٹانگ پرچل کرآؤں گا۔

    خیال رہے وزیراعظم عمران خان اٹھائیس نومبر کو کرتارپوربارڈر کا افتتاح کریں گے۔

    واضح رہے بھارت کے دفترخارجہ نے نئی دہلی میں پاکستانی ہائی کمیشن کو خط لکھ کر کرتارپور کوریڈور کھولنے پر شکریہ ادا کیا تھا اور بھارتی کابینہ نے کرتارپور بارڈر تک کوریڈورکی تعمیر کی منظوری دے دی تھی۔

    جس کے بعد وفاقی وزیراطلاعات فوادچوہدری نے سماجی رابطے کی ٹوئٹ میں کہا تھا کہ کرتارپور بارڈر کھلنا دونوں ممالک کی امن پسند لابی کی فتح ہے، بھارتی کابینہ نے کرتارپوربارڈر پرپاکستان کی تجویز کی توثیق کردی۔