ARYNews.tv | Urdu – Har Lamha Bakhabar

Tag: کرنٹ اکاؤنٹ

  • پاکستانی معیشت کے لیے اچھی خبر ، کرنٹ اکاؤنٹ 14 سال بعد سرپلس

    پاکستانی معیشت کے لیے اچھی خبر ، کرنٹ اکاؤنٹ 14 سال بعد سرپلس

    اسلام آباد : پاکستان کا کرنٹ اکاؤنٹ 14 سال بعد سرپلس ہوکر بلند ترین سطح پر پہنچ گیا، جون 2025 33 کروڑ ڈالر سرپلس رہا۔

    تفصیلات کے مطابق ملکی معیشت کے لیے اچھی خبر آگئی ، ملک کا کرنٹ اکاؤنٹ 14 سال بعد سرپلس ہوگیا۔

    اسٹیٹ بینک کی جانب سے بیان میں کہا گیا کہ مالی سال 2024-25 میں پاکستان کا کرنٹ اکاؤنٹ 2.1 ارب ڈالر سرپلس رہا ، مالی سال 2023-24 میں پاکستان کا کرنٹ اکاؤنٹ 2 ارب ڈالر خسارے میں رہا تھا۔

    مرکزی بینک کا کہنا تھا کہ مالی سال 2011 کے بعد پہلی بار ملک کا کرنٹ اکاؤنٹ سرپلس ہوا جون 2025 ملک کا کرنٹ اکاؤنٹ 33 کروڑ ڈالر سرپلس رہا جبکہ ون 2024 میں ملکی کرنٹ اکاؤنٹ 50 کروڑ ڈالر خسارے میں تھا۔

    ماہرین کا کہنا ہے کہ ریکارڈ ترسیلات زر سے پاکستان کا کرنٹ اکاؤنٹ سرپلس ہوا ہے۔

    وزیراعظم نے 2025 میں کرنٹ اکاؤنٹ سرپلس 2.1 ارب ڈالرز پہنچنے پر اظہار تشکر کرتے ہوئے کہا کہ کرنٹ اکاؤنٹ سرپلس 22سالوں کی بلندترین سطح پر پہنچنا خوش آئند ہے۔

    https://urdu.arynews.tv/dollar-currency-rate-pakistan-today/

    ان کا کہنا تھا کہ حکومتی اقدامات سے زرمبادلہ ذخائر 19 ارب روپےسےتجاوزکرگئے ،استحکام کی بنیادی وجہ ترسیلات زر اور برآمدات میں خاطر خواہ اضافہ ہے۔

    وزیراعظم نے مزید کہا کہ بہتر مالیاتی و معاشی اشاریے ظاہر کرتے ہیں کہ معیشت استحکام پرگامزن ہو چکی، حکومت کاروبار ،سرمایہ کار دوست ماحول مزیدبہتر کرنے کیلئےترجیحی اقدامات کررہی ہے ، حکومت کی معاشی ٹیم کی کاوشیں لائق تحسین ہے ،وزیراعظم شہبازشریف

  • پاکستانی معیشت کیلئے ایک اور اچھی خبر

    پاکستانی معیشت کیلئے ایک اور اچھی خبر

    کراچی : پاکستان کا کرنٹ اکاؤنٹ مسلسل پانچویں بار سرپلس  ہوگیا اور ایک ارب اکیس کروڑ ڈالر تک پہنچ گیا۔

    تفصیلات کے مطابق اسٹیٹ بینک آف پاکستان کی جانب سے جاری بیان میں کہا گیا ہے کہ جولائی تا دسمبر کرنٹ اکاؤنٹ ایک ارب اکیس کروڑ ڈالرسرپلس رہا۔

    مرکزی بینک کا کہنا تھا کہ گزشتہ مالی سال کے پہلے چھ ماہ میں اکاؤنٹ ایک ارب انتالیس کروڑ ستر لاکھ ڈالر خسارہ تھا تاہم مسلسل پانچویں ماہ دسمبر دو ہزارچوبیس میں بھی اٹھاون کروڑبیس لاکھ ڈالرسرپلس رہا ہے۔

    نومبر دو ہزار چوبیس میں کرنٹ اکاؤنٹ اڑسٹھ کروڑ چالیس لاکھ ڈالرسرپلس تھا اور پچھلے مالی سال کی اسی مدت کے مقابلے میں کافی بہتری آئی۔

    وزیراعظم شہباز شریف نے کرنٹ اکاؤنٹ مسلسل تیسرے ماہ سرپلس رہنے کا خیرمقدم کرتے ہوئے کہا کہ مسلسل تیسرے ماہ سرپلس رہنا معاشی پالیسیوں کی درست سمت ہونےکی سند ہے۔

    ان کا کہنا تھا کہ رواں مالی سال کے پہلے چھے ماہ میں 1.2 ارب ڈالر سرپلس تھا، رواں مالی سال میں سرپلس کو مزید بڑھانے کے لیے متحرک ہیں ، مثبت معاشی اشاریے تاجروں کےمعاشی پالیسیوں میں بڑھتےاعتماد کاعکاس ہے، اڑان پاکستان جیسے پروگرام سے ملکی معیشت کو مزید تقویت ملے گی۔

    https://urdu.arynews.tv/dollar-currency-rate-pakistan-today/

  • کرنٹ اکاؤنٹ خسارے سے پھر سرپلس میں آگیا

    کرنٹ اکاؤنٹ خسارے سے پھر سرپلس میں آگیا

    اسٹیٹ بینک آف پاکستان نے کہا ہے کہ کرنٹ اکاؤنٹ خسارے سے پھر سرپلس میں آگیا ہے، فروری میں کرنٹ اکاؤنٹ میں بہتری آئی۔

    تفصیلات کے مطابق اس سال کے آغاز میں 30 کروڑ ڈالر سے زائد کے خسارے میں رہنے والا کرنٹ اکاؤنٹ فروری 2024 میں پھر سے سرپلس میں آگیا ہے۔

    اسٹیٹ بینک نے کہا کہ فروری 24 میں کرنٹ اکاؤنٹ 12 کروڑ80 لاکھ ڈالر سرپلس رہا۔ جنوری میں کرنٹ اکاؤنٹ خسارہ 30 کروڑ 30 لاکھ ڈالر تھا۔

    رواں سال 8 ماہ میں کرنٹ اکاؤنٹ خسارہ 99 کروڑ 90 لاکھ ڈالررہ گیا ہے، گزشتہ سال 8 ماہ میں کرنٹ اکاؤنٹ خسارہ 3 ارب 84 کروڑ 60 لاکھ ڈالر تھا۔

  • ’پاکستان کے لیے عظیم خوش خبری‘ وزیر اعظم عمران خان کا ٹویٹ

    ’پاکستان کے لیے عظیم خوش خبری‘ وزیر اعظم عمران خان کا ٹویٹ

    اسلام آباد: وزیر اعظم عمران خان نے آج صبح قوم کو ایک ٹویٹ میں خوش خبری سنائی ہے کہ معیشت کے استحکام کے ساتھ آخر کار ہم درست سمت میں چل نکلے ہیں۔

    اے آر وائی نیوز کے مطابق وزیر اعظم عمران خان نے ایک ٹویٹ میں کرنٹ اکاؤنٹ کے سرپلس کی خوش خبری دیتے ہوئے آج صبح لکھا ’پاکستان کے لیے عظیم خوش خبری‘۔

    وزیر اعظم نے لکھا کہ بالآخر ہم درست سمت میں چل نکلے ہیں، ماہِ ستمبر میں 73 ملین ڈالر کے سر پلس کے ساتھ کرنٹ اکاؤنٹ پہلی سہ ماہی کے لیے 792 ملین ڈالر ہوگیا ہے۔

    وزیر اعظم کا کہنا تھا کہ گزشتہ برس اسی عرصے کے دوران کرنٹ اکاؤنٹ کو 1492 ملین ڈالر خسارے کاسامنا تھا، جب کہ گزشتہ ماہ کے دوران برآمدات میں 29 فی صد اضافہ ہوا اور ترسیلاتِ زر میں 9 فی صد اضافہ ہوا۔

    حکومت کے مؤثر معاشی اقدامات کے ثمرات، پاکستان کا کرنٹ اکاؤنٹ سرپلس میں آگیا

    یاد رہے کہ ستمبر کے آخر میں اسٹیٹ بینک آف پاکستان (ایس بی پی) نے سماجی رابطے کی ویب سائٹ پر جاری بیان میں کہا تھا کہ رواں مالی سال کے ابتدائی 2 ماہ کے دوران کرنٹ اکاؤنٹ سرپلس میں آگیا ہے، جولائی اور اگست 2020 میں کرنٹ اکاؤنٹ سرپلس 80 کروڑ 50 لاکھ ڈالرز ہوگیا۔

  • کرنٹ اکاؤنٹ خسارہ کم ہونا معیشت کے لیے خوش آئند ہے: مشیر خزانہ

    کرنٹ اکاؤنٹ خسارہ کم ہونا معیشت کے لیے خوش آئند ہے: مشیر خزانہ

    اسلام آباد: مشیر خزانہ ڈاکٹر عبد الحفیظ شیخ کا کہنا ہے کہ پاکستان کا 4 سال بعد کرنٹ اکاؤنٹ سرپلس ریکارڈ کیا گیا۔ معیشت کے لیے کرنٹ اکاؤنٹ خسارہ کم ہونا خوش آئند ہے۔

    تفصیلات کے مطابق مشیر خزانہ ڈاکٹر عبد الحفیظ شیخ نے سماجی رابطے کی ویب سائٹ ٹویٹر پر اپنے ٹویٹ میں کہا کہ پاکستان کا 4 سال بعد کرنٹ اکاؤنٹ سرپلس ریکارڈ کیا گیا۔

    عبد الحفیظ شیخ کا کہنا تھا کہ اکتوبر 2019 میں 1.2 ارب ڈالر خسارے کی بجائے 99 ملین ڈالر کا سر پلس رہا۔ ابتدائی 4 ماہ میں کرنٹ اکاؤنٹ خسارہ 73 فیصد تک کم ہوا۔

    اپنے ٹویٹ میں انہوں نے مزید کہا کہ معیشت کے لیے کرنٹ اکاؤنٹ خسارہ کم ہونا خوش آئند ہے۔

    خیال رہے کہ اسٹیٹ بینک آف پاکستان کے مطابق ملک کا کرنٹ اکاؤنٹ ساڑھے 4 سال بعد سر پلس ہوا، اکتوبر میں کرنٹ اکاؤنٹ 9 کروڑ 90 لاکھ ڈالر سر پلس رہا۔

    اسٹیٹ بینک کے مطابق جولائی تا اکتوبر کرنٹ اکاؤنٹ خسارے میں 4.49 ارب ڈالر ریکارڈ کمی ہوئی۔ جولائی تا اکتوبر کرنٹ اکاؤنٹ خسارہ گھٹ کر 1.47 ارب ڈالر رہ گیا۔ اسٹیٹ بینک کے مطابق گزشتہ مالی سال جولائی تا اکتوبر کرنٹ اکاؤنٹ خسارہ 5.56 ارب ڈالر تھا۔

    وزیر اعظم عمران خان نے بھی اپنے ٹویٹ میں خوشی کا اظہار کرتے ہوئے کہا تھا کہ پاکستان کی معیشت بالآخر درست سمت میں جارہی ہے، ہماری معاشی اصلاحات کا پھل ملنا شروع ہوگیا۔

    انہوں نے کہا تھا کہ اکتوبر میں پاکستان کے جاری کھاتے سرپلس ہوگئے، جاری کھاتوں کا یہ سر پلس 4 سال میں پہلی بار آیا ہے۔ جاری کھاتے 9 کروڑ 90 لاکھ ڈالر سر پلس رہے۔