لندن: نیوزی لینڈ کے سابق آل راؤنڈر کرس کینز پر عدالت سے غلط بیانی کرنے پر فرد جرم عائد کردی گئی جس کے بعد کرس کینز کی مشکلات مزید اضافہ ہوگیا ہے ۔
تفصیلات کے مطابق نیوزی لینڈ کے سابق آل راؤنڈر کرس کینز گزشتہ روز لندن کے ایک پولیس اسٹیشن میں حاضر ہوئے جہاں ان کو فرد جرم سے متعلق آگاہ کیا گیا۔ کینز قصوروار پائے گئے تو انہیں سات سال کیلئے جیل بھی بھیجا جا سکتا ہے۔
کینز دو اکتوبر کو ابتدائی سماعت کیلئے ویسٹ منسٹر مجسٹریٹ کے سامنے پیش ہوں گے، جس کے بعد انہیں جواب دعویٰ داخل کرانا ہوگا، اس معاملے کی مکمل سماعت لندن کے کورٹ آف جسٹس میں آئندہ سال مئی سے قبل ہونے کی کوئی امید نہیں ہے۔
للت مودی کیخلاف ہتک عزت کے کیس میں شواہد فراہم کرنے والے لندن کے بیرسٹر پر بھی فرد جرم عائد کی گئی ہے۔ کرس کینز پر میچ فکسنگ کا بھی الزام ہے جس کی وہ بار بار تردید کرتے آرہے ہیں۔
