کراچی: وزیراطلاعات سندھ ناصرحسین شاہ نے کہا ہے کہ کروناوائرس کے پیش نظر صوبائی حکومت غیرمعمولی اقدام اور مشکل فیصلے میں تاخیر نہیں کرے گی۔
تفصیلات کے مطابق سماجی رابطے کی ویب سائٹ ٹوئٹر پر ناصر حسین شاہ نے ٹوئٹ کیا کہ عوام کی بھلائی کے لیے کرفیو کی تجویز غور کیا جاسکتا ہے، یہ عالمگیر وبا انفرادی نہیں بلکہ اجتماعی نقصان کی حامل ہے۔
ان کا کہنا ہے کہ حکومت کو ان حالات میں عوام کا تعاون درکار ہوتا ہے، عوام کی بھلائی کے لیے کرفیو کی تجویز پر غور کیا جاسکتا ہے، کروناوائرس سے پیدا صورتحال پر عوام سے ہاتھ جوڑ کر اپیل کرتا ہوں کہ وہ احتیاطی تدابیر اپنائیں اور لاک ڈاؤن کو مدنظر رکھتے ہوئے گھروں سے غیرضروری باہر نہ نکلیں۔
وزیراطلاعات سندھ کا مزید کہنا تھا کہ عوام حکومت سندھ کے احکامات اور ہیلتھ ایڈوائزری پر سختی سے عمل کریں، عوام نے عمل نہ کیا تو مجبوراً سخت اور مشکل اقدام لینے پڑے گا۔
کورونا وائرس سے متعلق اچھی خبریں آنا شروع ہوگئی
خیال رہے ملک میں کروناوائرس کے مریضوں کی تعداد 892 ہوگئی ہے، سندھ میں کرونا کیسز کی تعداد تین سوننانوے، پنجاب میں دوسو اُنچاس، بلوچستان میں ایک سو دس، کے پی میں اڑتیس مریضوں کا علاج جاری ہے، گلگت بلتستان میں اسی، اسلام آباد میں پندرہ، آزاد کشمیر میں ایک مریض زیرعلاج ہے۔
ملک بھرمیں اب تک چھ مریض صحتیاب ہوئے اور7 افراد جاں بحق ہوگئے۔
