Tag: کرغزستان

کرغزستان کی صورتحال پر وزیراعظم شہباز شریف نے وفاقی وزیر انجینئر امیر مقام کو بشکیک جانے کی ہدایت کردی۔

اے آر وائی نیوز کے مطابق وفاقی وزیر انجینئر امیر مقام آج شب ہی بشکیک روانہ ہوں گے، وزیراعظم نے پاکستانی طلبہ کے ریسکیو اور مدد کے لیے انہیں فوری بشکیک جانے کی ہدایت کی ہے۔

امیر مقام بشکیک میں اعلیٰ سرکاری حکام سے ملاقاتیں کریں گے، وہ پاکستانی طلبہ سے ملاقات کرکے مسائل بھی سنیں گے۔

انجینئر امیر مقام یقینی بنائیں گے کہ پاکستانی طلبہ کو کسی قسم کی مشکلات نہ ہوں۔

وزیراعظم شہباز شریف کا کہنا ہے کہ کرغزستان میں غیرملکی طلبہ مخالف فسادات پر گہری تشویش ہے، زخمی پاکستانی طلبہ کو سفارتخانے کی جانب سے معاونت فراہم کی جائے۔

انہوں نے کہا کہ مشکل وقت میں پاکستان کے بیٹے اور بیٹیوں کو تنہا نہیں چھوڑیں گے۔

وزیراعظم کا کہنا ہے کہ جو طلبہ پاکستان آنا چاہیں، حکومتی اہلکار سرکاری خرچ پر واپسی یقینی بنائیں، طلبہ اور والدین کے درمیان روابط کو برقرار رکھنے کے لیے سفارتخانہ معاونت کرے گا۔

واضح رہے کہ کرغزستان کے دارالحکومت بشکیک کے مقامی اورغیرملکی طلبہ میں ہنگامہ آرائی ہوگئی ہے، پاکستانی طلبہ بھی زد میں آگئے مشتعل کرغز طلبہ نے پاکستانی طلبہ کے ہاسٹلز پر حملے کردیے، متعدد طلبہ کے زخمی ہونے کی اطلاعات ہیں۔

مشتعل کرغز طلبہ کی جانب سے پاکستانی نوجوانوں کے ہاسٹلز پر حملے کرکے توڑ پھوڑ کی گئی اور پاکستانی طالبات کو بھی ہراساں کیا جا رہا ہے جس پر پاکستانی طلبہ تشویش کا شکار ہوگئے ہیں۔

بشکیک : کرغزستان میں پاکستانی سفارتخانے کا کہنا ہے کہ بشکیک میں کسی پاکستانی طالب علم کی ہلاکت نہیں ہوئی۔

تفصیلات کے مطابق کرغزستان میں پاکستانی سفارتخانے نے بیان میں کہا ہے کہ بشکیک میں طلباپرتشددمیں کسی پاکستانی طالب علم کی ہلاکت نہیں ہوئی، کرغزستان کی وزارت داخلہ نےبھی پریس ریلیزمیں کہاصورتحال قابومیں ہے۔

اس سے قبل کرغیزستان میں تعینات پاکستانی سفیر نے بتایا تھا کہ کرغیزحکام نےبتایاہےمظاہرین کو منتشر کردیا گیا ہے، بشکیک میں امن وامان کی صورتحال بہترہورہی ہے۔

ان کا کہنا تھا کہ مظاہروں میں 35کےقریب افرادزخمی ہوئے تاہم زخمیوں کی شناخت کرغیزحکام نےتاحال ظاہر نہیں کی۔

پاکستانی سفیر نے مزید بتایا کہ 13مئی کومصری طلبہ اورمقامی نوجوانوں میں جھگڑاہواتھا، لڑائی کے بعد بشکیک میں بہت اشتعال پھیل گیا، صبح سے500کےقریب کالزکاجواب دیاگیاہے، بشکیک میں 11ہزار کے قریب پاکستانی طلبہ موجودہیں۔

دوسری جانب پاکستانی طالب علم رضوان کا کہنا ہے کہ ابھی تک سفارت خانےکےحکام نےرابطہ نہیں کیا، 500کےقریب حملہ آوروں نےہاسٹلزمیں توڑپھوڑکی، بلوائیوں نےطالبات کوبھی تشددکانشانہ بنایا۔

طالب علم نے بتایا کہ مقامی لوگوں نےپاکستانی،بنگلہ دیشی اوردیگرغیرملکی طلبہ پرحملہ کیا، ایک ہزار سے زائد طلبہ ہاسٹل میں محصور ہیں۔

اسلام آباد : وزیراعظم شہباز شریف نے کرغزستان میں پاکستانی طلبہ کی صورتحال پر گہری تشویش کا اظہار کرتے ہوئے تمام تر ضروری مدد اور تعاون فراہمی کی ہدایت کردی۔

تفصیلات کے مطابق وزیراعظم شہباز شریف نے اپنے بیان میں میں کہا کرغزستان کے دارلحکومت بشکیک میں پاکستانی طلبہ کی صورتحال پر گہری تشویش ہے، پاکستانی سفیرکو تمام ترضروری مدداورتعاون فراہمی کی ہدایت کی ہے۔

شہبازشریف کا کہنا تھا کہ وزیراعظم آفس پاکستانی سفارت خانے سےرابطے میں ہے اور صورتحال پرمسلسل نظر رکھے ہوئےہیں۔

یاد رہے کرغزستان کےدارالحکومت بشکیک میں پاکستانی طلبہ کے ہاسٹلز پر حملے ہوئے ، جس میں پاکستانی طلبا بھی زد میں آئے۔

پاکستانی طلبہ نے بتایا تھا کہ پاکستانی ہاسٹلز پرحملےمیں متعدد طلبا زخمی ہوئے، بلوائی بہت بڑی تعدادمیں تھے،ہاسٹلزمیں توڑپھوڑ کی۔

طالبہ کا کہنا تھا کہ کل عرب ممالک کےطلبہ سےمقامی لوگوں کاجھگڑاہواتھا تاہم حملوں کےبعدکرغیزستان کی فوج ہوسٹلزکےباہرپہنچناشروع ہوگئے ہیں۔

بعد ازاں کرغیزستان میں تعینات پاکستانی سفیر حسن علی ضیغم نے سوشل میڈیاپرپیغام میں ہدایت کی تھی کہ حالات معمول پر آنے تک بشکیک میں موجود پاکستانی طلبہ گھروں کے اندر ہی رہیں۔

ان کا کہنا تھا کہ مقامی قانون نافذ کرنے والے اداروں سےرابطے میں ہیں اور طلبہ کی حفاظت یقینی بنانے کیلئے اقدامات کررہے ہیں۔