ARYNews.tv | Urdu – Har Lamha Bakhabar

Tag: کرنٹ

  • کراچی: کرنٹ لگنے سے اموات کی رپورٹ آئی جی سندھ کو پیش

    کراچی: کرنٹ لگنے سے اموات کی رپورٹ آئی جی سندھ کو پیش

    کراچی: صوبہ سندھ کے دارالحکومت کراچی میں بارشوں کے دوران کرنٹ لگنے سے ہونے والی اموات کی رپورٹ میں کہا گیا ہے کہ کرنٹ لگنے سے 13 افراد جاں بحق ہوئے، کے الیکٹرک کے خلاف 10 مقدمات درج کیے گئے۔

    تفصیلات کے مطابق شہر قائد میں بارشوں کے دوران کرنٹ لگنے سے ہونے والی اموات سے متعلق رپورٹ انسپکٹر جنرل (آئی جی) سندھ کو پیش کردی گئی ہے۔

    اے آئی جی آپریشنز سندھ کی جانب سے پیش کردہ رپورٹ میں کہا گیا ہے کہ 29 جولائی سے 13 اگست تک شہر میں بارشیں ہوئیں، بارشوں کے دوران کرنٹ سے مجموعی طور پر 13 افراد جاں بحق ہوئے۔

    رپورٹ کے مطابق کرنٹ سے ہونے والی اموات کے بعد کراچی کے علاقوں درخشاں، پاپوش نگر، تیموریہ، شارع نور جہاں، اجمیر نگری، گلبہار، سائٹ، سپر ہائی وے اور بغدادی میں مقدمات درج ہوئے۔

    رپورٹ میں کہا گیا کہ ملیر سٹی میں درج مقدمات کی تعداد 2 ہے، جبکہ کرنٹ لگنے سے مجموعی طور پر درج مقدمات کی تعداد 10 ہے۔

    یاد رہے کہ کراچی میں ہونے والی مون سون کی تباہ کن بارشوں میں دو ہفتے کے دوران متعدد افراد کرنٹ لگنے سے جاں بحق ہوئے تھے۔ جاں بحق ہونے والوں میں خواتین اور بچے بھی شامل تھے۔

    ہلاکتوں کے بعد مرنے والوں کے لواحقین نے کے الیکٹرک کے خلاف کیسز درج کروانے شروع کردیے تھے۔

    2 روز قبل نیشنل الیکٹرک پاور ریگولیٹری اتھارٹی (نیپرا) نے بھی کراچی میں بارش کے دوران کرنٹ لگنے کے واقعات پر کے الیکٹرک کے خلاف نوٹس لیتے ہوئے غفلت برتنے کے الزامات کی باضابطہ تحقیقات کا فیصلہ کیا تھا۔

    نیپرا کے سینئر افسران کے الیکٹرک حکام سے تحقیقات کر کے 15 دن کے اندر رپورٹ جمع کروائیں گے۔

  • کراچی میں بارش، کرنٹ لگنے سے 6 افراد جاں بحق

    کراچی میں بارش، کرنٹ لگنے سے 6 افراد جاں بحق

    کراچی: شہر قائد کے مختلف علاقوں میں گرج چمک کے ساتھ بارش کا سلسلہ جاری ہے جبکہ 6 افراد کرنٹ لگنے سے جاں بحق ہوگئے۔

    تفصیلات کے مطابق کراچی میں بارش کے باعث کرنٹ لگنے سے 6 افراد جاں بحق ہوگئے، کرنٹ لگنے کے واقعات کھارادر، اورنگی ٹاؤن، سولجر بازار، منگھوپیر اور کورنگی میں پیش آئے۔

    کراچی میں کئی گھنٹے تک جاری رہنے والی بارش کے باعث شاہراہ فیصل، ڈیفنس، کلفٹن، گلستان جوہر، ایئرپورٹ، نیپا چورنگی، کورنگی، نارتھ ناظم آباد، بہادرآباد، اسٹیڈیم روڈ، لیاقت آباد اور ایف سی ایریا میں مختلف مقامات پر کئی فٹ تک پانی جمع ہوگیا۔

    کراچی میں رات بھرطوفانی بارش نے تباہی مچا دی

    محکمہ موسمیات کے مطابق 24 گھنٹے میں سب سے زیادہ بارش سرجانی ٹاؤن میں 150.6ملی میٹر اور گلشن حدید میں 149 ملی میٹر بارش ریکارڈ کی گئی۔

    یاد رہے کہ گزشتہ روز وقفے وقفے سے شہر کے مختلف علاقوں میں موسلادھار بارش ہوئی تھی جس کی وجہ سے نشیبی علاقوں میں پانی جمع ہوگیا تھا اور کچھ علاقوں میں بجلی بھی منقطع ہوگئی تھی۔

    محکمہ موسمیات کے مطابق بارشوں کا سلسلہ پیر تک جاری رہنے کی توقع ظاہر کی گئی ہے، آج گرج چمک کے ساتھ ہونے والی تیز بارشوں کے سبب اربن فلڈنگ کا بھی خدشہ ہے۔

  • 2 روز کے دوران کرنٹ لگنے سے جاں بحق افراد کی تعداد 15 ہو گئی

    2 روز کے دوران کرنٹ لگنے سے جاں بحق افراد کی تعداد 15 ہو گئی

    کراچی: موسلا دھار بارش میں شہری و صوبائی حکومت کی طرف سے انتظامی اقدامات نہ ہونے سے کراچی پانی پانی ہو چکا ہے، اس دوران دو روز میں کرنٹ لگنے سے 15 افراد زندگی سے ہاتھ دھو بیٹھے۔

    تفصیلات کے مطابق پاکستان کے سب سے بڑے شہر کی سڑکیں تالاب بن گئی ہیں، انڈر پاس ڈوب چکے ہیں، نالے بھی ابل پڑے ہیں، کئی علاقوں میں پانی گھروں میں داخل ہو چکا ہے۔

    کئی مقامات پر کے الیکٹرک کی نا اہلی کے باعث بجلی کے تار ٹوٹ کر گرے ہوئے ہیں، جن کے باعث اب تک چودہ افراد زندگی کی بازی ہار چکے ہیں۔

    کرنٹ لگنے سے اب تک ڈیفنس، گلشن جوہر، محمود آباد، ملیر اور بوٹ بوسن میں اموات واقع ہو چکی ہیں، ریسکیو ذرایع کا کہنا ہے کہ آج دوپہر سے کرنٹ لگنے کے واقعات میں 5 افراد جاں بحق ہوئے۔

    یہ بھی پڑھیں:  مزید بارش ہوئی تو سنبھالنا ناممکن ہو جائے گا، میئر کراچی کی مدد کے لیے وفاق سے اپیل

    ریسکیو ذرایع کے مطابق آج نارتھ ناظم آباد میں کرنٹ لگنے سے 2 لڑکے جاں بحق ہوئے، جن کی عمر 12 سے 14 سال تھی، فشری کے علاقے میں کرنٹ لگنے سے ایک مزدور جاں بحق ہو گیا۔

    واضح رہے کہ کل سے کراچی، حیدر آباد، ٹھٹھہ، بدین، دادو، نواب شاہ، ٹندو جام اور تھر سمیت اندرون سندھ میں مون سون کے بادل جم کر برسے ہیں، سب سے زیادہ بارش ٹھٹھہ میں 190 ملی میٹر ہوئی، حیدر آباد کی سڑکیں بھی تالاب کا منظر پیش کرنے لگی ہیں۔

    کراچی میں انتظامات نہ ہونے کے سبب سڑکوں پر جگہ جگہ تالاب بنے ہوئے ہیں، جس کے باعث بارش شہریوں کے لیے زحمت بن گئی ہے۔

    ادھر میئر کراچی نے شہر کے مختلف علاقوں کا دورہ کیا، اور وسائل نہ ہونے کا شکوہ کرتے ہوئے کہا کہ سندھ حکومت نہ فنڈز دیتی ہے نہ مشینری فراہم کر رہی ہے، دوسری طرف وزیر اعلیٰ سندھ کا بھی یہی کہنا ہے کہ ان کے پاس درکار مشینری دستیاب نہیں ہے۔

  • لاہورمیں بارش‘ چھتیں گرنے، کرنٹ لگنےسے6 افراد جاں بحق، دس زخمی، بجلی غائب

    لاہورمیں بارش‘ چھتیں گرنے، کرنٹ لگنےسے6 افراد جاں بحق، دس زخمی، بجلی غائب

    لاہور : تین گھنٹے کی موسلادھار بارش سے لاہور کی سڑکیں زیرِآب، گلی محلے اور گھرتالاب بن گئے، چھتیں گرنے اور کرنٹ لگنے سے چھ افراد جاں بحق چھ زخمی ہوگئے، بجلی کا نظام درہم برہم ہوگیا۔

    تفصیلات کے مطابق پنجاب میں بارش نے سابق خادم اعلیٰ کی اعلیٰ کارکردگی کا پول کھول دیا، پورا شہربارش کے پانی میں ڈوب گیا، سڑکیں ندی نالوں اورمحلے تالابوں کا منظر پیش کرنےلگے، سڑکیں بنانے والوں کے شہر کی سب سے بڑی اور اہم شاہراہ مال روڈ پر کئی فٹ گہرا شگاف پڑگیا۔

    تین گھنٹےمیں مسلسل بارش نے ن لیگی حکومت کی کارکردگی کو ڈبو دیا، میٹرو کے شہر میں لوگوں کوآمد ورفت کے لیے کشتیوں کا سہارا لینا پڑا، گلبرگ جیسے پوش علاقے بھی بارش کے پانی میں ڈوب گئے۔ گھروں میں پانی گھس گیا، گھروں میں موجود قیمتی سامان تباہ ہوکر رہ گیا۔


    لاہور میں آندھی کے ساتھ موسلادھاربارش نے تباہی مچادی، تین گھنٹےمیں 238 ملی میٹربارش کے بعد نالےاورمحلےتالاب بننے سے پیرس بنانے کے دعوے پانی میں غرق ہو گئے

    مختلف علاقوں ریواز گارڈن اور قرطبہ چوک  میں گھروں کی چھتیں گرنے کرنٹ لگنے سے 6 افراد جاں کی بازی ہار  گئے جبکہ دس افراد کو  زخمی حالت میں اسپتال منتقل کرنا پڑا ۔

     لاہور ہی کےعلاقے جوہرٹاؤن میں مکان کی چھت گرنے سے ماں او دو بچے زخمی ہوگئے جنہیں طبی امداد کے لیے اسپتال منتقل کیا گیا۔

    موسلادھار بارش سے شہر کے مختلف علاقوں میں دو سو سے زائد فیڈرز ٹرپ کرگئے، شادمان، مسلم ٹاؤن، ہربنس پورہ سمیت متعدد علاقے تاریکی میں ڈوب گئے۔

    طوفانی بارش کے باعث نشیبی علاقوں میں کئی کئی فٹ پانی جمع ہے، بارش کا سلسلہ تھم جانے کے بعد بھی پانی کی سطح میں کمی نہیں آسکی۔

    دوسری جانب واسا نے ایمرجنسی نافذ کرتے ہوئے نشیبی علاقوں سے پانی کو فوری طور پرنکالنے کی ہدایت جاری کردی، واضح رہے کہ محکمہ موسمیات کے مطابق بارشوں کا یہ سلسلہ آئندہ 48 گھنٹوں تک جانے رہنے کا امکان ہے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • لاہور: کرنٹ لگنے سے 2 افراد جاں بحق‘ 3 زخمی

    لاہور: کرنٹ لگنے سے 2 افراد جاں بحق‘ 3 زخمی

    لاہور: صوبہ پنجاب کے دارالحکومت لاہور میں زیرتعمیرعمارت میں کرنٹ لگنے سے 2 مزدور جاں بحق جبکہ 3 زخمی ہوگئے۔

    تفصیلات کے مطابق لاہور کے علاقے گرین ٹاؤن میں زیرتعمیر عمارت کا لینٹر ڈالتے ہوئے تعمیراتی مشین بجلی کی تاروں سے ٹکرا گئی جس کے نتیجے میں کرنٹ لگنے سے 2 مزدور جان کی بازی ہار گئے جبکہ 3 زخمی ہوگئے۔

    افسوس ناک حادثے میں زخمی ہونے والے تینوں افراد کو طبی امداد کے لیے اسپتال منتقل کردیا گیا جہاں ان کی حالت خطرے سے باہر بتائی جاتی ہے۔

    پولیس حکام کے مطابق حادثے میں جاں بحق ہونے والے افراد کی شناخت غلام رسول اور اللہ دتہ کے نام سے ہوئی ہے جو ضلع اوکاڑہ کے رہائشی ہیں۔

    لاہور: بیکری میں آگ لگنے سے 5 افراد جاں بحق

    خیال رہے کہ رواں سال 3 اپریل کو لاہور کے علاقے گارڈن ٹاؤن کی برکت مارکیٹ کی بیکری میں آگ لگنے سے 5 افراد جاں بحق ہوگئے تھے۔

    ٍٍٍٍٍٍٍٍٍٍٍٍٍفیصل آباد میں کرنٹ لگنےسے2 طالب علم جاں بحق

    یاد رہے کہ گزشتہ سال 29 اگست کو صوبہ پنجاب کے شہر فیصل آباد میں ہاسٹل میں مقیم نیشنل ٹیکسٹائل یونیورسٹی کے دو طالب علم کرنٹ لگنے سے جاں بحق ہوگئے تھے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • ٍٍٍٍٍٍٍٍٍٍٍٍٍفیصل آباد میں کرنٹ لگنےسے2 طالب علم جاں بحق

    ٍٍٍٍٍٍٍٍٍٍٍٍٍفیصل آباد میں کرنٹ لگنےسے2 طالب علم جاں بحق

    فیصل آباد: صوبہ پنجاب کے شہر فیصل آباد میں ہاسٹل میں مقیم نیشنل ٹیکسٹائل یونیورسٹی کے دو طالب علم کرنٹ لگنے سے جاں بحق ہوگئے۔

    تفصیلات کے مطابق فیصل آباد میں نیشنل ٹیکسٹائل یونیورسٹی کےطالب علم فیصل کا ہاتھ چھت کے اوپر سے گزرتے گیارہ سو کے وی کے تار سے چھوگیا، جس کے نتیجے میں وہ موقع پر ہی جاں بحق ہوگیا۔

    فیصل کو بچانے کی کوشش کرتے ہوئےاس کے پانچ ساتھی بھی کرنٹ لگنے سے جھلس کر شدید زخمی ہو گئے، جن میں سے ایک طالب علم شہبازبعد میں دم توڑ گیا۔

    ریسکیو اہلکاروں اورعلاقہ مکینوں نے زخمیوں کو الائیڈ اسپتال منتقل کردیا ہے جہاں ایک زخمی طالب علم کی حالت تشویش ناک بتائی جا رہی ہے۔

    کرنٹ لگنےسے 2 بچوں سمیت 4 افراد جاں بحق

    یاد رہے کہ گزشتہ ہفتے سوات کے علاقے مالم جبہ میں کرنٹ لگنے سے 2 بچے جاں بحق جبکہ حیدرآباد میں اسی نوعیت کے حادثے میں 2 افراد جاں بحق ہوگئے تھے۔

    لاہور: شادی والے گھر میں کرنٹ لگنے سے 3 افراد دم توڑ گئے

    واضح رہے کہ گزشتہ سال اکتوبر میں لاہور کے علاقے رشید پارک ہربنس پورہ کے شادی والے گھر میں کرنٹ لگنے سے تینوں دوست ابراہیم، معظم اور کاشف موقع پر ہی جاں بحق ہوگئے تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • کرنٹ لگنےسے 2 بچوں سمیت 4 افراد جاں بحق

    کرنٹ لگنےسے 2 بچوں سمیت 4 افراد جاں بحق

    سوات\حیدرآباد: سوات کے علاقے مالم جبہ میں کرنٹ لگنے سے 2 بچے جاں بحق جبکہ حیدرآباد میں اسی نوعیت کے حادثے میں 2 افراد جاں بحق ہوگئے۔

    تفصیلات کے مطابق خیبرپختونخوا میں سوات کے علاقے مالم جبہ میں شارٹ سرکٹ کے باعث کرنٹ لگنےسے 2 بچےجاں بحق جبکہ 2 زخمی ہوگئے۔

    ریسکیو ذرائع کے مطابق شارٹ سرکٹ سے 8 مکانات میں بھی آگ لگ گئی جس کے بعد بجلی کا نظام درہم برہم ہوگیا۔ علاقہ مکین اپنی مدد آپ کےتحت آگ بجھانے میں مصروف ہیں۔

    دوسری جانب سندھ کے شہر حیدرآباد میں بدین بس اسٹاپ مچھلی مارکیٹ کے سامنے 11ہزار وولٹ کی ہائی ٹینشن وائرٹوٹ کرگر گئی جس کی زد میں آکر 2 افراد جاں بحق اور تین زخمی ہوگئے۔

    گوجرانوالہ: پتنگ کی ڈور میں کرنٹ سے باپ جاں بحق، بیٹا بیٹی زخمی

    خیال رہے کہ گزشتہ ماہ گوجرانوالہ کے علاقے فاروق گنج میں بچوں نے ایک کٹی ہوئی پتنگ پکڑنے کی کوشش کی تو قاتل ڈورمیں دوڑتے کرنٹ نے دونوں بچوں کو پکڑ لیا تھا۔ باپ عبدالغفار بچوں کو بچاتے ہوئے خود جان کی بازی ہار گیا تھا۔

    لاہور: شادی والے گھر میں کرنٹ لگنے سے 3 افراد دم توڑ گئے

    واضح رہے کہ گزشتہ سال اکتوبر میں لاہور کے علاقے رشید پارک ہربنس پورہ کے شادی والے گھر میں کرنٹ لگنے سے تینوں دوست ابراہیم، معظم اور کاشف موقع پر ہی جاں بحق ہوگئے تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • کراچی: بارش کے باعث مختلف حادثات میں 6افراد جاں بحق

    کراچی: بارش کے باعث مختلف حادثات میں 6افراد جاں بحق

    کراچی : شہر قائد میں میں دوسرے روزجاری بارش کے دوران مختلف حادثات میں 6 افراد جان کی بازی ہار گئے.

    تفصیلات کےمطابق کراچی میں بارش کے دوران مختلف حادثات میں6 افراد جاں بحق ہوگئے.بارش کے بعد شہر کےمختلف علاقوں میں بجلی بھی غائب ہوگئی ہے.

    کراچی میں بارش ہوتے ہی بجلی چلی گئی ،دوسرے روز ہونے والی برسات کے بعد 180فیڈرزٹرپ کرگئے،شہر کے مختلف حصوں میں بجلی کی فراہمی معطل ہوکر رہ گئی ہے۔

    ترجمان کے الیکٹرک نے کہا ہے کہ 180کے قریب فیڈرز متاثر ہوئے ہیں، بجلی کی بحالی کے لیے کے الیکٹرک کا عملہ مصروف ہے.

    محکمہ موسمیات کے مطابق سب سے زیادہ 45ملی میٹر بارش لانڈھی میں ہوئی،ایئرپورٹ اور گلستان جوہر میں 18ملی میٹر ،گلشن حدید میں 17ملی میٹر اور صدر میں 4ملی میٹر بارش ریکارڈ کی گئی ہے .

    ریسکیو ذرائع کے مطابق اورنگی ٹاؤن ایم پی آر کالونی میں مکان کی دیوار گرنے سے ایک شخص جاں بحق جبکہ ایک زخمی ہوا، جسے اسپتال منتقل کردیا گیا ہے .

    ذرائع کے مطابق سول لائنز میں گھر کی چھت کا ایک حصے گرنے سے ایک شخص جاں بحق ہوا جبکہ نارتھ کراچی میں کرنٹ لگنے سے ایک شخص جان کی بازی ہار گیا.

    *کراچی: بارش کے باعث مختلف حادثات میں 15 افراد جاں بحق

    یاد رہے کہ رواں ماہ کے آغاز میں ہونے والی بارشوں میں مختلف حادثات کے دوران 15 افراد جان کی بازی ہار گئے تھے.

  • کراچی:بارش کے باعث مختلف حادثات میں 11 افرادجاں بحق

    کراچی:بارش کے باعث مختلف حادثات میں 11 افرادجاں بحق

    کراچی: شہرقائد میں بارش کےبعدکرنٹ لگنےاور مختلف واقعات میں 11 افرادجان کی بازی ہار گئے،جبکہ ایک شخص کرنٹ لگنے سے جھلس کر زخمی ہوگیا.

    تفصیلات کےمطابق کراچی میں بارش کے بعد حیسن آباد کے علاقے میں بجلی کا تار گرگیا،جس سے ٹکرا کر راہگیر جان کی بازی ہارگیا،جبکہ لیاری کے علاقے کھڈا مارکیٹ کے قریب بھی کرنٹ لگنے سے ایک شخص جاں بحق ہوگیا.

    دوسری جانب شہر قائد کےعلاقے گورنگی اور گلستان جوہر میں بھی بارش کے بعد کرنٹ لگنے سے دو افراد اور نیوکراچی میں کرنٹ لگنے سے ایک شخص جان کی بازی ہار گیا.

    ادھر گلشن اقبال بلاک تیرہ ڈی ٹو میں کرنٹ لگنے سے ایک شخص جھلس کر زخمی ہوگیا جسے اسپتال منتقل کردیا گیا،تاہم زخمی کی حالت خطرے سے باہر ہے.

    *کراچی میں کچھ دیر کی بارش سے 4 افراد ہلاک،سڑکوں پر پانی جمع، ٹریفک جام

    یاد رہے کہ گزشتہ ماہ کراچی میں ہونے والی بارشوں میں کرنٹ لگنے سے دو بچوں سمیت چار افراد جان کی بازی ہار گئے تھے.

  • حیدرآباد:کرنٹ لگنےسےدوبھائی جاں بحق

    حیدرآباد:کرنٹ لگنےسےدوبھائی جاں بحق

    حیدرآباد: ٹمبر مارکیٹ کے قریب کرنٹ لگنے سے دوسگے بھائی جاب بحق،جبکہ ایک شخص زخمی ہوگیا.

    تفصیلات کے مطابق حیدرآباد کے علاقے ٹمبر مارکیٹ کے قریب ایک فلیٹ پر سہیل اور آصف نامی نوجوان بجلی کا کام کرارہے تھے کہ بجلی کا کرنٹ لگنے کے باعث دونوں بھائیوں سمیت تین افرادکو بجلی کا کرنٹ لگا.

    کرنٹ لگنے کے باعث تینوں کوانتہائی تشویش ناک حالت میں سول اسپتال منتقل کیا گیاجہاں سہیل اور آصف نامی دونوں بھائی دم توڑ گئے،جبکہ بجلی کا کام کرنے والے الیکٹریشن کو انتہائی نازک حالت میں کراچی کےہسپتال منتقل کردیاگیا.