Tag: کرنٹ

کراچی: شہر قائد کے علاقے ملیر ملت ٹاؤن میں قربانی کے جانور کو کرنٹ لگ گیا۔

تفصیلات کے مطابق کراچی کے علاقے ملیر میں قربانی کا ایک جانور کرنٹ کی زد میں آ گیا، تاہم اس سے قبل کہ جانور ہلاک ہو جاتا، مالک نے اسے فوری طور پر ذبح کر دیا۔

جیسے ہی علاقہ مکینوں نے دیکھا کہ جانور کو کرنٹ لگ گیا ہے، وہ بھی فوری طور پر جانور کے مالک کی مدد کے لیے پہنچے اور جانور کو ذبح کروانے میں مدد کی، جس کی وجہ سے مالک مزید نقصان سے بچ گیا۔

واضح رہے کہ آج مون سون بارشوں کا پہلا اسپیل شروع ہوا، جس سے کراچی کے مختلف علاقوں میں جگہ جگہ پانی کھڑا ہو گیا، اور کرنٹ لگنے کے مختلف واقعات پیش آئے۔

کراچی: شہر قائد میں آج بارش کے پانی میں ڈوبنے اور کرنٹ لگنے سے اموات کی تعداد 6 ہو گئی ہے۔

تفصیلات کے مطابق کراچی میں بارش کے پانی میں ڈوبنے اور کرنٹ لگنے کے واقعات جاری ہیں، آج بھی 6 افراد ڈوبنے اور کرنٹ لگنے سے جاں بحق ہو گئے۔

کورنگی کراسنگ ندی سے خاتون سمیت 2 افراد کی لاشیں ملیں، بلدیہ مشرف کالونی میں تالاب سے لڑکے کی لاش ملی، منظور کالونی جونیجو ٹاؤن نالے سے بھی ایک شخص کی لاش ملی۔

کراچی کے علاقے ناتھا خان نالے کے قریب کرنٹ لگنے سے ایک شخص جاں بحق ہوا، اورنگی ٹاؤن سیکٹر ڈی 14 کے قریب بھی گھر میں کرنٹ لگنے سے خاتون کا انتقال ہوا۔

سندھ بھر میں مون سون بارشوں میں 80 افراد جاں بحق

دوسری طرف کراچی میں بارش کے بعد بجلی کا نظام درہم برہم ہو چکا ہے، کے الیکٹرک کے 150 فیڈر ٹرپ کر چکے ہیں، 30 کیبل فالٹس سامنے آئے، 50 گھنٹے بعد بھی شہر کی بجلی مکمل بحال نہ ہو سکی، سٹی ریلوے کالونی ہمپ یارڈ میں بھی 48 گھنٹے سے بجلی غائب ہے۔

یاد رہے کہ گزشتہ روز بھی شہر کے مختلف علاقوں میں ڈوبنے اور کرنٹ لگنے سے 10 افراد جاں بحق ہو گئے تھے۔

سچل تھانے کی حدود میں 3 افراد برساتی نالے میں ڈوب گئے تھے، ڈوبنے والے افراد میں باپ بیٹا بھی شامل تھے، علاقے کا ایک شخص ڈوبنے والے باپ بیٹے کو بچانے گیا تو وہ بھی ڈوب گیا۔

گزشتہ روز وزیر اعلیٰ سندھ مراد علی شاہ نے کہا تھا کہ سندھ بھر میں مون سون بارشوں میں 80 افراد جاں بحق ہوئے ہیں۔

کراچی/ ٹھٹھہ: کینجھر جھیل اور حب ندی میں الگ الگ واقعات میں 7 افراد ڈوب گئے، ادھر کراچی میں کرنٹ لگنے سے ایک اور ہلاکت ہو گئی ہے۔

تفصیلات کے مطابق کینجھر جھیل میں 2 نوجوان ڈوب گئے جن کی لاشیں نکال لی گئی ہیں، جاں بحق دونوں نوجوانوں کا تعلق حیدر آباد سے تھا، ریسکیو ذرایع کا کہنا ہے کہ وقار، شہزاد جھمپیر کے قریب جھیل میں مچھلی کا شکار کر رہے تھے۔

ادھر کراچی میں حب ندی میں 5 افراد ڈوب گئے، جن میں سے 4 کی لاشیں نکال لی گئی ہیں، ڈوبنے والوں میں 13 سالہ حفضہ، 34 سالہ مہ جبین، سہیل، 4 سالہ اریب شامل ہیں۔

ریسکیو ذرایع نے بتایا کہ ڈوبنے والے 10 سالہ حمزہ کی تلاش جاری ہے، یہ حادثہ کراچی اور حب کی سرحدی پٹی ساکران کے قریب پیش آیا۔

یہ بھی پڑھیں:  کراچی کے مختلف علاقوں میں تیز بارش

دیگر واقعات میں کراچی کے علاقے دھوبی گھاٹ میں کرنٹ لگنے سے ایک شخص جاں بحق ہو گیا ہے، جب کہ اورنگی ٹاؤن میٹرو سینما کے قریب گھر کی چھت گر گئی، جس کے نتیجے میں ایک شخص جاں بحق اور ایک زخمی ہو گیا ہے۔

شہر کراچی میں آج تیز بارشوں کی وجہ سے ایف بی ایریا میں پانی کی لائن کے لیے کھودی گئی سڑک بیٹھ گئی، بارش کے دوران موٹر سائیکل سوار گڑھے میں گر کر زخمی ہو گیا۔

دوسری طرف ٹھٹھہ گوٹھ کپورانی کے مقام پر حفاظتی بند ٹوٹ گیا جس کے باعث متعدد گاؤں زیر آب آ گئے، فصلیں اور زرعی اراضی بھی زیر آب آ گئی ہے، اہل علاقہ نے حکومت سے بند بنانے کی اپیل کر دی ہے۔