ARYNews.tv | Urdu – Har Lamha Bakhabar

Tag: کرتار پور راہداری

  • خوشی ہےکرتار پور راہداری دیکھنے کا اعزاز حاصل ہوا، سیکرٹری جنرل

    خوشی ہےکرتار پور راہداری دیکھنے کا اعزاز حاصل ہوا، سیکرٹری جنرل

    اسلام آباد: اقوام متحدہ کے سیکریٹری جنرل انتونیو گوتیریس کا کہنا ہے کہ خوشی ہے کرتار پور راہداری دیکھنے کا اعزاز حاصل ہوا۔

    تفصیلات کے مطابق سماجی رابطے کی ویب سائٹ ٹویٹر پر اقوام متحدہ کے سیکریٹری جنرل انتونیو گوتیریس نے اپنے پیغام میں کہا کہ پاکستان میں حال ہی میں افتتاح کردہ کرتار پور راہداری کا دورہ اعزاز ہے۔

    انتونیو گوتیریس نے کہا کہ کرتارپور راہداری، امید کی راہداری ہے، کرتارپور راہداری سکھوں کے دو اہم مذہبی مقامات ملاتی ہے، کرتار پور راہداری بلاشبہ بین المذاہب ہم آہنگی کی کلیدی علامت ہے۔

    یواین سیکریٹری جنرل انتونیوگوتریس کا کرتارپور کا دورہ

    واضح رہے کہ آج اقوام متحدہ کے سیکریٹری جنرل انتونیوگوتریس کی کرتارپور پہنچے تو ان کا استقبال وفاقی وزیر مذہبی امور نورالحق قادری نے کیا

    انتونیوگوتریس کوسنگ مرمرسے بنے کرتارپورگوردوارے کا دورہ کرایاگیا، مختلف مقامات دکھائےگئے اور تاریخ بتائی گئی، یواین سیکریٹری جنرل کو سکھ یاتریوں کودی جانے والی سہولتوں سے آگاہ کیاگیا۔

  • کرتار پور راہداری کا آڈٹ شروع

    کرتار پور راہداری کا آڈٹ شروع

    اسلام آباد: پبلک اکاؤنٹس کمیٹی کی ذیلی کمیٹی کے اجلاس میں آڈٹ حکام نے بتایا کہ کرتار پور راہداری کا آڈٹ بھی شروع کر دیا گیا ہے۔

    تفصیلات کے مطابق پبلک اکاؤنٹس کمیٹی کی ذیلی کمیٹی کا اجلاس سینیٹر شیری رحمٰن کی زیر صدارت ہوا۔ اجلاس میں وزارت مذہبی امور کے آڈٹ پیراز کا جائزہ لیا گیا۔

    آڈٹ حکام کے مطابق منیٰ اور عرفات میں حج انتظامات پر غیر مجاز ادائیگی کی گئی جس پر کمیٹی کی جانب سے کہا گیا کہ وزارت معاملے کی تحقیقات کر کے 30 دن میں رپورٹ پیش کرے۔

    آڈٹ حکام کا کہنا تھا کہ کرتار پور راہداری کا آڈٹ بھی شروع کر دیا گیا ہے۔ سینیٹر مشاہد حسین نے کہا کہ کرتار پور کوریڈور بہت اہم پروجیکٹ ہے۔ بھارت کو اس پروجیکٹ پر سب سے زیادہ تکلیف ہوئی۔

    انہوں نے کہا کہ ریلوے کے بعد حکومتی سیکٹر میں سب سے زیادہ زمین ای ٹی پی کے پاس ہے۔

    شیری رحمٰن نے کہا کہ ای ٹی پی کو سرمایہ کاری کی اجازت نہیں ہے۔ یہ وائٹ کالر کرائم ہے اس کی تحقیقات کریں۔

  • کرتار پور راہداری 9 نومبر کو کھول دیں گے،وزیراعظم عمران خان

    کرتار پور راہداری 9 نومبر کو کھول دیں گے،وزیراعظم عمران خان

    اسلام آباد: وزیراعظم عمران خان کا کہنا ہے کہ کرتار پور راہداری کا ہر کام آخری مرحلے میں ہے، کرتار پور راہداری 9 نومبر کو کھول دیں گے۔

    تفصیلات کے مطابق وزیراعظم عمران خان نے سوشل میڈیا پر پیغام میں کہا کہ کرتار پور راہداری 9 نومبر کو کھول دیں گے، بھارت سمیت دیگرملکوں سے سکھ سب سے بڑے گوردوارہ کی یاترا کریں گے۔

    وزیراعظم عمران خان نے کہا کہ ٹریولنگ، مذہبی ٹورازم، مہمانداری میں بڑے پیمانے پرملازمتیں پیدا ہوں گی، بدھ مت کے پیروکار بھی پاکستان میں مذہبی مقامات پر آتے رہے ہیں۔

    یاد رہے کہ گزشتہ روز ملتان میں میڈیا سے گفتگو کرتے ہوئے وزیرخارجہ شاہ محمود قریشی کا کہنا تھا کہ وزیراعظم عمران خان کرتارپور راہداری کا افتتاح حسب وعدہ 9 نومبر کو کریں گے اور وہ راہداری کھول دی جائے گی۔

    شاہ محمود قریشی کا کہنا تھا کہ ہم توقع کر رہےہیں کہ روزانہ کی بنیاد پر 5 ہزار سکھ یاتری یہان تشریف لائیں گے۔

    وزیرخارجہ کا کہنا تھا کہ سکھ یاتریوں کو سہولیات کی فراہمی کے لیے پاکستان نے ہنگامی بنیادوں پر انتظامات کیے ہیں اور اگر سرحد کے اس پار بھارت کی جانب سے کیے گئے انتظامات کا ہمارے انتظامات سے موازنہ کریں تو آپ کو اندازہ ہوگا کہ پاکستان کے انتظامات کتنے وسیع، ٹھوس اور بہتر ہیں۔

  • کرتارپور راہداری: پاکستان نومبر میں افتتاحی تقریب کے لیے تیار ہے، دفتر خارجہ

    کرتارپور راہداری: پاکستان نومبر میں افتتاحی تقریب کے لیے تیار ہے، دفتر خارجہ

    اسلام آباد: کرتار پور راہداری پر پاک بھارت اعلیٰ سطح کے مذاکرات کا تیسرا دور اختتام پذیر ہوگیا، ترجمان دفتر خارجہ ڈاکٹر محمد فیصل کا کہنا ہے کہ کرتار پور راہداری سے متعلق تکنیکی مذاکرات مکمل ہوچکے ہیں۔

    تفصیلات کے مطابق کرتار پور راہداری پر پاک بھارت اعلیٰ سطح کے مذاکرات کا تیسرا دور اختتام پذیر ہوگیا جس کے بعد پاکستانی وفد اٹاری سے واپس واہگہ پہنچ گیا۔

    ترجمان دفتر خارجہ ڈاکٹر محمد فیصل کا کہنا ہے کہ کرتار پور راہداری سے متعلق تکنیکی مذاکرات مکمل ہوچکے ہیں، بھارتی حکام کو آئندہ مذاکرات کے لیے پاکستان مدعو کیا گیا ہے۔ بھارتی حکام کی جانب سے ڈوزیئر دیا گیا تھاجس کا جواب دیا گیا ہے۔

    ترجمان نے کہا کہ ڈوزیئر کی تفصیل ابھی نہیں بتا سکتا، 5 ہزار سکھ یاتری پاکستان آسکتے ہیں۔ پاکستان مزید یاتریوں کے لیے بھی تیار ہے۔ نومبر میں تقریب سے متعلق ہم تیار ہیں۔

    انہوں نے کہا کہ کرتار پور راہداری سے متعلق پاکستان کے تمام انتظامات مکمل ہیں، بھارت کی جانب سے تھوڑی لچک دکھانا ہوگی۔ سکھ یاتری بذریعہ سڑک آئیں گے، برج تیار ہوچکا ہے۔ کرتار پور راہداری پر مذاکرات پر امن ماحول میں ہوئے۔

    گزشتہ روز کرتار پور راہداری سے متعلق بھارتی مطالبات کی مکمل فہرست سامنے آئی تھی، سفارتی ذرائع کے مطابق پاکستان نے ایک دن میں 5 ہزار سکھ یاتریوں کی آمد اور ویزہ فری انٹری کا مطالبہ تسلیم کیا ہے۔

    بھارت نے خصوصی مواقع پر 10 ہزار یاتریوں اور بھارت کے دیگر عقائد کے لوگوں کو بھی کرتار پور آنے کی اجازت دینے کا بھی مطالبہ کیا تھا، پاکستان نے یاتریوں کو گروپس یا انفرادی طور پر پیدل کرتار پور آنے کی اجازت دینے کا مطالبہ بھی تسلیم کرلیا۔

    بھارت کی جانب سے سکھ یاتریوں کو کرتار پور میں لنگر، پرساد کی تیاری اور تقسیم کی اجازت دینے کا مطالبہ بھی کیا گیا ہے۔

    واضح رہے کہ جنوری 2019 میں پاکستان کی جانب سے بھارت سے شیئر کیے گئے معاہدے کے مسودے کے مطابق کرتار پور میں نارووال سے 7 گنا بڑا شہر آباد کیا جارہا ہے۔ نارووال شہر 130 ایکڑ سے 150 ایکڑ اراضی پر محیط ہے۔

    پاکستان گوردوارہ صاحب سے سرحد تک اپنی حدود میں کرتار پور کوریڈور فیز ون میں ساڑھے 4 کلو میٹر سڑک تعمیر کررہا ہے، اسی طرح بھارت بھی اپنی حدود میں سرحد تک راہداری بنائے گا۔

    پاکستان نے راہداری کھولنے کے لیے 95 فیصد سے زائد کام مکمل کر لیا ہے، کرتار پور راہداری کا افتتاح 11 نومبرکو پروقارتقریب میں کیا جائے گا، مذکورہ تقریب سکھ برادری کے بانی بابا گرو نانک کی سالگرہ سے متعلق ہوگی۔

  • وزیر اعظم کی کرتار پور راہداری منصوبے پر کام تیز کرنے کی ہدایت

    وزیر اعظم کی کرتار پور راہداری منصوبے پر کام تیز کرنے کی ہدایت

    اسلام آباد: وزیر اعظم عمران خان نے کرتار پور راہداری منصوبے پر کام تیز کرنے کی ہدایت دیتے ہوئے کہا کہ منصوبے میں حائل رکاوٹیں جلد سے جلد دور کی جائیں۔

    تفصیلات کے مطابق وزیر اعظم عمران خان نے کرتار پور راہداری منصوبے پر کام تیز کرنے کی ہدایت کردی، وزیر اعظم کا کہنا ہے کہ ستمبر تک منصوبہ مکمل کرنے کے لیے وسائل بروئے کار لائے جائیں۔

    ذرائع کے مطابق وزیر اعظم نے ہدایت گورنر پنجاب سے کل ہونے والی ملاقات میں دی۔ ملاقات میں پنجاب حکومت کو حاصل کی گئی زمین کی قیمت کی فوری ادائیگی کی ہدایت کی گئی۔

    ذرائع کا کہنا ہے کہ ملاقات میں گورنر نے وزیر اعظم سے 30 فیصد مقامی افراد کی ادائیگی نہ ہونے کی شکایت کی تھی۔

    وزیر اعظم نے پنجاب حکومت کو ہدایت کی کہ منصوبے میں حائل رکاوٹیں دور کی جائیں۔ انہوں نے گورنر پنجاب کی سربراہی میں مذہبی کمیٹی کی کارکردگی کو بھی سراہا۔

    ملاقات کے دوران وزیر اعظم کو 31 اگست کو گورنر ہاؤس میں ہونے والی سکھ کانفرنس میں شرکت کی دعوت بھی دی گئی۔

    خیال رہے کہ کہ نارووال میں کرتار پور راہداری منصوبہ پر کام تکمیل کے آخری مراحل میں داخل ہوگیا ہے، نومبر میں بابا گرو نانک کے 550 ویں جنم دن تک تزئین و آرائش کا کام مکمل کر لیا جائے گا۔

    پاکستان کی جانب سے گوردوارہ سے بھارتی سرحد تک روڈ کی تعمیر 90 فیصد تک مکمل کرلی گئی ہے اور دریائے راوی پر بننے والا پل مکمل کر لیا ہے۔ کرتار پور گردوارہ دربار صاحب تک جانے والی سڑکوں پر کنکریٹ ڈال کر رولر چلایا جا رہا ہے، سڑک پر کنکریٹ ڈالنا بھی آخری مراحل میں داخل ہوگیا ہے۔

    گوردوارہ صاحب کمپلیکس پر بلڈنگ کا تعمیراتی کام بھی 60 فیصد تک مکمل ہے جبکہ رواں سال نومبر میں کرتار پور راہداری منصوبے پر کام تقریبات تک مکمل کر لیا جائے گا۔

  • کرتار پور راہداری پر دوسرا اجلاس 14جولائی کو واہگہ پر ہوگا، ترجمان دفتر خارجہ

    کرتار پور راہداری پر دوسرا اجلاس 14جولائی کو واہگہ پر ہوگا، ترجمان دفتر خارجہ

    اسلام آباد : ترجمان دفتر خارجہ نے کہا کرتار پور راہداری پر دوسرااجلاس 14جولائی کوواہگہ پرہوگا، پاکستان کرتار پور اجلاس کےمعاملات کی جلد تکمیل کا خواہاں ہے، اجلاس ٹیکنیکل ایشوز بھی زیر بحث لائے جائیں گے۔

    تفصیلات کے مطابق پاکستان نے کرتار پور راہداری پر دوسرے اجلاس کاشیڈول بھارت کودے دیا، ترجمان دفتر خارجہ ڈاکٹر فیصل نے کہا کرتار پور راہداری پر دوسرا اجلاس 14جولائی کوواہگہ پرہوگا، دوسرے اجلاس میں معاہدے کے ڈرافٹ کو حتمی شکل دی جائے گی۔

    اجلاس میں کرتارپور راہداری سے متعلق ٹیکنیکل ایشوز بھی زیر بحث لائے جائیں گے، پاکستان کرتار پور اجلاس کےمعاملات کی جلد تکمیل کاخواہاں ہے۔

    چند روز قبل پاکستان اور بھارت کے درمیان اعلی سطح کاسفارتی رابطہ ہوا تھا ، جس سے پاک بھارت وزرائےاعظم کی جلد ملاقات کا امکان پیدا ہوگیا ، دونوں وزرائے اعظم کے درمیان ملاقات کے لئے رابطے جاری ہیں۔

    مزید پڑھیں : بھارتی وزیراعظم کرتار پورکوریڈور کی تقریب میں شرکت کریں گے

    بھارتی وزیراعظم کرتار پورکوریڈور کی تقریب میں شرکت پرتیار ہوگئے، بابا گرو نانک کی سالگرہ پر مودی کرتار پورہ کوریڈور کا دورہ کریں گے، کرتار پور کوریڈور تقریب میں پاک بھارت وزرائے اعظم شریک ہوں گے جبکہ وزیراعظم عمران خان خصوصی تقریب کے مہمان خصوصی ہوں گے۔

    یاد رہے 16 اپریل کوکرتارپور راہداری پر پاک بھارت مذاکرات ہوئے تھے ، مذاکرات میں سڑک کی تعمیر ، باڑ لگانے اور نقشوں پرتبادلہ خیال کیا گیا تھا۔

    اس سے قبل 19 مارچ کو کرتار پور راہداری منصوبے پر پاک بھارت ٹیکنیکل ماہرین کی ملاقات زیرو لائن پر ہوئی تھی ، جس میں پاکستان اوربھارت نے کرتارپورراہداری پردونوں جانب باڑ لگانے پر اتفاق کرلیا تھا۔

    خیال رہے پاکستان باباگروناننک کے550ویں سالگرہ پرراہداری آپریشنل کرناچاہتاہے، پاکستان کی طرف سے راہداری منصوبہ پر 50 فیصد سے زائد کام مکمل کر لیا گیا ہے۔

    واضح رہے پاکستان گوردوارہ صاحب سے سرحد تک اپنی حدود میں کرتارپور کوریڈور فیز ون میں ساڑھے 4 کلو میٹر سڑک تعمیر کرے گا، اسی طرح بھارت بھی اپنی حدود میں سرحد تک راہداری بنائے گا۔

  • کرتار پور راہداری : پاک بھارت تکنیکی ماہرین کا اجلاس 16 اپریل کو ہوگا

    کرتار پور راہداری : پاک بھارت تکنیکی ماہرین کا اجلاس 16 اپریل کو ہوگا

    اسلام آباد : پاکستان نے کرتار پور راہداری پر مذاکرات کیلئے بھارت کی تجویز منظور کرلی، پاک بھارت تکنیکی ماہرین کا اجلاس16 اپریل کو ہوگا۔

    تفصیلات کے مطابق کرتار پور راہداری سے متعلق مذاکرات پر کسی نہ کسی بہانے سے جان چھڑانے والی مودی سرکار کو گھٹنے ٹیکنا پڑگئے، پاکستان کی جانب سے کشادہ دلی کا ایک اور مظاہرہ کرتے ہوئے بھارت کے مطالبے کو منظور کرلیا گیا۔

    پاکستان نے کرتار پور راہداری کی تعمیر سے متعلق مذاکرات کیلئے بھارت کی تجویز منظورکرلی، پاک بھارت تکنیکی ماہرین کا اجلاس16اپریل کو ہوگا، اس بات کی تصدیق ترجمان دفترخارجہ ڈاکٹرمحمد فیصل نے بھی کی ہے۔

    ترجمان دفترخارجہ کا کہنا ہے کہ پاکستان چاہتا ہے کہ باباگرونانک کے550ویں یوم پیدائش سے قبل رتار پور راہداری کی تعمیر مکمل ہو جائے، انہوں نے کہا کہ پاکستان نے تعمیری رابطوں کے جذبہ کے تحت بھارتی تجویز پر اتفاق کیا ہے، ہم بھارت کی جانب سے بھی مثبت رویہ کی توقع رکھتا ہے۔

    مزید پڑھیں: کرتار پور راہداری مذاکرات، پاکستانی وفد شرکت کرے گا، بھارت نے مقام تبدیل کردیا

    واضح رہے کہ بھارت نے راہداری پر مذاکرات سے انکار کرتے ہوئے شرط عائد کی تھی کہ پہلے ماہرین کی کمیٹی کا ایک اور اجلاس بلایا جائے، جس کے بعد بات چیت کو آگے بڑھایا جائے گا۔

  • کرتار پور راہداری معاملہ: پاکستان نے بھارتی حکومت کو اسلام آباد دورے کی دعوت دے دی

    کرتار پور راہداری معاملہ: پاکستان نے بھارتی حکومت کو اسلام آباد دورے کی دعوت دے دی

    اسلام آباد:کرتار  پور راہداری معاملے میں اہم پیش رفت ہوئی ہے، پاکستان نے بھارتی حکومت کو اسلام آباد دورے کی دعوت دے دی۔

    تفصیلات کے مطابق پاکستان کی جانب سے بھارت کو دورے کی باقاعدہ دعوت دے دی گئی، دفتر خارجہ کے ترجمان کے مطابق بھارت کو کرتار پور معاہدے پر مذاکرات کے لئے جلد وفد اسلام آباد بھیجے کا کہا ہے.

    پاکستان نے بھارتی وفد کے ساتھ مذاکرات سے معاہدے کو جلد حتمی شکل دینے کی تجویز دی ہے، پاکستان نے ڈاکٹر فیصل کو کرتار پور پر فوکل پرسن تعینات کردیا، کرتار  پور معاہدے کا ڈرافٹ بھارت کو بھجوا دیا گیا ہے۔

    ترجمان دفترخارجہ کے مطابق ڈرافٹ بھارتی ہائی کمیشن کے حوالے کردیا گیا ہے، پاکستان باباگرو نانک کے 550 ویں جنم دن پرکرتار پورراہداری کھولنے کا ارادہ رکھتا ہے.

    پاکستان نے موقف اختیار کیا کہ یہ فیصلہ اسلامی اصولوں کے مطابق کیا گیا، اسلامی اصولوں کے مطابق تمام مذاہب کا احترام کرتے ہیں، قائد کے وژن کے مطابق پر امن ہمسائیگی پر یقین رکھتے ہیں.

    کرتارپورکوریڈورکھول کر پاکستان نے بھارت کو چت کردیا، بھارتی میڈیا کا اعتراف

    ترجمان دفتر خارجہ کے مطابق پاکستان علاقائی امن و ترقی کے لئے کام کرتا رہے گا.

    یادر  رہے کہ گزشتہ برس 28 نومبر کو وزیراعظم عمران خان نے شکرگڑھ میں کرتارپورراہداری کا سنگ بنیاد رکھا تھا  اور دنیا کو پیغام دیاکہ پاکستان نفرت کا جواب بھی محبت سے دیتا ہے۔

    وزیراعظم نے اپنے خطاب میں بھارت کو پھر مذاکرات کی دعوت دیتے ہوئے کہا تھا کہ ہندوستان ایک قدم بڑھائے، ہم دوبڑھائیں گے، بارڈر کھل جائیں توتیزی سےغربت کم ہوگی۔

  • کرتار پور راہداری کھول کر پاکستان نے بھارت کو مثبت پیغام دیا ہے، عثمان بزدار

    کرتار پور راہداری کھول کر پاکستان نے بھارت کو مثبت پیغام دیا ہے، عثمان بزدار

    لاہور: وزیراعلیٰ پنجاب عثمان بزدار نے کہا ہے کہ پاکستان نے کرتار پور راہداری کھول کربھارت کو ایک اور مثبت پیغام دیا ہے، ہم امن پر یقین رکھتے ہیں۔

    ان خیالات کا اظہار انہوں نے بھارت سے آئے مہمانوں کے اعزاز میں وزیراعلیٰ میں منعقدہ تقریب سے خطاب کرتے ہوئے کیا، اس پروقار تقریب میں وفاقی وزیر اطلاعات فواد چوہدری، گورنر پنجاب چوہدری سرور،صوبائی وزراء، مشیران اور صحافیوں کی بڑی تعداد نے شرکت کی، تقریب میں بھارتی صحافی اور سابق کرکٹر نوجوت سنگھ سدھو سمیت دیگر بھارتی مہمان بھی موجود تھے۔

    اس موقع پر گفتگو کرتے ہوئے وزیراعلیٰ پنجاب نے کہا کہ سرحد پار سے آئے معزز مہمانوں کا لاہور آمد پر خیرمقدم کرتا ہوں، پاکستان ایک امن پسند ملک ہے، ہم امن پر یقین رکھتے ہیں، بھارت سمیت پوری دنیا کو امن اور دوستی کا پیغام دیتے ہیں۔

    وزیراعلیٰ عثمان بزدار نے کہا کہ پاکستان نے کرتار پور راہداری کھول کربھارت کو ایک اور مثبت پیغام دیا ہے، پاکستان میں سکھوں سمیت تمام اقلیتوں کو مکمل مذہبی آزادی حاصل ہے، پاکستان تمام مسائل کا حل بامقصد مذاکرات کے ذریعے چاہتا ہے، ہم کشمیر سمیت تمام مسائل کو گفتگو سےحل کرنا چاہتے ہیں، پاکستان میں رہنے والے صرف اور صرف محبت کرنا چاہتے ہیں۔

    دوست بدلے جا سکتے ہیں ہمسائے نہیں، فواد چوہدری 

    اس موقع پر گفتگو کرتے ہوئے وفاقی وزیر اطلاعات فواد چوہدری نے کہا کہ وزیراعظم عمران خان کرتار پور راہداری کھول کر نئی تاریخ لکھنے جا رہے ہیں، وزیراعظم نے قوم سے اپنے پہلے خطاب میں بھی کہا تھا کہ بھارت ایک قدم بڑھائے گا تو ہم دو قدم بڑھائیں گے۔

    فواد چوہدری کا مزید کہنا تھا کہ دونوں ملکوں کو غربت کے خاتمے کیلئے امن کا راستہ اختیار کرنا چاہیے، ہم کئی جنگیں لڑچکے ہیں جس سے کچھ حاصل نہیں ہوا، دوست بدلے جا سکتے ہیں ہمسائے نہیں۔