Tag: کرسٹین لگارڈ

دبئی: وزیر خارجہ شاہ محمود قریشی نے کہا ہے کہ ہمارا آئی ایم ایف کے ساتھ بنیادی نکات پر اتفاق رائے ہوگیا ہے۔

تفصیلات کے مطابق وزیر خارجہ شاہ محمود قریشی نے دبئی میں میڈیا سے گفتگو کرتے ہوئے کہا کہ وزیراعظم عمران خان کی آئی ایم ایف چیف کرسٹین لگارڈ سے ملاقات مفید رہی ہے، آئی ایم ایف کے ساتھ بنیادی نکات پر اتفاق رائے ہوگیا ہے۔

شاہ محمود قریشی نے کہا کہ خوشی ہے ہماری اور آئی ایم ایف کی سوچ میں مطابقت پائی جاتی ہے، عنقریب ایسا پروگرام لائیں گے جس سے کم آمدن والے طبقات کا تحفظ ہو۔

وزیر خارجہ شاہ محمود قریشی کا کہنا تھا کہ آئی ایم ایف چیف سے بنیادی اصولوں پر پیش رفت ہوئی ہے جلد مزید تکنیکی تفصیلات طے ہوں گی، پروگرام میں ہونے والی کامیاب مفاہمت کو جلد عملی جامہ پہنایا جائے گا۔

مزید پڑھیں: وزیراعظم عمران خان سے آئی ایم ایف کی ایم ڈی کرسٹین لگارڈ کی ملاقات

واضح رہے کہ کچھ دیر قبل وزیراعظم عمران خان سے آئی ایم ایف کی منیجنگ ڈائریکٹر کرسٹین لگارڈ نے ملاقات کی تھی جس میں آئی ایم ایف کو پاکستان کے موقف سے آگاہ کیا گیا۔

عالمی مالیاتی ادارے کی منیجنگ ڈائریکٹر کرسٹین لگارڈ نے کہا تھا کہ وزیراعظم عمران خان سے اچھی اور تعمیری ملاقات ہوئی جس میں پاکستان میں حالیہ معاشی ترقی اور مستقبل کے امکانات پر بات چیت ہوئی۔

کرسٹین لگارڈ نے کہا تھا کہ عمران خان کی حکومت کے معاشی اقدامات بہتری کے لیے ہیں، آئی ایم ایف پاکستان سے تعاون جاری رکھے گا۔

دبئی: وزیراعظم عمران خان سے آئی ایم ایف کی منیجنگ ڈائریکٹر کرسٹین لگارڈ نے ملاقات کی، جس میں آئی ایم ایف کو پاکستان کے موقف سے آگاہ کیا گیا۔

تفصیلات کے مطابق وزیراعظم عمران خان کی آئی ایم ایف کی منیجنگ ڈائریکٹر کرسٹین لگارڈ سے دبئی میں ملاقات ہوئی جس میں وزیر خارجہ شاہ محمود قریشی، وزیر خزانہ اسد عمر، مشیر تجارت عبدالرزاق داؤد ودیگر موجود تھے۔

ملاقات میں آئی ایم یف کو پاکستان کے موقف سے آگاہ کیا گیا، پاکستان کے معاشی استحکام سے متعلق معاملات بھی زیر غور آئے۔

عالمی مالیاتی ادارے کی منیجنگ ڈائریکٹر کرسٹین لگارڈ نے کہا کہ وزیراعظم عمران خان سے اچھی اور تعمیری ملاقات ہوئی جس میں پاکستان میں حالیہ معاشی ترقی اور مستقبل کے امکانات پر بات چیت ہوئی۔

کرسٹین لگارڈ نے کہا کہ عمران خان کی حکومت کے معاشی اقدامات بہتری کے لیے ہیں، آئی ایم ایف پاکستان سے تعاون جاری رکھے گا۔

آئی ایم ایف منیجنگ ڈائریکٹر سے ملاقات پر وزیراعظم عمران خان کا ردعمل

آئی ایم ایف منیجنگ ڈائریکٹر سے ہونے والی ملاقات پر وزیراعظم عمران خان نے کہا ہے کہ اہم معاملات پر آئی ایم ایف سے اتفاق رائے ہوا ہے، بہت سے معاملات پر آئی ایم ایف اور ہمارے خیالات میں ہم آہنگی ہے۔

وزیراعظم نے کہا کہ ملک میں پائیدار ترقی کے لیے اصلاحات ضروری ہیں، اصلاحاتی عمل میں کم آمدن والوں کو تحفظ ملے گا۔

In my meeting today with IMF Managing Director Christine Lagarde there was a convergence of our views on the need to carry out deep structural reforms to put the country on the path of sustainable development in which the most vulnerable segments of society are protected.

— Imran Khan (@ImranKhanPTI) February 10, 2019

واضح رہے کہ وزیراعظم عمران خان، وفاقی وزراء اور دیگر حکام کے ساتھ ایک روزہ دورے پر دبئی میں موجود ہیں جہاں انہوں نے ورلڈ گورنمنٹ سمٹ میں شرکت کی۔

یاد رہے کہ شاہ محمود قریشی کا کہنا تھا کہ دورے کے دوران ہماری آئی ایم ایف سربراہ سے میٹنگ ہوگی، آئی ایم ایف سے ایسی شرائط پرآگے بڑھنا چاہتے ہیں کہ عوام پربوجھ نہ پڑے۔

ان کا کہنا تھا کہ وزیراعظم کی کوشش ہے گڈ گورننس کا بہترین ماڈل متعارف کراسکیں، وزیراعظم کی کوشش ہے اصلاحات سے اداروں کی کارکردگی بہتربنائیں۔