ARYNews.tv | Urdu – Har Lamha Bakhabar

Tag: کرنسی

  • سونے کی قیمت میں اضافے کا سلسلہ جاری، مزید سیکڑوں روپے مہنگا ہوگیا

    سونے کی قیمت میں اضافے کا سلسلہ جاری، مزید سیکڑوں روپے مہنگا ہوگیا

    کراچی: ملک میں سونے کی قیمت میں مسلسل تیسرے روز بھی اضافہ ہوگیا۔

    آل پاکستان جیمز اینڈ جیولرز ایسوسی ایشن کے مطابق پاکستان میں آج سونے کی فی تولہ قیمت میں 1300 روپے کا اضافہ ہوا جس کے بعد فی تولہ قیمت 2 لاکھ 78 ہزار 300 روپے ہوگئی۔

    اسی طرح 10 گرام سونے کی قیمت 1114 روپے بڑھنے کے بعد 2 لاکھ 38 ہزار 597 روپے رہی جبکہ عالمی مارکیٹ میں بھی سونے کی قیمت میں 13 ڈالر اضافہ ہوا جس کے بعد سونے کی قدر 2665 ڈالر فی اونس ہے۔

    پاکستان میں آج ڈالر اور دیگر کرنسیوں کی قیمت

    یاد رہے کہ سونا خریدنا روایتی طور پر محفوظ سرمایہ کاری سمجھا جاتا ہے جس کی قیمت افراط زر، سیاسی اور معاشی عدم استحکام کے اوقات میں بڑھ جاتی ہے۔

    اسے صدیوں سے کرنسی اور دولت کی شکل کے طور پر استعمال کیا جاتا رہا ہے، جب سرمایہ کار دوسرے اثاثوں کے بارے میں غیر یقینی محسوس کرتے ہیں، تو وہ اکثر سونا خریدے ہیں۔

    سال 2025 میں سونے کی قیمتیں کہاں تک جاسکتی ہے؟ – آڈیو

    پاکستان میں گزشتہ برس سونے کی قیمت کے تعین کے طریقہ کار میں تبدیلی کردی گئی تھی، جس کے تحت سونے کی قیمت انٹرنیشنل مارکیٹ ریٹ سے 20 ڈالر فی اونس زیادہ مقرر کی گئی۔

  • سونے کی قیمت میں ایک بار پھر سے بڑا اضافہ

    سونے کی قیمت میں ایک بار پھر سے بڑا اضافہ

    کراچی: مقامی مارکیٹ میں سونے کی قیمت میں ایک بار پھر سے بڑا اضافہ ہوگیا، فی تولہ سونے کی قیمت 2 لاکھ 60 ہزار سے تجاوز کرگئی۔

    اے آر وائی نیوز کے مطابق سونے کی فی تولہ قیمت میں 2300 روپے کا اضافہ ہوگیا ہے، سونے کی فی تولہ قیمت 2 لاکھ 64 ہزار روپے ہوگئی ہے جبکہ 10 گرام سونے کی قیمت میں 1972 روپے کا اضافہ ہوا۔

    اضافے کے بعد 10 گرام سونے کی قیمت 2 لاکھ 26 ہزار 337 روپے ہوگئی، عالمی مارکیٹ میں سونا 23 ڈالر کے اضافے سے 2524 ڈالر فی اونس ہوگیا ہے۔

    واضح رہے کہ سونا خریدنا روایتی طور پر محفوظ سرمایہ کاری سمجھا جاتا ہے جس کی قیمت افراط زر، سیاسی اور معاشی عدم استحکام کے اوقات میں بڑھ جاتی ہے۔

    اسے صدیوں سے کرنسی اور دولت کی شکل کے طور پر استعمال کیا جاتا رہا ہے، جب سرمایہ کار دوسرے اثاثوں کے بارے میں غیر یقینی محسوس کرتے ہیں، تو وہ اکثر سونا خریدے ہیں۔

    پاکستان میں گذشتہ برس سونے کی قیمت کے تعین کے طریقہ کار میں تبدیلی کردی گئی تھی، جس کے تحت سونے کی قیمت انٹرنیشنل مارکیٹ ریٹ سے 20 ڈالر فی اونس زیادہ مقرر کی گئی۔

    Currency Rates in Pakistan Today- پاکستان میں آج ڈالر کی قیمت

  • ملک بھر میں سونے کی قیمت میں کمی

    ملک بھر میں سونے کی قیمت میں کمی

    کراچی: پاکستان میں سونے کی فی تولہ قیمت میں 1000 روپے کی کمی ہوئی ہے۔

    آل پاکستان جیمز اینڈ جیولرز ایسوسی ایشن کے مطابق سونے کی فی تولہ قیمت 1000 روپے کم ہونے کے بعد 2 لاکھ 61 ہزار 500 روپے ہوگئی ہے۔

    ایسوسی ایشن کے مطابق 10 گرام سونے کا بھاؤ 857  روپے کم ہوکر 2 لاکھ 24 ہزار 194  روپے ہے، اس کے علاوہ عالمی مارکیٹ میں سونا 5 ڈالر کی کمی سے 2498 ڈالر فی اونس کا ہوگیا۔

    خیال رہے سونا خریدنا روایتی طور پر محفوظ سرمایہ کاری سمجھا جاتا ہے جس کی قیمت افراط زر، سیاسی اور معاشی عدم استحکام کے اوقات میں بڑھ جاتی ہے۔

    سونے کو صدیوں سے کرنسی اور دولت کی شکل کے طور پر استعمال کیا جاتا رہا ہے، جب سرمایہ کار دوسرے اثاثوں کے بارے میں غیر یقینی محسوس کرتے ہیں، تو وہ اکثر سونا خریدتے ہیں۔

    پاکستان میں گذشتہ برس سونے کی قیمت کے تعین کے طریقہ کار میں تبدیلی کردی گئی تھی، جس کے تحت سونے کی قیمت انٹرنیشنل مارکیٹ ریٹ سے 20 ڈالر فی اونس زیادہ مقرر کی گئی ہے۔

  • پاکستان میں سونے کی قیمت میں مزید اضافہ

    کراچی: عالمی مارکیٹ میں سونے کی قیمت میں اضافے کی بعد آج بھی صرافہ مارکیٹ میں قیمت میں اضافہ ریکارڈ کیا گیا ہے۔

    آل پاکستان جیمز اینڈ جیولرز ایسوسی ایشن کے مطابق 1200 روپے اضافے سے ملک میں سونے کی فی تولہ قیمت 2 لاکھ 53 ہزار 500 روپے ہے۔

    آل پاکستان جیمز اینڈ جیولرز ایسوسی ایشن کے مطابق 10 گرام سونے کی قیمت 1029 روپے اضافے سے 2 لاکھ 17 ہزار 335 روپے ہے۔

    ایسوسی ایشن کے مطابق عالمی مارکیٹ میں 27 ڈالر اضافے سے فی اونس سونا 2415 ڈالر کا ہوگیا جبکہ چاندی کی فی تولہ قیمت 40 روپے کے اضافے سے 2 ہزار 900 روپے ہو گئی۔

    واضح رہے کہ سونا خریدنا روایتی طور پر محفوظ سرمایہ کاری سمجھا جاتا ہے جس کی قیمت افراط زر، سیاسی اور معاشی عدم استحکام کے اوقات میں بڑھ جاتی ہے۔

    اسے صدیوں سے کرنسی اور دولت کی شکل کے طور پر استعمال کیا جاتا رہا ہے، جب سرمایہ کار دوسرے اثاثوں کے بارے میں غیر یقینی محسوس کرتے ہیں، تو وہ اکثر سونا خریدے ہیں۔

     پاکستان میں گذشتہ برس سونے کی قیمت کے تعین کے طریقہ کار میں تبدیلی کردی گئی تھی، جس کے تحت سونے کی قیمت انٹرنیشنل مارکیٹ ریٹ سے 20 ڈالر فی اونس زیادہ مقرر کی گئی۔

  • حوالہ ہنڈی اور کرنسی کی غیر قانونی ایکسچینج میں ملوث 4 ملزمان گرفتار

    حوالہ ہنڈی اور کرنسی کی غیر قانونی ایکسچینج میں ملوث 4 ملزمان گرفتار

    لاہور: وفاقی تحقیقاتی ادارہ (ایف آئی اے) نے حوالہ ہنڈی اور کرنسی کی غیر قانونی ایکسچینج میں ملوث 4 ملزمان کو گرفتار کرلیا۔

    تفصیلات کے مطابق لاہور کے نیو انارکلی اور ہال روڈ میں گینگ کے ٹھکانوں پر چھاپہ مار کارروائیاں کی گئیں، اس کارروائی میں حوالہ ہنڈی اور کرنسی کی غیرقانونی ایکسچینج میں ملوث 4 ملزمان کو گرفتار کیا گیا۔

    ایف آئی اے حکام کے مطابق گرفتار ملزمان سے 25 لاکھ 76 ہزار روپے سے زائد رقم برآمد کرلی گئی، ملزمان سے ہنڈی حوالہ سے متعلق ریکارڈ بھی برآمد کرلیا گیا۔

    ایف آئی اے حکام کے مطابق ملزمان کیخلاف مقدمات درج کرلی گئی ہے جبکہ تفتیش جاری ہے۔

  • کرنسی سستی ہو گئی، اسٹیٹ بینک

    کرنسی سستی ہو گئی، اسٹیٹ بینک

    کراچی: اسٹیٹ بینک آف پاکستان نے کرنسی مارکیٹ کی ہفتہ وار رپورٹ جاری کر دی۔

    تفصیلات کے مطابق اسٹیٹ بینک نے کہا ہے کہ آئی ایم ایف سے 70 کروڑ ڈالر کی منظوری کے بعد روپے کی قدر میں بہتری آ گئی ہے، جب کہ گزشتہ ایک ہفتے میں انٹر بینک میں امریکی ڈالر ایک روپے 4 پیسے سستا ہو گیا۔

    گزشتہ ایک ہفتے میں انٹر بینک میں ڈالر 281 روپے 40 پیسے سے گھٹ کر 280 روپے 36 پیسے کا ہو گیا، انٹر بینک کے بعد اوپن مارکیٹ میں بھی کرنسی سستی ہو گئی ہے، ایک ہفتے میں اوپن مارکیٹ میں ڈالر 86 پیسے کمی سے 281 روپے 50 پیسے کا ہو گیا۔

    رپورٹ کے مطابق ایک ہفتے میں اوپن مارکیٹ میں یورو 25 پیسے سستا ہو کر 308 روپے 40 پیسے کا ہو گیا، ایک ہفتے میں اماراتی درہم 35 پیسے کمی سے 76 روپے 70 پیسے کا ہوا، سعودی ریال 14 پیسے کمی سے 75 روپے 15 پیسے پر بند ہوا۔

    پیٹرول کتنا سستا ہونے والا ہے؟ عوام کے لیے بڑی خوشخبری آگئی

    اسٹیٹ بینک کے مطابق ایک ہفتے میں بیرونی قرض کی مد میں 6 کروڑ 60 لاکھ ڈالر کی ادائیگی کی گئی، اسٹیٹ بینک کے ذخائر 6.60 کروڑ ڈالر کمی سے 8 ارب 15 کروڑ ڈالر رہ گئے، کمرشل بینکوں کے ذخائر 10.2 کروڑ ڈالر اضافے سے 5.10 ارب ڈالر ہوئے، ملکی مجموعی ذخائر 3.60 کروڑ ڈالر بڑھ کر 13 ارب 25 کروڑ ڈالر ہو گئے ہیں۔

  • پاکستانی روپے نے بڑا اعزاز اپنے نام کرلیا

    پاکستانی روپے نے بڑا اعزاز اپنے نام کرلیا

    اسلام آباد : امریکی ڈالر کے مقابلے میں پاکستانی روپیہ یومیہ بنیادوں پر مسلسل تگڑا ہورہا ہے جس کے سبب روپے کو دنیا میں نمایاں مقام مل گیا۔

    تفصیلات کے مطابق پاکستانی کرنسی نے رواں ماہ ستمبر میں ڈالر کے مقابلے میں دنیا کی بہترین کارکردگی والی کرنسی کا اعزاز حاصل کرلیا۔

    اس حوالے سے بلوم برگ اور اسٹیٹ بینک کی جانب کردہ فراہم کردہ اعداد و شمار کے مطابق امریکی ڈالر کے مقابلہ میں ستمبر میں پاکستانی کرنسی کی قدر میں 5.4 فیصد کی نمو ریکارڈ کی گئی جو دنیا بھر میں امریکی ڈالر کے مقابلہ میں سب سے زیادہ ہے۔

    31اگست کو امریکی ڈالر کے مقابلے میں پاکستانی کرنسی کی قدر 305.54 روپے ریکارڈ کی گئی جو 26 ستمبر کو 289.80 روپے ہوگئی۔

    اس فہرست میں کولمبیا کی کرنسی دوسرے اور موریشیس کی کرنسی تیسرے نمبر پر رہی۔ کولمبیا کی کرنسی کی قدر میں ستمبر کے دوران ڈالر کے مقابلہ میں 0.8 فیصد کی بڑھوتری ریکارڈ کی گئی، اسی طرح موریشیس کی کرنسی کی قدر میں گزشتہ ایک ماہ کے دوران 0.5 فیصد کی شرح سے نمو دیکھنے میں آئی۔

  • فوٹیج: وائٹ کرولا گینگ کی بڑی واردات، 1 کروڑ مالیت کی کرنسی اور زیورات لوٹ کر فرار

    فوٹیج: وائٹ کرولا گینگ کی بڑی واردات، 1 کروڑ مالیت کی کرنسی اور زیورات لوٹ کر فرار

    کراچی: شارع فیصل کے علاقے میں وائٹ کرولا گینگ نے اہلخانہ کو یرغمال بنا کر گھر میں واردات کی جس کی فوٹیج سامنے آگئی۔

    اے آر وائی نیوز کے مطابق کراچی کے علاقے شارع فیصل گلشن 10 میں کرولا گینگ نے گھر میں ڈکیتی کے دوران مکینوں کو یرغمال بنا کر 1 کروڑ مالیت کی ملکی، غیر ملکی کرنسی اور زیورات لوٹ کر فرار ہوگئے۔

     

    فوٹیج میں ملزمان کو وائٹ کرولا میں واردات کیلئے آتے دیکھا جاسکتا ہے، پولیس نے واردات کی رپورٹ درج کرلی جس کے بعد سے ملزمان کی تلاش جاری ہے۔

    بڑھتی وارداتوں سے شہری خوف کا شکار ہیں، شارع فیصل سےملحقہ علاقوں میں ڈکیت گینگ ایک ہفتے کے دوران درجنوں شہریوں کو قیمتی اشیا سے محروم کرچکے ہیں۔

  • ایران: معیشت کو شدید دھچکا، کرنسی ارزاں ترین، ڈالر کی قیمت لاکھوں ہوگئی

    تہران: ایران میں یورپی یونین کی پابندیوں کے خدشے اور طویل عرصے سے جاری احتجاج کی وجہ سے معیشت کو شدید دھچکا لگا ہے اور مقامی کرنسی کی قیمت گر چکی ہے، ایک ڈالر 4 لاکھ ایرانی ریال کا ہوگیا ہے۔

    بین الاقوامی ویب سائٹ کے مطابق ایران کی کرنسی، ڈالر کے مقابلے میں تاریخ کی کم ترین سطح پر آگئی ہے جس کے باعث اوپن مارکیٹ میں ایک ڈالر لاکھوں ریال تک جا پہنچا ہے۔

    ایران کو ان دنوں یورپی یونین کی جانب سے مزید پابندیوں کے خدشے کا سامنا ہے جس کے باعث ڈالر کے مقابلے میں ایران کی کرنسی تاریخ کی کم ترین سطح پر آگئی ہے۔

    میڈیا رپورٹس میں بتایا گیا ہے کہ ہفتے کے روز ایرانی پاسداران انقلاب پر نئی پابندیوں کے خدشے کے پیش نظر مارکیٹ میں ایرانی ریال پر مزید اثر پڑا اور اوپن مارکیٹ میں ایک امریکی ڈالر 4 لاکھ 47 ہزار ریال تک جا پہنچا۔

    یورپی یونین ایران پر مزید پابندیاں عائد کرنے پر غور کر رہی ہے جس میں اس بار ایرانی پاسداران انقلاب کو بھی شامل کیا جاسکتا ہے جبکہ یورپی یونین کے بعض ارکان ایرانی پاسداران انقلاب کو دہشت گرد تنظیم قرار دینا چاہتے ہیں۔

    ہفتے کے روز اوپن مارکیٹ میں امریکی ڈالر 4 لاکھ 47 ہزار ریال تک جا پہنچا جبکہ گزشتہ ہفتے ایک ڈالر کی قیمت 4 لاکھ 30 ہزار 500 ریال تھی۔

    میڈیا رپورٹس کے مطابق ایران میں احتجاج سے لے کر اب تک ریال کی قدر میں 29 فیصد کمی واقع ہوئی ہے۔

    ہفتے کے روز ایرانی سینٹرل بینک کے گورنر کی جانب سے جاری بیان میں کہا گیا تھا کہ ایرانی ریال کا گرنا اس کے خلاف ایک نفسیاتی آپریشن کے نتیجے میں ہے، دشمنی ملکوں کی تنظمیں ایران میں عدم استحکام پیدا کر رہی ہیں۔

  • کروشیا نے یورو کو اپنی کرنسی کے طور پر اپنا لیا

    کروشیا نے بھی یورپی یونین کی مشترکہ کرنسی یورو کو اپنا لیا ہے۔

    غیر ملکی میڈیا رپورٹ کے مطابق 31 برس قبل یوگوسلاویہ کی تقسیم کے نتیجے میں ایک آزاد ملک کے طور پر وجود میں آنے والے اس ملک کے لیے اس پیش رفت کو ایک تاریخی اقدام کے طور پر یاد رکھا جائے گا۔

    ماہرین کا کہنا ہے کہ یورو کو اپنانے سے کروشیا کو بہت سارے اقتصادی فائدے ہوں گے کیونکہ یورپی یونین کے 19دیگر ممالک اور یورپی سینٹرل بینک اسی کرنسی کا استعمال کرتے ہیں۔

    ماہرین کے مطابق اس کا ایک دوسرا فائدہ یہ بھی ہوگا کہ یورو زون میں اس وقت رہنے والی 340 ملین آبادی کو کروشیائی کرنسی کونا کے لیے یورو کو تبدیل کرانے کی ضرورت نہیں ہوگی اور وہ اپنے شاندار اور دلفریب ساحلی علاقوں کے لیے مشہور کروشیا کا بلاروک ٹوک سفر کرسکیں گے۔

    کروشیائی وزیر اعظم آندریز پلین کووچ نے کہا کہ اس سے ہماری معیشت میں مثبت تبدیلیاں آئیں گی۔

    کروشیائی وزیر اعظم آندریز پلین کووچ نے ایک تقریب سے خطاب کرتے ہوئے کہا تھا یوروپی یونین میں رکنیت کے دس برس بعد ہم تاریخ میں واحد ملک بننے جا رہے ہیں جو اپنی پسند اور مرضی سے شینگین اور یورو زون میں بیک وقت ایک ہی دن شامل ہو رہا ہے۔

    کروشیائی وزیر اعظم کا کہنا تھا کچھ ملکوں نے مختصر وقفے کے بعد یکے بعد دیگر یہ دونوں اہداف حاصل کیے لیکن ایسا کوئی بھی ملک نہیں ہے جس نے ایک ہی وقت میں یہ دونوں چیزیں حاصل کی ہوں۔