ARYNews.tv | Urdu – Har Lamha Bakhabar

Tag: کرفیو

  • مقبوضہ کشمیر میں کرفیو کا سترہواں روز

    مقبوضہ کشمیر میں کرفیو کا سترہواں روز

    سرینگر: مقبوضہ کشمیر میں بھارت کی ریاستی دہشت گردی جاری ہے، وادی میں نافذ کرفیو کو 17 دن ہوگئے۔ مقبوضہ وادی میں رابطے کے تمام ذرائع منقطع ہیں۔

    تفصیلات کے مطابق مقبوضہ کشمیر جاری کرفیو کو آج سترہواں روز ہے۔ دنیا کو دکھانے کے لیے قابض بھارت کے اوچھے ہتھکنڈے بھی جاری ہیں، بچوں کو زبردستی اسکول بھیجنے کے لیے والدین پر دباؤ ڈالا جارہا ہے۔

    کشمیر میڈیا سروس کے مطابق والدین نے کرفیو اور پابندیوں میں بچوں کو اسکول بھیجنے سے انکار کردیا ہے۔

    کرفیو کی خلاف ورزی کرتے ہوئے ہزاروں افراد نے سرینگر میں احتجاج بھی کیا۔ دکانیں اور کاروباری مراکز بند ہیں جبکہ کھانے پینے کی اشیا اور دواؤں کی بھی قلت پیدا ہوگئی ہے۔

    مقبوضہ وادی میں موبائل، انٹرنیٹ، لینڈ لائن اور ٹی وی نشریات بند ہیں۔ سری نگر میں آدھی رات کو بھارتی فوج نے مختلف مقامات پر چھاپے مار کر مزید 30 افراد گرفتار کرلیے۔

    یاد رہے کہ 5 اگست کو بھارتی وزیر داخلہ امیت شاہ نے آرٹیکل 370 ختم کرنے کا بل بھارتی پارلیمنٹ میں پیش کیا تھا۔ بل کی تجاویز کے تحت غیر مقامی افراد مقبوضہ کشمیر میں سرکاری نوکریاں حاصل کرسکیں گے اور 370 ختم ہونے سے مقبوضہ کشمیرکی خصوصی حیثیت بھی ختم ہوجائے گی۔

    بعد ازاں بھارتی صدر نے آرٹیکل 370 ختم کرنے کے بل پر دستخط کر دیے اور گورنر کا عہدہ ختم کر کے اختیارات کونسل آف منسٹرز کو دے دیے۔

  • مقبوضہ کشمیر میں 16ویں روز بھی کرفیو

    مقبوضہ کشمیر میں 16ویں روز بھی کرفیو

    سری نگر: آرٹیکل 370 اے ختم کرنے کے بعد مقبوضہ کشمیر میں 16 ویں روز بھی کرفیو جاری ہے، موبائل فون، انٹرنیٹ سروس بند اور ٹی وی نشریات معطل ہیں۔

    تفصیلات کے مطابق مقبوضہ کشمیر میں آج مسلسل 16 ویں روز بھی کرفیو برقرار ہے اور مواصلات کا نظام مکمل پر معطل ہے، قابض انتظامیہ نے ٹیلی فون سروس بند کررکھی ہے جبکہ ذرائع ابلاغ پرسخت پابندیاں عائد ہیں۔

    کشمیرمیڈیا سروس کے مطابق مواصلاتی نظام کی معطلی، مسلسل کرفیو اور سخت پابندیوں کے باعث لوگوں کو بچوں کے لیے دودھ، زندگی بچانے والی ادویات اور دیگر اشیائے ضروریہ کی شدید قلت کا سامنا ہے۔

    عیدالاضحیٰ کے موقع پر بھی مقبوضہ وادی میں کرفیو نافذ رہا جس کے باعث مسلمان عید کی نماز اور سنت ابراہیمی علیہ اسلام ادا کرنے سے محروم رہے۔

    یاد رہے کہ پانچ اگست کو مودی سرکار نے کشمیر کو خصوصی حیثیت دینے والے بھارتی آئین کے آرٹیکل 370 اے کو ختم کردیا تھا۔

    راجیہ سبھا میں بل کے حق میں 125 جبکہ مخالفت میں 61 ووٹ آئے تھے، بھارت نے 6 اگست کو لوک سبھا سے بھی دونوں بل بھاری اکثریت کے ساتھ منظور کرالیے تھے۔

    کشمیرکشمیریوں کا ہے اوران کا موقف درست ہے، امرتیا سین

    واضح رہے کہ نوبیل انعام یافتہ بھارتی معیشت داں ڈاکٹر امرتیا سین کا کہنا ہے کہ جمہوریت کے بغیرمسئلہ کشمیرکا کوئی حل نہیں کرسکتا۔

  • مقبوضہ کشمیرمیں15ویں روز بھی کرفیو

    مقبوضہ کشمیرمیں15ویں روز بھی کرفیو

    سری نگر: آرٹیکل 370 اے ختم کرنے کے بعد مقبوضہ کشمیر میں 15ویں روز بھی کرفیو جاری ہے، موبائل فون، انٹرنیٹ سروس بند اور ٹی وی نشریات معطل ہیں۔

    تفصیلات کے مطابق بھارتی حکومت کی جانب سے مقبوضہ وادی کی خصوصی حیثیت آرٹیکل 370 اور 35اے کے خاتمے کے بعد سے وادی میں کرفیو نافذ ہے۔

    نہتے اور آزادی کی آواز اٹھانے والے حریت پسند کشمیریوں کے لیے جنت نظیر وادی دنیا کی سب سے بڑی جیل کی صورت اختیار کرگئی کیونکہ مسلسل کرفیو کے باعث وہاں اشیائے خوردونوش، ادویات سمیت غذائی اجناس کی شدید قلت پیدا ہوگئی۔

    حکومت نے مقبوضہ وادی میں کرفیو کے بعد سے انٹرنیٹ ، موبائل اور ٹیلی فون سروس بھی بند کی ہوئی ہے جبکہ صحافیوں کے داخلے اور کوریج پر بھی مکمل پابندی ہے۔

    انسانی حقوق کی عالمی تنظیم ایمنسٹی انٹرنیشنل کے مطابق کشمیر میں لاک ڈاؤن کے باعث کشمیری اظہار رائے نہیں کرپارہے جو انسانی حقوق کی خلاف ورزی ہے۔

    عیدالاضحیٰ کے موقع پر بھی مقبوضہ وادی میں کرفیو نافذ رہا جس کے باعث مسلمان عید کی نماز اور سنت ابراہیمی علیہ اسلام ادا کرنے سے محروم رہے۔

    یاد رہے کہ پانچ اگست کو مودی سرکار نے کشمیر کو خصوصی حیثیت دینے والے بھارتی آئین کے آرٹیکل 370 اے کو ختم کردیا تھا۔

    راجیہ سبھا میں بل کے حق میں 125 جبکہ مخالفت میں 61 ووٹ آئے تھے، بھارت نے 6 اگست کو لوک سبھا سے بھی دونوں بل بھاری اکثریت کے ساتھ منظور کرالیے تھے۔

  • کیا دنیا مقبوضہ کشمیر میں نسل کشی خاموشی سے دیکھتی رہے گی، عمران خان

    کیا دنیا مقبوضہ کشمیر میں نسل کشی خاموشی سے دیکھتی رہے گی، عمران خان

    اسلام آباد: وزیراعظم عمران خان کا کہنا ہے کہ مودی پہلے گجرات میں مسلمانوں کی نسل کشی کرچکا ہے، کیا دنیا مقبوضہ کشمیر میں نسل کشی خاموشی سے دیکھتی رہے گی۔

    تفصیلات کے مطابق سماجی رابطے کی ویب سائٹ ٹویٹر پر وزیراعظم عمران خان نے اپنے پیغام میں کہا کہ مقبوضہ کشمیرمیں 12 روز سے کرفیو ہے، پہلے سے ہیوی ملٹرائزڈ مقبوضہ علاقے میں اضافی فوجی موجود ہیں۔

    وزیراعظم نے کہا کہ بڑی تعداد میں آر ایس ایس کے غنڈے اور مکمل کمیونیکیشن بلیک آؤٹ ہے، انتہا پسندی اورتشدد کا سلسلہ شروع ہوسکتا ہے۔

    وزیراعظم عمران خان نے کہا کہ مودی پہلے گجرات میں مسلمانوں کی نسل کشی کرچکا ہے، کیا دنیا مقبوضہ کشمیر میں نسل کشی خاموشی سے دیکھتی رہے گی، عالمی برادری نے یہ ہونے دیا تومسلم دنیا میں اس کا شدید ردعمل ہوگا۔

    واضح رہے کہ بھارتی حکومت کی جانب سے آرٹیکل 370 اے ختم کرنے کے بعد مقبوضہ کشمیر میں گیارویں روز بھی کرفیو جاری ہے، مقبوضہ وادی کا بیرونی دنیا سے رابطہ بدستور منقطع ہے۔

    مقبوضہ کشمیر میں موبائل فون، انٹرنیٹ سروس بند اور ٹی وی نشریات معطل ہیں۔ مقبوضہ وادی میں کھانے پینے کی اشیا اور دواؤں کی قلت ہے، جامع مسجد کے اطراف رکاوٹیں لگائی گئی ہیں۔

  • مقبوضہ کشمیرمیں پانچویں روز بھی کرفیو

    مقبوضہ کشمیرمیں پانچویں روز بھی کرفیو

    سری نگر: آرٹیکل 370 اے ختم کرنے کے بعد مقبوضہ کشمیر میں پانچویں روز بھی کرفیو جاری ہے، موبائل فون، انٹرنیٹ سروس بند اور ٹی وی نشریات معطل ہیں۔

    تفصیلات کے مطابق بھارتی حکومت کی جانب سے آرٹیکل 370 اے ختم کرنے کے بعد مقبوضہ کشمیر میں پانچویں روز بھی کرفیو جاری ہے، مقبوضہ وادی کا بیرونی دنیا سے رابطہ بدستور منقطع ہے۔

    مقبوضہ کشمیر میں موبائل فون، انٹرنیٹ سروس بند اور ٹی وی نشریات معطل ہیں۔ مقبوضہ وادی میں کھانے پینے کی اشیا اور دواؤں کی قلت ہے، جامع مسجد کے اطراف رکاوٹیں لگائی گئی ہیں۔

    بھارتی میڈیا کے مطابق مقبوضہ کشمیرسے 30 قیدیوں کو آگرہ جیل منتقل کردیا گیا، قیدیوں کو طیارے کے ذریعے سری نگر سے آگرہ منتقل کیا گیا۔

    یاد رہے کہ پانچ روز قبل مودی سرکار نے کشمیر کو خصوصی حیثیت دینے والے بھارتی آئین کے آرٹیکل 370 اے کو ختم کردیا تھا۔ بھارتی اقدام کے خلاف کشمیری عوام سڑکوں پر نکل آئے اور مختلف مقامات پر بھارتی فوج کی فائرنگ سے 6 کشمیری شہید اور 100 کے قریب زخمی ہوگئے۔

    آرٹیکل370 کا خاتمہ مقبوضہ کشمیر کے لئے تباہ کن ہے ، امریکی اخبار

    واضح رہے کہ امریکی اخبار نیورک ٹائمز کا کہنا ہے کہ مودی، بی جے پی مقبوضہ کشمیر کی اسمبلی میں اکثریت چاہتی ہے ، آرٹیکل 370 کا خاتمہ مقبوضہ کشمیر کے لیے تباہ کن ہے۔

  • بھارتی اقدام سے کشمیریوں کی تحریک آزادی مزید تیز ہوگی: وزیر اعظم

    بھارتی اقدام سے کشمیریوں کی تحریک آزادی مزید تیز ہوگی: وزیر اعظم

    اسلام آباد: وزیر اعظم عمران خان نے کہا ہے کہ دنیا اس بات کی منتظر ہے کہ مقبوضہ کشمیر سے کرفیو اٹھے تاکہ وہ دیکھے کہ مظلوم کشمیریوں پر اس دوران کیا بیتی۔

    تفصیلات کے مطابق وزیر اعظم عمران خان نے اپنے تازہ ٹویٹ میں دنیا کو اس امر کی طرف متوجہ کیا ہے کہ مقبوضہ کشمیر میں جو کرفیو نافذ ہے، وہ کشمیریوں پر کیا اثرات مرتب کر رہا ہوگا۔

    انھوں نے ٹویٹ میں لکھا کہ دنیا منتظر ہے مقبوضہ کشمیر سے کرفیو اٹھے، تاکہ وہ دیکھے کہ مظلوم کشمیریوں کے ساتھ کیا ہوا۔

    عمران خان نے لکھا کہ کیا مودی سرکار سمجھتی ہے کہ وہ کشمیریوں کے خلاف زیادہ فوجی طاقت استعمال کر کے تحریک آزادی کو کچل دے گی؟

    انھوں نے بی جے پی حکومت کو خبردار کیا کہ بھارتی اقدام سے کشمیریوں کی تحریک آزادی مزید تیز ہوگی۔

    وزیر اعظم نے کہا کہ جو یقینی ہے وہ یہ ہے کہ دنیا کو مقبوضہ کشمیر میں اہل کشمیر کی نسل کشی کا بد ترین مظاہرہ دیکھنے کو ملے گا۔

    ان کا کہنا تھا کہ اہم سوال ہے کہ آیا ایک مرتبہ پھر ہمیں بی جے پی کی حکومت کی شکل میں فاشزم کی خوشامد دیکھنے کو ملے گی یا بین الاقوامی برادری اخلاقی قوت کا مظاہرہ کرتے ہوئے اس کا راستہ روکے گی؟

    وزیر اعظم کا کہنا تھا کہ بھارت کشمیریوں کی نسل کشی کی سازش کر رہا ہے، انٹرنیشنل کمیونٹی مقبوضہ کشمیر میں نسل کشی دیکھے گی، لیکن کیا وہ اسے ہونے سے بچانے کے لیے اخلاقی جرأت کا مظاہرہ بھی کرے گی یا روایتی خوشامد کا مظاہرہ کرے گی۔

  • قابض بھارتی فوج نے سری نگرمیں غیراعلانیہ کرفیو لگا دیا

    قابض بھارتی فوج نے سری نگرمیں غیراعلانیہ کرفیو لگا دیا

    سری نگر: قابض بھارتی فوج نے کشمیری رہنماؤں کو نظر بند کرکے دفعہ 144 نافذ کردی سری نگر سمیت پوری وادی کشمیر میں موبائل فون اور انٹرنیٹ سروس کو بھی بند کردیا گیا۔

    تفصیلات کے مطابق مقبوضہ کشمیر میں دفعہ 144 نافز کرکے وادی میں تمام تعلیمی اداروں کو تاحکم ثانی بند کردیا گیا۔ دفعہ 144 کے تحت لوگوں کی نقل وحرکت پر پابندی ہوگی اور تمام تعلیمی ادارے بھی بند رہیں گے۔

    سری نگر سمیت پوری وادی کشمیر میں موبائل فون اور انٹرنیٹ سروس کو بھی کردیا گیا ہے۔ مقبوضہ کشمیر میں 28 ہزار اہلکاروں کو بھی تعینات کردیا ہے۔

    دوسری جانب بھارتی فورسز نے کشمیری رہنماؤں کی نقل و حرکت پر مکمل پابندی لگا دی ہے، متعدد رہنما گھروں میں نظر بند کر دیے گئے ہیں۔

    متعدد کشمیری رہنما نظر بند، مقبوضہ وادی قید خانے میں تبدیل

    واضح رہے کہ بھارت کی جانب سے مقبوضہ کشمیر میں اضافی فوج کی تعیناتی سے وادی کی صورت حال گھمبیر ہو چکی ہے، بھارتی فورسز کے مظالم میں مزید اضافے کا خطرہ پیدا ہو گیا ہے جس کا خدشہ عالمی سطح پر بھی محسوس کیا جا رہا ہے۔

  • مقبوضہ کشمیر،بھارتی فوج سرکاری عمارت کا قبضہ نہیں چھڑاسکی

    مقبوضہ کشمیر،بھارتی فوج سرکاری عمارت کا قبضہ نہیں چھڑاسکی

    سری نگر : مقبوضہ کشمیرکےعلاقے پامپورمیں مسلح افراد اور بھارتی سیکورٹی فورسزکے درمیان جھڑپ تیسرے روز بھی جاری ہے۔

    تفصیلات کے مطابق سرجیکل اسٹرائیک کی دعوی دار بھارتی فوج مقبوضہ کشمیر میں تین روز قبل چند مسلح افراد کی جانب سے ایک عمارت پرحملے کے بعد قبضہ کرنے والے افراد کے خلاف کوئی کارروائی نہیں کرسکی ہے۔

    اسی سے متعلق : حریت پسند رہنما برہان وانی شہید

     

    ذرائع کے مطابق تین دن گذرنے کے باوجود مسلح افراد ابھی تک عمارت کے اندر موجود ہیں اور بھارتی فوج کے خلاف شدید مزاحمت کر رہے ہیں اور بھارتی فوج اب تک عمارت واگذار نہیں کروا سکی ہے۔

    kashmir1

    دوسری جانب بھارتی میڈیانےدعویٰ کیا ہےکہ مقابلے کےدوران ایک حملہ آورمارا گیا ہے جب کہ حملہ آوروں کی فائرنگ سے قابض بھارتی فوج کےتین اہلکارزخمی ہوگئے ہیں۔

    یہ بھی پڑھیں : کشمیر میں شہید ہونے والوں کی تعداد نواسی ہوگئی

    بھارتی میڈیا نے بھی اس بات کا اقرار کیا ہے کہ مذکورہ عمارت میں دوحملہ آورتاحال عمارت کے اندر موجود ہیں اورسخت مزاحمت کر رہے ہیں۔

    تاہم تجزیہ کاروں نےاڑی اوربارہ مولا کے بعد اس حملےکو بھی کشمیریوں کے خلاف بھارتی پروپیگنڈےکی نئی قسط قراردیا ہے جو اپنی موت آپ مر جائے گا۔

    kashmir2

    واضح رہے 28 جولائی کو حریت پسند نوجوان رہنما برہان وانی کی شہادت کے مسلسل 96 روز سے کرفیو نافذ ہے. خوارک کی کمی اورروزمرہ زندگی کے معاملات معطل ہونے کے باعث کشمیری سڑکوں پر نکل آئے ہیں اور بھارتی مظالم کے خلاف صدائے احتجاج بلند کر رہے ہیں۔

    یہ پڑھیں : بھارت دہشت گرد ملک ہے،مشال ملک

    سیکولرازم کی دعوی دار بھارتی فوج نے کشمیریوں کو محرم الحرام میں جلوس نکالنے اور سبیلیں لگانے پر پابندی عائد کردی ہے جس کے بعد سے مقبوضہ کشمیر کے عوام صدائے احتجاج بلند کرتے ہوئے سڑکون پر نکل آئے ہیں اور ہر حال میں عاشورہ کا جلوس نکالنے کا اعلان کیا۔

     

  • مقبوضہ کشمیرمیں‌ بھارتی فوجیوں کی فائرنگ سے 12سالہ بچہ شہید

    مقبوضہ کشمیرمیں‌ بھارتی فوجیوں کی فائرنگ سے 12سالہ بچہ شہید

    سری نگر: مقبوضہ کشمیرمیں بھارتی بربریت،مظاہر ین پرچھروں والی گن سے حملہ،بارہ سالہ بچہ شہید ہوگیا۔ واقعہ کے خلاف کرفیو کے باوجود لوگ سڑکوں پر آگئے۔

    تفصیلات کےمطابق سری نگر میں بھارتی فوج نے پیلٹ گنز سے فائرنگ کی،چھرے لگنے سے بارہ سالہ لڑکا شہید ہوگیا جس کے بعد سری نگر میں کشیدگی پھیل گئی،لوگ کرفیو توڑتے ہوئے گھروں سے نکل آئے اور احتحاج شروع کردیا۔

    قابض بھارتی فوج نے مظاہرین کو روکنے کے لیے شیلنگ اور لاٹھی چارج بھی کیا گیا جس کے نتیجے میں متعدد مظاہرین زخمی ہوگئے۔

    خیال رہے کہ برہان وانی کی شہادت کے بعد مقبوضہ کشمیر میں بھارتی بربریت کا سلسلہ جاری ہے،وادی میں آج92ویں روز بھی کرفیو نافذ اور زندگی مفلوج ہے۔

    یاد رہے کہ گزرے تین ماہ کے دوران بھارتی مظالم کےنتیجے میں ایک سو بیس کے قریب کشمیری شہید ہوچکے ہیں جبکہ پیلٹ گنز کے استعمال کے باعث سیکڑوں کی بینائی بھی چھن چکی ہے۔

    مزید پڑھیں: مقبوضہ کشمیر میں بھارتی فورسز کا مہلک ترین ہتھیاروں کا استعمال، درجنوں افراد نابینا

    واضح رہے کہ کشمیری رہنما برہان وانی کی شہادت کے بعد مقبوضہ کشمیر بدستورکشیدگی کی لپیٹ میں ہے،بھارتی فورسز مہلک ترین ہتھیار استعمال کر رہے ہیں جس سے درجنوں افراد نابینا ہوگئے ہیں۔

  • مقبوضہ کشمیر،باون روز بعد کئی علاقوں سے کرفیواُٹھا لیا گیا

    مقبوضہ کشمیر،باون روز بعد کئی علاقوں سے کرفیواُٹھا لیا گیا

    سری نگر: بھارتی فورسز نے سری نگر اور پلواما کے علاوہ کئی علاقوں سے باون روز سے جاری کرفیو اُٹھا لیا ہے۔

    تفصیلات کے مطابق بھارت کی کٹھ پتلی انتظامیہ نے کشمیریوں کےعزم اور ولولے کے سامنے ہتھیارڈال دیئے ہیں جس کلے بعد مقبوضہ وادی کے متعدد علاقوں میں باون روز سے جاری کرفیو اٹھا لیا گیا ہے تاہم سری نگر اور پلواما سمیت کچھ علاقوں میں کرفیو بدستور جاری ہے۔

    ذرائع کے مطابق معصوم اور نہتے کشمیری عوام پر ظلم کے پہاڑ توڑنے والی بھارتی نواز کٹھ پتلی انتظامیہ نے آخر کارخود ہی ہارمان کرکئی علاقوں سے کرفیو اٹھا لیا ہے

    اسی سے متعلق : بھارتی فوج کی بربریت،حریت پسند رہنما برہان وانی شہید

    چشمِ تماشا نے یہ بھی منظر دیکھا کہ نہتے کشمیریوں پر بربریت کی انتہا کرنے والے خود ہی ان کی خیریت بھی دریافت کررہے ہیں،بھارتی میڈیا کے مطابق کٹھ پتلی وزیراعلیٰ محبوبہ مفتی نے گزشتہ روز ایک سرکاری ہسپتال کا دورہ کیا اور زخمیوں کی عیادت کی۔

    یہ خبر بھی پڑھیں : کشمیر میں شہید ہونے والوں کی تعداد نواسی ہوگئی

    واضح رہے مقبوضہ کشمیرمیں باون روز سے جاری رفیو کے باعث زندگی مفلوج تھی جب کہ موبائل اور نیٹ کی سہولیات میں بندش کی وجہ ان علاقوں کا رابطہ دیگر علاقوں سے کٹ گیا تھا اور کرفیو کے باعث لوگ گھروں میں قید ہوگئے تھے سرکاری ریڈیوکی نشریات بھی بند کردی گئی ہیں۔

    حریت پسند رہنما برہان وانی کی بھارتی افواج کے ہاتھوں شہادت کے بعد پھوٹنے والے فسادات اور کشیدگی کے بعد لگائے گئے مسلسل کرفیو کے باعث کھانے پینے کی اشیا کی بھی شدید قلت پیدا ہوگئی تھی جب کہ کرفیو والے علاقوں میں کاروباری مراکز اورسرکاری ادارے بند تھے۔