Tag: کرتارپور

اسلام آباد: کرتارپور راہ داری کے سلسلے میں پاکستانی پیش کش پر بھارت کی جانب سے ایک بار پھر ہٹ دھرمی کا مظاہرہ کیا گیا ہے۔

تفصیلات کے مطابق بھارت کی جانب سے ہٹ دھرمی پر مبنی روایتی رویہ برقرار ہے، کرتارپور راہ داری کے سلسلے میں بھارت کی طرف سے ایک بار پھر انکار کی گردان ہونے لگی ہے۔

[bs-quote quote=”پاکستان 26 فروری یا 7 مارچ کو اپنا وفد دہلی بھیجے۔” style=”style-7″ align=”left” color=”#dd3333″ author_job=”پاکستانی دعوت کے جواب میں بھارتی منطق”][/bs-quote]

بھارتی حکام نے دورۂ پاکستان کی دعوت پر آنے سے انکار کر دیا ہے، یاد رہے کہ گزشتہ روز پاکستان نے بھارت کو اسلام آباد دورے کی دعوت دی تھی۔

دورے کی پاکستانی دعوت کے جواب میں بھارت نے کہا ہے کہ پاکستان 26 فروری یا 7 مارچ کو اپنا وفد دہلی بھیجے۔

سفارتی ذرائع کا کہنا ہے کہ پاکستانی وفد کو دہلی کے دورے کے لیے 2 تاریخیں بتائی گئی ہیں، تاہم پاکستان وفد دہلی بھیجے گا یا نہیں اس کا فیصلہ وزیرِ اعظم کریں گے۔

یہ بھی پڑھیں:  کرتار پور راہداری معاملہ: پاکستان نے بھارتی حکومت کو اسلام آباد دورے کی دعوت دے دی

یاد رہے کہ دفترِ خارجہ نے گزشتہ روز بتایا تھا کہ بھارت کو کرتار پور معاہدے پر مذاکرات کے لیے جلد وفد اسلام آباد بھیجنے کا کہا گیا ہے، پاکستان نے بھارتی وفد کے ساتھ مذاکرات کے ذریعے معاہدے کو جلد حتمی شکل دینے کی تجویز دی تھی۔

پاکستان کی جانب سے معاہدے پر مبنی ایک ڈرافٹ بھی بھارتی ہائی کمیشن کے حوالے کر دیا گیا ہے، جس کے تحت پاکستان بابا گرو نانک کے 550 ویں جنم دن پر کرتار پور راہ داری کھولنے کا ارادہ رکھتا ہے۔

نئی دہلی: سابق کرکٹر اور بھارتی سیاستدان نوجوت سنگھ سدھو نے کہا ہے کہ کرتار پور بارڈر کھلنے کا سہرا میرے دوست عمران خان کو جاتا ہے، اس کا جتنا بھی شکریہ ادا کیا جائے کم ہے۔

اے آر وائی کے پروگرام پاور پلے میں میزبان ارشد شریف کے ہمراہ بذریعہ ٹیلی فون گفتگو کرتے ہوئے نوجوت سنگھ سدھو کا کہنا تھا کہ بارڈر کھولنے کا سہرا بابا گرو نانگ کے عقیدت مندوں اور پاکستانی عوام کو بھی جاتا ہے۔

اُن کا کہنا تھا کہ بارڈر کھلنے کا کریڈٹ میرے دوست عمران خان کو جاتا ہے، اب میرا دوست بلائے گا تو ایک ٹانگ پر چل کر بھی پاکستان ضرور آؤں گا۔

بعد ازاں کرتار پور بارڈر کھولنے کے اعلان پر سرحد پار سےرابطے شروع اور بھارتی کھلاڑی نوجوت سنگھ سدھو نے تحریک انصاف کے سینیٹرفیصل جاویدسے ٹیلی فونک رابطہ کیا۔

مزید پڑھیں: کرتارپور بارڈر کھولنے کے اعلان پر پاکستان کے شکر گزار ہیں، چیئرمین سکھ کمیٹی

اسی سے متعلق: سکھ یاتریوں کے لیے کرتارپور راہداری کھولنا خوش آئند ہے، بلاول بھٹو

انہوں نے  پاکستانی حکومت اور بالخصوص عمران خان کا شکریہ ادا کیا۔

اُن کا کہنا تھا کہ پاکستان بہت خوبصورت ہے، وہاں کے لوگوں اور میڈیا نے بہت زیادہ پیار دیا جسے ابھی تک نہیں بھول سکا۔ نوجوت سنگھ سدھو کا کہنا تھا کہ کرتار پور سرحد کھولنے کےفیصلےپر بہت خوش ہوں، پاکستان کی جانب سے مثبت اقدام پر اُن کا تہہ دل سے شکر گزار بھی ہوں کیونکہ پاکستانی حکومت نے جو وعدہ کیا اُسے پورا کر دکھایا۔ اُن کا مزید کہنا تھا کہ پاکستان کےاقدامات سے دونوں ممالک کے درمیان امن اور بھائی چارہ بڑھےگا۔

اس موقع پر سینیٹر فیصل جاوید کا کہنا تھا کہ پاکستان ہمسائیہ ممالک سےدوستانہ تعلقات چاہتاہے، پی ٹی آئی حکومت خطےمیں امن کے لیے اپنی ہرممکن کوشش جاری رکھے گی کیونکہ ہم خطے میں ہمیشہ ہی امن کے خواہاں ہیں۔